Home Blog Page 286

দিগন্ত ভাৰতীক অপমান কৰাক লৈ মানস ৰবীনৰ ক্ষোভ….Manas Robin

By
দৈনন্দিন বাৰ্তা
-
0
দিগন্ত ভাৰতীক অপমান কৰাক লৈ মানস ৰবীনৰ ক্ষোভ….Manas Robin
দিগন্ত ভাৰতীক অপমান কৰাক লৈ মানস ৰবীনৰ ক্ষোভ….Manas Robin

গুৱাহাটী: Manas Robin । কণ্ঠশিল্পী দিগন্ত ভাৰতীক বিহু মঞ্চত অপমান কৰাক লৈ সমগ্ৰ শিল্পী সমাজত প্ৰতিবাদৰ ঢৌ উঠিছে। এই ঘটনাত কড়া প্ৰতিক্ৰিয়া ব্যক্ত কৰিছে জনপ্ৰিয় কণ্ঠশিল্পী মানস ৰবীন। বকোৰ ছমৰীয়া আঞ্চলিক ৰঙালী বিহু সন্মিলনৰ মঞ্চৰ পৰা মানস ৰবীনে স্পষ্ট হুংকাৰ দিয়ে যে, ৭ দিনৰ ভিতৰত চানমাৰি বিহু সন্মিলনে ক্ষমা না খুজিলে তেওঁ আৰু কেতিয়াও তাত গান গাবলৈ যাব নে।

ঘটনাটো মূলত ঘটিছে বুধবাৰে, গুৱাহাটীৰ চানমাৰি বিহু মঞ্চত। তাতে দিগন্ত ভাৰতী তেওঁৰ পত্নী তথা জনপ্ৰিয় কণ্ঠশিল্পী ভাস্বতী ভাৰতীৰ গান উপভোগ কৰিবলৈ উপস্থিত আছিল। অভিযোগ অনুসৰি, সেই সময়তে মঞ্চত মাতি নিদিয়াকৈ দিগন্ত ভাৰতীৰ হাতৰ পৰা মাইক্ৰ’ফোনটো কাঢ়ি লোৱা হয়, যাক লৈ সৃষ্টি হয় বিতর্ক।

এই অপমানজনক ব্যৱহাৰৰ প্ৰতিবাদত বহু কণ্ঠশিল্পীয়ে সামাজিক মাধ্যমযোগে ক্ষোভ প্ৰকাশ কৰিছে। বহুতেই চানমাৰি বিহু সন্মিলনৰ বিপক্ষে কটু মন্তব্য প্ৰকাশ কৰিছে। মানস ৰবীনে স্পষ্টকৈ কৈছে, “৭ দিনৰ ভিতৰত ক্ষমা খুজা নোহ’লে, চানমাৰিৰ বিহু মঞ্চত কেতিয়াও গান গাবলৈ নাযাওঁ।”

ঘটনাটোক লৈ ইতিমধ্যে শিল্পী সমাজৰ মাজত এক প্ৰতিক্ৰিয়াৰ ঢৌ উঠিছে। কণ্ঠশিল্পী দিগন্ত ভাৰতীক এইদৰে অপমান জনাই থকাটো শিল্পী সমাজৰ বাবে অসম্মানজনক বুলি মত প্ৰকাশ কৰিছে বহুতে।

Vastu Tips For Food: টকা-পইচাৰ বাবে হাহাকাৰ কৰিব লাগিব, যদিহে বিচনাত খাদ্য খাই !

By
দৈনন্দিন বাৰ্তা
-
0
Vastu Tips For Food: টকা-পইচাৰ বাবে হাহাকাৰ কৰিব লাগিব, যদিহে বিচনাত খাদ্য খাই !
Vastu Tips For Food: টকা-পইচাৰ বাবে হাহাকাৰ কৰিব লাগিব, যদিহে বিচনাত খাদ্য খাই !

বাস্তু শাস্ত্ৰৰ মতে বিচনাত বহি খাদ্য খোৱাৰ ফলত ঘৰত বাস্তু দোষৰ সৃষ্টি হ’ব পাৰে। টকা-পইচাৰ বাবে হাহাকাৰ কৰিব লাগিব, যদিহে বিচনাত খাদ্য খাই !(Vastu Tips For Food)

বাস্তু শাস্ত্ৰত শুই থকা, খোৱাৰ পৰা আৰম্ভ কৰি ঘৰত কেনেকৈ থাকিব লাগে সেই সকলো বিষয়তে বিশেষ নিয়ম আছে। এই নিয়মবোৰ পালন নকৰাৰ ফলত ঘৰৰ বাস্তু নষ্ট হৈ যায় আৰু বহু সমস্যাই ঘৰখন আগুৰি ধৰিবলৈ আৰম্ভ কৰে। আজি আমি আপোনালোকক জনাম বিচনাত মানুহে খাদ্য খোৱাৰ ফলত ঘৰখনৰ কি হয় আৰু এনে ভুল কৰা সদস্যসকলৰ জীৱনত কেনেধৰণৰ সমস্যাৰ সৃষ্টি হয়-

বহু সময়ত মানুহে বিচনাত বহি খাদ্য খায়। শোৱা কোঠাৰ বিচনাত বহি খাদ্য খোৱাৰ ফলত আপোনাৰ ঘৰত বাস্তু বিসংগতি হ’ব পাৰে। এনে কৰিলে স্বাস্থ্যৰ ওপৰত বেয়া প্ৰভাৱ হোৱাই নহয়, বেয়া বাস্তুৰ বাবে আৰ্থিক সমস্যাও উদ্ভৱ হয়। বাস্তু শাস্ত্ৰৰ মতে বিচনাত বহি খাদ্য খোৱাৰ ফলত দেৱী লক্ষ্মী খং উঠে আৰু ঘৰৰ গৌৰৱ হেৰুৱাবলৈ আৰম্ভ কৰে। বিচনাত খাদ্য খোৱাৰ ফলত পৰিয়ালৰ লোকৰ ওপৰত যথেষ্ট ঋণ আহে আৰু অলপ সময়ৰ ভিতৰতে ঘৰত দৰিদ্ৰতা আহে। অস্থিৰতাৰ পৰা আৰম্ভ কৰি অনিদ্ৰা, স্বাস্থ্যৰ অৱনতিলৈকে এই সকলোবোৰ সমস্যাই পৰিয়ালৰ সদস্যক আগুৰি ধৰিছে।

