‘মুখ্যমন্ত্ৰী ডঃ হিমন্ত বিশ্ব শৰ্মাৰ নেতৃত্বত আমাৰ চৰকাৰে প্ৰথমৰে পৰা প্ৰশাসনিক সংস্কাৰৰ যি বিপ্লৱ আৰম্ভ কৰিছিল তাৰ ফল আপোনালোকে পাবলৈ লৈছে৷ চৰকাৰ আৰু বানাক্ৰান্তৰ মাজত কোনোধৰণৰ ব্যৱধান নোহোৱাকৈ সাহাৰ্য দিয়া হৈছে৷ ইমান ক্ষীপ্ৰতাৰে আৰু নিকাকৈ বানাক্ৰান্তক চৰকাৰী অনুদান দিয়াৰ ঘটনা অসমৰ ইতিহাসত এয়ে প্ৰথম৷’ আজি ধুবুৰী জিলা পুথিভড়াল প্ৰেক্ষাগৃহত আয়োজিত এক অনুষ্ঠানত ধুবুৰী জিলাৰ বাবে অৰুণোদয় মাহৰ শুভাৰম্ভ কৰি আৰু ২০২২ বৰ্ষৰ বানত বাসগৃহ ধ্বংস বা ক্ষতিগ্ৰস্থ হোৱা পৰিয়ালৰ মাজত প্ৰতিৰূপ চেক বিতৰণ কৰি অসম চৰকাৰৰ জলসিঞ্চন, গৃহ নিৰ্মাণ আৰু নগৰ পৰিক্ৰমা বিভাগৰ মন্ত্ৰী অশোক সিংঘালে এইদৰে কয়৷ অনুষ্ঠানত মুখ্য অতিথি হিচাপে উপস্থিত থকা মন্ত্ৰী সিংঘালে লগতে কয় যে, অৰুনোদয় আঁচনিৰ বাবে যোগ্য এগৰাকীও দুখীয়া মহিলা যাতে বাদ নপৰে আৰু এগৰাকীও ধনী হিতাধিকাৰীয়ে এই আঁচনিৰ সুবিধা যাতে পাব নোৱাৰে তাক নিশ্চিত কৰাৰ বাবেই অৰুনোদয় মাহত সমীক্ষা কৰা হ’ব৷ ধুবুৰী জিলাত ২২১ টা ভেৰিফিকেছন দলত মুঠ ৪৫৯ গৰাকী সদস্যই অৰুনোদয় আঁচনিৰ হিতাধিকাৰীৰ সমীক্ষা চলাব৷

১৪২ গৰাকী ছুুুপাৰভাইজৰ থাকিব৷ উল্লেখ্য যে অৰুণোদয় আঁচনিখনৰ কাৰ্যকৰীকৰণ আৰু প্ৰভাৱ নিৰ্ধাৰণ কৰাৰ লগতে অসমৰ আৰ্থিকভাৱে পিছপৰা মহিলাসকল যাতে লাভান্বিত হয় সেই উদেশ্যে অৰুণোদয় মাহৰ আৰম্ভণি কৰা হৈছে৷ পৰিদৰ্শনকাৰী দলে অৰুণোদয় হিতাধিকাৰীৰ ঘৰে ঘৰে গৈ সমীক্ষাৰ যোগে তথ্য সংগ্ৰহ কৰি ম’বাইল এপ্লিকেশ্যনত লিপিবদ্ধ কৰিব৷ স্বচ্ছ আৰু নিকাভাৱে সকলো হিতাধিকাৰীৰ নাম, ঠিকনা আৰু আনুসাংগিক তথ্য অন্তৰ্ভুক্ত কৰা হ’ব৷ আনহাতে ২০২২ বৰ্ষৰ বানত ক্ষতিগ্ৰস্থ পৰিয়ালসমূহক পুনৰসংস্থাপন অনুদান হিচাপে তেওঁলোকৰ বেংক একাউন্টত পোনপতীয়াকৈ ধন আদায় দিয়াৰ প্ৰক্ৰিয়া আজি আৰম্ভ হৈছে৷ ধুবুৰী জিলাত মুঠ ১০৩৩ টা পৰিয়ালৰ বাসগৃহ, সম্পূৰ্ণৰূপে বা আংশিকভাৱে নষ্ট হৈছে৷

