বিহাৰত স্থায়ী নহ‘ব নীতিশৰ চৰকাৰঃ ৰাজনৈতিক বিশ্লেষক প্ৰশান্ত কিশোৰৰ ভৱিষ্যতবাণী
ৰাজনৈতিক বিশ্লেষক প্ৰশান্ত কিশোৰে নীতিশ কুমাৰৰ নতুন চৰকাৰ খনকলৈ গুৰুত্বপূৰ্ণ মন্তব্য কৰিছে ৷ প্ৰশান্ত কিশোৰৰ মতে বিহাৰত গঠন হোৱা জনতা দল (ইউনাইটেড)-বিজেপি মিত্ৰজোঁট বেছি দিন স্থায়ী নহ’ব। এই চৰকাৰ ভাঙি পৰিব৷ নীতিশ কুমাৰে বিহাৰৰ মুখ্যমন্ত্ৰী পদৰ পৰা পদত্যাগ কৰাৰ কেইঘণ্টামান পাছত আৰু ৰাজ্যখনত নতুন চৰকাৰ গঠনৰ বাবে বিজেপি নেতৃত্বাধীন এন ডি এত পুনৰ যোগদান কৰাৰ কেইঘণ্টামান পাছতেই প্ৰশান্ত কিশোৰে এই মন্তব্য কৰিছিল৷ সাংবাদিকে বাৰ্তালাপ কৰি কিশোৰে কয় যে ২০২৫ চনৰ বিহাৰ বিধানসভা নিৰ্বাচনলৈকে বিহাৰত নৱগঠিত মিত্ৰজোঁট স্থায়ী নহ’ব, যাৰ সম্ভাৱ্য অৰ্থ হৈছে জেডি(ইউ)-বিজেপি চৰকাৰৰ সময় এবছৰ বা তাতকৈ কম সময় থাকিব।
নীতিশ কুমাৰে নৱমবাৰৰ বাবে বিহাৰৰ মুখ্যমন্ত্ৰী হিচাপে শপত গ্ৰহণ কৰিলে৷ দেওবাৰে সন্ধিয়া ৫ বজাত শপত গ্ৰহণ অনুষ্ঠানত দুজন উপ-মুখ্যমন্ত্ৰী সম্ৰাট চৌধুৰী আৰু বিজয় সিনহা আৰু আন ছজন কেবিনেট মন্ত্ৰীয়েও শপত গ্ৰহণ কৰিব।
২০২২ত যেতিয়া নীতিশ কুমাৰে এনডিএৰ মিত্ৰতা ত্যাগ কৰিছিল, প্ৰশান্ত কিশোৰে কৈছিল যে তেওঁ আশা কৰিছিল যে বিহাৰত ৰাজনৈতিক স্থিৰতা থাকিব।
ৰণনীতিবিদ কিশোৰে কয়, নীতিশ কুমাৰে কৈছিল যে তেওঁ এটা নতুন অধ্যায় আৰম্ভ কৰিছে। মই আশা কৰোঁ তেওঁ বিহাৰৰ জনসাধাৰণৰ আশা-আকাংক্ষা পূৰণ কৰিব৷
লালু প্ৰসাদ যাদৱৰ ৰাষ্ট্ৰীয় জনতা দল (আৰজেডি) আৰু কংগ্ৰেছক সদস্য হিচাপে লৈ গঠিত মহাজোঁটবন্ধন মিত্ৰজোঁট ২০২০ চনৰ বিহাৰ বিধানসভা নিৰ্বাচনলৈকে নাথাকিব বুলি তেওঁৰ অতীতৰ ভৱিষ্যদ্বাণীৰ কথা উল্লেখ কৰি ৰাজনৈতিক ৰণনীতিবিদজনে উল্লেখ কৰে, ‘পিচলি বাৰ ভি মেইনে কাহা থা’ (মই যোৱাবাৰো কৈছিলো)।
নীতিশ কুমাৰে মহাজোঁটবন্ধন মিত্ৰতাৰ অধীনত পৰিস্থিতিটো সঠিক নহয় বুলি উল্লেখ কৰিছিল। তেওঁ কয় যে তেওঁ তেওঁৰ দলৰ কৰ্মীসকলকে ধৰি সকলো ঠাইৰ পৰা পৰামৰ্শ লাভ কৰি আহিছে আৰু তেওঁ এই সিদ্ধান্তলৈ আহিবলৈ তেওঁলোকৰ সকলোৰে কথা শুনিছে।