আমাৰ দৈনন্দিন খাদ্য তালিকাত দাইল, শাক–পাচলি, মাছ–মাংস, কণী, গাখীৰ, ফল–মূল আদি থাকে৷ এই সমস্ত খাদ্য ভাণ্ডাৰত ভিন ভিন পুষ্টিদ্রব্য উপলব্ধ৷ এটা বিশেষ পৰিমাণত এনে খাদ্যসমূহে আমাৰ দেহলৈ শক্তিৰ সঞ্চাৰ কৰে৷ সেয়েহে কেতবোৰ নির্বাচিত খাদ্য আমাৰ খাদ্য তালিকাত থকা বাঞ্ছনীয়৷ গৱেষকৰ মতে, তিনিগুটি, টুকো মাহ, স্কোৱাছ আৰু ৱাল নাটত সৰহ পৰিমাণে অ’মেগা–৩ ফেটী এচিড থাকে৷ সেইদৰে আহোম বগৰী (এপ্রিক’ট), জামু, কমলা, মৌচুম্বী আদি ফলসমূহ আৰু ককোৱা, ডার্কচকলেট আদিত অ’মেগা–৩ ফেটী এচিডৰ পৰিমাণ সৰহ৷ এনে খাদ্য নিয়মিত পৰিমাণত ভোজন কৰিলে স্মৃতিশক্তি বর্ধনত যথেষ্ট সহায় কৰে৷ এটা কথা মনত ৰাখিব লাগিব যে আমি নিতৌ সুষম আহাৰ খাব লাগে৷

যিবোৰ ফল–মূল আৰু ভিন ভিন খাদ্যত ভিন ভিন ভিটামিন থাকে আমি জানি লোৱা অতীব প্রয়োজন৷ ভিটামিন–‘ই’যুক্ত খাদ্য আমাৰ খাদ্যত থাকিব লাগে৷ তেনে ভিটামিন–ইস্থিত খাদ্য হ’ল– বাদাম, এলমণ্ড, মাছৰ লিভাৰ, চর্বিযুক্ত মাছ, গাখীৰ, ছয়া গাখীৰ, পালেংশাক, জলফাই, অ’টছ, ভিজিবল অইল, আটা আদি৷ এনে খাদ্যই মগজুত ক্রিয়া কৰে আৰু স্মৃতিশক্তি অটুট ৰাখে৷
অসমত উপলব্ধ ভেদাইলতা, মানিমুনি, ব্র’কলি, চজিনা আদি খাদ্যত ভিটামিন–কে, লুটেইন, ফলেট আৰু বিটা কেৰ’টিন যথেষ্ট পৰিমাণে পোৱা যায়৷ সময়ত উপলব্ধ এনেবোৰ খাদ্য ভক্ষণ কৰা দেহৰ বাবে অতি প্রয়োজন৷ ক’ৰোনা কালত আমি খাদ্যৰ প্রতি বিশেষ মনোযোগ দিয়া উচিত যাতে স্বাস্থ্যৰ অৱনতি নঘটে, দেহত শক্তি সঞ্চাৰ হয় আৰু স্মৃতিশক্তি অটুট থাকে৷খাদ্যৰ উপৰি সূর্যৰ পোহৰৰ পৰাও আমাৰ শৰীৰে ভিটামিন–ডি লাভ কৰে৷ সেয়ে পুৱা ৯ বজাৰ আগে আগে সূর্যৰ ৰশ্মি দেহত পৰিবলৈ দিব লাগে৷ তদুপৰি খাদ্যৰ মাধ্যমেৰেও আমি ভিটামিন ‘ডি’ লাভ কৰোঁ৷ ভিটামিন–‘ডি’যুক্ত খাদ্যসমূহৰ ভিতৰত মাছৰ লিভাৰ, চর্বিযুক্ত মাছ, মাশ্বৰুম, ছয়াগাখীৰ, গাখীৰ আৰু সকলো শস্যজাতীয় খাদ্যত উপলব্ধ৷

