এফালে ক’ৰোনাকালীন সমস্যা আৰু আন্ফালে সামূহিকভাৱে আজি এশৰো অধিক ৰোৱনীয়ে ৰং-ৰহইচৰ মাজেৰে ভূঁই ৰুই গহপুৰত এক উল্লেখনীয় নিদৰ্শন দাঙি ধৰিবলৈ সক্ষম হৈছে। গহপুৰৰ উত্তৰ ডুবিয়া নৱ সূৰ্য যুৱক সংঘৰ উদ্যোগত প্ৰখৰ ৰ’দকো আওকাণ কৰি যুৱক-যুৱতীৰ লগতে ভালেসংখ্যক বয়োজ্যেষ্ঠ ব্যক্তি, মহিলাই পথাৰৰ কৃষিকৰ্মত এইদৰে মনোনিৱেশ কৰি সকলোৰে দৃষ্টি আকৰ্ষণ কৰিছে। পৰম্পৰা ৰক্ষা কৰাৰ প্ৰচেষ্টাত যুৱক সংঘৰ সদস্য-সদস্যাসকলে যোৱা তিনিটা বৰ্ষ ধৰি স্থানীয় লোকৰ কৃষি পথাৰ আধিত লৈ পৰিয়ালসমূহক সকাহ দিয়াৰ লগতে সংঘও আৰ্থিকভাৱে সবল হৈ পৰিছে। এইবেলি বৃহত্তৰ অঞ্চলটোৰ সাত-আঠটি পৰিয়ালৰ মুঠ ৪২ বিঘা মাটি যুৱক সংঘই আধিত লৈ সামূহিক কৃষি-কৰ্মত নামি পৰিছে গহপুৰ মহকুমাৰ উত্তৰ ডুবিয়াৰ এই নৱ সূৰ্য যুৱক সংঘ। উত্তৰ ডুবিয়াৰ বৃহত্তৰ অঞ্চল সামৰি সংগঠিত হোৱা যুৱক-যুৱতীসকলৰ প্ৰচেষ্টাক সহাৰি জনাই অঞ্চলটোৰ মহিলা সকলেও পথাৰত ভূঁই ৰুই অন্যবাৰৰ দৰে এইবাৰো সহায় আগবঢ়াই আহিছে। নিজৰ কৃষিকৰ্মৰ মাজতে যুৱক সংঘক সহায় কৰিবলৈ প্ৰখৰ ৰ’দকো নেওচি আজি একেলগে প্ৰায় ১০-১২ বিঘা মাটিত এশৰো অধিক ৰোৱনীয়ে ৰং-ৰহইচেৰে ভূঁই ৰুই এক নান্দনিক পৰিৱেশৰ সৃষ্টি কৰে। উল্লেখ্য যে নৱ সূৰ্য যুৱক সংঘই মাজে সময়ে অঞ্চলটোত কেতবোৰ উল্লেখনীয় পদক্ষেপ গ্ৰহণ কৰি আহিছে। অঞ্চলটোৰ দৰিদ্ৰ সীমাৰেখাৰ তলৰ পৰিয়ালকো বিভিন্ন ক্ষেত্ৰত সহায়-সহযোগ আগবঢ়াই অহা সংঘটোৰ নিজা কাৰ্যালয় নথকাৰ লগতে চৰকাৰী সুবিধাও লাভ নকৰাত বিভিন্ন সময়ত অসুবিধাৰ সন্মুখীন হ’বলগীয়া হৈছে। অঞ্চলটোৰ ৰাইজে নৱ সূৰ্য যুৱক সংঘৰ নামত অনতিপলমে কৃষি সঁজুলি প্ৰদান কৰাৰ লগতে বিভাগীয় মহল আৰু স্থানীয় বিধায়ক উৎপল বৰাক পদক্ষেপ গ্ৰহণ কৰিবলৈ অনুৰোধ জনায়।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- শিল্পী, লেখিকা অনিমা বৰুৱা শৰ্মাৰ প্ৰথম মৃত্যুবাৰ্ষিকীত স্মৃতিচাৰণ
- মহানগৰীৰ বেলতলাত মুখ্যমন্ত্ৰী ড’ হিমন্ত বিশ্ব শৰ্মাৰ নিৰ্বাচনী সভা..
- অসম ক্ৰিকেটৰ স্ক’ৰাৰসকলৰ এডভান্সড ৰিফ্ৰেছাৰ ক’ৰ্চ…
- টুপামাৰীত চিকিৎসক অবিহনে চলিছে চিকিৎসালয় ! চিকিৎসক নিয়োগৰ দাবী…
- পিতৃ-মাতৃৰ এই সমূহ ভুলৰ বাবেই শিশুৰ ডায়েবেটিছ হয়, আপুনিও জানি লওক…
- হিউ ক্রিয়েটিভ বন্দিং নামৰ স্বেচ্ছাসেৱী সংগঠনৰ উদ্যোগত EUCOSIA 1.0″ নামেৰে সর্বভাৰতীয় পৰ্যায়ৰ চিত্রকলাৰ প্রদৰ্শনী…
- অৱসৰপ্ৰাপ্ত বায়ুসেনা-আৰক্ষী বিষয়া নগেন কলিতাৰ বিয়োগ…
- গৰমৰ দিনত শৰীৰৰ বাবে নেমুটেঙা কিমান প্ৰয়োজনীয় জানক…
- গৰমত বিদ্যুতৰ বিল বাঢ়িছে নেকি? বিদ্যুৎ কেনেকৈ ৰাহি কৰিব জানি লওক…
- অসমৰ বাবে ভাল খবৰ ! ড০ পূৰ্ণিমা দেৱী বৰ্মনলৈ আন্তৰ্জাতিক সন্মান ‘গ্রীণ অস্কাৰ গ’ল্ড বঁটা’…