বাস্তুৰ মতে সদায় মাটিত বহি আৰামত খাব লাগে খাদ্য। যদি আপুনি মজিয়াত বহিব নোৱাৰে তেন্তে ডাইনিং টেবুলত ভালদৰে বহি খাব। মনত ৰাখিব যে প্লেটখন বহা ঠাইতকৈ ওখ হ’ব লাগে। ইয়াৰ ফলত কোনো ধৰণৰ আৰ্থিক লোকচান নহয়।

বাস্তুৰ মতে সদায় পূব বা উত্তৰ দিশলৈ মুখ কৰি খাদ্য খাব লাগে। কেতিয়াও লেতেৰা বাচন-বৰ্তন পাকঘৰত নাৰাখিব। ইয়াৰ ফলত কোনো ধৰণৰ ধনৰ লোকচান নহয়।

US visa: আমেৰিকাত ভিছা বাতিল হোৱা শিক্ষাৰ্থীৰ ৫০ শতাংশই ভাৰতীয়

By
দৈনন্দিন বাৰ্তা
-
0
US visa: আমেৰিকাত ভিছা বাতিল হোৱা শিক্ষাৰ্থীৰ ৫০ শতাংশই ভাৰতীয়
US visa: আমেৰিকাত ভিছা বাতিল হোৱা শিক্ষাৰ্থীৰ ৫০ শতাংশই ভাৰতীয়

আমেৰিকাত এতিয়া ভিছা বাতিল হৈছে বহু বিদেশী শিক্ষাৰ্থীৰ৷(US visa)আমেৰিকাত ভিছা বাতিল হোৱা ছাত্ৰ-ছাত্ৰীৰ ৫০ শতাংশই ভাৰতীয়৷ আমেৰিকান ইমিগ্ৰেচন লয়াৰ্ছ এছ’চিয়েচনৰ প্ৰেছ বিজ্ঞপ্তি হেণ্ডেল এক্সত পোষ্ট কৰি প্ৰাক্তন কেন্দ্ৰীয় মন্ত্ৰী জয়ৰাম ৰমেশে লিখিছে, ‘ভিছা বাতিলৰ কাৰণসমূহ অস্পষ্ট আৰু অস্বচ্ছ৷’ কলেজ বা বিশ্ববিদ্যালয় চৌহদত ‘আন্দোলন’ কৰাৰ বাবে যোৱা মাহত ৩২৭জন বিদেশী ছাত্ৰ-ছাত্ৰীৰ এফ-ৰ ভিছা নাকচ কৰিছিল আমেৰিকাই৷ সেই তালিকাৰ কথা উল্লেখ কৰি কংগ্ৰেছ নেতা জয়ৰাম ৰমেশে কয় যে আমেৰিকাৰ ৰাষ্ট্ৰপতি ড’নাল্ড ট্ৰাম্প চৰকাৰে লক্ষ্য কৰি লোৱা ছাত্ৰ-ছাত্ৰীৰ ৫০ শতাংশই ভাৰতীয়৷ ‘আমেৰিকান ইমিগ্ৰেচন ল’য়াৰ্ছ এছ’চিয়েচন’ৰ প্ৰেছ বিজ্ঞপ্তি এক্স হেণ্ডেলত পোষ্ট কৰি ৰমেশে লিখিছে– ‘ভিছা বাতিলৰ কাৰণসমূহ অস্পষ্ট আৰু অস্বচ্ছ৷’ গতিকে এয়া ভাৰতীয়সকলৰ বাবে চিন্তা আৰু ভয়ৰ কাৰণ৷’ এই বিষয়ত প্ৰধানমন্ত্ৰী নৰেন্দ্ৰ মোদীৰ চৰকাৰে কিয় মৌনতা অৱলম্বন কৰিছে বুলি প্ৰশ্ন উত্থাপন কৰে৷ তেওঁ এই প্ৰশ্নও উত্থাপন কৰে যে বৈদেশিক মন্ত্ৰী জয়শংকৰে আমেৰিকাৰ বিদেশ সচিব মাৰ্কৰ সৈতে এই বিষয়ত আলোচনা কৰিব নেকি হ্ল ভাৰতীয় শিক্ষাৰ্থীসকলৰ কেৱল ভিছা বাতিল কৰাই নহয়৷ ট্ৰাম্প প্ৰশাসনে সেই ৩২৭জন ছাত্ৰক ‘দেশদ্ৰোহী’ বুলি অভিহিত কৰিছে৷ ফলত তেওঁলোকে আৰু কেতিয়াও আমেৰিকালৈ যাব নোৱাৰিব৷ ভিছা বাতিল হোৱা বহু ছাত্ৰ-ছাত্ৰীয়ে পেলেষ্টাইনৰ অধিকাৰৰ সমৰ্থনত মাত মাতিছিল৷ গাজা দখল কৰাৰ অভিযানত ইজৰাইলক সমৰ্থন কৰাৰ বিৰোধিতাত ই সৰৱ হৈ পৰিছিল৷ এই বিষয়টোক লৈ ক্ষোভ প্ৰকাশ কৰি ৰুবিঅ’ই কয় যে, ‘আমি প্ৰতিদিনে বিদেশী ছাত্ৰ-ছাত্ৰীয়ে কি কৰি আছে তাৰ ওপৰত তীক্ষ্ণ দৃষ্টি ৰাখোঁ৷ এই পাগলৰ সংখ্যা তিনিশৰো অধিক৷ মই তেওঁলোকৰ ভিছা কাঢ়ি লৈ যাম৷ প্ৰতিখন দেশতে কোন নিজৰ দেশত থাকিব আৰু কোন নাথাকে সেইটো নিৰ্ণয় কৰাৰ অধিকাৰ আছে৷’ আমেৰিকাৰ বিদেশ মন্ত্ৰীগৰাকীয়েও ব্যক্তিগতভাৱে কিছুমান ভিছা বাতিল কৰা বুলিও কয়৷

Mithun Chakraborty: মুখ্যমন্ত্ৰী ড॰ হিমন্ত বিশ্ব শৰ্মাক প্ৰশংসা, মমতা বেনাৰ্জী বঙালী হিন্দু সম্প্ৰদায়ৰ বাবে ভাবুকিস্বৰূপঃ মিঠুন চক্ৰৱৰ্তী

By
দৈনন্দিন বাৰ্তা
-
0
Mithun Chakraborty: মুখ্যমন্ত্ৰী ড॰ হিমন্ত বিশ্ব শৰ্মাক প্ৰশংসা, মমতা বেনাৰ্জী বঙালী হিন্দু সম্প্ৰদায়ৰ বাবে ভাবুকিস্বৰূপঃ মিঠুন চক্ৰৱৰ্তী
Mithun Chakraborty: মুখ্যমন্ত্ৰী ড॰ হিমন্ত বিশ্ব শৰ্মাক প্ৰশংসা, মমতা বেনাৰ্জী বঙালী হিন্দু সম্প্ৰদায়ৰ বাবে ভাবুকিস্বৰূপঃ মিঠুন চক্ৰৱৰ্তী

