বিহালীৰ প্ৰকৃতি প্ৰেমী সংগঠন নেচাৰ্চ বন্যপ্ৰাণৰ দীৰ্ঘদিনীয়া দাবীৰ প্ৰতি ন্যায্যতা প্ৰদান কৰি অসম চৰকাৰে সেউজী সপোন শীৰ্ষক আচঁনি জড়িয়তে ৰাজ্যখন ওৰাং ৰাষ্ট্ৰীয় উদ্যান :কাকৈজান”গড়ভঙাৰ লগতে বিহালী বনাঞ্চলককো বন্যপ্ৰাণী অভয়াৰণ্য ঘোষণাৰ কাৰ্যব্যৱস্থা গ্ৰহণ কৰাত আনন্দিত বিহালীৰ প্ৰকৃতি প্ৰেমী সংগঠন আৰু বিহালীবাসী।।
উল্লেখ্য যে বিহালীৰ প্ৰকৃতি প্ৰেমী সংগঠন নেচাৰ্চ বন্যপ্ৰাণৰ ২৫ বছৰীয়া প্ৰচেষ্টা আজি সফলতা লাভ কৰিছে বুলি নেচাৰ্চৰ সভাপতি প্ৰদীপ কুমাৰ শৰ্মা আজি এখন সভাত ভাষণ প্ৰসংগত এইদৰে উল্লেখ কৰে ! বিহালী সংৰক্ষীত বনাঞ্চল খন অভয়াৰন্য হ’ব লাগে বুলি বিভিন্ন সময়ত ৰাজ্য চৰকাৰক দাবী জনাই আহিছিল সংগঠনটোয়ে ।
এই ক্ষেত্ৰত বিহালীৰ বিধায়ক ৰঞ্জিত দত্তৰো যথেষ্ট অৰিহনা আছে লগতে পুব শোনিতপুৰ বন সংমণ্ডলৰ বন প্ৰাধীকাৰী অৰুণ ভিগনেচ সহাৰিও এক উল্লেখনীয় অবদান বুলি অভিহিত কৰিছে সংগঠনটোৰ সভাপতি প্ৰদীপ শৰ্মাই । আজি অসম বিধান সভাত মাননীয় ৰাজ্যপালৰ ভাষণত বিহালী বনাঞ্চলক বন্যপ্ৰাণী অভয়াৰণ্য হিচাবে গঢ়ি তুলিব বুলি প্ৰকাশ কৰে। নেচাৰ্চ বন্যপ্ৰাণৰ ফালৰ পৰা অসম চৰকাৰৰ মাননীয় মুখ্যমন্ত্ৰী ড°হিমন্ত বিশ্ব শৰ্মা আৰু বিহালী সমষ্টিৰ মাননীয় বিধায়ক ৰঞ্জিত দত্ত ডাঙৰীয়াক কৃতজ্ঞতা জ্ঞাপন কৰিছে নেচাৰ্চ বন্যপ্ৰাণে।