তেওঁলোকৰ অধিকাংশই নিজৰ বেংক একাউন্টত ইতিমধ্যে চৰকাৰী অনুদান পাইছে৷ একাউন্ট নম্বৰ ভুল হৈ থকাসকলেও শুধৰণিৰ পিছতে অনুদান পাব৷ চৰকাৰী অনুদানৰ বাবে তালিকাভুক্ত পৰিয়ালসমূহৰ মাজৰ পাঁচটা পৰিয়ালৰ মুৰব্বীক আজিৰ অনুষ্ঠানত প্ৰতিৰূপ চেক বিতৰণ কৰে মন্ত্ৰী সিংঘালে৷ ধুবুৰীৰ উপায়ুক্ত অন্বমুথান এম পিয়ে আদৰণি ভাষণ দিয়া অনুষ্ঠানটোত অসম চৰকাৰৰ প্ৰধান সচিব তথা ধুবুৰী জিলাৰ অভিভাৱক সচিব ডাঃ জে বি এক্কা বিশিষ্ট অতিথি হিচাপে উপস্থিত থাকি ভাষণ দিয়ে৷ অনুষ্ঠানত ধুবুৰী পৌৰসভাৰ সভাপতি ডাঃ দেৱময় সান্যাল, প্ৰাক্তন বিধায়ক অশোক কুমাৰ সিংঘী, অশ্বিনী ৰায় সৰকাৰ প্ৰমুখ্যে কেবাজনো বিশিষ্ট ব্যক্তি, অৰুনোদয় আঁচনিৰ সমীক্ষাকাৰী দলৰ সদস্যসকল, অনুদান লাভ কৰা কেবাটাও বানাক্ৰান্ত পৰিয়ালৰ সদস্য উপস্থিত থাকে৷

কামৰূপ জিলাৰ হাজো আৰক্ষী থানাৰ অন্তৰ্গত হাজোৰ বুল্লুট খোপনিকুছিত এক চাঞ্চল্যকৰ অপহৰন কাণ্ড সংঘটিত হৈছে।এগৰাকী ১২ বছৰীয়া স্কুলীয়া ছাত্ৰীক যোৱা ১৬ আগষ্ট তাৰিখে কোনো দুবৃত্তই স্কুল ছুটি হোৱাৰ পিছত দিন দুপৰতে অপহৰন কৰি লৈ যায় । ঘটনা সন্দৰ্ভত হাজো আৰক্ষী থানাত এজাহাৰ দাখিল কৰিছে যদিওঁ আজি ৫ টা দিন পাৰ হৈ গ’ল হাজো আৰক্ষীয়ে একো সুংশুত্ৰই ওলিয়াব পৰা নাই বুলি পৰিয়ালৰ লোকে আজি সংবাদ মাধ্যমযোগে অভিযোগ উত্থাপন কৰিছে।আৰু অতি শীঘ্ৰেই আৰক্ষী প্ৰশাষনক কনমানি ছোৱালীজনী ওভতাই অনাৰ ব্যৱস্থা কৰিবলৈ আহ্বান জনাই পৰিয়ালৰ লোকে । উল্লেখ্য যে শনিয়াদী কাছমাৰা এল পি স্কুলত পঞ্চম শ্ৰেনীত অধ্যয়নৰত আছিল অপহৃত ছাত্ৰী ৰাছিদা বেগম।

