বিটিআৰ ওদালগুৰি জিলা ভেৰগাঁ‌ও মহকুমাঁ‌ৰ পৰিৱৰ্তে ভেৰগাঁ‌ও জিলা বড়োলেণ্ড ইলেকট্ৰনিক মিডিআ এচোচিয়েচন  চমুকৈ BEMAৰ সংবাদমেল।উল্লেখ্য যে অহা ১৪ নবেম্বৰ তাৰিখে বড়োলেণ্ড ইলেকট্ৰ্নিক মিডিআ ইচোচিয়েচনৰ  প্ৰথম বাৰ্ষিক প্ৰতিষ্ঠা দিৱস উদযাপন কৰা হ’ব। সন্দৰ্ভত BEMA এচোচিয়েচনে প্ৰতিষ্ঠা দিৱসৰ লগত সংগতি ৰাখি ওদালগুৰি জিলা  ভেৰগাঁ‌ও পুথি ভৰাঁ‌লত পুৱা ১০ বজাত সংবাদ কৰ্মী সকলক লৈ কৰ্মশালা আয়োজন কৰাৰ সিধান্ত কৰিছে সেয়েহে।
পৰিপেক্ষিতত বড়োলেণ্ড ইলেকট্ৰ্নিক মিডিআ এচোচিয়েচনৰ সভাপতি কনক চন্দ্ৰ বড়ো, সম্পাদক বডোছা বসুমতাৰী সহ উপ-সভাপতি দানশ্ৰাং বড়োয়ে আজি সংবাদ যোগে অহা ১৪ নবেম্বৰ তাৰিখৰ উক্ত কৰ্মশালাত ওদালগুৰি জিলা সকলো সংবাদ ডাটাক  অংশ গ্ৰহণ কৰিবলৈ সংবাদ যোগে আহ্বান কৰে।

অবিভাক্ত বৰপেটা জিলাৰ ভৱানীপুৰত কালি নিশা এখন কাঠ ভৰ্তি ট্ৰাক জব্দ কৰে কেইটামান স্থানীয় যুৱকে। নিশা ট্ৰাকখন ভৱানীপুৰৰ মাজেৰে পাৰ হৈ কয়াকুছি যোৱাৰ সময়ত কেইগৰাকীমান যুৱকৰ সন্দেহ ওপজাত ট্ৰাকখন আগুচি ধৰে আৰু ট্ৰাকখন ৰখাই নিৰীক্ষণ কৰাত পাইন কাঠবোৰ দেখিবলৈ পায়। ট্ৰাকখনত ২২.৩ ছিঃ এম পাইন কাঠ আছে বুলি জানিব পৰা গৈছে । মেঘালয়ৰ পৰা কয়াকুছিলৈ গৈ আছিল ট্ৰাকখন। ট্ৰাকখনে কঢ়িয়াই অনা কাঠবোৰ কয়াকুছিৰ কাঠৰ বেপাৰী হানিফৰ বুলি জানিব পৰা গৈছে। ট্ৰাকখনৰ চালান নথকাৰ অভিযোগ উঠিছে। ইপিনে অতিৰিক্ত বোজা কঢ়িয়াই অনাৰো অভিযোগ উঠিছে ট্ৰাকখনৰ বিৰুদ্ধে। ইয়াকে লৈ চালক আৰু যুৱককেইজনৰ মাজত কিছু হুলস্থূলীয়া পৰিবেশৰ সৃষ্টি হয় । তাৰ কিছু সময় পিছতে আৰক্ষীৰ এটি দল আহি ঘটনাস্থলীত উপস্থিত হোৱাত পৰিস্থিতি শাম কাটে। তাৰ পিছতে বৰপেটা ৰোড বন বিভাগৰ একাংশ বিষয়া কৰ্মচাৰী ঘটনাস্থলীত উপস্থিত হয়। দলটোৱে কাঠসহ ট্ৰাকখন বৰপেটা ৰোড আঞ্চলিক বন বিভাগৰ কাৰ্যলয়লৈ নিয়ে। তেওঁলোকৰ ভাষ্য মতে ট্ৰাকখনে বৈধ চালান লগত আনিছে। উল্লেখযোগ্য যে, বৰপেটা জিলাৰ কেইগৰাকীমান বন মাফিয়াৰ নেতৃত্বত নামনি অসমত কাঠৰ বৃহৎ ছিণ্ডিকেট চলি থকাৰ অভিযোগ দীৰ্ঘদিনীয়া ।