অসম ৰাজ্যিক সাংবাদিক সন্থা গোলাঘাট জিলা সমিতিখন আজি পূৰ্ণাংগ ৰূপত গঠন কৰি কাৰ্যভাৰ প্ৰদান কৰা হয় ৷ সেই উপলক্ষে বাদুলিপাৰ আঞ্চলিক সাংবাদিক সন্থাৰ আতিথ্যত বাদুলিপাৰৰ ভোলাগুৰি লাচিত ক্লাৱত অনুষ্ঠিত হোৱা সভাত সভাপতিত্ব কৰে গোলাঘাট জিলা সাংবাদিক সন্থাৰ ভাৰপ্ৰাপ্ত সভাপতি বুবুল দত্তই ৷ গোলাঘাট জিলা সাহিত্য সভাৰ সভাপতি পবিত্ৰ বৰবৰাই উদ্বোধন কৰা অনুষ্ঠানটোৰ উদ্দেশ্য ব্যাখ্যা কৰে গোলাঘাট জিলা সাংবাদিক সন্থাৰ ভাৰপ্ৰাপ্ত সম্পাদক পৱন কামানে ৷

অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱা,জেষ্ঠ সাংবাদিক তথা প্ৰকৃতি প্ৰেমী অপূৰ্ব ভল্লব গোস্বামী,অসম ৰাজ্যিক সাংবাদিক সন্থাৰ সাংগঠনিক সম্পাদিকা তথা কবি পলিমা চেতিয়া বসুমতাৰীয়ে বক্তব্য প্ৰদান কৰে৷ গোলাঘাট জিলাৰ বিভিন্ন প্ৰান্তৰ পৰা অহা দুকুৰিৰো অধিক সাংবাদিকৰ উপস্থিতিত থকা অনুষ্ঠানতোত অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱা আৰু সাংগঠনিক সম্পাদিকা পলিমা চেতিয়া বসুমতাৰীৰ তত্ত্বাৱধানত পৰাগ বৰুৱা সভাপতি আৰু পৱন কামানক সম্পাদক হিচাপে লৈ পূৰ্ণাংগ সমিতিখন গঠন কৰি দায়িত্ব ভাৰ প্ৰদান কৰে৷

১৬ ডিচেম্বৰৰ  পৰা কয়াকুছিৰ শংকৰ-আজান সমন্বয় ক্ষেত্ৰত  আৰম্ভ হোৱা  ষষ্ঠ কয়াকুছি গ্ৰন্থ আৰু বাণিজ্য মেলাৰ বাকৰিত আজি পুৱা স্বৰ্গীয় অতুল চন্দ্ৰ কলিতা সোৱৰণী ভেশচন প্ৰতিযোগিতা অনুষ্ঠিত হয়। বৰবালা উচ্চতৰ মাধ্যমিক বিদ্যালয়ৰ  অধ্যক্ষ মহিৰ উদ্দিন আহমেদ। প্ৰতিযোগিতাত প্ৰথম স্থান দখল কৰি প্ৰমাণপত্ৰৰ লগতে তিনি হাজাৰ টকা লাভ কৰে বনবাহাৰৰ জাহিদুল ইছলাম, দ্বিতীয় স্থান দখল কৰি  প্ৰমাণপত্ৰৰ লগতে দুই হাজাৰ টকা লাভ কৰে চকিৰভিটাৰ মুন আহমেদ আৰু  তৃতীয় স্থান দখল কৰি প্ৰমাণপত্ৰৰ লগতে এক হাজাৰ টকা লাভ কৰে খাবলাৰভিটাৰ কিয়াম উদ্দিন সিকদাৰে।।

