আজি আঠিয়া শ্বেট্টীৰ জন্মদিন। সুনীল শ্বেট্টীৰ প্ৰিয় আথিয়া শ্বেট্টী অভিনয়ত আত্মপ্ৰকাশ কৰিছিল যদিও ৫ বছৰৰ কেৰিয়াৰত সকলো ছবি ফ্লপ হৈছিল। কেৱল সাধাৰণ মানুহৰ ক্ষেত্ৰতে নহয় বহু ষ্টাৰ কিডকো এই তালিকাত অন্তৰ্ভুক্ত কৰা হৈছে। তাৰে এগৰাকী হৈছে আথিয়া শ্বেট্টী। যিয়ে কেইবছৰমানৰ আগতে অভিনয় জীৱন আৰম্ভ কৰিছিল যদিও সেয়া কামত নাহিল আৰু শেষত তেওঁ বলীউডৰ পৰা বিদায় ল’বলগীয়া হ’ল। আজি আঠিয়াই ৩০ বছৰীয়া জন্মদিন উদযাপন কৰিছে।
২০১৫ চনত আথিয়া শ্বেট্টীয়ে নিজৰ কেৰিয়াৰ আৰম্ভ কৰিছিল। হিৰো ছবিত মুখ্য চৰিত্ৰত দেখা গৈছিল। সেই সময়ত তেওঁৰ নামটো বহুত চৰ্চিত হৈছিল কাৰণ তেওঁ আছিল বলীউডত নিজৰ কেৰিয়াৰ প্ৰতিষ্ঠা কৰা সুনীল শ্বেট্টীৰ কন্যা। এই ছবিখনে বক্স অফিচত বিশেষ একো কৰিব পৰা নাছিল। ইয়াৰ পিছতো তেওঁ আন ছবিৰ বাবে অফাৰ পাইছিল। ২০১৭ চনত মুবাৰাকন, ২০১৮ চনত নৱাবজাদে আৰু ২০১৯ চনত তেওঁৰ ছবি মতিচূৰ চকনাচূৰ মুক্তি লাভ কৰিছিল যদিও কোনো এখন ছবি হিট নহ’লেও ফ্লপ বুলি প্ৰমাণিত হয়। ফলত পাঁচ বছৰীয়া কেৰিয়াৰত এখনো হিট ছবি নিদিয়া আথিয়াই অভিনয়ৰ পৰা বিদায় ল’লে।
চিনেমালৈ আহি তেওঁ খ্যাতি লাভ কৰিছিল, সেয়েহে আজিও ছ’চিয়েল মিডিয়াত তেওঁৰ নামটো বহুত চৰ্চিত। ২০২৩ চনৰ জানুৱাৰী মাহত ক্ৰিকেটা কে এল ৰাহুলৰ সৈতে বিবাহপাশত আবদ্ধ হয় আথিয়া। য’ত কেৱল ঘনিষ্ঠ বন্ধু-বান্ধৱী আৰু আত্মীয়কহে নিমন্ত্ৰণ কৰা হৈছিল। অৱশ্যে অভিনয় ত্যাগ কৰাৰ পিছতো আথিয়া যথেষ্ট ধনী। দেউতাকৰ ব্যৱসায়ৰ লগত আছে সম্পৰ্ক।