Breaking

কিংবদন্তী খেলুৱৈ ৰোনাল্ডোৰ ৰেকৰ্ড ভংগ কৰি নেইমাৰৰ নতুন অভিলেখ

0 1,297

ডিজিটেল ডেস্কঃ কিংবদন্তী ফুটবল খেলুৱৈ ৰোনাল্ডোৰ ৰেকৰ্ড ভংগ কৰি ব্ৰাজিলৰ তাৰকা ফুটবল খেলুৱৈ নেইমাৰে গঢ়িলে নতুন অভিলেখ ৷ বৰ্তমান পেৰিছ চেইণ্ট জাৰ্মান দলৰ খেলুৱৈ নেইমাৰে ২০২২ চনৰ কাটাৰত অনুষ্ঠিত হব ফুটবল বিশ্বকাপৰ বাবে যোগ্যতা অর্জনৰ এখন খেলত পেৰুৰ বিৰুদ্ধে হেট্ৰিক অৰ্জন কৰি ব্ৰাজিলৰ হৈ সৰ্বাধিক গ’ল দিয়াৰ তালিকাত ২য় স্থান লাভ দখল কৰিছে। খেলখনত ব্ৰাজিলে পেৰুক ৪-২ গলৰ ব্যৱধানত পৰাজিত কৰিবলৈ সক্ষম হয়। ব্ৰাজিলৰ তাৰকা ফুটবল খেলুৱৈ নেইমাৰে ব্ৰাজিলৰ কিংবদন্তী খেলুৱৈ ৰোনাল্ডোৰ ব্ৰাজিলৰ হৈ কৰা দ্বিতীয় সৰ্বাধিক গলৰ ৰেকৰ্ড ভংগ কৰে। কিংবদন্তী ফুটবল খেলুৱৈ ৰোনাল্ডোয়ে ব্ৰাজিলৰ হৈ মুঠ ৯৮ খন খেলত ৬২ টা গল কৰাৰ বিপৰীতে নেইমাৰে মুঠ ১০৩ খন খেলত ৬৪ টা গল কৰে।