দৈনন্দিন বাৰ্তা সেৱাঃ আই পি এল’ত আজি মুম্বাইৰ মুখামুখি হ’ব বাংগালোৰ। চলিত বৰ্ষত দুয়োটা দলে ১১ খন খেলৰ ৭ খনত জয়ী হৈছে। নেট ৰান ৰেট আৰু ১৪ পইণ্টৰে পইন্ট তালিকাত ১ নম্বৰত স্থানত মুম্বাই থকাৰ বিপৰীতে বাংগালোৰে পইন্ট তালিকাৰ ২ নম্বৰত স্থানত অৱস্থান কৰিছে।
আজি ইণ্ডিয়ান প্ৰিমিয়াৰ লীগৰ ২০২০ বৰ্ষৰ প্লে অফলৈ উত্তীৰ্ণ হোৱা প্ৰথমটো দল আমি দেখিবলৈ পাম। আজিৰ মুম্বাই ইণ্ডিয়ানছ বনাম ৰয়েল চেলেঞ্জাৰ্ছ বাংগালোৰৰ খেলখনত যিটো দলে বিজয়ী হব সেই দলটোৱে প্লে অফলৈ উত্তীৰ্ণ হব।
দুয়োটা দলৰ মাজত অনুষ্ঠিত প্ৰথমখন খেল এক ৰোমাঞ্চকৰ পৰ্য্যায়ত দ্ৰ হৈছিল। পিছত অনুষ্ঠিত চুপাৰ অভাৰত বিজয়ী হৈছিল ৰয়েল চেলেঞ্জাৰ্ছ বাংগালোৰ। আজিৰ মুম্বাই বনাম বাংগালোৰ খেলখন আবু ধাবীৰ খেলপথাৰত সন্ধিয়া ৭.৩০ বজাৰ পৰা আৰম্ভ হ’ব৷