উৰ্বশী ৰৌতেলা আকৌ প্ৰেমত মতলীয়া হৈ পৰিছে আন এগৰাকী অভিনেতাৰ সৈতে
প্ৰেমত হৃদয় চূৰ্ণ-বিচূৰ্ণ হোৱাৰ পিছত নতুনকৈ ভালপোৱাৰ সম্পৰ্ক কৰিবলৈ আগবাঢ়িছে উৰ্বশী ৰৌতেলাই ।
সামাজিক মাধ্যমত দক্ষিণ ভাৰতৰ জনপ্ৰিয় অভিনেতা ৰাম পথিনেনীৰ লগত ফটো পোষ্ট কৰাৰ পিছতে অনুৰাগী সকলে ইতিবাচক আৰু নেতিবাচক কমেণ্ট কৰে ।
জাৰ্মানীৰ মিত্ৰজোঁট চৰকাৰে প্ৰাপ্তবয়স্কসকলৰ মাজত মনোৰঞ্জনমূলক গাঁজাৰ ব্যৱহাৰ বৈধ কৰাৰ পৰিকল্পনাত সন্মতি দিছে।
এতিয়াৰে পৰা দেশ খনত ব্যক্তিগত ব্যৱহাৰৰ বাবে ৩০ গ্ৰাম (১ অ’জ) পৰ্যন্ত ভাং লগত ৰখাৰ অনুমতি দিয়া হ’ব। অনুজ্ঞাপ্ৰাপ্ত দোকান আৰু ফাৰ্মাচীবোৰে ভাং বিক্ৰী কৰিব পাৰিব।
অৱশ্যে এই সিদ্ধান্তটো এতিয়াও সংসদত গৃহীত হোৱা নাই। স্বাস্থ্য মন্ত্ৰী কাৰ্ল লটাৰবাকে কয় যে পৰিকল্পনাটো ২০২৪ চনত আইনত পৰিণত হ’ব পাৰে।
ইউৰোপীয় ইউনিয়নত কেৱল মাল্টাই মনোৰঞ্জনমূলক গাঁজাক বৈধতা প্ৰদান কৰিছে।
নেডাৰলেণ্ডত ডাচ্চ আইনৰ অধীনত, “কফি শ্বপ”ত কম পৰিমাণৰ গাঁজা বিক্ৰী কৰা হয়।
জাৰ্মানীয়ে প্ৰতিজন প্ৰাপ্তবয়স্ক লোককঘৰত গাঁজা গছৰ খেতিৰ অনুমতি দিব।
বগৰীত ভিটামিন চি.ডি, ই পটাছিয়াম, মেগনেছিয়াম, জিংক, ফলেট ফাইবাৰ, এন্টিঅক্সিডেন্ট আদি বিভিন্ন উপাদানসমূহ পােৱা যায়।
★বগৰী উচ্চ ৰক্তচাপৰ বাবে অতি উপকাৰী।
★বগৰী খালে তেজৰ চলাচল নিয়মীয়াকৈ ৰাখে।
★হাড় মজবুত কৰে, বগৰীৰ সাহটোৱে ডাইবেটিছ ৰােগৰ বাবে হােৱা নিৰ্ভৰ দুর্বলতা দূৰ কৰিব পাৰে।
★বগৰীত থকা উপকাৰী উপাদানে শৰীৰত ৰােগ প্ৰতিৰােধ কৰিব পাৰে।
★ বগৰীয়ে বল, বীর্য বৃদ্ধি কৰে, দূষিত তেজ পৰিষ্কাৰ কৰে।
★শৰীৰ গৰম হলে বগৰী খালে শীতল হয়।
★বগৰীৰ কুমলীয়া পাত সৈন্ধৱ লােণৰ লগত ভাজি খালে স্বৰভঙ্গ ৰােগ নিৰাময় হয়।
★ শুকান বগৰীয়ে পিত্তৰ বাবে হােৱা প্রদাহ, ক্ষয় ৰােগ নিৰাময় কৰিব পাৰে।
★ বগৰী খালে কোষ্ঠকাঠিন্য দূৰ কৰে, বগৰীৰ চৰৱতে শৰীৰ সতেজ কৰে।
★ বগৰীৰ কুমলীয়া পাত পিহি চুলিত লগালে চুলি সুন্দৰ আৰু উজ্জ্বল মিহি হৈ পৰে।