বন বিভাগৰ নিস্ক্ৰিয়তাৰ সুযোগ লৈ জিলাখনত নিতৌ ন ন বন মাফিয়াৰ আবিৰ্ভাৱ হৈছে। কাঠৰ চোৰাং ব্যৱসায়ৰ সৈতে জড়িত হৈ কৌটিপতি হোৱাৰ মানসেৰে একাংশই প্ৰতিযোগিতামূলক মনোভাৱেৰে বন ছিণ্ডিকেটৰ এক এন্ধাৰ জগতত প্ৰৱেশ কৰা দেখা গৈছে। এই ছিণ্ডিকেট চক্ৰটোত কোন কোন জড়িত হৈ আছে সেইয়া এতিয়ালৈকে স্পষ্ট হোৱা নাই। 

নামনি অসমৰ ভৱানীপুৰ ,তামুলপুৰ আৰু গোসাইগাঁও সমষ্টিত অনুষ্ঠিত হবলগীয়া উপ নিৰ্বাচনক গুৰুত্ব সহকাৰে লৈছে অসম প্ৰদেশ তৃণমূল কংগ্ৰেছ কমিটীয়ে ৷তাৰে যেন উমান দিলে শ্ৰীৰামপুৰত আজি অসম প্ৰদেশ তৃণমূল কংগ্ৰেছ কমিটীয়ে এখন সংবাদ মেল অনুষ্ঠিত কৰি ৷সংবাদ মেলত অসম প্ৰদেশ তৃণমূল কংগ্ৰেছ কমিটীৰ মুখ্য আহ্বায়ক বিপ্লৱ চক্ৰৱৰ্তীয়ে কয় যে পশ্চিম বংগৰ মুখ্যমন্ত্ৰী মমতা বেনাৰ্জীৰ নেতৃত্বতাধীন তৃণমূল কংগ্ৰেছৰ নীতি আদৰ্শৰ প্ৰতি অসমৰ শোষিত,বঞ্চিত ,নিস্পেষিত জনগোষ্ঠীৰ জনসাধাৰণ ইতিমধ্যে তৃণমূল কংগ্ৰেছৰ প্ৰতি সেউজ সংকেত প্ৰদান কৰিছে ৷তৃণমূলৰ নেত্ৰী তথা পশ্চিমবংগৰ মুখ্যমন্ত্ৰী মমতা বেনাৰ্জীৰ দলে যে কোনো জাত পাতৰ ৰাজনীতি নকৰি সকলো ধৰ্মৰ লোকক সম অধিকাৰ ,সম বিকাশ ,সম উন্নয়নৰ স্বাৰ্থত ৰাজনীতি কৰি মানৱসেৱা আগবঢ়াই আছে ৷সেই কথা অসমৰ প্ৰতিটো জনগোষ্ঠীৰ লোকে উপলব্ধি কৰি তৃণমূল কংগ্ৰেছৰ প্ৰতি আকৰ্ষিত হৈ পৰিছে ৷তৃণমূল কংগ্ৰেছে আগন্তুক ২০২৪ ৰ লোকসভা নিৰ্বাচনত শক্তিশালী ৰূপে অৱৰ্তীৰ্ণ হব বুলিও সংবাদ মেলত প্ৰকাশ কৰে ৷সংবাদমেলত তৃণমূল কংগ্ৰেছৰ আহ্বায়ক ৰতন বৰুৱায় কয় যে উপ নিৰ্বাচনত গোসাইগাঁও