সমষ্টিবাসীৰ কাষলৈ গৈ উন্নয়ণৰ খতিয়ান দাঙি ধৰিলে বিধায়ক ৰূপক শৰ্মাই

সমষ্টিবাসীৰ কাষলৈ গৈ  ৰাইজৰ লগত মত বিনিময় কৰাৰ লগতে বিজেপি মিত্ৰজোঁটৰ চৰকাৰখনৰ কাৰ্যকালত নগাঁও সদৰ সমষ্টিত ৰূপায়ন হোৱা বিভিন্ন উন্নয়ন মূলক কাম কাজৰ খতিয়ান দাঙি ধৰিলে নগাঁও সদৰ সমষ্টিৰ বিধায়ক ৰূপক শৰ্মাই। নগাঁও সদৰ সমষ্টিৰ অন্তৰ্গত ভাৰতীয় জনতা পাৰ্টিৰ হয়বৰগাঁও মণ্ডল মহিলা মৰ্চাৰ উদ্যোগত আজি নগাঁও পৌৰসভাৰ ২০ নং মহলাৰ কুশল নগৰত  ঘৰে ঘৰে উপস্থিত হৈ বিধায়ক শৰ্মাই ৰাইজৰ লগত মত বিনিময় কৰাৰ লগতে অভাৱ অভিযোগৰ বুজ লয়  । আনহাতে প্ৰধানমন্ত্ৰী নৰেন্দ্ৰ মোডীয়ে দেশখনক আগুৱাই নিয়াৰ ক্ষেত্ৰত গ্ৰহণ কৰা পদক্ষেপৰ লগতে অসমৰ মুখ্যমন্ত্ৰী সৰ্বানন্দ সোণোৱালৰ  নেতৃত্বত বিজেপি মিত্ৰজোটৰ চৰকাৰখনে ৰূপায়ণ কৰা উন্নয়ন মূলক কাম কাজ সম্পৰ্কত মহলাটোৰ বাসিন্দাসকলক বিধায়ক শৰ্মাই অৱগত কৰে।ইয়াৰ উপৰি  বিগত দিনসমূহত বিধায়ক হিচাপে নগাঁও সদৰ সমষ্টিত কৰা উন্নয়ণ মূলক কাম-কাজ সম্পৰ্কত প্ৰস্তুত কৰি উলিওৱা উন্নয়নৰ খতিয়ান সম্পৰ্কত একোখনকৈ পত্ৰিকাও  ৰাইজৰ মাজত বিতৰণ কৰে। নগাঁও সদৰ সমষ্টিৰ উন্নয়নত  ৰাইজে আগবঢ়োৱা সহযোগিতাৰ শলাগ লোৱাৰ লগতে আগন্তুক দিনত এনেদৰে ৰাইজক সেৱা কৰাৰ সুযোগ প্ৰদান কৰিবলৈ বিধায়ক শৰ্মাই সমষ্টিবাসীক আহ্বান জনায়।