মৰিগাঁও জিলা সমাজ কল্যাণ বিভাগ আৰু শিক্ষা বিভাগৰ উদ্যোগত লাহৰীঘাট শিক্ষা খণ্ডৰ অধীনস্থ মৰিতলী প্ৰাথমিক বিদ্যালয়ত আজি দিনৰ ১২ বজাত বাল্য বিবাহ শিশু শিক্ষা আৰু সামাজিক সমস্যাৰ ওপৰত এখনি সজাগতা সভা অনুষ্ঠিত হয়। উক্ত সভাখন সঞ্চালনা কৰে লাহৰীঘাট খণ্ড প্ৰাথমিক শিক্ষা বিষয়া আবুল কাছেমদেৱে।

উদ্দেশ্য বাখ্যা আৰু আদৰণি পৰ্বৰ আঁত ধৰে মৰিতলী প্ৰাথমিক বিদ্যালয়ৰ প্ৰধান শিক্ষক হিৰণ্য কুমাৰ নাথে। সভাত UNICEF- IGSSS ৰ জিলা সমন্বয়ক ৰাজশ্ৰী শইকীয়া, সখী একক অৱস্থান কেন্দ্রৰ  সমন্বয়ক লাকী ফুকন, মহিলা শক্তি কেন্দ্ৰৰ পৰিমিতা ডেকা, সমাজ কল্যাণ বিভাগৰ পৰা হামিদা খাতুন, অৰুণা শইকীয়া,দীপা শ্যাম, CRCC পংকজ কুমাৰ মেধি, মোখলেছুৰ ৰহমান, অংগনবাদী কৰ্মী সকল, শিক্ষা গুৰু, ছাত্র-ছাত্রী লগতে অভিভাৱক সকলো উপস্থিত থাকে । এই সজাগতা মুলক সভা খনত বিশেষকৈ লিংগ বৈষম্য, বাল্য বিবাহ, শিশু শিক্ষা আৰু সামাজিক সমস্যাৰ ওপৰত আলোচনা কৰা হয়। 

খাইৰুল ইছলাম ভূৰাগাঁও

মেঘালয় সীমান্তৱৰ্তী উমশ্ৰু গাঁওত ১৬ ডিচেম্বৰত বৃহত্তৰ অঞ্চলটোৰ ৰাইজৰ সুবিধাৰ্থে  ভাৰত চৰকাৰৰ দ্বাৰা অনুমোদিত বন ধন বিকাশ কেন্দ্ৰৰ এটা কেন্দ্ৰ মুকলি কৰা হয়। অঞ্চলটোৰ বহুসংখ্যক ৰাইজৰ উপস্থিতিত ৰংমন ট্যুৰিজিম চছাইটিৰ সভাপতি ধ্ৰুৱজ্যোতি দলৈয়ে আঁতধৰা অনুষ্ঠানত কেন্দ্ৰটো মুকলি কৰে আইআইই গুৱাহাটীৰ শিক্ষক প্ৰশান্ত গোস্বামীয়ে।

অনুষ্ঠানত আইআইইৰ প্ৰকল্প সহযোগী গৌৰাংগ বড়ো আৰু ক্লাষ্টাৰ উন্নয়ন কাৰ্যবাহী তাপস কলিতাই ভাষণত কেন্দ্ৰটোৰ পৰা ৰাইজ কিদৰে উপকৃত হ’ব তাৰ বাখ্যা দাঙি ধৰে। অনুষ্ঠানত  বন্ধন বিকাশ কেন্দ্ৰ সমবায় সমিতিৰ সভাপতি লীলা ৰাভা, সম্পাদক পংকজ দলৈ, উপদেষ্টা প্ৰমোদ কলিতা,  সদস্য মাইনাত চাংমা, প্ৰণৱ দলৈ, বিজিত ৰাভা, জিন্টু ৰাভা, সীমান্ত আৰ মাৰাক, দত্ত ৰাভা, বৰণ্য আৰ মাৰাক, সৰ্বানন্দ ৰাভা উপস্থিত থাকে। আনহাতে অনুষ্ঠানত কেবাটাও মহিলা আত্মসহায়ক গোটে ভাগ লোৱাৰ লগতে তেওঁলোকৰ উৎপাদিত সামগ্ৰী প্ৰদৰ্শন আৰু বিক্ৰী কৰা হয় ।

