শ্ৰীলংকাৰ উদাহৰণ দাঙি ধৰি কংগ্ৰেছ নেতা ৰাহুল গান্ধীয়ে ভাৰতৰ অৰ্থনৈতিক অৱস্থা সম্পৰ্কে কেন্দ্ৰীয় চৰকাৰক সতৰ্ক কৰি দিয়ে৷ তেওঁ আশংকা কৰে যে, শ্ৰীলংকাৰ অৰ্থনৈতিক অৱস্থাৰ প্ৰকৃত পৰিস্থিতি সকলোৰে চকুৰ আগলৈ আহিছে৷ আৰু একেই অৱস্থা হোৱাৰ দিশে গতি কৰিছে ভাৰতবৰ্ষও। কেৱল শ্ৰীলংকাৰ উদাহৰণেই নহয়, ৰাছিয়াৰ ইউক্ৰেইন আক্ৰমণৰ উদাহৰণ দি ৰাহুল গান্ধীয়ে চীনা আক্ৰমণৰ বিষয়েও সতৰ্ক কৰি দিছে। কিন্তু বৰ্তমান সময়ত কংগ্ৰেছ নেতাগৰাকীয়ে দেশৰ আৰ্থিক স্থিতিকলৈহে অধিক চিন্তিত বুলি উল্লেখ কৰে।
অৰ্থনৈতিক ব্যৱস্থাৰ পতনৰ ফলত শ্ৰীলংকা সংকটত পৰিছে৷ দেশখন ঋণত ডুব গৈছে৷ উদাহৰণ স্বৰূপে ৰাহুল গান্ধীয়ে কয়, “যোৱা দুই-তিনি বছৰ ধৰি সংবাদ মাধ্যম, বিভিন্ন প্ৰতিষ্ঠান, বিজেপি নেতা, আৰ এছ এছে সত্য লুকুৱাই ৰাখিছে৷ কিন্তু লাহে লাহে সত্য ওলাই আহিব৷ শ্ৰীলংকাত এতিয়া সত্য ওলাই আহিছে৷” ৰাহুল গান্ধীয়ে কয় যে, “ভাৰত এতিয়া আগৰ দৰে ঐক্যবদ্ধ নহয়৷ দেশখন বিভিন্ন গোটত বিভক্ত হৈ পৰিছে৷ দেশৰ ভিতৰতে এখন দেশ সৃষ্টি হৈছে৷ সকলোকে সকলোৰে বিৰুদ্ধে প্ৰৰোচিত কৰা হৈছে৷ এই বেদনাই হিংসাৰ সৃষ্টি কৰে৷ মোক এতিয়া বিশ্বাস কৰিব নালাগে৷ মাত্ৰ দুই বা তিনি বছৰ অপেক্ষা কৰক৷ মাত্ৰ দুই বা তিনি বছৰ অপেক্ষা কৰক৷” একেদৰে ৰাছিয়া ইউক্ৰেইন নীতিৰ উদাহৰণ দি কেন্দ্ৰীয় চৰকাৰক সতৰ্ক কৰি দিছে কংগ্ৰেছ নেতাগৰাকীয়ে।
ৰাহুলে কয়, “ৰাছিয়াই কৈছে যে, তেওঁলোকে ইউক্ৰেইনৰ সাৰ্বভৌমত্বক স্বীকৃতি নিদিয়ে৷ ৰাছিয়াই ডনেটস্ক আৰু লুহানস্কক ইউক্ৰেইনৰ অংশ বুলি গণ্য নকৰে৷ ইয়াৰ ভিত্তিত ৰাছিয়াই ইউক্ৰেইন আক্ৰমণ কৰিলে৷ তেওঁলোকৰ উদ্দেশ্য কি? ৰাছিয়াৰ নীতিক চীনৰ সৈতে তুলনা কৰি ৰাহুলে কয়, “চীনে ভাৰতৰ সৈতে একে নীতিৰে আগবাঢ়িছে৷ চীনেও কৈছে যে লাডাখ আৰু অৰুণাচল ভাৰতৰ অংশ নহয়৷ তেওঁলোকে এই যুক্তিৰে তাত তেওঁলোকৰ সৈন্য মোতায়েন কৰি আছে৷ চৰকাৰে ইয়াক উপেক্ষা কৰি আছে৷ কিন্তু আমাৰ সন্মুখত ৰাছিয়া আৰু ইউক্ৰেইনৰ উদাহৰণ আছে, যিটো আমাৰ দেশতো প্ৰয়োগ কৰিব পাৰি৷ মোদী চৰকাৰক আক্ৰমণ কৰি ৰাহুল গান্ধীয়ে কয়, “চৰকাৰে সত্যটো গ্ৰহণ কৰা নাই৷ মই তেওঁলোকক ইয়াক গ্ৰহণ কৰিবলৈ আহ্বান জনাইছো। কাৰণ ইয়াৰ পিছত পৰিস্থিতিৰ অৱনতি ঘটিলে চৰকাৰে ইয়াৰ মোকাবিলা কৰাৰ সুযোগ নাপাব।” ৰাহুলৰ মতে, দেশৰ অৰ্থনৈতিক পৰিস্থিতি আৰু কৰ্ম-সংস্থাপনৰ পৰিস্থিতি এক ভয়ংকৰ স্থানত আছে৷ ভয় প্ৰকাশ কৰি তেওঁ কয়, “আপুনি কল্পনাও কৰিব নোৱাৰে যে, কিমান বেয়া সময় আহিব৷ দেশত চাকৰি সৃষ্টিৰ গাঁথনি ধ্বংস কৰা হৈছে৷ ক্ষুদ্ৰ আৰু ক্ষুদ্ৰ ব্যৱসায়ী, দোকানী, অসংগঠিত খণ্ড আমাৰ অৰ্থনীতিৰ মূল আধাৰ৷
