আৰম্ভ হ’ব অনাস্থা প্ৰস্তাৱৰ, আজি সংসদত ভাষণ দিব ৰাহুল গান্ধীয়ে। আজি লোকসভাত অনাস্থা প্ৰস্তাৱৰ আলোচনা আৰম্ভ হ’ব আৰু দুপৰীয়া ১২ বজাত কংগ্ৰেছ নেতা ৰাহুল গান্ধীয়ে এই আলোচনা আৰম্ভ কৰিব। দিনৰ ১২ বজাৰ পৰা আৰম্ভ হ’ব অনাস্থা প্ৰস্তাৱৰ আলোচনা আৰু সন্ধিয়া ৭ বজালৈ চলিব। ৰাহুল গান্ধীয়ে দুপৰীয়া ১২ বজাৰ পৰা এই আলোচনা আৰম্ভ কৰিব। সংসদলৈ ঘূৰি অহাৰ পিছত আজি প্ৰথমবাৰৰ বাবে ৰাহুল গান্ধীয়ে বিতৰ্কত অংশগ্ৰহণ কৰিব।
আজিৰে পৰা লোকসভাত মোদী চৰকাৰৰ বিৰুদ্ধে বিৰোধীয়ে অনা অনাস্থা প্ৰস্তাৱক লৈ আলোচনা আৰম্ভ হৈছে। ৮ আগষ্টৰ পৰা ১০ আগষ্টলৈ লোকসভাত অনাস্থা প্ৰস্তাৱৰ ওপৰত আলোচনা হ’ব আৰু আলোচনাৰ শেষত প্ৰধানমন্ত্ৰী নৰেন্দ্ৰ মোদীয়ে উত্তৰ দিব। দিনৰ ১২ বজাৰ পৰা আৰম্ভ হ’ব অনাস্থা প্ৰস্তাৱৰ আলোচনা আৰু সন্ধিয়া ৭ বজালৈ চলিব। ইয়াৰ পিছত পুনৰ ৯ আগষ্টত দুপৰীয়া ১২ বজাৰ পৰা আৰম্ভ হ’ব আৰু সন্ধিয়া ৭ বজালৈকে আলোচনা চলিব। ১০ আগষ্টত পুনৰবাৰ দিনৰ ১২ বজাৰ পৰা আলোচনা আৰম্ভ হ’ব আৰু বিয়লি ৪ বজাত প্ৰধানমন্ত্ৰী মোদীয়ে অনাস্থা প্ৰস্তাৱৰ উত্তৰ দিব। লোকসভাত অনাস্থা প্ৰস্তাৱৰ আলোচনাৰ সময়ত কেন্দ্ৰীয় গৃহমন্ত্ৰী অমিত শ্বাহে হস্তক্ষেপ কৰিব পাৰে। ৯ আগষ্টত অমিত শ্বাহে হস্তক্ষেপ কৰাৰ সম্ভাৱনা আছে, কিন্তু আজি ৰাহুল গান্ধীয়ে যদি বিতৰ্ক আৰম্ভ কৰে, তেন্তে আজি নিজেই অমিত শ্বাহে হস্তক্ষেপ কৰাৰ সম্ভাৱনা আছে।