★বগৰীৰ কুমলীয়া পাত, মধুৰী আমৰ কুমলীয়া পাত আৰু কাচকলৰ আঞ্জা কৰি খালেও ডায়েৰীয়া নিৰাময় হয়।
মিতালি ভূঞা ফাউণ্ডেছনৰ উদ্যোগত আৰু প্ৰতিশ্ৰুতি প্ৰকাশনৰ সহযোগত অসমৰ প্ৰথমগৰাকী নটাৰী তথা গুৱাহাটী উচ্চ ন্যায়ালয়ৰ অধিবক্তা, জীৱপ্ৰেমী মিতালি ভূঞাৰ সোঁৱৰণত দিব বিচৰা ”মিতালি ভূঞা সোঁৱৰণী বঁটা ২০২২”ৰ বিজয়ীসকলৰ নাম ফাউণ্ডেছনে ঘোষণা কৰিছে।
গুৱাহাটী প্ৰেছ ক্লাৱত এক সংবাদমেল আয়োজন কৰি ফাউণ্ডেছনৰ তৰফৰ পৰা মেনেজিং ট্ৰাষ্টী দেৱজিত ভূঞা আৰু কমল কটকীয়ে প্ৰকাশ কৰে বিজয়ীসকলৰ নাম।
উল্লেখ্য যে ফেচবুক, টুইটাৰ,ইনষ্টাগ্ৰাম আদি ছোচিয়েল মিডিয়াৰ জৰিয়তে মনোনয়ন বিচাৰি ৰাইজৰ মতামত লোৱা হৈছিল। তাৰ ভিত্তিত এইসকল বিজয়ী নিৰ্বাচিত কৰা হৈছে।
১. জীৱনজোৰা সাধনা বঁটাঃ ডাঃ অমল চন্দ্ৰ কটকী
২. মানৱদৰাদী চিকিত্সক বঁটাঃ ডাঃ নৰেন্দ্ৰ নাথ দত্ত
৩. লৌহ মানৱী বঁটাঃ শ্ৰীমতি ভায়লেট বৰুৱা
৪. মানৱদৰদী অভিযন্তা বঁটাঃ চফিউৰ ৰহমান শইকীয়া
৫. দুখীয়াৰ বন্ধু অধিবক্তা বঁটাঃ শান্তনু বৰঠাকুৰ
৬. জীৱবন্ধু বঁটাঃ ডাঃ স্মৃতিৰেখা দত্ত
৭. কুকুৰৰ বন্ধু বঁটাঃ সহায় (এনজিও)
৮. মহিলা উদ্যোগী বঁটাঃ ৰূপজ্যোতি শইকীয়া গগৈ
অহা ২ নৱেম্বৰ ২০২২ত গুৱাহাটীৰ জিলা পুথিভৰালতস্থিত জয়ন্তবৰুৱা-লখিমী বৰুৱা ভৱনত এক আড়ম্বৰপূৰ্ণ অনুষ্ঠানত এই বঁটাসমুহ প্ৰদান কৰা হ’ব। একেটা অনুস্থানতে কেইবাগৰাকী বিশিষ্ট মহিলাক সম্বৰ্ধনা জনোৱা হব। তেওঁলোক হৈছে ক্ৰমে, ৰাষ্ট্ৰীয় বঁটা প্ৰাপক অসমীয় অভিনেত্ৰী মলয়া গোস্বামী, বিশিষ্ট সাহিত্যিক বন্দিতা ফুকন, জাংগল ট্ৰেভলছৰ স্বত্বাধিকাৰী জাহ্নৱী ফুকন, নেডফিৰ জেনেৰেল মেনেজাৰ অলি বৰা, ডাউনটাউন বিশ্ববিদ্যালয় আৰু ডাউনটাউন গ্ৰুপৰ সঞ্চালিকা ময়ুৰাক্ষী দত্ত, জনপ্ৰিয় আৰ.জে. সুজিতা দাস, বৰঠাকুৰ আইএএছ একাডেমীৰ সঞ্চালিকা বন্দনা বৰঠাকুৰ, বিশিষ্ট উদ্যোগী মহিলা তথা প্ৰতিশ্ৰুতি মাহেকীয়া আলোচনীৰ স্বত্বাধিকাৰী দৰ্শনা বৰুৱা থমাছ।
