সমগ্ৰ বিশ্বজুৰি অনুৰাগীৰে ভৰপূৰ বলীউডৰ ছুপাৰষ্টাৰ শ্বাহৰুখ খানে অভিনয়ৰ দক্ষতা, পৰ্দাৰ উপস্থিতি, নম্ৰতাৰে দৰ্শকক বাৰে বাৰে আপ্লুত কৰি আহিছে। এতিয়া বিশ্বৰ অন্যতম বৃহৎ আগশাৰীৰ আলোচনীয়ে সৰ্বকালৰ ৫০ জন শ্ৰেষ্ঠ অভিনেতাৰ তালিকা প্ৰস্তুত কৰিছে আৰু শ্বাহৰুখ খান একমাত্ৰ ভাৰতীয় অভিনেতা যিয়ে এই তালিকাত স্থান লাভ কৰিছে।
ছ’চিয়েল মিডিয়াত এই তালিকা প্ৰকাশ কৰি আলোচনীখনে সৰ্বকালৰ শীৰ্ষ ৫০ গৰাকী মহান অভিনেতাৰ তালিকা শ্বেয়াৰ কৰে। তেওঁলোকে লিখিছিল “এম্পায়াৰৰ সৰ্বকালৰ ৫০ জন শ্ৰেষ্ঠ অভিনেতাৰ তালিকা – প্ৰকাশ! আমাৰ একেবাৰে নতুন সংখ্যাত উদযাপন কৰা ধৰণে, আৰু আপোনালোকে ভোট দিয়াৰ দৰে।
সৰ্বকালৰ ৫০ জন শ্ৰেষ্ঠ অভিনেতাৰ তালিকাত শ্বাহৰুখ খান, যিজন একমাত্ৰ ভাৰতীয় অভিনেতা৷ এই তালিকাৰ আন অভিনেতাসকলৰ ভিতৰত আছে ডেনজেল ৱাশ্বিংটন, টম ক্ৰুজ, ফ্লৰেন্স পুগ, আৰু টম হেংকছ আদি। বৰ্তমান শ্বাহৰুখ খানে জানুৱাৰী মাহত মুক্তি পাবলগীয়া ছবি পাথানৰ বাবে সাজু হৈছে, তাৰ পিছতে মুক্তি পাব জৱান আৰু ডাংকি।
