নগাঁও জিলাৰ কুজাৰবৰি গাঁৱৰ যুৱতী তথা অসমৰ সাহিত্যক্ষেত্ৰখনৰ এটি সম্ভাৱনাময় প্ৰতিভাৰ আঁকৰ বিশেষ ভাবে সক্ষম জোৱলা বৰাক তেওঁৰ নিজা বাসভৱনত দেওবাৰে অনুষ্ঠিত এক গাম্ভীৰ্যপূৰ্ণ সভাত মঙলদৈৰ এক সম্ভ্ৰমপূৰ্ণ অনুষ্ঠান দেবচণ্সে প্ৰদান কৰিলে দেবচন্স বিশেস সাহিত্য প্ৰতিভা বঁটা।জোৱালা বৰাক এই বঁটা প্ৰদান কৰিলে অসম সাহিত্য সভাৰ প্ৰাক্তন সভাপতি তথা বিধায়ক পৰমানন্দ ৰাজবংশীয়ে।দেৱচণ্স গ্ৰুপৰ ডাঃ অমৰেন্দ্ৰ নাৰায়ণদেৱে উদ্দেশ্য ব্যাখা কৰা সভাখনিত বিশিষ্ট নাট্যকাৰ, পৰিচালক তথা নটসূৰ্য বঁটা প্ৰাপক ঐশ্বৰ্য্য কাকতি , বিশিষ্ট গৱেষক, পণ্ডিত ডাঃ নগেন্দ্ৰ নাথ শৰ্মা,ৰহাৰ বিধায়ক শশীকান্ত দাস, অসম সাহিত্য সভাৰ প্ৰাক্তন প্ৰধান সম্পাদক পদুম ৰাজখোৱা কৰুণাধাৰাৰ উপ-সভানেত্ৰী নীলিমা গোস্বামী,বিশিষ্ট গৱেষক, অৱসৰপ্ৰাপ্ত অধ্যাপক ড° নৰেন কলিতা, দৰং জিলা সাহিত্য সভাৰ সভাপতি শৈলেন কুমাৰ ৰাজবংশী, প্ৰমুখ্যে বহুকেইজন গুণী-জ্ঞানী লোক বিশিষ্ট অতিথি ৰূপে উপস্থিত থাকে।

সভাত অৱসৰপ্ৰাপ্ত অধ্যাপিকা তথা কৰুণাধাৰাৰ উপ-সভানেত্ৰী নীলিমা গোস্বামীয়ে ‘দেবচণ্স আৰু জোৱলা বৰা’ শীৰ্ষক গ্ৰন্থখনি উন্মোচন কৰে ৷ইতিমধ্যে দেবচন্সে ২০১৫ চনৰ পৰা বিশেষ ভাবে সক্ষম প্ৰতিভা সকলক এই বঁটা প্ৰদান কৰি আহিছে। চতিয়াৰ ৰশ্মিৰেখা ভূঞা, মঙ্গলদৈৰ জেচমিন আৰা আহমেদ,নগাঁৱৰ ফুলগুৰিৰ শৰ্মিষ্ঠা প্ৰীতম, বৰপেটা বিলতৰীয়াৰ ধ্ৰুৱজ্যোতি দাসৰ দৰে প্ৰতিভাসম্পন্ন অথচ বিশেষভাৱে সক্ষম তৰুণ-তৰণীলৈ উক্ত বঁটা আগবঢ়োৱা হৈছে বুলি ডাঃ নাৰায়ণদেৱে উল্লেখ কৰে ৷ শেহতীয়াকৈ ‘বেদনাৰ মিঠা মাদকতা’, ‘মই যন্ত্ৰণা জয় কৰাৰ পণ লৈছোঁ’ আৰু ‘মৌনতা কোলাহল’ আদি গ্ৰন্থৰ স্ৰষ্টা জোৱলা বৰালৈ আগবঢ়োৱা এই বঁটা লাভ কৰি জোৱালাই নিজৰ অনুভৱী অভিমত ব্যক্ত কৰি কয় মোৰ কাৰণে এই বটা অনাকাংক্ষিত প্ৰাপ্তি।আজিৰ দিনটো মোৰ স্মৃতি পটত সজীৱ আৰু সতেজ হৈ ৰৱ।দেৱচণ্সৰ এই বিশেষ সাহিত্য প্ৰতিভা বঁটাত আছে এক লাখ টকাৰ লগতে স্মাৰক বঁটা, কিতাপৰ টোপোলা, অঙ্গ বস্ত্ৰ আৰু ফুলৰ থোপা।

