ৰাজ্যত দিনে দিনে শিশু ওপৰত নানা ধৰণৰ অপৰাধজনীত ঘটনা সংঘটিত হৈ থকাৰ সময়তে বুধবাৰে ওদালগুৰি জিলাৰ লালপুল আউত পোষ্টৰ অন্তৰ্গত ঝাড়গাঁও চকত এখন দোকানত শিশু শ্ৰমিক হিচাপে কৰ্মৰত হৈ থকাৰ মুহূৰ্তত লালপুল আউত পোষ্ট আৰু ৰৌতা থানাৰ আৰক্ষীৰ সহযোগত মাজবাট শ্ৰমিক পৰিদৰ্শন বিষয়া দীপ্তি ৰাইৰ নেতৃত্বত আবিদুল হকৰ “হক ষ্টুৰ”ৰ পৰা এজন ১৫ বছৰীয়া কিশোৰ উদ্ধাৰ কৰিবলৈ সক্ষম হয়।

সুৰক্ষা প্ৰতি লক্ষ্য ৰাখি অস্থায়ী ভাবে শিশু কল্যান সমিতিয়ে কিশোৰ জনক শিশু গৃহত ৰাখে আৰু তদন্ত অব্যাহত ৰাখিছে।আনহাতে উক্ত উদ্ধাৰ অভিযানত সহযোগ কৰে ওদালগুৰি জিলা চাইল্ড লাইনৰ পৰিচালক ললিত বড়ো, সমন্বয়ক বেলিনা দৈমাৰী,সংগঠক অৰূপবড়ো, অনচুলা মোচাহাৰী, শিশু সুৰক্ষা বিষয়া গৌতম চহৰীয়া লগতে সমাজ সেৱক দিলীপ শৰ্মাই।

প্রাক্তন মুখ্যমন্ত্রী সৰ্ব্বানন্দ সোণোৱাল ৰ কাৰ্য্যলয়ত সমগ্র অসমত তিনিটা মণ্ডলত বিভক্ত কৰি চাহ বাগিচাত আন্তঃ বাগিচা চি. এম. কাপ ফুটবল প্ৰতিযোগিতা অনুষ্ঠিত কৰিছিল যদিও পৰৱৰ্তী সময়ত চি এম কাপ ফুটবল প্ৰতিযোগিতা তাপ মাৰিলে। চি এম কাপ প্ৰতিযোগিতাৰ চুড়ান্ত খেলত বিজয়ী দলটোৰ খেলুৱৈ সকলক বিভিন্ন চৰকাৰী সুবিধা দিয়াৰ প্ৰতিশ্ৰুতিৰ লগতে বাগিচা সমূহত সাত লাখ টকা ব্যয় সাপেক্ষে বিজ্ঞান সন্মত ভাবে খেল পথাৰ নিৰ্মাণ কৰি বাগিচাৰ যুৱক যুৱতী’ক ‘ফুটবল’খেলৰ প্ৰতি আকৰ্ষিত কৰাৰ উদ্দেশ্যেৰে প্ৰশিক্ষণৰ ব্যবস্থাৰ প্ৰতিশ্ৰুতি প্ৰদান কৰিছিল। উক্ত প্ৰতিশ্ৰুতি ৰ এটা অংশও কাৰ্য্যকৰী কৰা পৰিলক্ষিত নহল। প্ৰতিশ্ৰুতি সমূহ ধোৱা চাঙত তুলি থোৱা হ’ল। শেষতীয়া ভাৱে বৰ্তমানৰ মূখ্য মন্ত্রী ডঃ হিমন্ত বিশ্ব নেতৃত্বাধীন চৰকাৰ খনে অহা ১৮ চেপ্তেম্বৰৰ ২০২২ ৰ পৰা অসম টি গ’ল্ডেন কাপ প্ৰতিযোগিতা আৰম্ভ কৰাৰ নিমিত্তে যাৱতীয় প্ৰক্ৰিয়া আৰম্ভ কৰিছে। অসম চাহ জনগোষ্ঠী ক্রীড়া আৰু সাংস্কৃতিক সন্হাৰ উদ্যোগত অসম ফুটবল সন্হাৰ ওত্বাবধানত আৰু বিভিন্ন জিলাৰ ক্রীড়া সন্হাৰ সহযোগত আন্তঃচাহ বাগিছা মহিলা ফুটবল প্ৰতিযোগিতাৰ ব্যাপক প্ৰচাৰৰ নিমিত্তে THEME SONG আৰু JERSEY উন্মোচন ৰ বাবে অহা ২ চেপ্তেম্বৰ ২০২২ তাৰিখে পুৱা ৯ বজাত গুৱাহাটীৰ জ্যোতি চিত্রবনৰ প্ৰেক্ষাগৃহত উন্মোচনী সভা আয়োজন কৰিছে আসাম টি গ’ল্ডেন কাপ মহিলা ফুটবল প্ৰতিযোগিতাৰ আয়োজক সমিতিয়ে। ব্যয় বহল বাজেটেৰে ১৮ চেপ্তেম্বৰৰ পৰা আৰম্ভ কৰিব লগীয়া আন্তঃ বাগিচা মহিলা ফুটবল প্ৰতিযোগিতাৰ সন্দৰ্ভত ব্যপক প্ৰচাৰৰ নিমিত্তে উন্মোচন হব ‘Theme song ‘।

