মৰিগাঁও আৰক্ষীৰ ড্ৰাগছ সৰ্বৰাহকাৰীৰ ওপৰত গুলিচলনা।যোৱা কালি আৰক্ষীয়ে ড্ৰাগছ কঢ়িয়াই আনোতে জেহিৰুল ইছলাম সহ আৰু ব্যাক্তি আৰু এগৰাকীমহিলাক আটক কৰিছিল।ড্ৰাগছখিনিৰ ব্যক্তি কেইজনে AS02CC0989 নম্বৰ টাটা মোবাইল গাড়ীৰে লাহৰিঘাত পৰা মৈৰাবাৰী অভিমুখে কঢ়িয়াই আনোতে দাঁতিয়ালবৰীত আৰক্ষীয়ে জব্দ কৰিছিল।আৰক্ষীয়ে প্ৰায় তিনি কোটি টকাৰ 390 গ্ৰাম ড্ৰাগছ জব্দ কৰিছিল জেহিৰুলৰ পৰা।

মৈৰাবাৰী আৰক্ষীৰ জেৰাত অধিক ড্ৰাগছ লুকুৱাই ৰখাৰ তথ্য প্ৰকাশ কৰিছিল গুলিবিদ্ধ জেহিৰুলে।নিশা অধিক ড্ৰাগছ উদ্ধাৰ বাবে অভিযান চলাব যাওঁতে মৈৰাবাৰীৰ বৰজান দলঙৰ সমীপত গাড়ীৰ পৰা জঁপিয়াই পলায়ান কৰিছিল জেহিৰুলে।তাৰ পিছত আৰক্ষীযে প্ৰথমে শূণ্যলৈ গুলিছলনা কৰে যদিও পিছত ভৰিত গুলিয়াব বাধ্য হয় জেহিৰুলক।
পূৰ্বতে ড্ৰাগছৰ লগত জড়িত কেইবাটাও গোচৰ ৰুজু আছে জেহিৰুলৰ ওপৰত।

নলবাৰী জিলাৰ ঘগ্ৰাপাৰ ৰাজহ চক্ৰ ৰ অন্তৰ্গত দক্ষিণ গাঁওস্থিত নিৰ্মীয়মাণ নলবাৰী মেডিকেল কলেজত  ৰাজ্যৰ স্বাস্থ্য মন্ত্ৰী কেশৱ মহন্ত  উপস্থিত হৈ চিকিৎসালয়খন পৰিদৰ্শন কৰে। উল্লেখ্য যে মুখ্যমন্ত্ৰী ডঃ হিমন্ত বিশ্ব শৰ্মা নেতৃত্বাধীন চৰকাৰখনে ৰাজ্যখনৰ কেঞ্চাৰ ৰোগী সকলৰ চিকিৎসাৰ সুবিধাৰ বাবে টাটা ট্ৰাষ্টৰ সৈতে যৌথ ভাবে ৰাজ্যৰ বিভিন্ন প্ৰান্তত ১৭ খন অতি উন্নত মানৰ কেঞ্চাৰ চিকিৎসালয় স্হাপনৰ ব্যৱস্থা গ্ৰহণ কৰিছে। ইয়াৰ অংগ স্বৰূপে ঘগ্ৰাপাৰৰ সমীপৰ দক্ষিণগাওঁৰ ১২০ বিঘা মাটিত নিৰ্মাণ কৰি থকা চিকিৎসা মহাবিদ্যালয়ৰ হাস্পাতাল চৌহদৰ ৮ বিঘা ভূমিত এখন কেঞ্চাৰ হস্পিটেলত স্হাপন কৰা হব বুলি নলবাৰীৰ বিধায়ক তথা মুখ্যমন্ত্ৰীৰাজনৈতিক সচিব জয়ন্ত মল্ল বৰুৱাই সদৰী কৰে। স্বাস্থ্যমন্ত্ৰী কেশৱ মহন্তই নলবাৰীৰ বিধায়ক তথা মুখ্যমন্ত্ৰীৰ ৰাজনৈতিক সচিব জয়ন্ত মল্ল বৰুৱাক লগত লৈ চিকিৎসা মহাবিদ্যালয় খন পৰিদৰ্শন কৰি নিৰ্মাণকাৰী গৌতম কনষ্ট্ৰাকচন কোম্পানীৰ এম ডি চি আৰ বদ্য, নলবাৰীৰ উপায়ুক্ত গীতিমনি ফুকনৰ লগত বিভিন্ন দিশৰ ওপৰত আলোচনা কৰে। আনহাতে মন্ত্ৰী গৰাকীয়ে শীঘ্ৰেই চিকিৎসালয় খনৰ নিৰ্মাণ কাৰ্য সম্পূৰ্ণ কৰিবলৈ গৌতম কনষ্ট্ৰাকচনক নিৰ্দেশ দিয়ে।উল্লেখ্য যে- অহা ২৮ এপ্ৰিলত প্ৰধানমন্ত্ৰী নৰেন্দ্ৰ মোডীয়ে ভাৰ্চুৱেলী উক্ত কেঞ্চাৰ চিকিৎসালয় খনৰ আধাৰশিলা স্হাপন কৰিব। আনহাতে উক্ত কেঞ্চাৰ চিকিৎসালয় খন স্হাপন হলে নলবাৰী জিলাৰ উপৰিও ওচৰৰ কেইবাখনো জিলাৰ কেঞ্চাৰ ৰোগী সকল বাৰুকৈয়ে উপকৃত হব বুলি মন্ত্ৰী গৰাকীয়ে আশা প্ৰকাশ কৰে।