ৰাষ্ট্ৰীয় পৰ্যায়ত সোণৰ পদক বুটলি অসমৰ লগতে গোলাঘাটলৈ কঢ়িয়াই আনিলে এক অনন্য সাফল্য। গোৱাৰ মাঠগাঁও নৰছিমহা দামোদৰ নাইট হলত ৮ ,অক্টোবৰত অনুষ্ঠিত হোৱা নেশ্যনেল খেল’ ইণ্ডিয়া , ফিট ইণ্ডিয়াৰ কিক্ বক্সিং  প্ৰতিযোগিতাত অসমৰ হৈ প্ৰতিনিধিত্ব কৰি মুঠ দহ জন খেলুৱৈয়ে সোণৰ পদক আনিবলৈ সক্ষম হয়।গোলাঘাট লক্ষীবাৰী উত্তম বল্লভ গোস্বামী, গোলাঘাটৰ দেৱাংগ পল্লৱ শইকীয়া,ৰঞ্জন নাথ,বিশাল গুপ্তা,মিলন বৰতামূলী,অভিনৱ মহন্ত,আৰ্নিশ চাহু,মৃগাংগ বৰ্মন,মেঘা জৈন,মানচি পালে সদ্য সমাপ্ত হোৱা প্ৰতিযোগিতাখনত সোণৰ পদক লাভ কৰি গোলাঘাটলৈ গৌৰৱ কঢ়িয়াই আনিছে।গোলাঘাটৰ পৰা যোৱা এই দলটোৰ দলপতি আছিল ৰাজেশ গুপ্তা।

ওদালগুৰি জিলাৰ অন্তৰ্গত কাজিয়ামাটি হাইস্কুলখনি উচ্চতৰ  মাধ্যমিক বিদ্যালয়লৈ উন্নতিকৰণ হোৱাত নৱনিৰ্মিত ভৱনটি  ১৬ অক্টোবৰত দিনৰ ১১.৩০ বজাত উদ্বোধন কৰে মাজবাট বিধান সভা সমষ্টিৰ বিধায়ক চৰণ বড়োই। উচ্চতৰ মাধ্যমিক বিদ্যালয় লৈ উন্নীতকৰণৰ নৱ নিৰ্মিত বিদ্যালয়  ভৱনটি  উদ্বোধন কৰে বিটিচিৰ উপমুখ্য কাৰ্যবাহী তথা বিধায়ক গোবিন্দ চন্দ্ৰ বসুমতাৰীয়ে উদ্বোধন কৰে।

