টীয়কৰ ভগামুখৰ নাম উজ্বলালে নিৱেদিতা দত্তই : সৰ্বভাৰতীয় লোকসেৱা আয়োগৰ পৰীক্ষাত লাভ কৰিল ৬৯৭ সংখ্যক স্থান

0 1,311

দৈনন্দিন বার্তা, হাঁহচৰা : আজি ঘোষিত হোৱা সৰ্বভাৰতীয় লোকসেৱা আয়োগৰ পৰীক্ষাৰ ফলাফলত ৬৯৭ সংখ্যক স্থান লাভ কৰি জন্মস্থান যোৰহাট জিলাৰ টীয়ক ভগামুখলৈ সন্মান কঢ়িয়াই আনিছে নিৱেদিতা দত্তই ৷নিবেদিতাৰ পিতৃ কৃষ্ণকান্ত দত্ত বৰ্তমানে অৱসৰ লৈ পুনেৰ এটা ব্যক্তিগত প্ৰতিষ্ঠানত কৰ্মৰত আৰু তেওঁৰ মাতৃ জোনা দত্ত। আজি সাফল্য লাভ কৰা বৰ্তমান পুনেতেই বসবাস কৰা নিবেদিতা বৰ্তমান এক বেচৰকাৰী প্ৰতিষ্ঠানত কৰ্মৰত। চি বি এছ ই ৰ অধীনত স্কুলীয়া শিক্ষা গ্ৰহণ কৰা নিবেদিতাই মেকানিকেল ইঞ্জিনিয়াৰীং কৰাৰ পাছত পুনে বিশ্ববিদ্যালয়ৰ পৰা ৰাজনীতি বিজ্ঞানৰ স্নাতকোত্তৰ ডিগ্ৰী গ্ৰহণ কৰে৷ সদৌ যোৰহাট জিলা ছাত্ৰ সন্থা, শিমলুগুৰি আঞ্চলিক ছাত্ৰ সন্থা, টীয়ক আঞ্চলিক ছাত্ৰ সন্থা, ৰেঙণি এটি আশা, কুমাৰভেটী প্ৰাৰ্থমিক বিদ্যালয়, চিন্তামণিগড় সৃষ্টি প্ৰগতি চৰাৰ লগতে বহুসংখ্যক অনুস্থান আৰু শুভাকাংক্ষী ব্যক্তিয়ে শুভেচ্ছা জনাইছে ।