আমিনগাঁৱৰ পৰা বৰপেটা হৈ অভয়াপুৰীলৈ যোৱা ৰাজ্যিক ঘাইপথৰ জনীয়া সমষ্টিৰ অন্তৰ্গত শওঁপুৰত বেঁকী নদীৰ গৰাখহনীয়া পৰিদৰ্শন কৰে শিৱসাগৰ সমষ্টিৰ বিধায়ক তথা ৰাইজৰ দলৰ সভাপতি অখিল গগৈয়ে৷সমগ্ৰ নামনি অসমৰ জীৱন ৰেখা স্বৰূপ ২ নং বিকল্প ৰাজ্যিক ঘাইপথ আৰু বেঁকী নদীৰ ওপৰত থকা দলং খন নদীৰ গৰাখহনীয়াৰ পৰা ৰক্ষা কৰিবলৈ মূখ্যমন্ত্ৰী আৰু জলসম্পদ মন্ত্ৰীক ক্ষীপ্ৰতাৰে কাম কৰিবলৈ আহ্বান জনায় বিধায়ক গৰাকীয়ে৷বিগত দুবছৰত নদীৰ গৰাখহনীয়া প্ৰতিৰোধৰ কাম নকৰি নামনি অসমৰ প্ৰতি চৰকাৰ খনৰ কোনো দায়বদ্ধতা নথকাৰ প্ৰমাণ দাঙি ধৰিছে বুলিও চৰকাৰক ক্ষুৰধাৰ সমালোচনা কৰে অখিল গগৈয়ে৷ বৰপেটাৰ সাংসদে লোকসভাত আৰু জনীয়া সমষ্টিৰ বিধায়কেও বিধানসভাৰ মজিয়াত প্ৰশ্ন উত্থাপন কৰা পৰিলক্ষিত হোৱা নাই বুলিও দোহাৰে৷

বাঘবৰ সমষ্টিত এশ শতাংশ বাংলাদেশী মুছলমান লোক বসবাস কৰে বুলি হোজাইৰ প্ৰাক্তন বিধায়ক শিলাদিত্য দেৱে কৰা মন্তব্যৰ প্ৰতিক্ৰিয়া জানিব বিচৰাত অখিল গগৈয়ে কয় যে, শিলাদিত্য দেৱ আৰ এছ এছৰ এখন মুখা আৰু বিজেয়ে মেলি দিয়া এটা ভয়ংকৰ প্ৰাণী৷ শিলাদিত্য দেৱ সম্প্ৰতি অপ্ৰাসংগিক আৰু শিলাদিত্য দেৱাক সকলোৱেই ঘৃণাৰ সৈতে প্ৰত্যাখ্যান কৰিব লাগে৷

চাপৰৰ ৰত্নপীঠ মহাবিদ্যালয়ত উত্তপ্ত পৰিস্থিতি।ছাত্ৰ একতা সভাৰ নিৰ্বাচন স্থগিত ৰখাৰ বাবে এই পৰিস্থিতি।উত্তেজিত ছাত্ৰ-ছাত্ৰীয়ে সাব্যস্ত কৰিলে প্ৰতিবাদ।DC মুৰ্দাবাদ, SDO CIVIL মুৰ্দাবাদ শ্লোগানাৰে পৰিবেশ উত্তাল কৰি সাব্যস্ত কৰে এই প্ৰতিবাদ ।নিৰ্বাচন অনুষ্ঠিত কৰাৰ দাবী ছাত্ৰ-ছাত্ৰীৰ।ধুবুৰী জিলাৰ চাপৰ বহলপুৰ ৰত্নপীঠ মহাবিদ্যালয়ত উত্তপ্ত পৰিস্থিতি।আজি ১৯ মেৰ দিনা মহাবিদ্যালয়খনত ছাত্ৰ একতা সভাৰ ২০২১-২২ বৰ্ষৰ সাধাৰণ নিৰ্বাচনত অনুষ্ঠিত হবলগীয়া আছিল। কিন্তু মহাবিদ্যালয় নিৰ্বাচন পৰিচালনা সমিতিৰ ভুলৰ বাবেই মনোনয়ন পত্ৰ বাতিল হোৱা পক্ষই জিলা প্ৰশাসনৰ হস্তক্ষেপ বিচাৰিছিল ফলত জিলা প্ৰশাসনে যোৱা নিশা স্থগিত ৰাখে উক্ত নিৰ্বাচন।