প্ৰতিযোগিতাখনৰ বিচাৰকৰ দায়িত্ব পালন কৰে কয়াকুছি মহাবিদ্যালয়ৰ সহযোগী অধ্যাপক ক্ৰমে ছাদেক আলী আহমেদ, গোলাপ হুছেইন খান , দেৱান ছাদুল্লাহ আহমেদ আৰু মৰিছাৰ ছহিবৰ ৰহমানে। ভেশচন প্ৰতিযোগিতাৰ বঁটা বিতৰণী অনুষ্ঠানত পশ্চিম বেতবাৰী গাওঁ পঞ্চায়তৰ সভানেত্ৰী মাজেদা খাতুন,দক্ষিণ বেতবাৰী গাওঁ পঞ্চায়তৰ সভানেত্ৰী নাৰ্জিনা আকতাৰ  আৰু ৰহিজ উদ্দিনে। দুপৰীয়া ১২  বজাৰ পৰা  বৰপেটা জিলা ভিত্তিক মৰহুম জাবেদ আলী সোঁৱৰণী  দশম শ্ৰেণী অনুৰ্ধ তৰ্ক প্ৰতিযোগিতা অনুষ্ঠিত হয়। তৰ্ক প্ৰতিযোগিতাৰ বিষয়বস্তু আছিল মোবাইল ফোন বিদ্যাৰ্থীৰ বাবে উপযোগী।  শুভ উদ্বোধন কৰে বিশিষ্ট সাংবাদিক হৰমোহন বৰ্মনে। দ্যা আচাম ট্ৰিবিউনৰ সাংবাদিক  হৰমোহন বৰ্মনৰ সঞ্চালনত অনুষ্ঠিত এই  প্ৰতিযোগিতাৰ বিচাৰক হিচাপে কয়াকুছি উচ্চতৰ মাধ্যমিক বিদ্যালয়ৰ বিষয় শিক্ষক মো:নুৰ হোচেইন, ভক্তৰডবা মণ্ডল সমল কেন্দ্ৰৰ সমন্বয়ক ছামছুল হক আৰু বৰপেটা জীৱন বীমা নিগমৰ জ্যেষ্ঠ ব্যৱসায়িক সহযোগী হৰ্ষজিৎ দাসে।প্ৰথম স্থান দখল কৰি প্ৰমাণপত্ৰৰ লগতে তিনি হাজাৰ টকা লাভ কৰে কয়াকুছিৰ ইউনিক একাডেমীৰ মাছুমা হাছানে ইউনিক একাডেমীৰ নাদিম হুছেইনে প্ৰমাণপত্ৰসহ দুই হাজাৰ টকা আৰু কয়াকুছিৰ জীৱনজ্যোতি জাতীয় বিদ্যালয়ৰ নিজুমা হাছানূ তৃতীয় স্থান দখল কৰি প্ৰমাণপত্ৰৰ লগতে এক হাজাৰ টকা লাভ কৰে ।দুই বজাত মৰহুম ৰাকিবুল ইছলাম সোঁৱৰণী ৰাজ্যিক মুকলি তৰ্ক প্ৰতিযোগিতা অনুষ্ঠিত হৈ যায়।

তৰ্কৰ বিষয়বস্তু আছিল নিবনুৱা সমস্যা সমাধানত চৰকাৰ ব্যৰ্থ হৈছে। তৰ্ক প্ৰতিযোগিতাখন উদ্বোধন কৰে বৰপেটা জিলাৰ নিৰ্বাচনী বিষয়া ময়ুৰাক্ষী দত্তই। প্ৰতিযোগিতাত প্ৰথম স্থান দখল কৰি প্ৰমাণপত্ৰৰ লগতে চাৰি  হাজাৰ টকা লাভ কৰে অঞ্জুমান ভৰদ্বাজ দ্বিতীয় স্থান লাভ কৰি  প্ৰমাণ পত্ৰৰ লগতে তিনি  হাজাৰ টকা লাভ কৰে মনোজ কুমাৰ বৰুৱাআৰু  তৃতীয় স্থান দখল কৰি প্ৰমাণপত্ৰৰ লগতে দুই  হাজাৰ টকা লাভ কৰে সুদৰ্শন শৰ্মা। আনহাতে দলীয় শাখাত প্ৰথম স্থান দখল কৰি   ইনষ্টিটিউট অৱ মাছ মেডিয়া এণ্ড  কমিনিকেশ্বন  দলে চাৰি হাজাৰ টকা আৰু গুৱাহাটী বিশ্ববিদ্যালয়ৰ দলে দ্বিতীয় স্থান দখল কৰি দুই হাজাৰ টকা লাভ কৰে। গুৱাহাটী বিশ্ববিদ্যালয়ৰ এম এড শ্ৰেণীৰ সহকাৰী অধ্যাপিকা ড০ বিদুলা শৰ্মাই সঞ্চালনা কৰা এই তৰ্ক প্ৰতিযোগিতাৰ বিচাৰক হিচাপে টাইম ৮ৰ সাংবাদিক নেত্ৰজিত বৰা আৰু গুৱাহাটীৰ দ্যা চাই কমিউনিটিৰ পৰিচালনা সঞ্চালক সৌৰভ জ্যোতি দত্ত‌ই।