সমষ্টি ,তামুলপুৰ সমষ্টি আৰু ভৱানীপুৰ সমষ্টিত তৃণমূল কংগ্ৰেছ দলে সমৰ্থন আগবঢ়াব বুলি কয় ৷কিন্তু কোন দল বা প্ৰাৰ্থীক সমৰ্থন আগবঢ়াব সেই সম্পৰ্কত কোনো স্পষ্ট মতামত দিয়াৰ পৰা বিৰত থাকে ৷অহা ২০ অক্টোবৰত কোন দল বা প্ৰাৰ্থীক সমৰ্থন আগবঢ়াব সেই সম্পৰ্কত সংবাদ মাধ্যমৰ জৰিয়তে ঘোষণা কৰিব বুলি সংবাদ মেলত জানিব দিয়ে ৷সংবাদমেলত তৃণমূল কংগ্ৰেছৰ আহ্বায়ক মহাদেৱ ৰায়ে সংবাদ মেলৰ আঁতধৰে ৷

বিদ্যালয় এখনৰ প্ৰতিচ্ছবি প্ৰকাশ কৰা অন্যতম মাধ্যম হল বিদ্যালয়খনৰ মুখপত্ৰ খন। গোলাঘাট জিলাৰ নুমলীগড় উচ্চ মাধ্যমিক বিদ্যালয়ৰ অন্যতম আকৰ্ষণ হ’ল বিদ্যালয়খনৰ মুখপত্ৰ ʼনুমলী ʼ । প্ৰতিবছৰে প্ৰকাশ কৰি অহা নুমলীৰ ২১ সংখ্যক সংখ্যা আজি উন্মোচন কৰা হয়।নুমলীগড় বালিকা মধ্য ইংৰাজী বিদ্যালয়ৰ প্ৰধান শিক্ষক সঞ্জীৱ শৰ্মাই আনুষ্ঠানিক ভাৱে উন্মোচন কৰাৰ লগতে অনুষ্ঠান আঁতধৰে শিক্ষয়িত্ৰী প্লাৱীতা বাঢ়ৈয়ে।চাহ বাগিচা অঞ্চলৰ উক্ত বিদ্যালয়খনে প্ৰতি বছৰে প্ৰকাশ কৰি অহা মুখপত্ৰই বিদ্যালয়খনৰ ছাত্ৰ ছাত্ৰী সকলৰ মাজত সাহিত্যৰ ক্ষেত্ৰত এক ইতিবাচক দিশ আনিব বুলি আশাবাদী বিদ্যালয় কতৃপক্ষৰ লগতে অভিবাৱক সকল।

মৰিগাঁও জিলা যোগাসন ক্ৰীড়ায়ে ১ম বাৰ্ষিক  যোগাসন প্ৰতিযোগীতা আয়োজন কৰে।ভাৰত চৰকাৰৰ ক্ৰীড়া আৰু যুৱ কল্যান মন্ত্ৰালয়ৰ অনুমোদিত আৰু যোগাসন ক্ৰীড়া অসমৰ তত্বাৱধানত  মৰিগাঁও জিলা যোগাসন ক্ৰীড়ায়ে ১ম বাৰ্ষিক  যোগাসন প্ৰতিযোগীতা ১৭অক্টোৱৰ দিনা দিনজোৰা কায্যসূচীৰে ৰামেশ্বৰী সংঘ বিদ্যালয় লঠাবড়ী মৰিগাঁৱত অনুষ্ঠিত কৰে।কায্যসূচী অনুসৰি ৮ বজাত যোগাসন প্ৰতিযোগীতাত অংশ গ্ৰহণ  প্ৰতিযোগিৰ পঞ্জীয়ণ কৰা । ৯বজাত বন্তি প্ৰজ্বলন কৰে মুকুল বৰকাকতিয়ে।১০বজাত প্ৰতিযোগীতাৰ নিয়মাৱলী ঘোষণা কৰি প্ৰতিযোগীতা আৰম্ভ কৰে।