লগতে উন্মোচন হব জাৰ্চি। চাহ বাগিচা ৰ মহিলাৰ মাজত ফুটবল প্ৰতিযোগিতাৰ কোনো প্ৰশিক্ষণ ৰ ব্যবস্থা নকৰাকৈ কেইটামান সক্রিয় দলৰ ওপৰত নিৰ্ভৰ কৰি আয়োজন কৰা প্ৰতিযোগিতা খনে সমাজ খনৰ মহিলাৰ মাজত কৈ প্ৰভাৱ পেলাব সময়ত স্পষ্ট হৈ পৰিব। অহা ২ চেপ্তেম্বৰত অনুষ্ঠিত হব লগা উন্মোচনী সভা প্ৰাৰম্ভনীক কাৰ্য্যক্ৰমনিকা অনুসৰি পুৱা ৯ বজাত বন্তি প্ৰম্বলন কৰিব প্ৰতিযোগিতা আয়োজক সমিতিৰ সভাপতি তথা শ্ৰম মন্ত্রী সজ্ঞয় কিষানে।৯ পুৱা ৯ ১৫ বজাত আদৰণি ভাষণ প্রদান কৰিব প্ৰতিযোগিতা আয়োজক সমিতিৰ সম্পাদক ৰাজেশ বদন নায়কে। পুৱা ৯ ৩০ বজাত ‘Theme song’ উন্মোচন কৰিব ভাৰত চৰকাৰৰ কেন্দ্রীয় মন্ত্রী ৰামেশ্বৰ তেলী আৰু অসম চৰকাৰৰ কৃষি মন্ত্রী অতুল বৰাই। পুৱা ৯ ৪৫ বজাত জাৰ্চি উন্মোচন কৰিব অসম চৰকাৰৰ সাংস্কৃতিক আৰু উদ্যোগ মন্ত্রী বিমল বড়া আৰু ৰাজহ মন্ত্রী যোগেন মানে। পুৱা ১০ বজাত সামৰনি পৰা উন্মোচনী সভাত আমন্ত্ৰিত অতিথি ৰূপে উপস্থিত থাকিব চাহ জনজাতি কল্যাণ বিভাগৰ আযুক্ত সচিব জে বি একা (আই এ এচ), ক্ৰীড়া ও যুৱ কল্যাণ বিভাগৰ সঞ্চালক নিবেদন দাস পাটোৱাৰী (ACS ) কে ধৰি ৰাজ্য খনৰ ২৪ গৰাকী উচ্চ পদস্থ বিষয়াকে ধৰি মন্ত্রী সাংসদ উপস্থিত থাকিব।

নলবাৰী জিলাৰ তিনিওটা সমষ্টিত ক্ৰমে, নলবাৰী,ধৰ্মপুৰ,বৰক্ষেত্ৰীত ৰাজ্যৰ পৰিবহন বিভাগ তথা দক্ষতা বিকাশৰ উদ্যোগত অনুষ্ঠিত কৰা হৈছিল ৪২ দিনীয়া বিনামূলীয়া ড্ৰাইভিংৰ প্ৰশিক্ষণ । সেইমৰ্মে আজি নলবাৰী জিলা পৰিবহন বিভাগ, দক্ষতা বিকাশ কেন্দ্ৰ তথা ৰাজ্যৰ পৰ্যটন বিভাগ আৰু স্বাস্থ্য বিভাগৰ সহযোগত অনুষ্ঠিত কৰা হয় এদিনীয়া পৰ্যটন বিষয় সন্দৰ্ভত প্ৰশিক্ষণৰ কৰ্মশালা । বিশিষ্ট নাট্যকাৰ গিৰীন্দ্ৰ দাসে আঁত ধৰা অনুষ্ঠানটোত পৰ্যটন বিষয় সন্দৰ্ভত আলোকপাত কৰে আমন্ত্ৰিত অতিথি তথা পৰ্যটন বিভাগৰ যুটীয়া সঞ্চালক ডা: হৃদয় ৰঞ্জন দাসে।