ওদালগুৰি মহকুমা প্ৰাথমিক শিক্ষক সন্মিলনীৰ ত্ৰয়োদশ দ্বিবাৰ্ষিক অধিবেশন খনি ১৮ডিচেম্বৰত  এদিনীয়া কাৰ্যসূচীৰে ওদালগুৰি পৌৰ সভাৰ সভা কক্ষত সামৰণি পৰে ।কাৰ্যসূচী অনুসৰি পুৱা ৮বজাত পতাকা উত্তোলন কৰে সন্মিলনীৰ সভাপতি গৌতম জ্যোতি তালুকদাৰে। স্মৃতি তৰ্পণ কৰে সম্পাদক নাৰায়ন ছেত্ৰীয়ে। পুৱা ৮-৩০ বজাত প্ৰতিনিধিৰ সন্মিলন।দিনৰ ১১ বজাত  প্ৰতিনিধি সভা আৰু বিষয় বাচনি সভা উদ্বোধন কৰে মহকুমা প্ৰাথমিক শিক্ষক সন্মিলনীৰ উপ- সভাপতি সুৰেশ কলিতাই।দিনৰ ১.৩০ বজাত সন্মিলনীৰ সভাপতি গৌতম জ্যোতি তালুকদাৰৰ সভাপতিত্বত অনুষ্ঠিত মুকলি সভা উদ্বোধন কৰি খণ্ড প্ৰাথমিক শিক্ষা বিষয়া,খণ্ড মিচন সমন্বয়ক তথা ভাৰপ্ৰাপ্ত উপ পৰিদৰ্শক অশ্বিনী কুমাৰ বড়োই কয়- প্ৰাথমিক শিক্ষক সকল পথ প্ৰদৰ্শক। তেওঁলোকৰ জৰিয়তে সমাজৰ মূল্যৱান  কাম সম্পন্ন কৰা হয়।

নতুন শিক্ষা নীতিৰ প্ৰতি শিক্ষক সকলে সহযোগ কৰিব লাগিবই।পেঞ্চনৰ ব্যৱস্হা সুচাৰুৰূপে পোৱাৰ ব্যৱস্হা কৰাৰ কথাও উল্লেখ কৰে। মুকলি সভাত আদৰণি ভাষন পাঠ কৰে অভ্যৰ্থনা সমিতিৰ সভাপতি মিনেন চন্দ্ৰ দাসে।সভাত নিৰ্দিষ্ট বক্তা হিচাপে অসম ৰাজ্যিক প্ৰাথমিক শিক্ষক সন্মিলনীৰ উপ-সভাপতি সুব্ৰত ধৰ উপস্থিত থাকি সন্মিলনীৰ সাংগঠনিক দিশৰ বিষয়ে বক্তব্য ৰখাৰ লগতে বিদ্যালয় সমূহৰ আন্ত:গাঠনি, এজনীয় শিক্ষকৰ সমস্যা আদিৰ বিষয়ে বক্তব্য ৰাখি নতুন শিক্ষা নীতিয়ে শিক্ষক সমাজৰ প্ৰতি প্ৰত্যাহ্বান আহিব বুলি উল্লেখ কৰে।চৰকাৰী বিদ্যালয় সমূহত পাঠদানৰ সু-ব্যৱস্থা নথকাৰ বাবেই ব্যক্তিগত বিদ্যালয় সমূহত ছাত্ৰ ছাত্ৰী সকলৰ ভিৰ দেখা যায়। মুখ্য অতিথি হিচাপে জিলা প্ৰাথমিক শিক্ষা বিষয়া,জিলা মিচন সমন্বয়ক তথা বিদ্যালয় সমূহৰ পৰিদৰ্শক জয়পাল সিং ব্ৰহ্মই কয়- শিক্ষক সমাজে গুণগত শিক্ষাৰ প্ৰতি গুৰুত্ব আৰোপ কৰিব লাগিব। বুনিয়াদী শিক্ষাৰ ক্ষেত্ৰত শিক্ষকসকলে দায়িত্ব ল’ব লাগিব। নতুন শিক্ষা নীতি আৰু গুণোৎসৱৰ বাবে সাজু হ’বলৈ আহ্বান জনায়।শিক্ষক সকলৰ  সমস্যা সমূহ সমাধান কৰাৰ প্ৰতিশ্ৰুতি আগবঢ়ায়।নীতি নিয়মেৰে নিজৰ কাম কৰিলে সকলোৰে সুবিধা হয়। তেওঁ শিক্ষকে ই শিক্ষকৰ শত্ৰু বুলিও উল্লেখ কৰে।

