ওৰাংআঞ্চলিক বিষ্ণুজ্যোতি মহিলা আৰু শিশু বিকাশ সমিতিৰ কাৰ্য্যালয় গৃহ শুভ উদ্ধোধন
৩১মাৰ্চত ওদালগুৰি জিলাৰ ওৰাং আঞ্চলিক বিষ্ণুজ্যোতি মহিলা আৰু শিশু বিকাশ সমিতিৰ আই মাতৃ সকলৰ প্ৰচেষ্টাত আৰু সাংসদ পুঁজিৰ সহযোগত সম্পূৰ্ণ হৈ উঠা স্থায়ী কাৰ্য্যালয়টো মুকলি কৰা হয় । সুৱৰ্ণ ভৱন হিচাপে নামাকৰণ কৰা কাৰ্য্যালয় গৃহটো শুভ উদ্বোধন কৰে ওৰাঙৰ বিশিষ্ট ব্যক্তি কেশব চন্দ্ৰ বৰুৱাই ৷এই অনুষ্ঠানটোৰ আৰাম্ভনীতে কবিতা বৰা,দিপিকা নাথ,বনলতা শৰ্মা,মেৰিনা শইকীয়া,মিনা বেগম,অনুৰূপা ডেকা,বিজয়া বৰাই এটি কোৰাজ এটি পৰিবেশন কৰে ।
এই অনুষ্ঠানটোৰ লগত সংগতি ৰাখি ভৱনটোৰ চৌহতে বৃক্ষৰোপণ অনুষ্ঠান এটি হৈ যায় ৷বৃক্ষৰোপণ কৰে -দিপিকা শৰ্মা,বনলতা শৰ্মা,মিনা বেগম,মেৰিনা শইকীয়া,যোগেশ্বৰী শৰ্মাই ৷এই অনুষ্ঠানটোৰ উপলক্ষে এখনি মুকলি সভাও অনুষ্ঠিত হৈ যায় ৷সভাত সভাপতিত্ব কৰে সমিতিটোৰ সভানেত্ৰী অভয়া শৰ্মা৷সভাখনৰ উদেশ্য ব্যাখ্যা কৰে সমিতিৰ সম্পাদিকা বন্দনা শইকীয়াই ৷মুকলি সভাত ওদালগুৰি জিলাৰ বিজেপিৰ মুখপাত্ৰ কিশোৰ শৰ্মা,ওৰাং ভিচিডিচিৰ সভাপতি দিব্যজ্যোতি শইকীয়া,উপসভাপতি নিলোৎপল গগৈ,মামনী শৰ্মা,NRDS কলেজৰ অধ্যক্ষা প্ৰনতি দেৱীয়ে ভাষণ আগবঢ়ায় ৷
মুকলি সভাত শিশু শিল্পী -নিবিড় চহৰীয়া,অভিনন্দন কশ্যপ,হিমৰঞ্জন বৰদলৈ,নিয়ৰ চহৰীয়া,কস্তুুৰী ডেকা,উজ্জয়িনী ছেত্ৰীয়ে এটি কোৰাজ পৰিবেশন কৰে৷এই অনুষ্ঠানতে বিজয়া বৰাই স্বৰচিত কবিতা পাঠ আৰু যোগেশ্বৰী শৰ্মাই গীত পৰিবেশ কৰি সভাৰ সৌষ্ঠৱ আগবঢ়ায় ৷সভাত ওৰাঙৰ উদ্যমী মহিলা ব্যবসায়ী জয়মতী দাস,বিমলা শইকীয়া আৰু বয়োজেষ্ঠ মহিলা লক্ষী দত্তক সম্বৰ্দ্ধিত কৰা হয় ৷সভাৰ আৰাম্ভনীতে সমিতিৰ প্ৰাক্তন,প্ৰয়াত প্ৰতিষ্ঠাপক সভানেত্ৰী সুৱৰ্ণ বৰুবা আৰু ভূমিদাতা নকুল চন্দ্ৰ বৰুবাৰ প্ৰতিছবিত বন্তি প্ৰজ্বলন কৰে -বিজয়া বৰাই আৰু সমিতিৰ বিষয়ববীয়া সকলে শ্ৰদ্ধাঞ্জলী নিবেদন কৰে ৷সমগ্ৰ ২০০৩ চনৰ ১৭মেত গঠিত ওৰাঙৰ এই মহিলা সমিতিৰ সদস্য সকলৰ সুবিধাৰ্থে কাৰ্য্যালয় শুভ উদ্বোধন কৰাত মহিলা সকলে আনন্দত আত্মহাৰা হোৱা দেখিবলৈ পোৱা গৈছে ৷