আমাৰ খাদ্যত আয়ৰনৰ অত্যন্ত প্রয়োজন৷ আয়ৰনৰ অভাৱত বহু লোকে ৰক্তহীনতাত ভোগে৷ আয়ৰনযুক্ত খাদ্য হ’ল– মাংস, হাঁহ, কুকুৰা, পাৰ, খেজুৰ, বিন, সেউজীয়া পাতযুক্ত খাদ্য৷ এনে খাদ্যই আয়ৰনৰ অভাৱ দূৰ কৰে আৰু স্মৃতিশক্তিত অৰিহণা যোগায়৷ তদুপৰি দেহৰ ইমিউনিটী বৃদ্ধি কৰে আৰু বহু ৰোগত বাধা দিয়ে৷ গৱেষকৰ মতে, এনে খাদ্যসমূহে আমাৰ স্মৃতিশক্তি বঢ়ায়৷ প্রকৃততে আমাৰ ভাৰতীয় খাদ্য পশ্চিমীয়া খাদ্যতকৈ বহুত উন্নত৷ তথাপি কিয় জানো জ্যেষ্ঠসকলৰ মাজত স্নায়ুৰোগৰ সমস্যাই দেখা দিয়ে, যি সমাধান কৰাও অতি কষ্টকৰ৷ কিছু লোকে আলঝেইমাৰ, ডিমেনচিয়া ৰোগত ভুগি ভুগি মৃত্যুক সাবটি ল’বলগীয়া হয়৷

অলপতে এটা গৱেষণাৰ পৰা জনা যায় যে যি লোকে প্রছেছেড মাংস, চেনিযুক্ত পানীয় আৰু লৱণযুক্ত স্নেক্স জাতীয় খাদ্য গ্রহণ কৰে, মগজুৰ ক্ষুদ্রতম অংশ হিপ্প’কেম্পাছত বিজুতি ঘটায়৷ এই অংশটোৱেই হ’ল মগজুৰ স্মৃতিশক্তিৰ প্রয়োজনীয় থলী৷
২০১৫ চনত প্রকাশিত তথ্য মতে অধিক পৰিমাণে ৱালনাট গ্রহণ কৰিলে মগজুৰ স্মৃতিশক্তি বৃদ্ধি পায় বুলি কয়৷ সেয়ে আমি যিকোনো উপায়ে উপৰিউক্ত খাদ্যসমূহ আমাৰ দৈনন্দিন খাদ্য তালিকাত ৰাখিবলৈ যত্নপৰ হ’ব লাগে৷

প্ৰধানমন্ত্ৰী মোদীৰ ঘোষণাৰ পিছত সোমবাৰে পুৱা কেন্দ্ৰীয় চৰকাৰে কো-উইন এপত টিকাকৰণৰ বাবে ১৫ৰ পৰা ১৮ বছৰীয়া লৰা-ছোৱালীৰ কোভিড টিকাকৰণৰ পঞ্জীয়ন কেনেদৰে কৰিব লাগে সেই সন্দৰ্ভত উল্লেখ কৰিছে। চৰকাৰে লগতে জনাইছে যে পঞ্জীয়ন নতুন বছৰৰ প্ৰথম দিন অৰ্থাৎ ১ জানুৱাৰীৰ পৰা আৰম্ভ কৰিব পাৰিব। কিন্তু পঞ্জীয়নৰ বাবে বিদ্যালয়ৰ আই ডি কাৰ্ডখন দিব লাগিব। ইয়াক বয়সৰ প্ৰমাণ হিচাপে গ্ৰহণ কৰা হ’ব। CoWINৰ প্ৰধান আৰ এছ শৰ্মাই সংবাদ মাধ্যমক কোৱা অনুযায়ী এই টিকাকৰণ এপটোত শিক্ষাৰ্থীসকলৰ বাবে এটা পৃথক স্থান সৃষ্টি কৰা হৈছে, য’ত তেওঁলোকে শিক্ষাৰ্থী হিচাপে প্ৰমাণ-পত্ৰৰ সৈতে নাম ভৰ্তি কৰিব পাৰে। এই বিকল্পটো দিয়া হৈছে কেন্দ্ৰৰ বিচাৰ মৰ্মে। কিয়নো বহুতৰ আধাৰ বা আন কোনো কাৰ্ড নাথাকিবও পাৰে।