জীতুমণি, মিৰ্জা

অসম চিকিৎসা সেৱা সন্থাৰ অন্তভূৰ্ক্ত আমছাৰ ৰঙিয়া গোটৰ ২০২১-২২ বৰ্ষৰ সমিতিখন যোৱা বৃহস্পতিবাৰে গঠন কৰা হয়। ৰঙিয়া অসামৰিক চিকিৎসালয়ৰ চৌহদত উপ অধীক্ষক ডাঃ দিলীপ কুমাৰ বৈশ্যৰ সভাপতিত্বত অনুষ্ঠিত সভাখনত স্বাস্থ্য বিভাগৰ অধীনত কৰ্মৰত চিকিৎসক সকলৰ বাবে ‘কেডাৰ পুনৰীক্ষণ’ আৰু সময়োচিত পদোন্নতি, টাইম স্কেল পদোন্নতি, অনুজ চিকিৎসকৰ দৰমহাৰ তুলনাত পূৰ্বৰ পৰা কৰ্মৰত জ্যেষ্ঠ চিকিৎসকৰ দৰমহাৰ হাৰৰ অসমতুলতা, চিকিৎসক-স্বাস্থ্যকৰ্মীৰ সুৰক্ষা,আদিৰ দাবী তুলি উপস্থিত চিকিৎসক সকলে বক্তব্য  আগবঢ়ায়।

ইয়াৰ পিছতে আমছাৰ ৰঙিয়া গোটৰ সমিতিখন গঠন কৰা হয়। ৰঙিয়া অসামৰিক চিকিৎসালয়ৰ জ্যেষ্ঠ চিকিৎসক ডাঃ পদ্মেশ্বৰ কলিতাক সভাপতি, মহকুমা স্বাস্থ্য বিষয়া ডাঃ জোনাকী ডেকাক উপ সভানেত্রী, গোটৰ সম্পাদক পদত ডাঃ কামাখ্যা দাস, সহকাৰী সম্পাদক ডাঃ অশোক কলিতাক, কেন্দ্ৰীয় কাৰ্যনিৰ্বাহক সদস্য বিহদিয়া প্ৰাথমিক স্বাস্থ্য কেন্দ্ৰৰ ডাঃ হেমেন দাস, সাংগঠনিক সম্পাদক ৰঙিয়া মডেল হস্পিতালৰ ডাঃমিন্টু মনি দাস, সাস্কৃতিক সম্পাদক ডাঃ পিকুলি হাজৰিকা, কোষাধ্যক্ষ ডাঃ গৌৰাঙ্গ মেধিৰ লগতে উপদেষ্টা ডাঃ দিলীপ কুমাৰ বৈশ্য, গুন গোবিন্দ শৰ্মা, ডাঃ নৱনীতা বৰা, ডাঃ ডিম্বেশ্বৰ শৰ্মা, ডাঃ এম.এ.এ.কামাল,ডাঃ সত্য ৰাম বৈশ্যক লৈ সমিতিখন গঠন কৰা হয়।

ওদালগুৰি জিলাৰ ৰৌতা আৰক্ষী থানাৰ আৰক্ষীয়ে ১৭ ডিচেম্বৰৰ দিনা দুজন সন্দেহজনক মাৰাত্মক নিচাযুক্ত হেৰ’ইন সৰবৰাহকাৰী ব্যক্তিক জেল হাজোতলৈ প্ৰেৰণ কৰে । উক্ত ব্যক্তি দুজন হৈছে  ওদালগুৰি জিলাৰ বৰপুখুৰী গাঁৱৰ প্ৰয়াত সন্তোষ গুপ্তাৰ পুত্ৰ দীপক গুপ্তা (২২) আৰু  বিশ্বনাথ জিলাৰ বিহালীৰ চম্পক চাহুৰ পুত্ৰ  বিজয় চাহু (২৫) ।