বিদ্যালয়ৰ প্ৰধান শিক্ষক ,ছাত্ৰ ছাত্ৰী সকলোৱে কণমানি ৰাছিদা বেগমক অপহৰনকাৰীৰ কবলৰ পৰা উদ্ধাৰ কৰি ঘৰলৈ উভতাই আনিবলৈ আৰক্ষী প্ৰশাষনক কাতৰ অনুৰোধ জনায়।লগতে অপহৃত কনমানী ছাত্ৰী ৰাছিদাৰ পিতৃ মাতৃ ওচৰ চুবুৰীয়া সকলোৱে ৰাছিদাৰ অনুপস্থিতিত কান্দোনত ভাঙি পৰিছে । আনকি ৰাছিদাৰ মাতৃয়ে নিজৰ ছোৱালীজনীক কাষত নাপাই কান্দি কান্দি অচেতন হৈ ঢলি পৰে।অসহায় ঘৰ খনে অতিশীঘ্ৰেই ৰাছিদাক ঘৰলৈ ওভতাই অনাৰ ব্যৱস্থা কৰি দিবলৈ হাজো আৰক্ষীক কাতৰ আহ্বান জনায়। তদুপৰি কণমানি ৰাছিদাৰ পৰিয়ালে ছয়গাওঁ আৰক্ষী থানাৰ অন্তৰ্গত নলজুহি গাঁৱৰ মহেজউদ্দিন নামৰ এগৰাকী ৫০ বছৰীয়া ব্যক্তিয়ে কণমানি ৰাছিদাক অপহৰন কৰি নিয়া বুলি বাৰম্বাৰ সন্দেহ প্ৰকাশ কৰিছে।আৰু অতিশীঘ্ৰেই অপহৃত ঘটনাৰ উচিত তদন্তৰ দাবী উত্থাপন কৰিছে।তদুপৰি কোনো সদাশয় ব্যক্তিয়ে ৰাছিদাৰ কিবা সম্ভেদ পালে 7002483276 নাম্বাৰত যোগাযোগ কৰিবলৈ অনুৰোধ জনাইছে পৰিয়ালৰ লোকে।অৱশ্যে এইক্ষেত্ৰত আৰক্ষী প্ৰশাষনে কি তাৎক্ষনিক ব্যৱস্থা গ্ৰহন কৰে সেয়া সময়তহে লক্ষ্যনীয় বিষয় হ’ব।

গোসাইগাঁও মহকুমাৰ অন্তৰ্গত বাৰ্জাবিল গাওঁত আজি গোসাইগাঁও জিলা বাতৌ গৌতুম সমিতিৰ উদ্যোগত ৫ তম প্ৰতিষ্ঠা দিৱস উদযাপন কৰা হয়। লগতে এখন আঞ্চলিক সমিতি গঠন কৰা হয়।

কাৰ্যসূচীৰ পূৰ্বে ২৮ খন গাওঁ সামৰি গোসাঁইগাৱৰ অধিনস্থ এখন আঞ্চলিক সমিতি গঠন কৰি দিয়া হয়। আৰু উক্ত কাৰ্যসূচীত বাতৌ ধৰ্মৰ বাবে নিজৰ জীবন ত্যাগ কৰা সকলক শ্ৰদ্ধাঞ্জলি জনোৱা হয়।

দ্বিতীয় বৈকুণ্ঠপুৰী খ্যাত বৰপেটা সত্ৰত জন্মাষ্টমীৰ সংগতি ৰাখি নন্দোৎসব পালন কৰা হয়।নন্দোৎসব বা স্থানীয় ভাষাত পেক যাত্ৰা বুলি কোৱা হয়।এই নন্দোৎসব গোপ শিশু সকলে টুপৰ চোতালত পালন কৰে।নন্দোৎসবৰ বিশেষ আকৰ্ষণ পৰম্পৰা অনুসৰি শ্ৰীকৃষ্ণৰ গণনা কাৰ্যসূচী।

বৰপেটা সত্ৰৰ ভিতৰত নিত্য প্ৰসংগ হোৱা স্থানৰ পৰা নাম কীৰ্তন আৰম্ভ কৰি ভকত সকলে গুৰু আসনৰ চাৰিওফালে পাঁচ পাক প্ৰদক্ষিণ কৰি পশ্চিম দুৱাৰেদি ওলাই আকৌ বৰপেটা সত্ৰৰ মুল কীৰ্তনঘৰ নাম কীৰ্তন কৰি প্ৰদক্ষিণ কৰাৰ পিছত শ্ৰীকৃষ্ণৰ জন্মাষ্টমী সমাপ্ত হোৱা বুলি ঘোষণা কৰে।

বৰপেটাৰ পৰা নিখিল দাসৰ প্ৰতিবেদন