কামৰূপ জিলাৰ অন্তৰ্গত হাজো আৰক্ষী থানাত ড্ৰাগছ আৰু চোৰৰ সন্ত্ৰাসৰ বিৰুদ্ধে উচিত তদন্তৰ বাবে আজি এখনি স্মাৰক পত্ৰ প্ৰদান কৰে ভাৰতীয় জনতা যুৱ মৰ্চা হাজো মণ্ডলে।উল্লেখ্য যে বিগত দিন ছোৱাত নিজ হাজো এলেকাত একাংশ অসাধু ড্ৰাগছ সেৱনকাৰীয়ে চুৰি ডকাইতি কাৰ্যৰে ড্ৰাগছ সেৱনৰ লগতে ড্ৰাগছ সৰবৰাহৰ ৰমৰমীয়া বেহা চলাই থকাৰ এক গুৰুত্বৰ অভিযোগ উত্থাপিত হৈছে।যাৰ পৰিনতিত একাংশ যুৱ প্ৰজন্মৰ ভৱিষ্যত অন্ধকাৰ দিশে গতি কৰিছে।

আৰু ইয়াৰ পৰা পৰিত্ৰান পাবলৈ হাজো আৰক্ষী থানাত ড্ৰাগছ আৰু চোৰৰ সন্ত্ৰাসৰ বিৰুদ্ধে উচিত তদন্তৰ বাবে আজি এখনি স্মাৰক পত্ৰ প্ৰদান কৰে ভাৰতীয় জনতা যুৱ মৰ্চা হাজো মণ্ডলে।শীৰ্ষক স্মাৰক প্ৰদান কাৰ্যসূচীত উপস্থিত থাকে পঞ্চতীৰ্থ জিলা পৰিষদৰ সদস্য বিপুল দাস,ভাৰতীয় জনতা যুৱ মৰ্চা হাজো মণ্ডলৰ সভাপতি দীক দাস,বিজেপি কৰ্মী পংকজ দাসকে প্ৰমূখ্য কৰি প্ৰায়সংখ্যক বিশিষ্ট গণ্য মান্য ব্যক্তি।অৱশ্যে এইক্ষেত্ৰত অনাগত দিনত আৰক্ষী বিষয়া বাবুল কুমাৰ মেধিয়েওঁ উচিত পদক্ষেপ গ্ৰহন কৰিব বুলি আশ্বাস প্ৰদান কৰে ।

চিচিবৰগাঁৱৰ চৌখামটিং গাঁৱৰ বিহুৱা সমাজৰ উদ্যোগত আৰু লোককৃষ্টি অধ্যয়ন আৰু গৱেষণা কেন্দ্ৰ চিচিবৰগাঁৱৰ সহযোগত চৌখামটিং গাঁৱত অৱস্থিত বীৰাংগনা সতী সাধনী স্মৃতি ভৱনত যোৱা ১৬ মাৰ্চৰ পৰা অনুষ্ঠিত কৰা হৈছিল বিহুনাম, হুঁচৰি, বিহুনাচ আৰু বিহু বাদ্যৰ এক আখৰাৰ অনুষ্ঠান । সম্প্ৰতি গাওঁসমূহৰ পৰা ক্ৰমাৎ বিলুপ্ত হ’বলৈ ধৰা হুঁচৰি আৰু চোতাল বিহুৰ পৰম্পৰাক জীয়াই ৰখাৰ স্বাৰ্থত চৌখামটিং গাঁৱৰ কেইজনমান বিহুপ্ৰেমী যুৱকৰ প্ৰচেষ্টাত অনুষ্ঠিত কৰা হৈছিল এই বিহুৰ আখৰা অনুষ্ঠানৰ ।