আজি মন্ত্ৰী গৰাকীক সংগ দিয়ে নলবাৰীৰ অতিৰিক্ত উপায়ুক্ত ফিৰদৌচ আলম শ্বৈখ, চক্ৰ বিষয়া মনিষা কলিতা, নলবাৰীৰ যুটীয়া স্বাস্থ্য সেৱা সঞ্চালক ডাঃ উমেশ ফাংচু, নলবাৰী লোক নিৰ্মাণ (গৃহ) কাৰ্যবাহী অভিযন্তা প্ৰাঞ্জল শৰ্মা, সহকাৰী কাৰ্যবাহী অভিযন্তা ধ্বজেন নাথ, নলবাৰী জিলা বিজেপিৰ সভাপতি ডাঃ মৃগাংক তালুকদাৰ, অগপৰ কেন্দ্ৰীয় নেতা দিলীপ কুমাৰ দাস, ডঃ ৰবীন দাস, বড়িগোগ বনভাগ মণ্ডল সভাপতি ডিম্বেশ্বৰ বেজবৰুৱা, বিজেপি নেতা ভ্ৰমৰ মজুমদাৰ ।

বিটিআৰৰ ওদালগুৰি জিলাৰ ৰৌতা ষ্টেচনৰ মাধৱ কন্দলী  ৰংগমঞ্চৰ প্ৰাংগণ  পথাৰত  ৰৌতা ষ্টেচন মিলি – জুলি সংঘৰ উদ্যোগত   এইবাৰ  ১৫ এপ্ৰিল  আৰু ১৭ এপ্ৰিলৰ লগতে ১৮ এপ্ৰিলত   তিনিদিনীয়া বৰ্ণাঢ্য   কাৰ্যসূচীৰে ১৯ তম  ৰঙালী  বিহুটি  উদযাপনৰ  ব্যাপকভাৱে আয়োজন  কৰিছে । অসমীয়াৰ প্ৰধান লোক – উৎসৱ  তথা  জনকৃষ্টি হিচাপে  পালন  কৰি  অহা  বিহুটিলৈ  মাজতে  মাত্ৰ  বাকী  আছে  কেইদিনমান   ।  সেয়েহে  বসন্তৰ পৰশত   আগন্তুক  অসমীয়া  বছৰটোৰ  শুভ  প্ৰাৰ্থনাৰ  জয়ধ্বনিৰে  ৰৌতা ষ্টেচনৰ  কৃষ্টিৰ  বাকৰিত  সংকৃষ্টিৰ সঁফুৰা  সৃষ্টি কৰি  সমন্বয় আৰু  জনকৃষ্টিৰ চানেকি হিচাপে প্ৰত্যেক বছৰৰ দৰেই এইবেলি প্ৰয়াস কৰা কাৰ্যসূচীৰ ভিতৰত আছে  প্ৰথম দিনা  ১৫  এপ্ৰিলত  পুৱা ৯ বজাত বিহুৰ পতাকা উত্তোলন । ইয়াৰ পাছতে পুৱা  ৯- ৩০  বজাত  শ্ৰদ্ধাঞ্জলি অনুষ্ঠান  । পুৱা ১০ বজাত  গছলৈ  বিহুৱান  বৰণ  আৰু  পুৱা ১০- ৩০  বজাত  বৃক্ষৰোপণ  কাৰ্যসূচীৰ অনুষ্ঠান অনুষ্ঠিত হ’ব । একেদৰে দ্বিতীয় অৰ্থাৎ ১৭  এপ্ৰিলৰ দিনা এই বিহু উৎসৱত অনুষ্ঠিত হ’ব মুকলি বিহু প্ৰতিযোগিতা । ৰৌতা ষ্টেচন অঞ্চলটোত  মিলনৰ সেঁতু গঢ়াৰ  পটভূমিৰে এই মুকলি বিহু প্ৰতিযোগিতাত  উদ্বোধক  স্বৰূপে  উপস্থিত থাকিব  ৩৭ নম্বৰ ধনশ্ৰী পৰিষদীয় সমষ্টিৰ এম চি এল এ  ফ্ৰেচ মোছাহাৰী । মুকলি বিহুৰ প্ৰথম পুৰস্কাৰত  স্বৰ্গীয় ৰাম অবদ সিংঙৰ  সোৱৰণত এককালীন বঁটাসহ নগদ ধন আৰু দ্বিতীয় পুৰষ্কাৰত এককালীন বঁটাসহ নগদ ধনৰ লগতে শ্ৰেষ্ঠা বিহুৱতিক স্বৰ্গীয় ধনঞ্জয় দাসৰ সোঁৱৰণত এককালীন বঁটাসহ নগদ ধনৰ  উপৰিও শ্ৰেষ্ঠ ঢুলীয়াত স্বৰ্গীয় সদানন্দ পাঠকৰ সোঁৱৰণত এককালীন বঁটাসহ নগদ ধন প্ৰদান কৰিব । সেইদৰে তৃতীয় অৰ্থাৎ ১৮ এপ্ৰিল সামৰণিৰ  দিনা আবেলি চাৰি বজাৰ পৰা বিহু নৃত্য প্ৰদৰ্শন কৰিব । সন্ধিয়া পাঁচ বজাৰ পৰা মৌ- কুঁৱৰি প্ৰতিযোগিতা । সন্ধিয়া ছয় বজাৰ পৰা জনজাতীয় নৃত্য প্ৰদৰ্শন ।