দিনৰ ১২ বজাত  অৱসৰপ্ৰাপ্ত শিক্ষক ৰবিৰাম ৰামচিয়াৰীৰ সভাপতিত্বত অনুষ্ঠিত উদ্বোধনী সভাৰ উদ্দেশ্য ব্যাখ্যা কৰে  কাজিয়ামাটি উচ্চতৰ মাধ্যমিক বিদ্যালয়ৰ ভাৰপ্ৰাপ্ত অধ্যক্ষ গহীন চন্দ্ৰ বড়োই। উক্ত উদ্বোধনী সভাত মুখ্য অতিথি বিধায়ক চৰণ বড়ো, সন্মানীয় অতিথি হিচাপে বিধায়ক তথা উপমুখ্য কাৰ্যবাহী গোবিন্দ চন্দ্ৰ বসুমতাৰী,বিটিচিৰ ধনশ্ৰীৰ এমচিএল এল ফ্ৰেচ মোছাহাৰী, ওদালগুৰি জিলা বিদ্যালয় সমূহৰ পৰিদৰ্শক জয়পাল সিং ব্ৰহ্মই অঞ্চলটোত এক উচ্চ শিক্ষাৰ পৰিবেশ গঢ়ি তোলাৰ ক্ষেত্ৰত ৰাইজে সহযোগিতা কৰিব লাগিব বুলি উল্লেখ কৰে। উক্ত সভাত ডি আই অশ্বিনী বড়ো ওদালগুৰি কলেজৰ অধ্যক্ষ ড* লুক দৈমাৰী, ওদালগুৰি উচ্চতৰ মাধ্যমিক বিদ্যালয়ৰ অধ্যক্ষ পুষ্পধৰ বাচটোলা, ধনশ্ৰী ব্লকৰ টিচিএলচিচিৰ চেয়াৰমেন ৰুজুগ্ৰা মোছাহাৰী , অৱসৰপ্ৰাপ্ত প্ৰধান শিক্ষক গনেশ চন্দ্ৰ মোছাহাৰীকে ধৰি অঞ্চলটোৰ বিশিষ্ট নাগৰিক,অভিভাৱক সকল উপস্থিত আছিল।

বিশেষ ভাবে সক্ষম সাহসী যুৱতী প্ৰিঞ্চি গগৈক অপহৰণৰ যি অভিযোগ গহপুৰৰ এগৰাকী যুৱকৰ বিৰুদ্ধে উত্থাপিত হৈছে তাক নস্যাৎ কৰিছে গহপুৰৰ ঘাঁহিগাঁৱৰ যুৱক পৰাগ দাসে। গুৱাহাটীত চাউণ্ড ইঞ্জিনিয়াৰিঙৰ পাঠক্ৰম গ্ৰহণ কৰি থকা গহপুৰ ঘাঁহিগাঁও হুকাজানৰ যুৱক পৰাগ দাসৰ প্ৰীঞ্চি গগৈৰ লগত বিগত ৬মাহ ধৰি প্ৰেমৰ সম্পৰ্ক আছিল বুলি জানিব দিছে।  তেওঁ যুৱতী গৰাকীক অপহৰণ কৰি অনা নাই বুলি কোৱাৰ লগতে কয় যে যুৱতী গৰাকীৰ সম্পুৰ্ন মত সাপেক্ষেহে যোৱা ১৫ অক্টোৰত নিজ গৃহলৈ বুলি আনিছিল। ১৬ অক্টোবৰত ঘাঁহিগাঁও আৰক্ষী চকীৰ গোচৰৰ পাছতে যুৱতী গৰাকীক পৰিয়ালৰ লোকে নিজ গৃহলৈ উভতাই নিয়ে।
 কি কাৰণত প্ৰিঞ্চি গগৈয়ে তেওঁৰ বিৰুদ্ধে অপহৰণৰ গোচৰ তৰিলে সেই বিষয়ে পৰাগ দাস জ্ঞাত নহয়। তেওঁলোকৰ প্ৰেমৰ সম্পৰ্কৰ কিছু প্ৰমাণো তেওঁৰ লগত আছে বুলি কয় কৰে পৰাগ দাসে।ইফালে গহপুৰত প্ৰেমিক ঘৰত এটা মন্তব্য আৰু গুৱাহাটীত আন এটা মন্তব্য ই তীব্ৰ প্ৰতিক্ৰিয়া সৃষ্টি কৰিছে বিশ্বনাথত ।ইফালে এই সমগ্ৰ ঘটনাটো এক উচিত তদন্ত দাবী কৰিছে সচেতন মহলে।

