মাজুলীত পলসৰ উদ্যোগত অমৰ শিশুপ্ৰাণ অমৰেন্দ্ৰ বৰুৱা সোঁৱৰণী ৰচনা প্ৰতিযোগিতাৰ আয়োজন ।

উজনি-মাজুলী : মাজুলীৰ যুৱ কবি সাংবাদিক পাপু বৰাৰ দ্বাৰা সম্পাদিত আৰু প্ৰকাশিত কাব্যালোচনী পলসৰ উদ্যোগত অমৰ শিশুপ্ৰাণ অমৰেন্দ্ৰ বৰুৱাৰ পবিত্ৰ স্মৃতিত মাজুলী ভিত্তিত ৰচনা প্ৰতিযোগিতাৰ আয়োজন কৰা হৈছে| দুটা শাখাত অনুস্থিত হ’ব লগা প্ৰতিযোগিতাৰ নিম্ন শাখাত তৃতীয় শ্ৰেণীৰ পৰা অষ্টম শ্ৰেণীলৈ আৰু উচ্চ শাখাত নৱম শ্ৰেণীৰ পৰা দ্বাদশ শ্ৰেণীৰ ছাত্ৰ-ছাত্ৰীয়ে অংশগ্ৰহণ কৰিব পাৰিব| ৰচনা প্ৰতিযোগিতাখনিৰ নিম্ন শাখাৰ বিষয় হৈছে ”মাজুলীৰ বান সমস্যা” আৰু উচ্চ শাখাৰ বিষয় “মাজুলী-যোৰহাট সংযোগী দলং”| ইচ্ছুক প্ৰতিযোগীয়ে তেওঁলোকৰ ৰচনাসমূহ অহা ১২ জুলাই ২০২০ৰ ভিতৰত পোৱাকৈ ডাক যোগে পাপু বৰা, নতুন খলিহামাৰী, ডাক-ভূৰামৰা, জিলা-মাজুলী, পিন-৭৮৫১০৪ অথবা মেইল papumajuli@gmail.comত ৫০০ শব্দৰ ভিতৰত সম্পূৰ্ণ ঠিকনা ফোন নম্বৰসহ প্ৰেৰণ কৰিব লাগিব| প্ৰতিযোগিতাত স্থানপ্ৰাপ্তসকলক অমৰ শিশুপ্ৰাণ অমৰেন্দ্ৰ বৰুৱাৰ পবিত্ৰ স্মৃতিত হ’বলগা ‘সাহিত্য সন্মিলন’ত মান পত্র, গ্ৰন্থৰ টোপোলা আৰু নগদ ধনেৰে পুৰস্কৃত কৰা হ’ব| সবিশেষ জানিবৰ বাবে পলসৰ সম্পাদক পাপু বৰাৰ লগত ৭০০২৬২৪৭৫২ ফোন নম্বৰত যোগাযোগ কৰিব পাৰিব|