ধুমুহাই তচনচ কৰা ক্ষতিগ্ৰস্ত পৰিয়ালৰ বুজ লৈ সহায়ৰ হাত আগবঢ়ালে বিৰোধী দলপতি দেৱব্ৰত শইকীয়াই…..
কালি প্ৰৱল ধুমুহাই তচনচ কৰি ব্যাপক ক্ষতিগ্ৰস্ত কৰা নাজিৰা মহকুমাৰ গেলেকীৰ বিভিন্ন প্ৰান্তৰ পৰিয়ালৰ গৃহে গৃহে গৈ ক্ষেত্ৰৰয় – ক্ষতিৰ বুজ ললে সমষ্টিৰ বিধায়ক তথা বিৰোধী দলপতি দেৱব্ৰত শইকীয়াই ।
পুৱা নাজিৰা মহকুমাৰ ভাৰপ্ৰাপ্ত মহকুমাধিপতি তথা অতিৰিক্ত উপায়ুক্ত সব্যসাচী কাশ্যপ নাজিৰা ৰাজহ চক্ৰ বিষয়াই সংগ দিয়া অৱস্থাত গেলেকী , ন – পাম বাৰুতীয়া , আঠখেল , নামৰূপ গাওঁ দোলাকাষৰীয়া , মিছাজান আদি বিভিন্ন স্থানৰ ক্ষতিগ্ৰস্ত পৰিয়ালৰ ঘৰে ঘৰে গৈ ক্ষয় – ক্ষতিৰ বুজ লোৱাৰ লগতে ক্ষতিগ্ৰস্ত পৰিয়ালক বিৰোধী দলপতি গৰাকীয়ে নিজা ববীয়াকৈ খাদ্য – সামগ্ৰী , ঘৰ নিৰ্মাণৰ কিছু বা – সৰঞ্জাম আদি প্ৰদান কৰি সহায়ৰ হাত আগবঢ়ায় ।
নাজিৰা সমষ্টিৰ বিধায়ক তথা বিৰোধী দলপতি দেৱব্ৰত শইকীয়াই কালি সমষ্টিটোৰ ধুমুহাই তচনচ কৰি ক্ষতিগ্ৰস্ত কৰা পৰিয়ালসমূহক চৰকাৰ তৰফৰ পৰা তৎকালীনভাৱে সহায়ৰ যাৱতীয় ব্যৱস্থা গ্ৰহণ কৰিবৰ বাবে নাজিৰা মহকুমা প্ৰশাসন , শিৱসাগৰ জিলা প্ৰশাসন আৰু চৰকাৰী দূৰ্যোগ ব্যৱস্থাপনা বিভাগৰ মন্ত্ৰী তথা চৰকাৰলৈ কামৰ আহ্বান জনাইছে ।