শিৱসাগৰ নগৰৰ সমীপৰ বানমুখ পাতৰ গাঁৱত অঘটন।স্বামীয়ে ৰেপীলে পত্নীৰ ডিঙি।আজি পুৱা সংঘটিত হ’ল এই ভয়াবহ ঘটনা।অমৃত গগৈ(৩৫) নামৰ মদাহী স্বামীয়ে দৈনিক ঘৰত কন্দলৰ সৃষ্টি কৰে।যাৰ বাবে তেওঁৰ পত্নী ৰিংকু গগৈয়ে(৩২) যোৱা ২৭ এপ্ৰিল তাৰিখে শিৱসাগৰ সদৰ থানাত স্বামীৰ বিৰুদ্ধে অভিযোগ দাখিল কৰিছিল।অভিযোগৰ ভিত্তিত যোৱা ২৯ এপ্ৰিল তাৰিখে শিৱসাগৰ আৰক্ষীয়ে দুয়োকে থানালৈ মতাই নি অমৃতে ভৱিষ্যতে পত্নী সন্তানক অত্যাচাৰ নকৰিবলৈ সকীয়াই দি এখন লিখা লৈ লৈছিল।তাৰ পাছতে আজি পুৱা অমৃতে সংঘটিত কৰিলে এই ভয়ংকৰ ঘটনা।আজি পুৱা মজিয়া চাফা কৰি থকা অৱস্থাত পিচফালৰ পৰা পত্নীক চোকা চুৰিৰে ডিঙিত ৰেপী হত্যাৰ চেষ্টা কৰে অত্যাচাৰী স্বামীয়ে।ডিঙিৰ আঘাট লৈ কথমপি ঘৰৰ পৰা পলাই প্ৰতিৱেশীৰ ঘৰত আশ্ৰয় লয় ৰিংকুৱে।ৰাইজে লগে লগে ৰিংকুৰ লগতে চাৰিটা সন্তানক সুৰক্ষা দি আৰক্ষীক খবৰ দিয়ে।

আৰক্ষীয়ে ঘটনাস্থলীৰ পৰা গুৰুত্তৰ ভাৱে আহত ৰিংকুক উদ্ধাৰ কৰাৰ লগতে অমৃতক কৰায়ত্ত কৰে।বৰ্তমান সংকটজনক অৱস্থাত থকা ৰিংকুক শিৱসাগৰ অসামৰিক চিকিৎসালয়ত ভৰ্তি কৰা হৈছে।

দলবদ্ধ আক্ৰমণত আঘাতপ্ৰাপ্ত হৈ চিকিৎসাধীন আৰিফৰ মৃত্যুক কেন্দ্ৰ কৰি নিশা উত্তপ্ত কাঠিগড়াৰ লেবাৰপুতা অঞ্চল।কাঠিগড়া আৰক্ষী থানাৰ গুমৰাহ আৰক্ষী চকীৰ অন্তৰ্গত লেবাৰপুতা গাঁৱত সংঘটিত হয় এই লোমহৰ্ষক হত্যাকাণ্ড।দলবদ্ধ আক্ৰমণ কৰি ৰাজপথতে মৰিয়াই মৰিয়াই অৰ্ধ প্ৰাণ হেৰুৱায় আৰিফুদ্দিন নামৰ অটো চালকে।ঘটনা শুক্ৰবাৰৰ কালাইনৰ লেবাৰপুতা গাঁৱৰ ৰাজপথতে আৰিফুদ্দিন নামৰ নিৰিহ চালক জনক মৰিয়াই মৰিয়াই প্ৰাণ ললে অভিযুক্ত ৪ হত্যাকাৰীয়ে।আৰিফক দলবদ্ধ আক্ৰমণ কৰাৰ লগতে তেওঁৰ পৰিয়ালৰ মহিলাক ৰাজপথতে কাপোৰ ফালি মহিলাক আক্ৰমণ কৰাৰো অভিযোগ এই ৪ পাষন্ডৰ বিৰুদ্ধে।৪ পাষন্ড ভাতৃয়ে লাঠি আৰু অস্ত্ৰৰৰ আক্ৰমণত গুৰুতৰ আঘাত প্ৰাপ্ত হৈ SMCHত ভৰ্তি কৰোৱা হয়।বুকু আৰু মুৰত গুৰুতৰ আঘাত প্ৰাপ্ত হৈ শনিবাৰ নিশা চিকিৎসাৰত অৱস্থাত আৰিফৰ মৃত্যু হয়।শুক্ৰবাৰৰ পৰা উত্তপ্ত পৰিস্থিতিয়ে বিৰাজ কৰা লেবাৰপুতা অঞ্চলত শনিবাৰ নিশা উত্তপ্ত হৈ উঠে পৰিস্থিতি। পৰিস্থিতি নিয়ন্ত্ৰণৰ বাবে নিশাই গাঁৱখন উপস্থিত হয় কাঠিগড়াৰ বিধায়ক খলিলুদ্দিন কাঠিগড়া আৰক্ষীৰ ভাৰপ্ৰাপ্ত বিষয়া সহ মানৱাধিকাৰ কৰ্মীৰ দল।আৰক্ষী আৰু বিধায়কৰ উপস্থিতিত পৰিস্থিতি নিয়ন্ত্ৰণলৈ আহিলেও বৰ্তমানেও চেপা উত্তেজনা বিৰাজ কৰিছে সমগ্ৰ অঞ্চলটোত।উল্লেখ্য ঘটনা সংঘটিত হোৱাৰ দিনা গুমৰাহ আৰক্ষী চকীত এখন এজাহাৰ দাখিল কৰিছিল ভুক্তভোগী আৰিফৰ পৰিয়ালে। গুমৰাহ আৰক্ষীয়ে কোনো পদক্ষেপ নোলোৱাত শনিবাৰ ঘাইপথ অৱৰোধ কৰে গাঁৱৰ লোকে। ফলত বাধ্য হৈ গুমৰাহ আৰক্ষী তদন্ত কৰিবলৈ ঘটনা স্থলীত উপস্থিত হয়।

ভুক্তভোগীৰ পৰিয়ালৰ অভিযোগ, আৰক্ষীয়ে দূৰ্ঘটনা হোৱা বুলি FIRত উল্লেখ কৰিছে। আৰু যাৰ কাৰণ হৈছে এটা বিশেষ দালাল, এই দালালটোৰ নাম দিলাল। অভিযোগ মতে জনৈক এই দিলালে গুমৰাহ আৰক্ষীক মেনেজ কৰে বিভিন্ন কেচত।আৰু যাৰ ফলত ঘটনাৰ ২৪ ঘন্টাৰ পিছতো অপৰাধিক ধৰিবলৈ সক্ষম নহ’ল গুমৰাহ আৰক্ষী।আৰক্ষীৰ হৈ আৰক্ষী চকীত দালালী কৰি হত্যাকাণ্ড গাপ দিয়াৰ চেষ্টা কৰিছে বুলি অভিয়োগ কৰিছে পৰিয়ালটোৱে।