১৫ দিনীয়া বিহু আখৰা অনুষ্ঠানত প্ৰশিক্ষক হিচাপে অংশগ্ৰহণ কৰিছিল শিৱসাগৰৰ বিহুৱা ক্ৰমে অঞ্জন বৰুৱা, সুদৰ্শন শইকীয়া, জ্যোতিপ্ৰসাদ দাস, টিংখাঙৰ যোগেশ বিকাশ শইকীয়া আৰু সাপেখাটীৰ বিহুৱতী মৰমী বৰুৱাই । অনুষ্ঠানটোত অঞ্চলৰ শতাধিক কণ কণ নাচনীয়ে বিহুনাচ, বিহুবাদ্যৰ প্ৰশিক্ষণ গ্ৰহণ কৰাৰ লগতে অঞ্চলৰ বহুতো যুৱক-যুৱতীয়ে হুঁচৰি, বিহুগীত আৰু বিহুবাদ্যৰ প্ৰশিক্ষণ গ্ৰহণ কৰে । আজি উক্ত আখৰা অনুষ্ঠানৰ সফল সফলতাৰে সামৰণি পৰে । আজি অনুষ্ঠিত কৰা সামৰণি অনুষ্ঠানত ঢোল, পেঁপাৰ মাত আৰু শতাধিক নাচনীৰ বিহুনাচত উখলমাখল পৰিবেশ সৃষ্টি হয় উদযাপনস্থলীত ।  চিচি চাৰিআলি উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ, শিক্ষাবিদ, সাহিত্যিক পূৰ্ণচন্দ্ৰ চুতীয়াই বন্তি প্ৰজ্বলনেৰে শুভাৰম্ভ কৰা অনুষ্ঠানত অঞ্চলটোৰ পাঁচ শতাধিক ৰাইজে অংশগ্ৰহণ কৰে ।

বড়ো শান্তি চুক্তি ৰূপায়নৰ ক্ষেত্ৰত কেন্দ্ৰীয় গৄহমন্ত্ৰী ইমিত শ্বাহে দিয়া প্ৰতিশ্ৰুতি যদি একশ শতাংশ পালন নকৰে  তেন্তে তেতিয়া বড়ো জনগনে বিকল্প পথ গ্ৰহন কৰিব। আজি হৰিশিঙাত অনুষ্ঠিত শ্বহীদ বালিৰাম বড়োৰ ২৬ সংখ্যক স্মৃতি দিৱসত উপস্হিত থাকি এই মন্তব্য কৰে নিখিল ছাত্ৰ সন্হাৰ কেন্দ্ৰীয় সভাপতি  দ্বীপেন বড়োৱে। আজি নিখিল বড়ো ছাত্ৰ সন্থাৰ উদ্যোগত  আৰু জিলা এব্ছুৰ সহযোগত ওদালগুৰিৰ হৰিশিঙাত বড়ো জাতীয় শ্বহীদ বালিৰাম বড়োৰ ২৬ সংখ্যক মৃত্যু দিৱস পালন কৰা হয়।  মৃত্যু দিৱস উপলক্ষে   এবছুৰ সভাপতি দ্বীপেন বড়োৰ সঞ্চা  অনুষ্ঠিত মুকলি  সভাত অংশ গ্ৰহন কৰি এবছুৰ প্ৰাক্তন সাধাৰন সম্পাদক নাথুৰাম বড়োৱে  শ্বহীদ বালিৰাম বড়োৰ বড়ো জাতিৰ প্ৰতি কৰা অৱদান আৰু ত্যাগৰ কথা শ্ৰদ্ধাৰে সোৱৰন কৰে। অনুষ্ঠান নিখিল বড়ো ছাত্ৰ সন্হাৰ  প্ৰাক্তন উপ সভাপতি ৰবিন্দ্ৰ মোছাহাৰীকে ধৰি  প্ৰতিজন বক্তাই জাতীয়  শ্বহীদ বালিৰাম বড়োৰ জাতিৰ প্ৰতিথকা অৰিহনাৰ কথা দাঙি ধৰে।   অনুষ্ঠানত উপস্হিত থকা  এবছুৰ সভাপতি দ্বীপেন বড়োৱে  সাংবাদিকৰ আগত  দিয়া সাক্ষাৎ কাৰত আজিৰ দিনটো বড়োজাতিৰ বাৱে  এক তাৎপৰ্যপূৰ্ণ দিন বুলি মন্তব্য কৰে। 

