কাৰ্বি আংলং জিলাত উল্লেখনীয় সেৱা ১০৮ৰ
দেওপানী
সমগ্ৰ বিশ্বতেই ক’ভিড-১৯ মহামাৰীয়ে যি ত্ৰাস চলাই আছে তেনে ভয়ানক সময়তে দেশতো অব্যাহত আছে লকডাউন কাৰ্যসূচী৷ তেনে সময়তে অসম চৰকাৰৰ অধীনৰ এক জৰুৰীকালীন মানৱ সেৱাত উৎসৰ্গিত বিভাগ ১০৮ৰ কৰ্মচাৰীসকলেও আগবঢ়াই আহিছে তেওঁলোকৰ নিষ্ঠা আৰু কৰ্তব্যৰ পাৰদৰ্শিতা৷ সমগ্ৰ ৰাইজৰ লগতে পাহাৰীয়া জিলা কাৰ্বি আংলঙতো ১০৮ সেৱাই বিপদ কালত ৰাইজৰ কাষত ঠিয় দি আহিছে প্ৰতিটো ক্ষণত৷ বৰ্তমান জৰুৰীকালীন সময়ত কাৰ্বি আংলং জিলাৰ অধীনত ১০৮ ব্যৱস্থাই জৰুৰীকালীন সেৱা আগবঢ়োৱা সেৱাই ৰাইজৰ দৃষ্টি আকৰ্ষণ কৰিছে৷ চৰকাৰী তথ্য অনুসৰি এই সময়চোৱাত ৬৬ গৰাকী ক’ভিড-১৯ত, ৩৪৯ গৰাকী গৰ্ভৱতী, ১৭২ গৰাকী পেটৰ বিষত, ৬০ গৰকী টিউমাৰত, ৩৭ গৰাকী শ্বাসপ্ৰশ্বাস সমস্যাত, ৩৩ গৰাকী জ্বৰত, ৩৯ গৰাকী হৃদপিণ্ড আদি অসুখত ভোগা লোকক সেৱা আগবঢ়াইছে৷ ১০৮ সেৱাত জড়িতসকলৰ এনে মানৱ সেৱাৰ বাবে বিভিন্ন অঞ্চলৰ ৰাইজে প্ৰশংসা কৰিছে৷