উল্লেখ্য, শনিবাৰে নিশা প্ৰধানমন্ত্ৰীয়ে ঘোষণা কৰে যে ৩ জানুৱাৰীৰ পৰা ১৫ৰ পৰা ১৮ বছৰীয়া শিশুক কোৰোনাৰ টিকাকৰণ কৰা হ’ব। তেওঁ সেইদিনা ঘোষণা কৰিছিল যে তেওঁ ৬০ বছৰ বয়সৰ লোকৰ বুষ্টৰ ড’জৰ ঘোষণাও কৰিছিল। ইয়াৰ উপৰি স্বাস্থ্যকৰ্মীৰ আগশাৰীৰ কোৰোনা যোদ্ধাসকলেও টিকাৰ তৃতীয় পালি লাভ কৰিব।প্ৰধানমন্ত্ৰীয়ে উল্লেখ কৰে যে কোৰোনাই এতিয়াও ভাৰত ত্যাগ কৰা নাই। তেওঁ অ’মিক্ৰন সংক্ৰমণৰ বাবে অপ্ৰয়োজনীয় আতংকত ভুগি নাথাকিলেও সাৱধানতা বজাই ৰাখিবলৈ পৰামৰ্শ দিছিল। তেওঁ কৈছিল যে নিয়মীয়াকৈ হাত ধোৱা আৰু মুখা ব্যৱহাৰ কৰাৰ পৰা সকলো কোৰোনা পৰিচ্ছন্নতা অনুসৰণ কৰাটো এতিয়াও দেশৰ সাধাৰণ মানুহৰ কৰ্তব্য।

ব্রিটেইনৰ পিছত ইউৰোপীয় দেশ ফ্রান্সত শেহতীয়াকৈ দৈনিক ক’ৰোনা সংক্রমিত লোকৰ সংখ্যাই এক লাখ অতিক্রম কৰিছে৷ ২৩ ডিচেম্বৰত দেশখনত দৈনিক সংক্রমণ আছিল ৯১,৬০৮৷ ২৬ ডিচেম্বৰত এই সংখ্যাই এক লাখ অতিক্রম কৰি গৈছে৷ বিগত দুটা বছৰৰ ভিতৰত প্রথমবাৰলৈ ফ্রান্সত দৈনিক ক’ভিড আক্রান্তৰ সংখ্যাই এই নতুন অভিলেখ সৃষ্টি কৰিছে৷

ইউৰোপৰ ভিতৰত শেহতীয়াকৈ ব্রিটেইনত ক’ভিডৰ সংক্রমণৰ সংহাৰ আৰম্ভ হৈছে৷ ক’ভিডৰ অমিক্রন প্রকৰণৰ দ্বাৰা আটাইতকৈ বেছি আক্রান্ত দেশ হিচাপে চিহ্ণিত হৈছে ব্রিটেইন৷ ব্রিটেইনৰ পিছতেই এইবাৰ ফ্রান্সত আৰম্ভ হৈছে ক’ভিড–১৯ৰ সংক্রমণৰ সংহাৰ৷ স্মর্তব্য যে অমিক্রন ভেৰিয়েণ্ট এতিয়ালৈকে বিশ্বৰ ১০৮ দেশলৈ বিয়পি পৰিছে৷ অমিক্রনৰ আটাইতকৈ দ্রুত সংক্রমণ ঘটিছে ইউৰোপীয় দেশসমূহত৷