উন্নয়নৰ ধাক ধোল বজোৱা চৰকাৰৰ এখন নগ্ন ছবি টেঙাখাতৰ গন্ধিয়া ভাজনী গাঁৱত।স্বাধীনতাৰ ৭২ বছৰৰ পাছতো উন্নয়নৰ মুখ নেদেখা এখন গাওঁ।পথৰ দুৰৱস্থাই জলা কলা খোৱাইছে ৰামকানাই গাওঁৰ বাসিন্দা সকলক।১১৮নং দুলিয়াজান বিধান সভা সমষ্টিৰ টেঙাখাত গন্ধিয়া-ভাজনী গাওঁ পঞ্চায়তৰ অন্তৰ্গত লেংৰাই পৰা উইলটন সংযোগী পথটোত এতিয়া ৰাইজে খেতি কৰিব পৰা অবস্থালৈ পৰিগণিত হৈছে।

অনবৰতে উন্নয়নৰ কথা কোৱা শাসকিয় চৰকাৰৰ কেন্দ্ৰীয় মন্ত্ৰী ৰামেশ্বৰ তেলী, বিধায়ক তেৰছ গোৱালা, কিম্বা শাসকিয় দলৰ পঞ্চায়ত সভাপতি ত্ৰিবেণী ফুকনৰ চকু ফুৰাবলৈ সময় নাই এই সকল ৰাইজৰ দুখৰ কথা।

অসম জাতীয়তাবাদী যুৱ-ছাত্ৰ পৰিষদৰ গোগামুখ আঞ্চলিক সমিতিৰ উদ্যোগত আজিৰে গোগামুখত আৰম্ভ হৈছে সপ্তম বাৰ্ষিক বৃহত্তৰ গোগামুখ ব’হাগী উৎসৱ ৷ আজিৰে পৰা তিনিদিনীয়া কাৰ্যসূচীৰে গোগামুখ নগৰ হাইস্কুল খেলপথাৰত অনুষ্ঠিত হোৱা ব’হাগী উৎসৱৰ সকলো আয়োজন সুন্দৰ হৈছে ৷ ব’হাগী উৎসৱৰ আজিৰ কাৰ্যসূচী অনুযায়ী সামূহিক চাফাই, পতাকা উত্তোলন কাৰ্যসূচী অনুষ্ঠিত হয় ৷ উত্তোলন কৰে যুৱ-ছাত্ৰ পৰিষদৰ গোগামুখ আঞ্চলিক সমিতিৰ সভিপতি বলোৰাম টাইদে ৷ বিহু পতাকা উত্তোলন কৰে ব’হাগী উৎসৱ উদ্‌যাপল সমিতিৰ সভাপতি ৰঞ্জিত গগৈয়ে ৷ শ্বহীদ তৰ্পণ কৰে যুৱ-ছাত্ৰ পৰিষদৰ গোগামুখ আঞ্চলিকৰ সম্পাদক পাপুল দাসে ৷ গছপুলি ৰোপন কৰে গোগামুখ নগৰ হাইস্কুলৰ প্ৰধান শিক্ষক দণ্ডেশ্বৰ বুঢ়াগোঁহায়ে ৷ বিহুৰ পৰম্পৰা অনুযায়ী বয়োজেষ্ঠ সকলৰ আশীষ গ্ৰহণ কাৰ্যসূচীও উদ্‌যাপন সমিতিয়ে অনুষ্ঠিত কৰে ৷ আঁঁত ধৰে অতুল হাজৰিকা আৰু বিনোদ খনিকৰে ৷ বিহু মঞ্চ উদ্বোধন কৰে সাংস্কৃতিক কৰ্মী প্ৰিয় দত্তই ৷ ইয়াৰ পিছতে সৰু বিহুৱতী, বৰ বিহুৱতী প্ৰতিযোগিতা অনুষ্ঠিত হয় ৷ কাইলৈ সাংগঠনিক কৰ্মশালা, তকা বিহু আৰু মুকলি বিহু প্ৰতিযোগিতা অনুষ্ঠিত হয় ৷ উল্লেখনীয় যে সম্প্ৰতি সমগ্ৰ বিশ্বত ড্ৰাগছ আসক্ত লোকৰ সংখ্যা তীব্ৰ গতিত বৃদ্ধি পাইছে ৷ ড্ৰাগছ আসক্ত লোকৰ লগতে ড্ৰাগছৰ পৰা মানুহক আঁতৰাই ৰাখিবৰ বাবে এখন প্ৰতীকি গৃহ নিৰ্মাণ কৰিছে আৰু তাত ড্ৰাগছ বিৰোধী বিভিন্ন শ্ল’গান সম্বলিত প্ৰতিমা স্থাপন কৰিছে ৷

বিহুৰ বাকৰিত ড্ৰাগছ বিৰোধী এনে সজাগতামূলক কাৰ্যসূচীয়ে নৱপ্ৰজন্মক ড্ৰাগছৰ পৰা আঁতৰাই ৰখাত সহায়ক হ’ব বুলি আশা কৰা হৈছে৷