মুখ্যমন্ত্ৰী ড॰ হিমন্ত বিশ্ব শৰ্মা এগৰাকী ‘বিশ্বাসযোগ্য’ ৰাজনৈতিক নেতা৷ আনহাতে, বাংলাৰ মুখ্যমন্ত্ৰী মমতা বেনাৰ্জী বঙালী হিন্দু সম্প্ৰদায়ৰ বাবে ভাবুকি৷ বলীউডৰ ছুপাৰষ্টাৰ অভিনেতা,(Mithun Chakraborty) দাদাচাহেব ফাল্কে বঁটা বিজয়ী তথা অভিনেতাৰ পৰা-ৰাজনীতিবিদ হোৱা মিঠুন চক্ৰৱৰ্তীয়ে এনে মন্তব্য কৰিছে৷ শিলচৰত সাংবাদিকৰ সৈতে মুখামুখি হৈ মিঠুন চক্ৰৱৰ্তীয়ে কয় যে অসমৰ মুখ্যমন্ত্ৰী ড॰ হিমন্ত বিশ্ব শৰ্মা এজন শক্তিশালী ৰাজনৈতিক নেতা৷ হিমন্ত বিশ্ব শৰ্মাৰ মেৰুদণ্ড অতি শক্তিশালী৷(Himanta Biswa Sarma) তেওঁ এজন মহান মুখ্যমন্ত্ৰী৷ তেওঁৰ ওপৰত ৰাইজৰ যথেষ্ট আস্থা আছে৷ অখিল ভাৰতীয় বিদ্যাৰ্থী পৰিষদৰ বৰাক সাংস্কৃতিক মহোৎসৱত অংশগ্ৰহণ কৰিবলৈ শুকুৰবাৰে শিলচৰত উপস্থিত হয় ছুপাৰষ্টাৰ মিঠুন চক্ৰৱৰ্তীয়ে৷ আজি পুৱা শিলচৰৰ কুম্ভীৰগ্ৰাম বিমানবন্দৰত ছুপাৰষ্টাৰ অভিনেতা মিঠুন চক্ৰৱৰ্তীক এভিবিপিৰ কৰ্মকৰ্তাই উষ্ম আদৰণি জনায়৷ বিয়লি অম্বিকাপট্টীৰ ষ্টাৰ হোটেল বৰাক হোমত সাংবাদিকক সম্বোধন কৰি মিঠুনে কয় যে, অসমৰ সংস্কৃতি চহকী আৰু বৈচিত্ৰ্যময়৷ কেৱল অসমেই নহয়, সমগ্ৰ ভাৰতবৰ্ষ সংস্কৃতি চহকী আৰু সাংস্কৃতিক ঐতিহ্যৰ বাবেও পৰিচিত৷ আৰু বঙালী সংস্কৃতিয়ে প্ৰজন্মৰ পিছত প্ৰজন্ম ধৰি নিজৰ পৰম্পৰা অব্যাহত ৰাখিছে৷ তেওঁ লগতে কয় যে, তেওঁ আগতেও শিলচৰলৈ আহিছিল৷ অৱশ্যে তেতিয়া তেওঁ খুব কম সময়ৰ বাবে আহিছিল৷ এইবাৰ বেছি সময়ৰ বাবে আহিছে৷ আজিৰ যুৱক-যুৱতীসকলক সম্বোধন কৰি তেওঁ কয় যে, আমি বাস্তৱৰ পৰা শিকিব লাগিব৷ আৰু সেই শিক্ষা আহৰণ কৰি আমি আগবাঢ়ি যাব লাগিব৷ মিঠুন চক্ৰৱৰ্তীয়ে ৱাকফ সংশোধনী বিধেয়ক সন্দৰ্ভত বাংলাত সংঘটিত হোৱা ঘটনাক গৰিহণা দিয়ে৷ বাংলাত ৱাকফৰ প্ৰতিবাদৰ সময়ত হোৱা হিংসাত্মক পৰিস্থিতিৰ বাবে মিঠুন চক্ৰৱৰ্তীয়ে মমতাক দোষাৰোপ কৰে৷ তেওঁ কয়, মমতা ৰাজ্যখনৰ হিন্দুসকলৰ বাবে ভাবুকিস্বৰূপ৷ তেওঁ তৃণমূল নেত্ৰীক হিন্দুৰ বিৰুদ্ধে সাম্প্ৰদায়িক উত্তেজনা উচটনি দিয়াৰ অভিযোগ উত্থাপন কৰে৷ তেওঁ বাংলাৰ সম্প্ৰদায়ৰ মাজত অশান্তিৰ সৃষ্টি কৰিছে৷ মুখ্যমন্ত্ৰী মমতা বেনাৰ্জীয়ে ৱাকফ আইনৰ স্থিতিৰে মুছলমানক বিপথে পৰিচালিত কৰাৰ কথাও উল্লেখ কৰে৷ সাংবাদিকৰ প্ৰশ্নৰ উত্তৰত তেওঁ কয় যে, তেওঁ পূৰ্বে তৃণমূল কংগ্ৰেছৰ সদস্য আছিল৷ বৰ্তমান বিজেপিত৷ তৃণমূল কংগ্ৰেছ ত্যাগ কৰাৰ একমাত্ৰ কাৰণ হৈছে প্ৰাক্তন মুখ্যমন্ত্ৰী মমতা বেনাৰ্জী আৰু বৰ্তমানৰ মুখ্যমন্ত্ৰী মমতা বেনাৰ্জীৰ মাজত সামাজিক আৰু নীতিগত পৰিৱৰ্তন ঘটিছে৷ বৰ্তমানৰ মুখ্যমন্ত্ৰী মমতা বেনাৰ্জীৰ উদ্ধতা তেওঁ ভাল নাপায়৷ সেয়ে তেওঁ তৃণমূল কংগ্ৰেছ এৰি গেৰুৱা দলত যোগদান কৰিছে৷ তেওঁ কয় যে, বৰ্তমান তেওঁৰ তিনিখন ছবিৰ শ্বুটিং চলি আছে৷ শিলচৰত এখন সংবাদ মেলত তেওঁ উপভোগ কৰা দুপৰীয়াৰ আহাৰক তেওঁ প্ৰশংসা কৰে৷

Diganta Bharati: ক্ষমা নোখোজে পূব গুৱাহাটী বিহু সন্মিলনীয়ে !