অভিযন্তা ,কবি , সাহিত্যিক দেৱজিৎ ভূঞাৰ ‘আ’কাৰ , ‘ই’কাৰ , ‘উ’কাৰ বিহীন কবিতাপুথি ‘কৰতল কমল’ৰ দ্বিতীয় সংস্কৰণ আজি গুৱাহাটী প্ৰেছ ক্লাৱত উন্মোচন কৰা হয় । পুথিখন উন্মোচন কৰে অসম সাহিত্য সভাৰ প্ৰাক্তন প্ৰধান সম্পাদক বিশিষ্ট সাহিত্যিক ডঃ জগদীশ পাটগিৰিয়ে । গ্রন্থখন উন্মোচন কৰি ডঃ পাটগিৰিয়ে কয়-‘ দেৱজিৎ ভূঞাই অভিনৱ শৈলীৰে কবিতা পুথিখন লিখিছে । কবিতা কেইটাত ধ্বনি ,মাত্ৰা, লয় বিদ্যমান । পুথিখন অন্য কবিতা পুথিত কৈ কিছু পৃথক । পাঠক ৰাইজে পুথিখনত অন্য সোৱাদ বিচাৰি পাব ।’ প্ৰতিশ্ৰুতি প্ৰকাশনৰ দ্বাৰা প্ৰকাশিত গ্ৰন্থখনৰ উন্মোচনী অনুষ্ঠানত বিশিষ্ট অতিথিৰূপে উপস্থিত থাকে বিশিষ্ট শিল্পী কমল কটকী । অনুষ্ঠানটোৰ আঁত ধৰে অবিনাশ শৰ্মাই ।
প্ৰাক্তন ভাৰতীয় অলৰাউণ্ডাৰ ইৰফান পাঠানক অলপতে লেজেণ্ডছ লীগ আৰু ৱৰ্ল্ড ৰোড চেফটি চিৰিজত খেলি থকা দেখা গৈছিল। গুজৰাটৰ বৰোদাত জন্মগ্ৰহণ কৰা ইৰফান পাঠানে আজি তেওঁৰ ৩৭ তম জন্মদিন উদযাপন কৰিছে। ইৰফানে তেওঁৰ বলৰ লগতে বেটৰ সৈতে সুন্দৰখেলিছিল।
ইৰফানৰ সুন্দৰভাৱে চুইং কৰাৰ ক্ষমতা আছিল। এই বাওঁহাতৰ অলৰাউণ্ডাৰে বেটছমেনসকলক তেওঁৰ বলৰে লৰচৰ কৰিছিল। সেইবোৰৰ সৈতে সম্পৰ্কিত কিছুমান বিশেষ ৰেকৰ্ড আহক।
টেষ্ট ক্ৰিকেটৰ বিশেষ অভিলেখ
টেষ্ট মেচৰ প্ৰথম অভাৰত ইৰফান পাঠানে হেট্ৰিক লয়। ইৰফান এনে কৰা প্ৰথম বলাৰ। তেওঁ ২০০৬ চনত পাকিস্তানৰ বিৰুদ্ধে খেলা এখন টেষ্ট মেচত এই কৃতিত্ব কৰিছিল।
ইৰফান হৈছে টেষ্ট মেচত ১০ টা উইকেট লোৱা ৯ম কনিষ্ঠতম খেলুৱৈ। তেওঁ 20 বছৰ, 44 দিন বয়সত এই কৃতিত্ব কৰিছিল।
এদিনীয়া ক্ৰিকেটত দ্ৰুততম ১০০ টা উইকেট লোৱাৰ ক্ষেত্ৰত ইৰফান ১৩ নম্বৰত আহিছে। একে সময়তে, তেওঁ ভাৰতীয় খেলুৱৈসকলৰ মাজত চতুৰ্থ নম্বৰ লাভ কৰিছে।
আধুনিক চিকিৎসা বিজ্ঞানৰ ওচৰত হাৰ মানি জীৱন নাটৰ সামৰণি মাৰিলে অসমীয়া ছবি জগতৰ উজ্জ্বল নক্ষত্ৰ নিপন গোস্বামীয়ে। বিগত চাৰিটা দিন গুৱাহাটীৰ নেমকেয়াৰ চিকিৎসালয়ত চিকিৎসাধীন হৈ থকা শিল্পী গৰাকী আজি পুৱা এই সংসাৰৰ মায়া মোহৰ ত্যাগ কৰি অনন্তধামলৈ গতি কৰে। তেজপুৰৰ সাংস্কৃতিকবান পৰিয়ালৰ বিখ্যাত অভিনেতা চন্দ্ৰধৰ গোস্বামী আৰু সুগায়িকা নিৰুপমা গোস্বামীৰ পুত্ৰ নিপন গোস্বামীৰ জন্ম হৈছিল ১৯৪২ চনৰ ৩ ছেপ্টেম্বৰত। তেজপুৰত শৈক্ষিক জীৱন আৰম্ভ কৰা শিল্পী গৰাকীয়ে ১৯৫৭ চনত পিয়লি ফুকন ছবিত শিশু চৰিত্ৰত অভিনয় কৰি প্ৰতিভাৰ স্বাক্ষৰ দিছিল।
