নাবালিকাক বাল্য বিবাহ কৰাই দিয়াৰ বাবে কাজী মুন্সী মুকবুল হুচেইনক গ্ৰেপ্তাৰ ওৰাং আৰক্ষীৰ

চেঙেলীমাৰাত ওৰাং আৰক্ষীয়ে নাবালিকাক বাল্য বিবাহ কৰাই দিয়াৰ বাবে কাজী মুন্সী মুকবুল হুচেইনক গ্ৰেপ্তাৰ, ওদালগুৰি জেললৈ প্ৰেৰণ। ওদালগুৰি জিলাৰ ওৰাং আৰক্ষী থানাৰ অধীনস্থ চেঙেলীমাৰা গাঁৱৰ কাজী মুন্সি মুকবুল হুচেইনক ওৰাং আৰক্ষীয়ে গ্ৰেপ্তাৰ কৰি ওদালগুৰি জেললৈ প্ৰেৰণ কৰে। ওৰাং আৰক্ষী থানাৰ ভাৰপ্ৰাপ্ত আৰক্ষী বিষয়া শৰৎ চন্দ্ৰ কলিতাৰ নেতৃত্বত SI মৃনাল টাইদ আৰু ২৭নং APBN বেটেলিয়নৰ সহযোগত এক অভিযান চলায় ৷

এই অভিযান কালত ওৰাং আৰক্ষী থানাৰ অধীনস্থ চেঙেলীমাৰা গাঁৱৰ আব্দুল খলিলৰ পুত্ৰ কাজী তথা মুন্সি মুকবুল হুচেইনে বছৰ বছৰ ধৰি শিশু, কিশোৰ-কিশোৰী, নাবালিকাক বাল্য বিবাহ কৰি দিয়াৰ অভিযোগত গ্ৰেপ্তাৰ কৰে আৰক্ষীয়ে৷ উল্লেখিত ঘটনাৰ সম্পৰ্কত ওৰাং আৰক্ষীয়ে ৩৩/২০২৪ মৰ্মে এক গোছৰ পঞ্জীয়নভূক্ত কৰি Under Section 366/506/34 IPC,Added Section 376 IPC,R/w. Section 9/10/11 PCM Act,R/w. Section 6/17 of Pocso Act.অনুসৰি গ্ৰেপ্তাৰ কৰি ১৫ মে’ত ওদালগুৰি জেললৈ প্ৰেৰণ কৰে৷