By
দৈনন্দিন বাৰ্তা
-
0
Diganta Bharati: ক্ষমা নোখোজে পূব গুৱাহাটী বিহু সন্মিলনীয়ে !
Diganta Bharati: ক্ষমা নোখোজে পূব গুৱাহাটী বিহু সন্মিলনীয়ে !

ৰঙালীৰ ৰঙে সমগ্ৰ অসম ৰঙীণ কৰি তোলাৰ সময়তে শেহতীয়াকৈ এগৰাকী শিল্পীক অপমান কৰাৰ অভিযোগে সমগ্ৰ ৰাজ্যতে এতিয়া ব্যাপক প্ৰতিক্ৰিয়াৰ সৃষ্টি কৰিছে৷ (Diganta Bharati)চানমাৰিত পূব গুৱাহাটী বিহু সন্মিলনীৰ উদ্যোগত আয়োজিত সাংস্কৃতিক সন্ধিয়াত জাতীয় সাজ-পাৰ পৰিধান কৰি মঞ্চত প্ৰৱেশ নকৰাৰ বাবেই শিল্পী দিগন্ত ভাৰতীক মঞ্চৰ পৰা নমাই দিয়াৰ ঘটনাই এতিয়া ৰাজ্যজুৰি প্ৰতিক্ৰিয়াৰ সৃষ্টি কৰিছে৷

এই প্ৰতিক্ৰিয়া কেৱল সাধাৰণ জনতাৰ মাজতে সীমাবদ্ধ হৈ থকা নাই, এই প্ৰতিক্ৰিয়াই এতিয়া শিল্পী সমাজৰ মাজতো আলোড়নৰ সৃষ্টি কৰিছে৷ শিল্পী দিগন্ত ভাৰতীৰ বহু কালজয়ী গীত ইতিমধ্যে নৱ-প্ৰজন্মৰ হাৰ্টথ্ৰব জুবিন গাৰ্গে গাইছে৷ এনে সময়তে শিল্পী দিগন্ত ভাৰতীক ৰাজহুৱাভাৱে অপমান কৰাৰ বিষয়টোক সেয়ে জুবিন গাৰ্গে সহজভাৱে গ্ৰহণ কৰিব পৰা নাই৷ সেই বাবে উক্ত ঘটনাক গৰিহণা দি জুবিন গাৰ্গে পূব গুৱাহাটী বিহু সন্মিলনীক দিগন্ত ভাৰতীৰ ওচৰত ক্ষমা খোজাৰ অনুৰোধৰ পৰিৱৰ্তে ‘আদেশ’ প্ৰদান কৰিছে৷ জুবিন গাৰ্গৰ এনে ‘আদেশ’ৰ পিছতে প্ৰতিক্ৰিয়া ব্যক্ত কৰিছে পূব গুৱাহাটী বিহু সন্মিলনীয়ে৷ অসম তথা ভাৰতৰ এগৰাকী প্ৰতিষ্ঠিত জনপ্ৰিয় শিল্পী জুবিন গাৰ্গৰ প্ৰতিভা তথা অৱদানক একপ্ৰকাৰ একাষৰীয়া কৰি পূব গুৱাহাটী বিহু সন্মিলনীয়ে কোনো পৰিস্থিতিতে উক্ত ঘটনাৰ বাবে ক্ষমা নোখোজো বুলি ঘোষণা কৰিছে৷ শুকুৰবাৰে অনুষ্ঠিত কৰা এখন সংবাদমেলত পূব গুৱাহাটী বিহু সন্মিলনীৰ সভাপতিয়ে এনেদৰে ঘোষণা কৰে৷ জুবিন গাৰ্গৰ মন্তব্যক একাষৰীয়া কৰি পূব গুৱাহাটী বিহু সন্মিলনীৰ সভাপতি বিপুল তালুকদাৰে কয় যে দিগন্ত ভাৰতীৰ সৈতে সন্মিলনীয়ে কোনো চুক্তি কৰা নাছিল৷

সেয়ে তেওঁ কিয় মঞ্চত উঠিল সেয়া সন্দেহৰ বিষয়৷ লক্ষণীয় কথাটো হৈছে এগৰাকী দৰ্শক হিচাপে চানমাৰি বিহুতলীত উপস্থিত থকা শিল্পী দিগন্ত ভাৰতীক একপ্ৰকাৰ জোৰ কৰিয়েহে মঞ্চলৈ মাতি নিয়া হৈছিল৷ দিগন্ত ভাৰতীয়ে তাৰ পিছত তেওঁক লৈ কৰা আচৰণক তালিবানী আচৰণ বুলি অভিহিত কৰিছে৷ দিগন্ত ভাৰতীয়ে লগতে বিহু সমিতিৰ কৰ্মকৰ্তাসকলে মদ্যপান কৰি আছিল বুলিও গুৰুতৰ অভিযোগ উত্থাপন কৰিছে৷ আজি অনুষ্ঠিত সংবাদ মেলত কৈছে পূব গুৱাহাটীৰ বিহু সন্মিলনীৰ কোনো এগৰাকী কৰ্মকৰ্তাই মদ খোৱাৰ অভিযোগ খণ্ডন কৰাৰ সাহস প্ৰদৰ্শন কৰা পৰিলক্ষিত নহ’ল৷ ইতিমধ্যে ছ’চিয়েল মিডিয়াত বিষয়টোক লৈ পূব গুৱাহাটী বিহু সন্মিলনীক নেটিজেনে তুলাধূনা দিয়া পৰিলক্ষিত হৈছে৷ কিন্তু ইমানৰ পিছতো পূব গুৱাহাটী বিহু সন্মিলনীয়ে নিজৰ স্থিতিৰ পৰা আঁতৰি যোৱা নাই অথবা তেওঁলোকৰ কৰ্মকৰ্তাই যে মদ খাই দিগন্ত ভাৰতীক মঞ্চৰ পৰা নমাই দিছিল সেই কথাও খণ্ডন কৰিবলৈ সাহস কৰা নাই বুলি বিভিন্নজনে এতিয়া মন্তব্য কৰা পৰিলক্ষিত হৈছে৷

Astro tips: কন্যা সন্তানক এইসমূহ কাম কৰিবলৈ নিদিব, ঘৰখনত বেয়া প্ৰভাৱ পৰিব !

By
দৈনন্দিন বাৰ্তা
-
0
Astro tips: কন্যা সন্তানক এইসমূহ কাম কৰিবলৈ নিদিব, ঘৰখনত বেয়া প্ৰভাৱ পৰিব !
Astro tips: কন্যা সন্তানক এইসমূহ কাম কৰিবলৈ নিদিব, ঘৰখনত বেয়া প্ৰভাৱ পৰিব !