স্নাতক পাঠ্যক্ৰম শেষ কৰি তেও পুনে ফিল্ম ইনষ্টিটিউটত অভিনয়ত নামভৰ্তি কৰে। তেওৰ সহপাঠী আছিল নবীন নিশ্চল, শত্ৰুঘ্ন সিনহা, সুভাষ ঘাই আদি শিল্পী সকল। সুখ্যাতিৰে শিক্ষা শেষ কৰি তেও উভতি আহে অসমলৈ। সংগ্ৰাম ছবিত মূল চৰিত্ৰ অভিনয়ৰে অসমীয়া ছবি জগতত খোজ দিয়া গোস্বামীয়ে ১৯৬৯ চনত মুক্তিপ্ৰাপ্ত ” ডঃ বেজবৰুৱা” ছবিত কৰা বলিষ্ঠ অভিনয় আজিও দৰ্শকৰ মনত চিৰসেউজ হৈ আছে। এখনৰ পিছত এখন বলিষ্ঠ ছবি উপহাৰ দি অসম আৰু অসমীয়াৰ নয়নমনি হৈ পৰা গোস্বামীৰ মৃত্যুৱে ৰাজ্যজুৰি শোকৰ ছাঁ পৰিছে। মুখ্যমন্ত্ৰী ডঃ হিমন্ত বিশ্ব শৰ্মাই “ককাদেউতা নাতি আৰু হাতী” ছবি সোৱৰণ কৰি তেওৰ মৃত্যুত গভীৰ শোক প্ৰকাশ কৰে। প্ৰাক্তন মুখ্যমন্ত্ৰী তথা কেন্দ্ৰীয় মন্ত্ৰী সৰ্বানন্দ সোণোৱালেও নিপন গোস্বামীৰ মৃত্যুত গভীৰ শোক প্ৰকাশ কৰে। আনহাতে অসম চৰকাৰে গোস্বামীক ৰাজ্যিক মৰ্যদাৰে বিদায় জনোৱাৰ সিদ্ধান্ত গ্ৰহন কৰাৰ লগতে চিকিৎসালয়ৰ ব্যয় বহন কৰাৰ বিষয়ে ঘোষনা কৰিছে। শিল্পীৰ গৰাকীৰ মৃত্যুত গভীৰ শোক প্ৰকাশ কৰাৰ লগতে আত্মাৰ চিৰ শান্তি কামনা কৰিছে “দৈনন্দিন বাৰ্তা” গোষ্ঠীয়ে।
ৰোষ্ট কৰা বুট খালে আমাৰ স্বাস্থ্যৰ বহু উপকাৰ হয়। ই ওজন নিয়ন্ত্ৰণ কৰে। ইয়াৰ লগতে ই শৰীৰৰ ৰোগ প্ৰতিৰোধ ক্ষমতাও বৃদ্ধি কৰে। যদি আমি ৰাতিপুৱা খালী পেটত ৰোষ্ট কৰা বুট খাওঁ, তেন্তে ই আমাক আৰু অধিক উপকাৰ দিয়ে। কাৰণ বুটত কাৰ্বহাইড্ৰেট, প্ৰটিন, কেলচিয়াম, আইৰণ, ভিটামিন থাকে যিয়ে আমাৰ স্বাস্থ্য উপকৃত কৰে। আনহাতে, ৰোষ্ট কৰা চানা বুট খালে আমাৰ স্বাস্থ্যৰ বহু উপকাৰ হয়। ই ওজন নিয়ন্ত্ৰণ কৰে। ইয়াৰ লগতে ই শৰীৰৰ ৰোগ প্ৰতিৰোধ ক্ষমতাও বৃদ্ধি কৰে। আনহাতে, যদি আপুনি ৰাতিপুৱা খালী পেটত ৰোষ্ট কৰা চানা বুট , তেন্তে ই আপোনাৰ স্বাস্থ্যৰ বাবে অতি উপকাৰী-