ওদালগুৰি মহকুমা প্ৰাথমিক শিক্ষক সন্মিলনীৰ প্ৰাক্তন সভাপতি ম: আব্দুল আলি, প্ৰাক্তন সম্পাদক শিৱনাথ ওজা্ পৌৰ সভাৰ সভাপতি ৰাকেশ বড়ো আদিয়ে ,নিমন্ত্ৰিত অতিথি হিচাপে উপস্থিত থাকি বক্তব্য আগবঢ়ায়।বিষয় বাচনি সভাত ২০২২-২০২৪ বৰ্ষৰ বাবে প্ৰমোদ বসুমতাৰীক সভাপতি আৰু নাৰায়ণ চেত্ৰীক সম্পাদক হিচাপে লৈ ওদালগুৰি মহকুমা প্ৰাথমিক শিক্ষক সন্মিলনীৰ সমিতাখন গঠন কৰা হয়।ইপিনে অসম ৰাজ্যিক প্ৰাথমিক শিক্ষক সন্মিলনীৰ ৰাজ্যিক সদস্য হিচাপে হেমন্ত সূত্ৰধাৰ,দুলুমণি দেৱী আৰু ৰেণুকা দেৱীক নিৰ্বাচন কৰা হয়।

বৰপেটা জিলাৰ কৃষক সকলৰ উৎপাদিত ধান উচিত মূল্যত বিক্ৰীৰ স্বাৰ্থত এইবাৰ প্ৰথমবাৰলৈ জিলাখনত ৭ টাকৈ ধান আহৰণ কেন্দ্ৰ  স্থাপন হ’ব।  জিলা উপায়ুক্ত তেজ প্ৰসাদ ভূচালে ধান ক্ৰয় কৰা চৰকাৰী সংস্থা সমূহৰ ওপৰত দিয়া হেঁচাৰ পৰিপ্ৰেক্ষিতত সংস্থা সমূহে তেওঁলোকৰ ধান আহৰণ কেন্দ্ৰ পূৰ্বৰ ৩ টাৰ পৰা ৭ টালৈ বৃদ্ধি কৰিবলৈ সন্মত হৈছে। বৃহস্পতিবাৰে জিলা উপায়ুক্তৰ কাৰ্যালয়ৰ সভাকক্ষত এই সম্পৰ্কত অনুষ্ঠিত এখন গুৰুত্বপূৰ্ণ সভাত এই সিদ্ধান্ত গ্ৰহণ কৰা হয়। সেই অনুসৰি ভাৰতীয় খাদ্য নিগমে (এফচিআই) এইবাৰ প্ৰথমবাৰলৈ সৰভোগ, চেঙা, বেলবাৰী আৰু গোমূৰাত ধান আহৰণ কেন্দ্ৰ স্থাপনৰ কৰিব বুলি জানিবলৈ দিয়ে।

জিলা তথ্য আৰু জনসংযোগ বিষয়া বিকাশ শৰ্মাই এই কথা প্ৰকাশ কৰি কয় যে, অসম কৃষি বিপণন পৰিষদে সৰ্থেবাৰী আৰু বৰপেটাত কেন্দ্ৰ স্থাপন কৰিব। একেদৰে ভাৰতীয় ৰাষ্ট্ৰীয় কৃষি সমবায় বাণিজ্য ফেডাৰেচনে (নাফেড) বৰপেটা ৰোডত কেন্দ্ৰ স্থাপন কৰিব। ইয়াত নিৰ্দিষ্ট মান সম্পন্ন ধান প্ৰতি কুইন্টলত ১৯৪০ টকা দৰত বিক্ৰী কৰিব পাৰিব। জানুৱাৰীৰ পৰাই ইয়াত ধান আহৰণ প্ৰক্ৰিয়া আৰম্ভ হ’ব বুলি কেউটা সংস্থাই জনাইছে যদিও কৃষক সকলৰ স্বাৰ্থত এই প্ৰক্ৰিয়া তাৎক্ষণিকভাবে কাৰ্য-ব্যৱস্থা গ্ৰহণ কৰিবলৈ উপায়ুক্ত‌ই আহ্বান জনাইছে। তেওঁ লগতে প্ৰকৃত কৃষকৰ পৰাহে ধান ক্ৰয় কৰা হয় আৰু কোনো মধ্যভোগীয়ে যাতে সুবিধা লব নোৱাৰে সেয়া নিশ্চিত কৰিবলৈ নিৰ্দেশ দিছে। সভাত ভাৰতীয় খাদ্য নিগম, অসম কৃষি বিপণন পৰিষদ, ৰাষ্ট্ৰীয় কৃষি সমবায় বাণিজ্য ফেডাৰেচনৰ বিষয় ববীয়াৰ উপৰিও কৃষি আৰু খাদ্য আৰু অসামৰিক যোগান বিভাগৰ বিষয়া সকলো উপস্থিত থাকে।