হিন্দু ধৰ্মত ঘৰৰ কন্যাক দেৱী লক্ষ্মীৰ ৰূপ বুলি কোৱা হয়। (Astro tips) সনাতন ধৰ্মত কণমানি ছোৱালীক দেৱী দুৰ্গাৰ ৰূপ বুলি কোৱা হয়। সেইবাবেই কন্যা পূজা নৱৰাত্ৰিত কৰা হয়। আনহাতে ঘৰৰ কন্যাক ঘৰৰ লক্ষ্মীৰ মৰ্যাদা দিয়া হয়। সেইবাবেই পিতৃ-মাতৃয়েও কন্যাৰ ভৰি চুৱে। বিয়াৰ সময়ত কইনাক দান দিয়াৰ পিছত কন্যা সন্তানৰ ভৰিৰ পূজা কৰা হয়। সেইবাবেই কন্যাক কেতিয়াও খং কৰা নহয়, কাৰণ কন্যাৰ খঙে দেৱী লক্ষ্মীৰ খং তোলে। কিন্তু বহু সময়ত জানি বা অজানিতে মানুহে নিজৰ ছোৱালীক এনে কিছু কাম কৰিবলৈ বাধ্য কৰে যিবোৰ পৰিয়ালটোৰ বাবে অশুভ বুলি কোৱা হয়। কোনবোৰ কাম ছোৱালীয়ে কৰিব নালাগে জানো আহক।

আপোনাৰ ছোৱালীক এইসমূহ কাম কৰিবলৈ নিদিব-

সনাতন ধৰ্মত কন্যাক কুমাৰী আৰু দেৱী বুলি গণ্য কৰা হয়, সেয়েহে পৰিয়ালৰ আন সদস্যসকলে ডাঙৰ হওক বা সৰু হওক, কন্যাৰ ভৰি স্পৰ্শ কৰি আশীৰ্বাদ বিচাৰে। গতিকে কেতিয়াও ছোৱালীক ভৰি চুবলৈ নিদিব; বৰঞ্চ নিজেই তেওঁলোকৰ ভৰি স্পৰ্শ কৰক।

ছোৱালীক অপমান কৰাৰ ভুল কেতিয়াও নকৰিব। যদি সৰু ছোৱালী হয় তেন্তে তাইক বুজাই দিব। আনহাতে কেতিয়াও বিবাহিত কন্যাক অপমান নকৰিব। যদি কন্যা সন্তানে অসুখী হৈ মাক-দেউতাকৰ ঘৰ এৰি যায়, তেনেহ’লে এনে ঘৰত সুখ নাথাকে। ঘৰৰ আশীৰ্বাদ হেৰাই যায়।

কন্যাক লেতেৰা বাচন-বৰ্তন ধুবলৈ নিদিব। তেওঁলোকৰ বাবে অনুপযুক্ত কাম কৰিবলৈ নিদিব।

ছোৱালীজনীক তাইৰ ভাগ দিব। যদি কেতিয়াবা ছোৱালীজনীৰ পৰা ধাৰলৈ ল’বলগীয়া হয়, তেন্তে ঘূৰাই দিব। নহ’লে এই ঋণ আপোনাৰ পৰৱৰ্তী জীৱনলৈকে আপোনাৰ লগত থাকে।

ঘৰৰ ​​ছোৱালীজনীৰ চকুত চকুপানী থাকিবলৈ নিদিব। সন্ধিয়া কেতিয়াও ছোৱালীক বকাবকি নকৰিব। শুভ অনুষ্ঠানত কন্যা সন্তানক উপহাৰ দিয়া। কন্যা সন্তান সুখী হ’লে ঘৰত সুখ আৰু শান্তি থাকিব। কোৱা হয় যে কেৱল ছোৱালীয়েহে ঘৰলৈ সৌভাগ্য আনে।

Dr. Jogendra Nath Phukan: পদ্মশ্ৰী ড০ যোগেন্দ্ৰ নাথ ফুকনৰ পত্নী পূণ্য প্ৰভাৰ দেহাৱসান

By
দৈনন্দিন বাৰ্তা
-
0
Dr. Jogendra Nath Phukan: পদ্মশ্ৰী ড০ যোগেন্দ্ৰ নাথ ফুকনৰ পত্নী পূণ্য প্ৰভাৰ দেহাৱসান
Dr. Jogendra Nath Phukan: পদ্মশ্ৰী ড০ যোগেন্দ্ৰ নাথ ফুকনৰ পত্নী পূণ্য প্ৰভাৰ দেহাৱসান

বেলতলা লখিমী নগৰৰ নিবাসী সৰবৰহী মহিলা পূণ্যপ্ৰভা ফুকনৰ ১৩ এপ্ৰিল,(Dr. Jogendra Nath Phukan) দেওবাৰে দেহাৱসান ঘটে। মৃত্যুৰ সময়ত তেওঁৰ বয়স আছিল ৯১ বছৰ। অসমৰ বিশিষ্ট ইতিহাসবিদ পদ্মশ্ৰী ড০ যোগেন্দ্ৰ নাথ ফুকনৰ সহধৰ্মিনী পূণ্যপ্ৰভাৰ জন্ম হৈছিল ১৯৩৩ চনত শিৱসাগৰ নগৰৰ এক সম্ভ্ৰান্ত পৰিয়ালত। গুৱাহাটী বিশ্ববিদ্যালয়ৰ চৌহদত বসবাসৰ সময়ত তেওঁ মহিলাসকলৰ সহযোগত বিভিন্ন ধৰণৰ সামাজিক কামত জড়িত আছিল।

লক্ষীমন্দিৰ সমীপৰ সৰবৰহী মহিলা গৰাকীৰ মৃত্যুত অঞ্চলটোত গভীৰ শোকৰ ছাঁ পৰে। কেৱল স্বামীৰ ওপৰতে নিৰ্ভৰ নকৰি এটা সময়ত তেওঁ নিজাকৈ ব্যৱসায় কৰিও স্বাৱলম্বিতাৰ পৰিচয় দাঙি ধৰিছিল। মৃত্যুৰ সময়ত তেওঁ স্বামীৰ উপৰি পুত্ৰ, বোৱাৰী, নাতি- নাতিনীকে ধৰি অজস্ৰ গুণমুগ্ধক এৰি থৈ গৈছে।

Smriti Mandhana: ডুবাইত স্মৃতি মান্ধনাৰ চিটী ক্ৰিকেট একাডেমী মুকলি, মুখ্য প্ৰশিক্ষক অসমৰ প্ৰাক্তন ক্ৰিকেটাৰ ডন ভাগৱতী