সন্ধিয়া চাৰে ছয় বজাৰ পৰা বৰ্ণাঢ্য ৰূপত সাংস্কৃতিক সমাৰোহ ।  এই সমাৰোহ উদ্বোধন কৰিব গুৱাহাটীৰ জ্যেষ্ঠ সাংবাদিক দিগন্ত দাসে । সন্ধিয়া সাত বজাৰ পৰা জনপ্ৰিয় ইউ -টিউবাৰ ভাঙা টি ভিৰ খ্যাত দ্বীপজ্যোতি ডেকাৰ কৌতুক প্ৰদৰ্শনৰ শেষত  নিশা আঠ বজাৰ পৰা সাংস্কৃতিক সমাৰোহত বিশেষ আকৰ্ষণ হিচাপে কন্ঠশিল্পী ভাস্কৰ অপ্সৱে ‘ৰ  গীতৰ শৰাই । ইয়াৰ পাছতে   সুমন দাসে সভাপতি  আৰু  সঞ্জীৱ কুমাৰ দাসে সম্পাদকৰূপে দায়িত্বভাৰ গ্ৰহণ কৰি থকা    ৰৌতা ষ্টেচন মিলি – জুলি সংঘৰ উদ্যোগত তিনিদিনীয়া বৰ্ণাঢ্য কাৰ্যসূচীৰে ধূম – ধামেৰে  অনুষ্ঠিত কৰা  ৰৌতা ষ্টেচন ৰঙালী বিহু উদযাপন সমিতিৰ সামৰণি পৰিব অসমীয়াৰ জাতীয় গৌৰৱৰ বাহক  ৰঙালী বিহু সন্মিলন  । গতিকে,  চ’তে  গৈয়ে  গৈয়ে  বহাগী পালেহি ,বুলিলে ভেবলি লতা ,কৈ  থাকো  মানে ওৰকে নপৰে  ৰঙালী  বিহুটিৰ  কথা ।‘সেয়েহে  আদৰৰ  এই  বিহুটিৰ প্ৰতিটো  কাৰ্যসূচীতে  অঞ্চলটোৰ  সকলো জাতি জনগোষ্ঠীৰ  ৰাইজৰে  সহায় আৰু সহযোগিতা উদ্যোক্তাসকলে  আন্তৰিকাৰে  কামনা কৰিছে  ।