Breaking

প্ৰতিৰক্ষা মন্ত্ৰালয়ৰ পৰা আপত্তি বিহীন প্ৰমাণপত্ৰ ল’ব লাগিব সেনাবাহিনীক লৈ চিনেমা, ডকুমেণ্টেৰী নিৰ্মাণত

0 1,271

দৈনন্দিন বাৰ্তা ডেস্ক : যিকোনো বিষয়বস্তুত এতিয়াৰে পৰা প্ৰতিৰক্ষা মন্ত্ৰালয়ৰ পৰা আপত্তি বিহিন প্ৰমাণপত্ৰ (এনঅ’চি) বা ক্লিয়েৰেঞ্ছ ল’ব লাগিব৷ কেতবোৰ ৱেব ছিৰিজে সশস্ত্ৰ বাহিনীৰ একোটা বিকৃত চিত্ৰ উপস্থাপন কৰাৰ পাছত এই সিদ্ধান্ত লোৱা হয়৷ প্ৰতিৰক্ষা মন্ত্ৰালয়ৰ ওপৰত কোনো ফ্লিম, ডকুমেণ্টেৰী, ৱেব ছিৰিজ প্ৰচাৰৰ আগতে প্ৰডাকচন হাউচবোৰে এনঅ’চি ল’বলৈ পৰামৰ্শ দিয়াৰ বাবে চেণ্ট্ৰেল ব’ৰ্ড অব ফ্লিম চাৰ্টিফিকেট (চিবিএফচি), ইলেক্ট্ৰনিকছ আৰু তথ্য প্ৰযুক্তি মন্ত্ৰালয় আৰু তথ্য আৰু সম্প্ৰচাৰ মন্ত্ৰালয়লৈ চিঠি দিছে৷ এই পত্ৰখন প্ৰতিৰক্ষা মন্ত্ৰালয়ে ২৭ জুলাইত প্ৰেৰণ কৰিছিল৷ এক সূত্ৰই জনোৱা মতে ভাৰতীয় সেনাবাহিনীৰ সদস্য আৰু সামৰিক ইউনিফৰ্মক অৱমাননাৰে চিত্ৰিত কৰাৰ বিষয়ে মন্ত্ৰালয়ক তীব্ৰ আপত্তি উত্থাপন কৰি অভিযোগ দিয়া হৈছে৷ ‘জি ৫’ত ‘কোড এম’ আৰু এএলটি বালাজীৰ এক্সএক্সএক্স আনচেনছ’ৰ্ড (ছিজন -২)’ৰ দৰে ৱেব ছিৰিজৰ কেতবোৰত সেনাবাহিনীৰ সৈতে সম্পৰ্কিত দৃশ্যবোৰ বাস্তৱতাৰ পৰা বহু দূৰত আৰু সশস্ত্ৰ বাহিনীৰ এটা বিকৃত চিত্ৰ উপস্থাপন কৰা হৈছে৷ এজন জ্যেষ্ঠ চৰকাৰী বিষয়াই এনেদৰে কয়৷ কেইজনমান সংশ্লিষ্ট নাগকিক আৰু প্ৰাক্তন সৈনিক সমিতিয়ে এনে প্ৰযোজক আৰু অ’টিটি প্লেটফৰ্মৰ বিৰুদ্ধে আইনগত ব্যৱস্থা গ্ৰহণৰ বাবে এএলটি বালাজীৰ বিৰুদ্ধে গোচৰ তৰিছে৷ অ’ভাৰ-দ্য-টপ (অ’টিটি) মিডিয়া পৰিসেৱা হ’ল এটা ষ্ট্ৰিমিং মিডিয়া পৰিসেৱা যি সচৰাচৰ দৰ্শকৰ ওচৰলৈ ইণ্টাৰনেটৰ জৰিয়তে দিয়া হয়৷ এনঅ’চি লোৱাটো বাধ্যতামূলক কৰাৰ পদক্ষেপ বহু বিবেচনাৰ পাছত লোৱা হৈছে৷ সূত্ৰটোৱে লগতে উল্লেখ কৰে যে প্ৰতিৰক্ষা বাহিনীৰ ভাৱমূৰ্ত্তি বিকৃত কৰা আৰু প্ৰতিৰক্ষা কৰ্মী আৰু প্ৰৱীণসকলৰ অনুভূতিত আঘাত কৰা ঘটনাবোৰ ৰোধ কৰাৰ বাবে এই ব্যৱস্থা কৰা হৈছে৷

Leave A Reply