নিৰ্বাচন স্থগিত ৰখাক কেন্দ্র কৰি ছাত্ৰ ছাত্ৰী সকলে উত্তেজিত হৈ পৰে আৰু প্ৰতিবাদ সাব্যস্ত কৰি নিৰ্বাচন অনুষ্ঠিত কৰিবলৈ দাবী জনায়।উক্ত ঘটনা শাম কটাৰ বাবে ইতিমধ্যে মহাবিদ্যালয়খনত আৰক্ষী আৰু অৰ্ধ সামৰিক বাহিনী ৰূপায়ন কৰিছে।
উক্ত নিৰ্বাচন কাৰ ভুলৰ বাবে প্ৰশাসনে নিৰ্বাচন স্থগিত ৰাখিবলৈ বাধ্য হল সেয়া হৈ পৰিছে এতিয়া ডাঙৰ প্ৰশ্ন?

ক’ভিড তথা লকডাউনে কোঙা কৰা অসমৰ অৰ্থনীতি এতিয়াও স্বাভাৱিক অৱস্থালৈ ঘূৰি অহা নাই। গাঁৱৰ চহা খেতিয়সকলৰ অৱস্থা যেনেকৈ তথৈবচ, ক্ষুদ্র ব্যৱসায়ীৰ পৰা আদি কৰি বিভিন্ন বৃত্তিধাৰীৰ সকলো লোক আর্থিকভাৱে ভীষণ জুৰুলা হৈ পৰিছে। এফালে ইউৰিয়া আদি সাৰ, পশুখাদ্য আদিৰ ব্যাপক মূল্যবৃদ্ধি আৰু বহু ক্ষেত্ৰত কৃত্ৰিম নাটনিয়ে কৃষক, পশু পালকসকলক বহু লোকচানৰ সন্মুখীন হ’বলৈ বাধ্য কৰাইছে। বৰ্তমান সময়ত আপোনাৰ নেতৃত্বত থকা চৰকাৰখনে একচিতিয়া পুঁজিপতিৰ হাতত সমগ্ৰ বজাৰ ব্যৱস্থাটো এৰি দি বস্তুৰ দাম অনিয়ন্ত্ৰিত হাৰত বঢ়াই সৰ্বসাধাৰণৰ মূৰত ৰামটাঙোন শোধাইছে। জীৱনদায়িনী ঔষধৰ মূল্য যোৱা কিছুদিনত প্ৰায় দুগুণলৈ বৃদ্ধি পাইছে, যাৰ ফলত স্বাস্থ্য সেৱাও জনসাধাৰণৰ বাবে মহঙা হৈ পৰিছে। শেহতীয়াকৈ ৰিজাৰ্ভ বেংকে ৱেপ’ ৰেট বৃদ্ধিৰ যি সিদ্ধান্ত লৈছে, তাৰ ফলত পুনৰ বেংকৰ ঋণৰ সূদৰ হাৰ বৃদ্ধি পোৱাৰ সম্ভাৱনা প্ৰৱল হৈ উঠিছে। চৰকাৰে এনেবোৰ বিষয়ত অকণো গুৰুত্ব দিয়া নাই। যোৱা কিছুদিনত গৃহনির্মাণৰ সামগ্ৰী- শিল, ৰড, চিমেণ্ট আদিৰ মূল্য আকাশলংঘী হৈ পৰিছে। ব্যাপক মূল্যবৃদ্ধি আৰু আপোনাৰ চৰকাৰৰ উদাসীনতাৰ বাবে আগন্তুক দিনত অসমৰ জনসাধাৰণে জীৱনৰ প্ৰাথমিক প্রয়োজন খাদ্য, বাসস্থান আৰু কাপোৰৰ বাবেও হাহাকাৰ কৰিবলগীয়া যে হ’ব সেয়া স্পষ্ট হৈ পৰিছে।