এক  সংগ্ৰামৰ মাজেৰে বড়ো জাতিটোৱে শান্তি আৰু সফলতাৰ দিশত আগবঢ়া বুলি উল্লেখ কৰি  এই সংগ্ৰামী ক্ষেত্ৰ খনত শ্বহীদ বালিৰাম বড়োৰ দৰে ব্যক্তিৰো  অতুলনীয় অৱদান   থকা বুলি এবছু নেতা গৰাকীয়ে মন্তব্য কৰে।বালিৰাম বড়ো কোন বা তেও কি কৰিছিল সেই বিষয়ত জনাৰ লগতে এনেধৰনৰ ইতিহাস যাতে  নৱ প্ৰজন্মৰ মাজত সজীব হৈ থাকে তাৰ বাৱে আজি বালিৰাম বড়োৰ স্মৃতি দিৱসৰ দৰে কাৰ্যসুচীৰ আয়োজন কৰা বুলি তেও সাংবাদিকৰ ওচৰত উল্লেখ কৰে।   তেও কয় -এনডিএফবি ৰ চাৰিটা গোটক লৈ   ২০২০ চনৰ ২৭ জানুৱাৰীত বি টি আৰ গঠনেৰে নতুন ব়়ড়ো শান্তি চুক্তি গঠন হল আৰু  সেই  চুক্তিৰ বিভিন্ন দিশ ৰূপায়নৰ  দিশত আগবাঢ়ি থকা হৈছে।কিন্তু  চুক্তি সম্পুৰ্ণ ৰূপে ৰূপায়নৰ ক্ষেত্ৰত কেন্দ্ৰীয় গৄহমন্ত্ৰী অমিত শ্বাহে দিয়া প্ৰতিশ্ৰুতি যদি  পালন নকৰে তেতিয়া বড়ো ৰাইজে বিকল্প পথ গ্ৰহন কৰিব বুলি নেতা গৰাকীয়ে সাংবাদিকৰ ওচৰত গুৰুত্বপূৰ্ণ মন্তব্য কৰি  তেনে পৰিবেশৰ পুৰ্বেই একাংশ বড়ো নেতাই এই চুক্তি খনৰ বিৰুদ্ধে আদালতৰ দাৰস্হ হোৱা কাৰ্যক তেও দুৰ্ভাগ্যজনক আখ্যা দিয়ে। সাংবাদিকৰ আন এক প্ৰশ্নৰ উত্তৰত দুই ৰাজনৈতিক দল বি পি এফ আৰু ইউ পি পি এলক একেলগে কামকৰাৰ বাৱে পুনৰবাৰ আহ্বাম জনাই এইক্ষেত্ৰ জাতীয় সংগঠন হিচাপে  ভুমিকা গ্ৰহন কৰিব লাগিলে  আমি সাজু আছো বুলি তেও মন্তব্য কৰে। ৰাজ্য সভাৰ নিৰ্বাচনৰ কথা উল্লেখ কৰি দুয়োগৰাকী প্ৰাৰ্থীক জিকোৱাৰ ক্ষেত্ৰত বি জে পি  ,এ জি পি আৰু ইউ পি পি এলৰ সৈতে একে লগে কাম কৰি আছে ।গতিকে ৰাজ্যসভা নিৰ্বাচনে ইউ পি পি এল আৰু বি পি এফৰ  সম্পৰ্ক স্হাপনৰ এক নতুন প্ৰয়াস হব পাৰে বুলি এবছুৰ সভাপতি গৰাকীয়ে মন্তব্য কৰে।