By
দৈনন্দিন বাৰ্তা
-
0
Smriti Mandhana launches City Cricket Academy in Dubai with UK-based coach Don Bhagawati Read more At: https://www.aninews.in/news/sports/cricket/smriti-mandhana-launches-city-cricket-academy-in-dubai-with-uk-based-coach-don-bhagawati20250419004307/
Smriti Mandhana launches City Cricket Academy in Dubai with UK-based coach Don Bhagawati Read more At: https://www.aninews.in/news/sports/cricket/smriti-mandhana-launches-city-cricket-academy-in-dubai-with-uk-based-coach-don-bhagawati20250419004307/

ভাৰতীয় মহিলা ক্ৰিকেট দলৰ আইকন স্মৃতি মান্ধানাই(Smriti Mandhana) ব্ৰিটেইনৰ প্ৰখ্যাত প্ৰশিক্ষক তথা অসমৰ প্ৰাক্তন ক্ৰিকেটাৰ ডন (অংশুমান) ভাগৱতীৰ সৈতে মিলি ডুবাই আন্তঃৰাষ্ট্ৰীয় একাডেমী আল বৰ্ষাত ‘চিটি ক্ৰিকেট একাডেমী’ নামেৰে এক আন্তৰ্জাতিক প্ৰশিক্ষণ কেন্দ্ৰ মুকলি কৰিছে৷ আজি ক্ৰিকেট প্ৰেডিক্টাই আয়োজন কৰা এক সংবাদমেলত মান্ধানাই এই কথা আনুষ্ঠানিকভাৱে ঘোষণা কৰে৷ তেওঁৰ নিৰিক্ষণতে পৰিচালিত হ’বলগা কেন্দ্ৰটো ডুবাইৰ প্ৰথমটো অত্যাধুনিক ক্ৰিকেট একাডেমী হ’ব৷ সকলো বয়সৰ ল’ৰা-ছোৱালীৰ বাবে মুকলি কৰা এই একাডেমীত ইংলেণ্ডৰ প্ৰাক্তন ক্ৰিকেটাৰ তথা ডনৰ পত্নীও মেণ্টৰৰূপে থাকিব৷

সংবাদমেলত স্মৃতিয়ে কয় ‘এই একাডেমী কেৱল প্ৰশিক্ষণ দিয়াৰ বাবেই মুকলি কৰা হোৱা নাই৷ বিশ্বৰ যুৱ ক্ৰিকেটাৰসকলক ডাঙৰ সপোন দেখিবলৈ, কেৰিয়াৰক গভীৰভাৱে চিন্তা কৰিবলৈ আৰু পেছাদাৰী খেলুৱৈ হিচাপে প্ৰতিষ্ঠা কৰিবলৈ উৎসাহিত কৰাৰ মূল লক্ষ্য লোৱা হৈছে৷ ডন আৰু তেওঁৰ পৰিয়ালে মোক সদায় নিজৰ এজনৰ দৰে আদৰণি জনাইছে৷ আমাৰ লক্ষ্য যুৱক-যুৱতীসকলৰ আকাংক্ষিত মানসিকতাক উৎসাহ যোগোৱা আৰু অভিজাত পৰ্যায়ৰ ক্ৰিকেটৰ প্ৰত্যাহ৩ানসমূহক দৃঢ়তাৰে প্ৰত্যাহ্বান লোৱা৷’

ইফালে, ডুবাইৰ এখন একাডেমীত জড়িত হ’বলৈ পাই গৌৰৱ অনুভৱ কৰা প্ৰশিক্ষক ডনে মান্ধানাৰ সময়োপযোগী দায়বদ্ধতাক প্ৰশংসা কৰি কয় ‘স্মৃতিয়ে ক্ৰিকেটৰ উচ্ছতম পৰ্যায়ৰ নিষ্ঠা আৰু সততাক মূৰ্ত কৰি তুলিছে৷ এতিয়া তেওঁ সেইখিনিয়ে উভতাই দিয়াৰ ইচ্ছা কৰিছে৷ মই বিশ্বাস কৰোঁ যে চিটি ক্ৰিকেট একাডেমীয়ে আগন্তুক প্ৰজন্মৰ বাবে সুযোগ অধিক সমৃদ্ধ কৰিব৷’

একাডেমীৰ লক্ষ্য হৈছে গাঁথনিগত প্ৰশিক্ষণ কাৰ্যসূচী, বৰ্তমান আৰু পূৰ্বৰ খেলুৱৈক মেণ্টৰ হিচাপে জড়িত কৰা আৰু ব্ৰিটেইন তথা ভাৰতৰ অংশীদাৰ একাডেমীৰ সৈতে বিনিময় কাৰ্যসূচীৰ জৰিয়তে আন্তঃৰাষ্ট্ৰীয় এক্সপ’জাৰ প্ৰদান কৰা৷ ক্ৰিকেট প্ৰেডিক্টাই এই পদক্ষেপৰ কৌশলগত অংশীদাৰ হিচাপে কাম কৰি গৌৰৱ অনুভৱ কৰিছে৷ উল্লেখ্য যে ডনৰ দুটা দশকৰ অভিজাত প্ৰশিক্ষকৰ অভিজ্ঞতাৰ সৈতে আন্তঃৰাষ্ট্ৰীয় ক্ষেত্ৰৰ পৰা স্মৃতিৰ সমসাময়িক অন্তৰ্দৃষ্টিৰ সংমিশ্ৰণে এই একাডেমীখনক যুৱ প্ৰতিভাৰ বাবে এক অনন্য কেন্দ্ৰলৈ ৰূপান্তৰিত কৰিব৷

Horoscope: ঋণৰ পৰা সকাহ, স্বাস্থ্যৰ ভাল-বেয়া মাজত থাকিব; আজিৰ ৰাশিফল ​​পঢ়ক মেষ ৰাশিৰ পৰা মীন ৰাশলৈ

By
দৈনন্দিন বাৰ্তা
-
0
Horoscope: ঋণৰ পৰা সকাহ, স্বাস্থ্যৰ ভাল-বেয়া মাজত থাকিব
Horoscope: ঋণৰ পৰা সকাহ, স্বাস্থ্যৰ ভাল-বেয়া মাজত থাকিব

মেষ, বৃষ, মিথুন ৰাশি, সিংহ, কৰ্কট, কন্যা, তুলা, বৃশ্চিক, মকৰ, ধনু, কুম্ভ আৰু মীন ৰাশিৰ বাবে আজি কেনেকুৱা হ’ব জানি লওক। (Horoscope) ১৯ এপ্ৰিল, আজি উদ্ভাৱন আৰু মানসিক স্পষ্টতাৰ বাবে উপযোগী দিন। গভীৰ চিন্তা আৰু একাগ্ৰতাৰ প্ৰয়োজন হোৱা কামৰ বাবে এই দিনটোৱেই উত্তম। আৱেগ তীব্ৰ হ’ব পাৰে, গতিকে ভাৰসাম্য ৰক্ষা কৰাটো গুৰুত্বপূৰ্ণ। আটাইকেইটা ৰাশিৰ বাবে আজি কেনেকুৱা হ’ব জানো আহক-