ৰোষ্ট কৰা চানা বুট খোৱাৰ উপকাৰীতা
ইমিউনিটি বৃদ্ধি কৰক
যদি আপুনি ৰাতিপুৱা খালী পেটত ৰোষ্ট কৰা চানা বুট সেৱন কৰে, তেন্তে ই আপোনাৰ ৰোগ প্ৰতিৰোধ ক্ষমতা বৃদ্ধি কৰে। শক্তিশালী ৰোগ প্ৰতিৰোধ ক্ষমতাই শৰীৰক বিভিন্ন ৰোগৰ বিৰুদ্ধে যুঁজ দিয়াত সহায় কৰে। যদি আপুনি দৈনিক ৰোষ্ট কৰা চানা বুট সেৱন কৰে, তেন্তে আপুনি বাৰে বাৰে অসুস্থ নহয়।
ওজন নিয়ন্ত্ৰণ কৰক
যদি আপুনি ৰাতিপুৱা এমুঠি ৰোষ্ট কৰা চানা বুট সেৱন কৰে, তেন্তে ই আপোনাৰ ওজনো নিয়ন্ত্ৰণ কৰে। মেদবহুলতাৰ বলি হ’ব নোৱাৰে। ৰাতিপুৱা ব্ৰেকফাষ্টত ৰোষ্ট কৰা চানা বুট খাব লাগে।ৰোষ্ট কৰা চানা বুট খালে পেটটো বহুদিন ভৰ্তি হৈ থাকে আৰু ভোক অনুভৱ নকৰে। ইয়াৰ দ্বাৰা আপুনি আপোনাৰ শৰীৰকো অতিমাত্ৰা খাদ্য খোৱাৰ পৰা ৰক্ষা কৰিব পাৰে।আৰু আপোনাৰ ওজন নিয়ন্ত্ৰণত থাকে।
পাচন শক্তি বৃদ্ধি কৰক
ৰোষ্ট কৰা চানা বুট আপোনাৰ স্বাস্থ্যৰ বাবে অতি উপকাৰী। ইয়াৰ উপৰিও ই আপোনাৰ পাচন শক্তি বৃদ্ধি কৰে আৰু লগতে বহুতো ৰোগক পৰাস্ত কৰিবলৈ শৰীৰক শক্তি প্ৰদান কৰে। যদি আপুনি হজম শক্তিৰ লগত জড়িত কোনো সমস্যাৰ সন্মুখীন হৈছে, তেন্তে ৰাতিপুৱাৰ খাদ্যত নিশ্চিতভাৱে পোৰা ৰোষ্ট কৰা চানা বুট অন্তৰ্ভুক্ত কৰক। ৰোষ্ট কৰা চানা বুটে পাচন শক্তিক ভাৰসাম্য ৰক্ষা কৰে। একে সময়তে ই মনৰ শক্তিও বৃদ্ধি কৰে।
বি চি চি আই মহিলা জাতীয় দলৰ ক্ৰিকেটাৰসকলে পুৰুষ ক্ৰিকেটাৰৰ দৰে একে মেচ মাচুল লাভ কৰিব– টেষ্টৰ বাবে ১৫ লাখ টকা, এদিনীয়া খেলৰ বাবে ৬ লাখ টকা আৰু টি-২০ আন্তঃৰাষ্ট্ৰীয় মেচৰ বাবে ৩ লাখ টকা।ভাৰতীয় ক্ৰিকেট নিয়ন্ত্ৰণ ব’ৰ্ডে ঘোষণা কৰিছে ক… বৃহস্পতিবাৰে (২৭ অক্টোবৰ) মহিলা ক্ৰিকেটৰ বাবে ল্যাণ্ডমাৰ্ক সিদ্ধান্ত। ছিডনীত অনুষ্ঠিত হ’বলগীয়া টি-২০ বিশ্বকাপ ২০২২ৰ দ্বিতীয়খন ছুপাৰ ১২ মেচত পুৰুষ ক্ৰিকেট দলে নেদাৰলেণ্ডৰ বিৰুদ্ধে খেলিবলগীয়া দিনটোত বিচিচিআইৰ সচিবে ভাৰতৰ পুৰুষ আৰু মহিলা ক্ৰিকেটাৰ উভয়ৰে বাবে ‘সমান দৰমহা’ৰ নতুন নীতি ঘোষণা কৰে।