আনহাতে বিদেশৰ পৰা অহা এগৰাকী পৰ্যটকক কেনেকুৱা সজ ব্যৱহাৰ কৰি সেৱা প্ৰদান কৰিব লাগে সেই সন্দৰ্ভতো মত ব্যক্ত কৰে পৰ্যটন বিভাগৰ যুটীয়া সঞ্চালক গৰাকীয়ে । তদুপৰি সদায় যাতায়তৰ সময়ত সদায় সুস্থ মগজুৰে তথা পৰিবহন আইন মানি চলি গাড়ী চলাবলৈ আহ্বান জনাই নলবাৰীৰ পৰিবহন বিষয়া সীমান্ত কুমাৰ বৰাই । অনুষ্ঠানটোত উপস্থিত প্ৰশিক্ষণাৰ্থী সকলে এই বিনামূলীয়া প্ৰশিক্ষণ প্ৰদানৰ বাবে পৰিবহন বিভাগ,পৰ্যটন বিভাগ,দক্ষতা বিকাশ কেন্দ্ৰ তথা প্ৰশিক্ষণ প্ৰদান কৰি থকা গ্লোবেল গ্ৰাফিক্স কেন্দ্ৰক ধন্যবাদ জ্ঞাপন কৰে। আজিৰ এই অনুষ্ঠানত নলবাৰী পৰিবহন বিভাগৰ এম ভি আই জয়ন্ত দেউৰী,সহকাৰী পৰ্যটক তথ্য বিষয়া গৌতম গগৈ, মহকুমা স্বাস্থ্য ও চিকিৎসা বিষয়া ডা: সুৰেন্দ্ৰ নাথ মজুমদাৰ,গ্লোবেল গ্ৰাফিক্স নলবাৰীৰ স্বত্বাধিকাৰী উদ্ধৱ কলিতা সহ তিনিও টা সমষ্টিৰ প্ৰশিক্ষণাৰ্থী সকল উপস্থিত থাকে । আনহাতে অনুষ্ঠানটোৰ শেষত শলাগৰ শৰাই আগবঢ়াই সাংস্কৃতিক কৰ্মী বিনোদ ৰাজবংশীয়ে ।

ৰাজ্যৰ মুখ্যমন্ত্ৰী ডঃ হিমন্ত বিশ্ব শৰ্মা নিষিদ্ধ ড্ৰাগছৰ বিৰুদ্ধে যুদ্ধ ঘোষণা কৰাৰ পিছত ও একাংশ ড্ৰাগছ সৰবৰাহকাৰীয়ে বৰ্তমান ও চলাই আ্ছে নিষিদ্ধ ঘোষিত ড্ৰাগছৰ ৰমৰমীয়া বেহা লামডিং ৰেলৱে জংচনত উদ্ধাৰ কৰা হয় বৃহৎ পৰিমাণৰ ড্ৰাগছ। গুৱাহাটী -লামডিং ৰেলৱে সুৰক্ষা বাহিনীৰ (আৰ পি এফ) ৰ তহলদাৰী দলে উদ্ধাৰ কৰে ব্ৰাউন চুগাৰখিনি । ১৫৬২৫ উজনীমুৱা দেওগড় আগৰতলা এস্কপ্ৰেছ ৰেলখনৰ AC ডবাৰ এটা পৰিত্যক্ত বেগৰ পৰা ৰেলৱে সুৰক্ষা বাহিনীৰ তহলদাৰী দলে জব্দ কৰে ব্ৰাউন চুগাৰখিনি৷

৫৭ টা চাবোনৰ বাকচত ৭৫৫ গ্ৰাম ব্ৰাউন চুগাৰ উদ্ধাৰ হয় ৷ উদ্ধাৰ কৰা ব্ৰাউন চুগাৰখিনিৰ বজাৰ মূল্য প্ৰায় ৭৫ লাখ টকাৰ অধিক হ’ব বুলি জানিব দিয়ে ৰেলৱে সুৰক্ষা বাহিনীয়ে ৷ আৰ পি এফৰ দলটিয়ে যদিওবা বৃহৎ পৰিমাণৰ ব্ৰাউন চুগাৰখিনি জব্দ কৰিছে কিন্তু এই সংক্ৰান্তত এতিয়ালৈকে এজনকো আটক কৰিবলৈ সক্ষম হোৱা নাই৷