মেষ ৰাশি
আজি আপোনাৰ আত্মবিশ্বাস বাঢ়িব আৰু আপুনি ৰিস্ক ল’বলৈ সাজু হ’ব। ব্যৱসায় বা চাকৰিত নতুন দায়িত্ব পাব পাৰে। আৰ্থিক অৱস্থাৰ উন্নতিৰ লক্ষণ দেখা গৈছে। ঘৰতে কিছু নতুন কাম আৰম্ভ কৰিব পাৰে। শিশুৰ লগত জড়িত চিন্তাবোৰ আঁতৰি যাব পাৰে।

বৃষ ৰাশিৰ ৰাশিফল
আৰ্থিক বিষয়ত সাৱধান হ’ব লাগিব। অত্যধিক খৰচৰ ফলত মানসিক চাপৰ সৃষ্টি হ’ব পাৰে। পৰিয়ালৰ কোনো সদস্যৰ পৰামৰ্শ উপযোগী বুলি প্ৰমাণিত হ’ব। আৱেগেৰে কঢ়িয়াই নিয়াৰ পৰিৱৰ্তে আজিয়েই যুক্তিসংগত সিদ্ধান্ত লওক। পুৰণি ঋণ পৰিশোধ কৰাৰ ভাল সুযোগ পাব পাৰে।

মিথুন ৰাশি
আপোনাৰ জনপ্ৰিয়তা বৃদ্ধি পাব আৰু সামাজিক কাম-কাজত অংশগ্ৰহণৰ সুযোগ পাব। কেৰিয়াৰত হঠাৎ সুবিধা পোৱাৰ সম্ভাৱনা আছে। আজি এজন নতুন ব্যক্তিক লগ পোৱাটো গুৰুত্বপূৰ্ণ বুলি প্ৰমাণিত হ’ব পাৰে। স্বাস্থ্যৰ কিছু উত্থান-পতন হ’ব পাৰে।

কৰ্কট ৰাশি
আজি আপুনি কৰ্মক্ষেত্ৰত প্ৰশংসা লাভ কৰিব আৰু আপোনাৰ নেতৃত্বৰ গুণবোৰ চৰ্চালৈ আহিব। পুৰণি কামবোৰ সম্পূৰ্ণ হ’ব। বয়োজ্যেষ্ঠসকলৰ আশীৰ্বাদে জীৱনত স্থিৰতা কঢ়িয়াই আনিব। আজি আপোনাৰ লক্ষ্যৰ বিষয়ে স্পষ্ট হওক।

সিংহ ৰাশিফল
ভ্ৰমণ আৰু সম্প্ৰসাৰণৰ বাবে আজি এক শুভ দিন। মানসিক শক্তিক ইতিবাচকভাৱে ব্যৱহাৰ কৰক। শিক্ষা আৰু আধ্যাত্মিকতাৰ প্ৰতি আগ্ৰহ বাঢ়িব। বিদেশৰ লগত জড়িত কামত আপুনি সফলতা লাভ কৰিব। সম্পৰ্কত স্বচ্ছতা বজাই ৰাখক। আইনী বিষয়ত সকাহ পোৱাৰ লক্ষণ দেখা গৈছে। আপুনি আপোনাৰ ভাই-ভনীৰ পৰা সমৰ্থন পাব।

কন্যা ৰাশি
আবদ্ধ হৈ থকা ধন উদ্ধাৰ কৰা সম্ভৱ। অংশীদাৰিত্বৰে কাম কৰাসকলে বিশেষ সুবিধা লাভ কৰিব। স্বাস্থ্যৰ উন্নতি হ’ব। আৱেগিক সম্পৰ্কত গুৰুত্ব বৃদ্ধি পাব পাৰে। আজি যিকোনো গোপন পৰিকল্পনা সফল হ’ব পাৰে। সুষম খাদ্য গ্ৰহণ কৰক। লুকাই থকা শত্ৰুৰ প্ৰতি সজাগ হওক। আপোনাৰ পত্নীৰ পৰা সমৰ্থন পাব।

তুলা ৰাশি
বিবাহিত জীৱনত সম্প্ৰীতি থাকিব। সংগীৰ সৈতে নতুন কাম আৰম্ভ কৰা সম্ভৱ। সামাজিক সন্মান বাঢ়িব। আজি ন্যায়িক বিষয়ত সিদ্ধান্ত আপোনাৰ পক্ষত আহিব পাৰে। যিকোনো নতুন যোগাযোগ ভৱিষ্যতে লাভজনক বুলি প্ৰমাণিত হ’ব। সন্তানৰ অগ্ৰগতিৰ বাবে আপুনি সুখী হ’ব। আপোনাৰ ধাৰণা আগবঢ়াবলৈ এইটোৱেই উপযুক্ত সময়।

বৃশ্চিক ৰাশিফল
চন্দ্ৰ আপোনাৰ ৰাশিত থকাৰ বাবে আপোনাৰ মন আৱেগিক হৈ পৰিব। কোনোবা ৰহস্যময় বিষয়ৰ প্ৰতি আগ্ৰহ বাঢ়িব। কামত গভীৰতা আৰু স্থিৰতা থাকিব। ধ্যান-ধাৰণাৰ জৰিয়তে মানসিক স্থিৰতা লাভ কৰা হ’ব। পাৰিবাৰিক বিষয়ত ভাৰসাম্য ৰক্ষা কৰক। পুৰণি বিবাদ সমাধানৰ সুযোগ পাব।

ধনু ৰাশি
আপোনাৰ মনলৈ নতুন ধাৰণা আহিব আৰু আপুনি নতুন কিবা এটা আৰম্ভ কৰাৰ পৰিকল্পনা কৰিব পাৰিব। ছাত্ৰ-ছাত্ৰীৰ বাবে দিনটো ভাল। আপোনাৰ সন্তানৰ লগত জড়িত কিছু ভাল খবৰ পাব পাৰে। আজি জীৱনত সৃষ্টিশীলতা থাকিব। প্ৰেম জীৱনৰ গভীৰতা বাঢ়িব। বন্ধু-বান্ধৱীৰ পৰা প্ৰেৰণা পাব। বিনিয়োগৰ সৈতে জড়িত সিদ্ধান্ত লাভজনক হ’ব পাৰে।