বি চি চি আইৰ মহিলা জাতীয় দলৰ ক্ৰিকেটাৰসকলে পুৰুষ ক্ৰিকেটাৰসকলৰ দৰেই মেচ মাচুল লাভ কৰিব – টেষ্টৰ বাবে ১৫ লাখ টকা, এদিনীয়া খেলৰ বাবে ৬ লাখ টকা আৰু টি-২০ আন্তঃৰাষ্ট্ৰীয় মেচৰ বাবে ৩ লাখ টকা। ভাৰতীয় মহিলা ক্ৰিকেট দলৰ ঐতিহাসিক সপ্তম এছিয়া কাপ খিতাপ জয়ৰ পিছতে এই সিদ্ধান্ত গ্ৰহণ কৰা হৈছে।
I’m pleased to announce @BCCI’s first step towards tackling discrimination. We are implementing pay equity policy for our contracted @BCCIWomen cricketers. The match fee for both Men and Women Cricketers will be same as we move into a new era of gender equality in 🇮🇳 Cricket. pic.twitter.com/xJLn1hCAtl
— Jay Shah (@JayShah) October 27, 2022
‘বৈষম্য মোকাবিলা কৰাৰ দিশত @BCCIৰ প্ৰথম পদক্ষেপ ঘোষণা কৰি মই আনন্দিত হৈছো। আমি আমাৰ চুক্তিবদ্ধ @BCCIWomen ক্ৰিকেটাৰসকলৰ বাবে পে ইকুইটি নীতি ৰূপায়ণ কৰি আছো। ভাৰতীয় ক্ৰিকেটত লিংগ সমতাৰ নতুন যুগত আমি আগবাঢ়ি যোৱাৰ লগে লগে পুৰুষ আৰু মহিলা ক্ৰিকেটাৰ উভয়ৰে বাবে মেচ মাচুল একে হ’ব,”“@BCCIWomen ক্ৰিকেটাৰসকলক তেওঁলোকৰ পুৰুষ সমকক্ষসকলৰ দৰেই একেটা মেচ মাচুল দিয়া হ’ব। টেষ্ট (১৫ লাখ টকা), এদিনীয়া (৬ লাখ টকা), T20I (৩ লাখ টকা)। পে ইকুইটি আছিল আমাৰ মহিলা ক্ৰিকেটাৰসকলৰ প্ৰতি মোৰ প্ৰতিশ্ৰুতি আৰু এপেক্স কাউন্সিলক তেওঁলোকৰ সহায়ৰ বাবে ধন্যবাদ জনাইছো। জয় হিন্দ।’-শ্বাহে লগতে কয়।
চলিত বৰ্ষৰ আৰম্ভণিতে নিউজিলেণ্ড ক্ৰিকেটে একে নীতি কাৰ্যকৰী কৰাৰ পিছতে বিচিচিআইৰ এই পদক্ষেপ গ্ৰহণ কৰা হৈছে। নিউজিলেণ্ডৰ পুৰুষ আৰু মহিলা ক্ৰিকেটাৰসকলে সমান দৰমহা লাভ কৰে, নিউজিলেণ্ড ক্ৰিকেট আৰু খেলুৱৈ সন্থাৰ পাঁচ বছৰীয়া চুক্তিৰ বাবেই। চুক্তি অনুসৰি মহিলা খেলুৱৈসকলক ঘৰুৱা আৰু আন্তঃৰাষ্ট্ৰীয় পৰ্যায়ত সকলো ফৰ্ম আৰু ইভেণ্টত পুৰুষৰ দৰেই একেধৰণৰ মেচ মাচুল প্ৰদান কৰা হ’ব।