ওদালগুৰি জিলাৰ মাজবাট ত ১৭অক্টোবৰত  ১৯৪২ ৰ ২০ ছেপ্তেম্বৰত ঢেকিয়াজুলিৰ ১৩ গৰাকী ছহিদৰ এক অন্যতম ছহিদ দয়াল দাস পাণিকাৰ স্মৃতি যুগমীয়া কৰি ৰাখিবলৈ এখনি ছহিদ দয়াল দাস পাণিকা মেম’ৰিয়েল ট্ৰাষ্ট নামেৰে এটি ন্যাস সমিতি  গঠণ কৰা হয় ৷ৰামকৰণ গোড়ৰ সভাপতিত্বত মাজবাটৰ জ্ঞান ভাৰতী বিদ্যালয়ত অনুষ্ঠিত  সভা খনৰ আঁত ধৰে শ্যাম মুন পাণিকা আৰু উদ্দেশ্য বাখ্যা আগবঢ়ায় আটছা ওদালগুৰি জিলা সমিতিৰ সম্পাদক বিৰ্জু চাঁওৰাই ৷উক্ত সভাত ৰামকৰণ গোড়ক পৰিচালন সঞ্চালক,অৰুণ প্ৰধান,নৱজ্যোতি কুৰ্মিক উপ পৰিচালন সঞ্চালক,হেমন্ত কুমাৰ মাহাতোক মুখ্য সচিব,শ্যাম মুন পাণিকাক সহ সচিব, ভোলা দাস পাণিকা,বিৰ্জু চাঁওৰা ,লাধু লোহাৰ ,কৈলাশ তাঁতি, ভিকেশ গোড়ক কৰ্ণধাৰ সমিতিৰ সদস্য,আমিৰ খেড়িয়া আৰু এন্টনী খৰাক হিচাপ পৰীক্ষক ৰূপে লৈ  ৫১ জনীয়া ন্যাস সমিতি গঠণ কৰা হয় ৷উক্ত সভাতে এই ন্যাস সমিতিৰ লক্ষ্য উদ্দেশ্য,কাৰ্যক্ৰমণিকা লিপিবদ্ধ কৰিবলৈ এখনি সংবিধান যুগুতাই উলিয়াবলৈ ৰামকৰণ গোড়,অৰুণ প্ৰধান আৰু হেমন্ত কুমাৰ মাহাতোক দায়িত্ব অৰ্পণ কৰা হয় ৷

 অসম প্ৰদেশ কিষাণ মৰ্চাৰ উদ্যোগত আৰু বজালী জিলা কিষাণ মৰ্চাৰ সহযোগত অাজি ভৱানীপুৰ সত্ৰৰ পুখুৰী পৰিস্কৰণ কৰা হয়। কিষাণ মৰ্চাৰ ৰাজ্যিক সাধাৰণ সম্পাদিকা ইন্দ্ৰাণী তহবিলদাৰে এই পৰিস্কৰণ কাৰ্যসূচীটো শুভাৰম্ভ কৰে। সত্ৰৰ পুখুৰীটো পৰিস্কৰণ কৰা কাৰ্যসূচীত সম্পাদিকাগৰাকীক সংগ দিয়ে কিষাণ মৰ্চাৰ ৰাজ্যিক সদস্য ক্ৰমে  অনুৰাগ চলিহা, হৰদ্বীপ চৌধুৰী, প্ৰিয়ংকা কলিতা, দিনেশ দাস, কিষাণ মৰ্চাৰ সহকাৰী কোষাধ্যক্ষ খনিন্দ্ৰ কলিতা, কিষাণ মৰ্চাৰ বজালী জিলা সভাপতি গণেশ কলিতা আদিয়ে। কিষান মৰ্চাৰ এনে পদক্ষেপক স্থানীয় সচেতন মহলে ভূঁয়সী প্ৰশংসা কৰে।