মূল্যবৃদ্ধি নিয়ন্ত্ৰণৰ বাবে অতিশীঘ্ৰে চৰকাৰক গুৰুত্ব দিবলৈ আহ্বান প্ৰতিবাদকাৰীৰ ।

১। পেট্ৰ’ল আৰু ডিজেলৰ ৰাজ্য চৰকাৰৰ ভেট হ্ৰাস কৰি পেট্ৰ’লজাত সামগ্ৰীসমূহৰ মূল্য হ্রাস কৰাৰ ব্যৱস্থা কৰক। চৰকাৰক আবকাৰী শুল্ক হ্ৰাস কৰিবলৈ দাবী জনাওক।

২:ঘৰুৱা আৰু বাণিজ্যিক ৰন্ধন গেছৰ চিলিণ্ডাৰৰ মূল্য হ্ৰাস কৰিবৰ বাবে বিহিত ব্যৱস্থা হাতত লওক৷

৩। টোলগেটসমূহ উঠাই দিয়ক।

৪। দৈনন্দিন ব্যৱহাৰ্য খাদ্য সামগ্রী, শাক-পাচলি আদি সুলভ মূল্যত জনসাধাৰণে লাভ কৰাৰ ব্যৱস্থা কৰক। ৰাজহুৱা বিতৰণ ব্যৱস্থাৰ জৰিয়তে দাইল, মিঠাতেল, চাবোন আদি সামগ্রী সুলভ মূল্যত বিতৰণৰ ব্যৱস্থা কৰক।

৫। ক’ভিডত ক্ষতিগ্রস্ত তথা জীৱিকা হেৰুওৱা লোকসকলক আৰ্থিক স্বাৱলম্বনৰ ব্যৱস্থা কৰক।

৬। গৃহ নিৰ্মাণৰ সামগ্ৰীৰ আকাশলংঘী মূল্যবৃদ্ধি নিয়ন্ত্ৰণৰ ব্যৱস্থা কৰক।

৭। কৃষি উৎপাদনৰ সৈতে জড়িত ইউৰিয়া সাৰ আদিৰ মূল্য

৮। পশুখাদ্যৰ মূল্য নিয়ন্ত্ৰণ কৰি পশুপালক, দুগ্ধ উৎপাদনৰ লগত জড়িতসকলক সকাহ দিয়ক।

৯। নতুন উদ্যোগীসকলক কৰ ৰেহাইৰ ব্যৱস্থা কৰি তেওঁলোকক উদ্যোগ স্থাপন কৰি নিবনুৱাসকলক সকাহ দিবলৈ

ব্যৱস্থা

১০। সম্প্ৰতি ৰাজ্যখনত দেখা দিয়া বানপানী ৰোধৰ ক্ষীপ্ৰ ব্যৱস্থা গ্ৰহণ কৰক ৷ বান আক্ৰান্ত পৰিয়ালসমূহক সাহাৰ্য প্ৰদান কৰক। এইসমূহ দাবী উথাপন কৰি আজি নগৰৰ মাজেৰে উলিওৱা প্ৰতিবাদী সমদলক আৰক্ষী প্ৰশাসনে বাধা আৰোপ কৰি প্ৰতিবাদকাৰীক হস্তক্ষেপ কৰে আৰু আধা বাটতে সমদল স্হগিত কৰাত এক উত্তপ্ত পৰিস্থিতিৰ সৃষ্টি হয় ।