মকৰ ৰাশি
পাৰিবাৰিক দায়িত্ব বাঢ়িব পাৰে কিন্তু আপুনি ভালদৰে পালন কৰিব। আপোনাৰ কেৰিয়াৰত স্থিতিশীলতা পাব। আজি ঘৰত কিবা এটা অনুষ্ঠান হ’ব পাৰে। পিতৃ-মাতৃৰ স্বাস্থ্যৰ যত্ন লওক। আৰ্থিক অৱস্থা আগতকৈ ভাল হ’ব। আপুনি কোনো জ্যেষ্ঠ বিষয়াৰ পৰা সমৰ্থন পাব পাৰে। আপুনি স্থাৱৰ সম্পত্তিৰ কথা বিবেচনা কৰিব পাৰে।

কুম্ভ ৰাশি
যোগাযোগ আৰু নেটৱৰ্কিঙৰ বাবে আজি এক অনুকূল দিন। সংবাদ মাধ্যম, লেখা আৰু শিক্ষাৰ সৈতে জড়িত লোকসকলে লাভ কৰিব সুবিধা। আদালতৰ গোচৰত সফলতা লাভ কৰিব পাৰি। এটা চুটি ভ্ৰমণ লাভজনক হ’ব। পাৰিবাৰিক উত্তেজনা কমি যাব। সৃষ্টিশীল ক্ষেত্ৰত স্বীকৃতি বৃদ্ধি পাব। কিছু গুৰুত্বপূৰ্ণ তথ্য আজি লাভ কৰিব পাৰে।

মীন ৰাশি
ধনৰ বিষয়ত সতৰ্কতা আৱশ্যক। নিজৰ আৱেগ নিয়ন্ত্ৰণত ৰাখি ব্যৱসায়িক সিদ্ধান্ত লওক। আজি হয়তো আপুনি এটা নতুন দক্ষতা শিকাৰ সুযোগ পাব। পত্নীৰ লগত সময় কটাওক, মনটো সুখী হ’ব। ছাত্ৰ-ছাত্ৰীয়ে পঢ়া-শুনাত ভাল ফলাফল লাভ কৰিব পাৰে। আপুনি আধ্যাত্মিক শক্তিৰ অভিজ্ঞতা লাভ কৰিব।

Athiya Shetty KL Rahul: আঠিয়া শ্বেট্টী আৰু কে এল ৰাহুলে ৰাখিলে কন্যা সন্তানৰ এটি মৰমলগা নাম, নামৰ অৰ্থ জানিলে হাঁহিব আপুনি !

By
দৈনন্দিন বাৰ্তা
-
0
Athiya Shetty KL Rahul: আঠিয়া শ্বেট্টী আৰু কে এল ৰাহুলে ৰাখিলে কন্যা সন্তানৰ এটি মৰমলগা নাম, নামৰ অৰ্থ জানিলে হাঁহিব আপুনি !
Athiya Shetty KL Rahul: আঠিয়া শ্বেট্টী আৰু কে এল ৰাহুলে ৰাখিলে কন্যা সন্তানৰ এটি মৰমলগা নাম, নামৰ অৰ্থ জানিলে হাঁহিব আপুনি !

২৪ মাৰ্চত আথিয়া শ্বেট্টী আৰু কে এল ৰাহুল কন্যা সন্তানৰ পিতৃ-মাতৃ হয়। এতিয়া দম্পতীহালে কন্যাক এটা মৰমলগা নাম দিছে, যাৰ অৰ্থ জানিলে আপোনাৰ মুখতো এটা মৰমলগা হাঁহি ওলাব। শেহতীয়াকৈ দম্পতীহালে কন্যাৰ সৈতে এখন মৰমলগা ফটোও শ্বেয়াৰ কৰিছে।(Athiya Shetty KL Rahul) 

আথিয়া শ্বেট্টী আৰু কে এল ৰাহুলে কন্যাৰ নাম ৰাখিছে ইভাৰা, যাৰ অৰ্থ হৈছে ঈশ্বৰৰ পৰা উপহাৰ। শ্বেয়াৰ কৰা ফটোখনত কে এল ৰাহুলে নিজৰ কন্যাক কোলাত লৈ থকা দেখা গৈছে। একে সময়তে আথিয়াক ছোৱালীজনীলৈ চাই হাঁহি থকা দেখা যায়। ফটোখনত কন্যাৰ মুখখন দেখা নাযায়, কিন্তু কন্যাৰ নাম জনাৰ পিছত তেওঁলোকৰ অনুৰাগীয়ে দুয়োৰে বাছনিক প্ৰশংসা কৰিছে। অনুষ্কা শৰ্মাই কমেণ্ট বক্সত এটা হাৰ্ট ইমোজি শ্বেয়াৰ কৰিছে। ইয়াৰ উপৰিও বহু কমেণ্ট আহিছে ফটোখনত।

এই মৰমলগা ফটোখন শ্বেয়াৰ কৰি আথিয়া আৰু ৰাহুলে কেপচনত লিখিছে, ‘আমাৰ ছোৱালী, আমাৰ সকলো। ইভাৰা – ঈশ্বৰৰ উপহাৰ। মালাইকা অৰোৰাইও হাৰ্ট আৰু ইভিল আই ইমোজি দিয়াৰ বিপৰীতে সামান্থা ৰুথ প্ৰভুৱে বহুত হাৰ্ট ইমোজি পোষ্ট কৰে। শোভিতা ধূলিপালাইও কমেণ্ট দিছে। অনুৰাগীয়ে লিখিছে, ‘এইটো এটা বৰ মৰমলগা নাম’। আজি কে এল ৰাহুলে জন্মদিন উদযাপন কৰিছে আৰু এই বিশেষ উপলক্ষে তেওঁৰ অনুৰাগীক এই বিশেষ উপহাৰ আগবঢ়াইছে।

আথিয়া শ্বেট্টী আৰু কে এল ৰাহুলৰ প্ৰথম লগ হৈছিল ২০১৮ চনত। ইয়াৰ পিছত দুয়োৰে মাজত কথা-বতৰা আৰম্ভ হ’ল আৰু দুয়োৰে ভাল বন্ধুত্ব হ’ল। ইয়াৰ পিছত ২০১৯ চনত দুয়োৰে সম্পৰ্ক ৰাজহুৱা কৰে। প্ৰায় ৪ বছৰ ইজনে সিজনৰ লগত ডেটিং কৰাৰ পিছত ২০২৩ চনৰ ২৩ জানুৱাৰীত দুয়োৰে বিবাহ হয়।

1...285286287...3,478Page 286 of 3,478

© 2024, All Rights Reserved. Powered By Aviyantrik

Privacy Policy    Contact Us