টাই আহোম যুৱ পৰিষদ অসম , টেঙাখাত আঞ্চলিক সমিতিৰ উদ্যোগত তথা টেঙাখাতবাসী ৰাইজৰ সহযোগত টেঙাখাত উচ্চতৰ মাধ্যমিক বিদ্যালয় খেল পথাৰত অনুষ্ঠিত দ্বিতীয় বাৰ্ষিক চুকাফা কাপ ফুটবলৰ আজি অনুষ্ঠিত চূড়ান্ত খেলখনি অইল ইণ্ডিয়া এফ চি আৰু মাকুম চুপাৰষ্টাৰ এফ চি দলৰ মাজত অনুষ্ঠিত হয় ।উক্ত খেলত অইলৰ মিণ্টু বড়ো কপিল বড়ো ফিৰোজিত দহোটীয়াৰ গ’লৰ সহায়ত অইলে ৩-০ গ’লৰ ব্যৱধানত জয়ী হৈ চূড়ান্ত বিজয়ী খিতাপ দখল কৰি উদযাপন সমিতিৰ তৰফৰ পৰা ট্ৰফি সহ: ৫০ হেজাৰ টকাৰ চেক লাভ কৰাৰ বিপৰীতে ৰাণাৰ্চ আপ মাকুম চুপাৰষ্টাৰ দলে ট্ৰফীসহ: ৩০ হেজাৰ টকাৰ চেক লাভ কৰে।
লগতে অইল দলৰ ফিৰোজিত দহোটীয়া আৰু মাকুম চুপাৰষ্টাৰ দলৰ ডানিয়েল গুৰুঙক শ্ৰেষ্ঠ খেলুৱৈ হিচাপে নিৰ্বাচিত কৰাত ডিব্ৰুগড় জিলা পৰিষদৰ সভানেত্ৰী ডেইজীৰাণী শ্যাম ফুকনে ট্টফী সহ: নগদ ধনেৰে পুৰস্কৃত কৰে।ইন্দ্ৰজিত চেতিয়াই পৰিচালনা কৰা উক্ত খেলখন অসম চৰকাৰৰ কেবিনেট মন্ত্ৰী যোগেন মহন ক্ৰীড়া আৰু যুৱকল্যাণ বিভাগৰ সদস্য সচিব গীতাৰ্থ গোস্বামী আৰু টাইপাৰ কেন্দ্ৰীয় সমিতিৰ সভাপতি বিজয় ৰাজকোঁৱৰে উদ্বোধন কৰে।
টেঙাখাতৰ পৰা ব্ৰজেন গগৈ প্ৰতিবেদন