আজি আৰক্ষীসূত্ৰে জানিব পৰা মতে , যোৱা ১৬ ডিচেম্বৰৰ দিনা ৰৌতা আৰক্ষী থানাৰ ভাৰপ্ৰাপ্ত আৰক্ষী বিষয়া মলয় আচাৰ্যৰ নেতৃত্বত যোৱা এটা আৰক্ষীৰ  দলে থানাখনৰে অন্তৰ্গত আমিনপাৰা গাঁৱত এক  অভিযান চলায় । গোপন তথ্যৰ ভিত্তিত অভিযান চলাবলৈ গৈ আমিনপাৰা গাঁৱত দিনৰ ১১ -৪৫ বজাত  হাতে-লোতে  ১২’২৩ গ্ৰাম সন্দেহজনক হেৰ’ইন পাই  জব্দ কৰাৰ লগতে নম্বৰ প্লেট নথকা মটৰচাইকেলৰ সৈতে  দুজন ব্যক্তিক গ্ৰেপ্তাৰ কৰে  ।

সেয়েহে এই ঘটনাৰ সন্দৰ্ভত ৰৌতা আৰক্ষী থানাত  ধৃত ব্যক্তি  দুজনৰ বিৰুদ্ধে এটা গোচৰ ৰুজু কৰি গ্ৰপ্তাৰ কৰা ব্যক্তি দুজনক আজি ওদালগুৰি জিলা জেল হাজোতলৈকে প্ৰেৰণ কৰিছে ।

সেয়েহে এই ঘটনাৰ সন্দৰ্ভত ৰৌতা আৰক্ষী থানাত  ধৃত ব্যক্তি  দুজনৰ বিৰুদ্ধে এটা গোচৰ ৰুজু কৰি গ্ৰপ্তাৰ কৰা ব্যক্তি দুজনক আজি ওদালগুৰি জিলা জেল হাজোতলৈকে প্ৰেৰণ কৰিছে । উল্লেখ্য যে আৰক্ষীয়ে পাঁচ দিনৰ বাবে হেৰ’ইন ব্যৱসায়ৰ বিষয়ে নতুন নতুন তথ্য সংগ্ৰহ কৰিবলৈ ধৃত ব্যক্তি  দুজনক আৰক্ষীৰ জিম্মাত বিচাৰিছে ।

পশ্চিম দৰং উন্নয়ন পৰিষদৰ  উদ্যোগত  দৰং জিলাৰ দুমুনিচকী হাইস্কুল খেলপথাৰত সদৌ অসম ভিত্তিত অনুষ্ঠিত  তিনি দিনীয়া দিবা নৈশ প্ৰাইজমানী ফুটবল প্ৰতিযোগিতাৰ মুখ্যদ্বাৰ উদ্ধোধন কৰে সমাজকৰ্মী বৈয়তুল্লা আহমেদে । পতাকা উত্তোলন কৰে পশ্চিম দৰং উন্নয়ন পৰিষদৰ সভাপতি তহিদ আলীয়ে। 

পশ্চিম দৰং উন্নয়ন পৰিষদৰ উদ্যোগত দুমুনিচকী হাইস্কুল খেলপথাৰত অনুষ্ঠিত কৰা প্ৰয়াত মহিবুল্লা আহমেদ আৰু ছাইফুল্লা আহমেদ সোঁৱৰণি তৃতীয় বাৰ্ষিক দিবা নৈশ তিনি দিনীয়া প্ৰাইজমানি ফুটবল খেল প্ৰতিযোগিতা খন কালি সন্ধিয়া আনুষ্ঠানিক ভাৱে মুকলি কৰে মঙলদৈ সমষ্টিৰ সাংসদ তথা বিজেপি ৰাষ্ট্ৰীয় সাধাৰণ সম্পাদক দিলীপ শইকীয়াই। 