ৰাষ্ট্ৰীয় শিশু বিজ্ঞান সমাৰোহ ২০২২ৰ অংশ হিচাপে কামৰূপ মহানগৰ জিলা পৰ্যায়ৰ শিশু বিজ্ঞান সমাৰোহখনি অহা ৩০ অক্টোবৰ ২০২২ তাৰিখে দিনজোৰাকৈ অনুষ্ঠিত হ’ব।সোণাৰাম উচ্চতৰ মাধ্যমিক বিদ্যালয়, ভৰলুমুখত অনুষ্ঠিত হ’বলগীয়া উক্ত কাৰ্যসূচী সিদিনাখন দিনৰ ৯ বজাত পতাকা উত্তোলনেৰে আৰম্ভ কৰা হ’ব। পতাকা উত্তোলনৰ লগে লগে ৰাষ্ট্ৰীয় শিশু বিজ্ঞান সমাৰোহৰ শীৰ্ষ গীতটো পৰিৱেশন কৰা হ’ব। আৰম্ভণি অনুষ্ঠানত সমাৰোহৰ আঁদৰণি ভাষণ দিব সোণাৰাম উচ্চতৰ মাধ্যমিক বিদ্যালয়ৰ অধ্যক্ষা মঞ্জুৰাণী বৰ্মনে (Manjurani Barman)। সমাৰোহৰ উদ্বোধনী ভাষণ প্ৰদান কৰিব কামৰূপ মহানগৰ জিলা ৰাষ্ট্ৰীয় শিশু বিজ্ঞান সমাৰোহ সমিতি ২০২২ৰ সভাপতি অধ্যাপক অনুপ কুমাৰ তালুকদাৰে। পতাকাৰ তলত শিশু বিজ্ঞানীসকলক শপত বাণীও পাঠ কৰোৱা হ’ব।
শিশু বিজ্ঞানীসকলৰ বিজ্ঞান প্ৰকল্প প্ৰতিবেদন উপস্থাপনৰ বাবে দিনৰ ১০-৩০ বজাৰপৰা আৰম্ভ হ’বলগীয়া কাৰিকৰী অনুষ্ঠান উদ্বোধন কৰিব কামৰূপ (মহানগৰ) জিলাৰ বিদ্যালয়সমূহৰ পৰিদৰ্শক প্ৰসন্ন বৰাই।
আবেলি ২-৩০ বজাত সমাৰোহৰ সামৰণি অনুষ্ঠান পতাৰ বাবে পৰিকল্পনা কৰা হৈছে যদিও প্ৰকল্প উপস্থাপনৰ সময়ৰ ওপৰত নিৰ্ভৰ কৰি কিছু সাল-সলনিও হ’ব পাৰে।
উল্লেখ্য যে ভাৰত চৰকাৰৰ বিজ্ঞান আৰু প্ৰযুক্তিবিদ্যা বিভাগৰ পৃষ্ঠপোষকতাত ৰাষ্ট্ৰীয় বিজ্ঞান আৰু প্ৰযুক্তিবিদ্য়া সংযোগ পৰিষদে সমগ্ৰ দেশজুৰি ১৯৯৩ চনৰপৰা উক্ত কাৰ্যক্ৰম আয়োজন কৰি আহিছে। জিলা, ৰাজ্যিক আৰু ৰাষ্ট্ৰীয় পৰ্যায়ত অনুষ্ঠিত উক্ত কাৰ্যসূচীত ১০ৰপৰা ১৭ বছৰ বয়সৰ ল’ৰা-ছোৱালীসকলে বিনামূলীয়াকৈ যোগদান কৰিব পাৰে।
সমাৰোহত যোগদান কৰিবলৈ ইচ্ছুক ল’ৰা-ছোৱালীসকলে দুজনীয়া একোটা গোট একোটা গঠন কৰি জিলা সংগঠনৰ ওচৰত আগতীয়াকৈ নাম পঞ্জীয়ন কৰাৰ লগতে সমাৰোহৰ শীৰ্ষ বিষয়ক লৈ একোটা প্ৰকল্প সম্পাদন কৰিব লাগে। জিলা পৰ্যায়ৰ সমাৰোহত শিশু বিজ্ঞানীৰ দলবোৰে নিজ নিজ প্ৰকল্পৰ প্ৰতিবেদন উপস্থাপন কৰিব লাগে। এইবছৰৰ প্ৰকল্পৰ বাবে নিৰ্ধাৰিত মূল বিষয় হৈছে- “সু-স্বাস্থ্য আৰু সৰ্বাংগীন কুশলতাৰ বাবে পৰিস্থিতিতন্ত্ৰক বুজোঁ আহা।“
