নগাঁৱৰ অপেছাদাৰী নাট্যশিল্পী কল্যাণ সমিতিয়ে অপেছাদাৰী নাট্যশিল্পী সকললৈ বিভিন্ন বিপদ-বিঘিনিৰ সময়ত সহায়ৰ হাত আগবঢ়াই আহিছে। তাৰেই অংশ স্বৰূপে যোৱা ১৭আৰু ১৮ নৱেম্বৰ তাৰিখে দুদিনীয়াকৈ নাট সমাৰোহ অনুষ্ঠিত কৰি ৰাইজৰ মাজলৈ আশাৰ বাণী কঢ়িয়াই আনিছে । ১৭ নবেম্বৰৰ প্ৰথম নিশা অভিনেতা তথা নাট্যকাৰ পবিত্ৰ কলিতাৰ ৰচনা আৰু পৰিচালনাৰে মঞ্চস্থ হয় নাটক “প্ৰত্যাশা”। দুঘণ্টা দৈৰ্ঘ্যৰ নাটখনিত ড্ৰাগছ, পথ সুৰক্ষা, বাল্যবিবাহকে ধৰি সমাজৰ কিছুমান জ্বলন্ত সমস্যাক লৈ ৰচিত নাটখনিয়ে সমাজ জীৱনত সঘনে গা কৰি উঠা বাস্তৱ ছবি এখন অতি আকৰ্ষণীয় ভাৱে ফুটাই তুলি ব্যক্তি বিশেষক সচেতন কৰি তুলিছে। প্ৰতিটো দৃশ্যই আমাৰ মনাকাশত নিত্য নতুন চিন্তাৰ একো একোটা বাৰ্তা প্ৰেৰণ কৰিবলৈ সক্ষম হৈছে। এই ক্ষেত্ৰত নাট্যকাৰ হিচাপে পবিত্র কলিতা প্ৰশংসাৰ পাত্ৰ। মুঠ ৪৩ জনকৈ অভিনেতা-অভিনেত্ৰীয়ে অভিনয় কৰা নাটখনিৰ সফলতাৰ অন্য এক কাৰক হৈছে প্ৰতিজন শিল্পীৰ সাৱলীল অভিনয়।
শিল্পী সকলৰ পৰা সু-অভিনয় আদায় কৰি ল’ব পৰাটো পৰিচালকৰ কৃতিত্ব। অৱশ্যে নাটখনিৰ দুই-এটা দৃশ্য চুটি কৰাৰ স্থল আছে।নাটখনিৰ বিভিন্ন চৰিত্ৰত অভিনয় কৰা শিল্পী সকল হৈছে -পুণ্যদা বৰা,জয়ন্ত কুমাৰ বৰা,জিতেন্দ্ৰ নাথ বৰা,প্ৰশান্ত শৰ্মা, গগন চৌধুৰী, তপন কুমাৰ বৰা,মনোজ কুমাৰ বৰদলৈ,দিব্যজ্যোতি শইকীয়া,সঞ্জীৱ কুমাৰ বৰা,শৰৎ কুমাৰ বৰা,ৰুণজুন বেজবৰুৱা,বিদ্যাকান্ত শৰ্মা, উৎপল শৰ্মা,ৰঞ্জিত ভট্টাচাৰ্য্য, বসন্ত গোহাঁই,ইন্দ্ৰজিত পাঠক,মৌচম বৰা(নিপু),প্ৰসন্ন কুমাৰ বেজবৰুৱা,নিৰ্মাণ জ্যোতি মুক্তিয়াৰ,দিলীপ লস্কৰ,হিৰু কাশ্যপ শৰ্মা,সুৰজ কুমাৰ বৰা,নেত্ৰ কমল বৰা,প্ৰণৱ জ্যোতি বৰদলৈ,শোণিত কুমাৰ বৰা,কনক শইকীয়া,গৌতম কুমাৰ বৰা,দিলীপ কুমাৰ লস্কৰ,নৱজ্যোতি গোস্বামী(মুৰুলী),কৃষ্ণাংগ বৰা,নৱকৃষ্ণ বৰা,লক্ষ্য জ্যোতি শইকীয়া,অংগনা বৰদলৈ, পাপৰি শইকীয়া,লক্ষীপ্ৰভা শইকীয়া,সুস্মিতা শইকীয়া,ডা: জয়শ্ৰী পাঠক,কবিতা বৰা(গোহাঁই),ময়ুৰী গোস্বামী, শ্ৰুতি শইকীয়া,ক্যাট্ৰিণা কাশ্যপ,কৃষ্টি কানন কলিতা, কৃপাশ্ৰী হাজৰিকা।
নাটখনিৰ পৰিচালনা উপদেষ্টা আছিল বিশিষ্ট নাট্যকাৰ, পৰিচালক, অভিনেতা সপোনটি বৰদলৈ আৰু সহযোগী পৰিচালক হিচাপে আছিল মনোজ কুমাৰ বৰদলৈ।আলোকত আছিল গৌতম শইকীয়া,সংগীতত গুণ কান্ত দাস,মঞ্চসজ্জাত গগন চৌধুৰী,ৰূপসজ্জাত আছিল প্ৰকাশ বৰা। সমাৰোহৰ মুখ্য ব্যৱস্থাপক জয়ন্ত কুমাৰ বৰা।ব্যৱস্থাপনা সহযোগী গগন চৌধুৰী আৰু অনন্ত বৰা। ভৱিষ্যতেও নাট্যকাৰ কলিতাৰ পৰা আৰু অধিক আশা কৰিব নিশ্চয়কৈ পাৰি ৷ আনহাতে দ্বিতীয় দিনা ১৮ নবেম্বৰত মঞ্চায়ন হোৱা ‘পতংগ’ নাটখনিয়েও দৰ্শক ৰাইজৰ মন মন্দিৰত ৰেখাপাত কৰিবলৈ সক্ষম হয় ৷ দুয়োখন নাটকতেই দৰ্শকৰ উপস্থিতি আশাব্যঞ্জক আছিল ৷