সন্ধিয়া জনপ্ৰিয় কণ্ঠ শিল্পীৰ দেৱৰ্চনা কাশ্যপ,ৰিংকো প্ৰীয়মৰ , শিশু শিল্পী ঈশান আফ্ৰিদি, প্ৰিন্স নিহাল, জিত সাজাহানে গীত পৰিবেশন কৰে। লগতে ভঙা টিভি তথা ইউটিউবৰ জনপ্ৰিয় কৌতুক অভিনেতা ‘খিতেই কাই’ খ্যাত দিপজ্যতি ডেকাৰ  উপস্থিত থাকি  সাংস্কৃতিক অনুষ্ঠান পৰিবেশন কৰাৰ লগতে বিকি দান্স একাডেমীৰ শিল্পী সকলে নৃত্য পৰিৱেশন কৰা দেখিবলৈ পোৱা গৈছে।  সাংস্কৃতিক অনুষ্ঠানৰ  পিছতে প্ৰথমখন খেলৰ শুভ উদ্বোধন কৰে মঙলদৈ উন্নয়ন প্ৰাধিকৰনৰ অধ্যক্ষ  প্ৰতাপ বৰদলৈ ডাঙৰীয়াই।

শিল্পী পেন্সনপ্ৰাপক,অসমৰ আগশাৰীৰ বিশিষ্ট নাগাৰা নামৰ পাঠক (শিল্পী) কৈলাশ তালুকদাসহ নাগাৰা নামৰ কেইবাগৰাকী পাঠক-পাঠিকাৰ এটি সজাঁটি দলে আজি অসমৰ  মুখ্যমন্ত্ৰী ড০ হিমন্ত বিশ্ব শৰ্মা আৰু মুখ্যমন্ত্ৰীৰ ৰাজনৈতিক সচিব তথা নলবাৰী সমষ্টিৰ  বিধায়ক জয়ন্ত মল্ল বৰুৱাক অসম সচিবালয়ত সাক্ষাৎকাৰ কৰে।

দলটিয়ে মুখ্যমন্ত্ৰী  আৰু নলবাৰী বিধায়কক  পিতলৰ নাগাৰা, কুৰকুৰি আৰু  মানপত্ৰৰে সম্বৰ্ধনা জ্ঞাপন কৰে।লগতে দলটোৱে শিল্পীসকলে বিগত দিনত ভুগি অহা তেওঁলোকৰ বিভিন্ন সমস্যা সম্পৰ্কে মুখ্যমন্ত্ৰী হিমন্ত বিশ্ব শৰ্মা আৰু নলবাৰী বিধায়ক জয়ন্ত মল্ল বৰুৱাক  অৱগত কৰে।

মুখ্যমন্ত্ৰীগৰাকীয়ে নাগাৰা নামৰ পাঠক -পাঠিকাসকলৰ সমস্যাসমুহ পৰ্যায় ক্ৰমে সমাধান কৰাৰ উপৰিও অসমৰ ধৰ্মীয় সংস্কৃতিৰ লাইখুটা সদৃশ গুৰুজনাৰ অমৰ সৃষ্টি নাগাৰা নামক বিশ্বৰ বুকুত প্ৰতিস্থা কৰিবলৈ চেষ্টা কৰি যাম বুলি  আশ্বাস প্ৰদান কৰাৰ লগতে নলবাৰীৰ চৰকাৰী ভুমিত নলবাৰী জিলা নাগাৰা নাম সংঘৰ কাৰ্যালয় এটি স্থাপন কৰাৰ সুবিধাও প্ৰদান কৰিব বুলি দলটোক আশ্বাস প্ৰদান কৰে ।

লামডিং এছবিআইৰ পৰা ১০০.২৫ কোটি টকাৰো অধিক ঋণ লৈ পলাতক  অনন্ত চৰন নায়ক । বেঙ্কৰ টকা পৰিশোধ নকৰাৰ বাবে আজি হোজাই জিলা কাৰ্য্যকৰী দণ্ডাধীশৰ উপস্থিতিত এচবিআই বেঙ্ক কতৃপক্ষই  জব্দ কৰে অনন্ত চৰন নায়কৰ দুটা বিল্ডিং।

অনাগত দিনত ,অনন্ত চৰন নায়কৰ কেইবাটাও সম্পত্তি জব্দ কৰা হ’ব বুলি সাংবাদিকৰ আগত কাৰ্য্যকৰী দণ্ডাধীশে প্ৰকাশ কৰে। অনন্ত চৰন নায়ক Nayak Infrastructure Pvt Ltd ৰো কৰ্ণধাৰ । উল্লেখ যে দীর্ঘদিন ধৰি বেংকৰ পৰা ঋণ লৈ নিৰুদ্দেশ হৈ আছে নায়ক।