বোকাখাত বিধান সভাৰ মহুৰামুখৰ উত্তৰ মহুৰা গাঁও পঞ্চায়তৰ ৯ নং ৱাৰ্ডৰ ২ নং গৰৈমাৰীত নিৰ্মাণ কৰি থকা অনাময় আঁচনিৰ শৌচালয় নিৰ্মাণত ব্যাপক অনিয়ম হোৱাৰ অভিযোগ উত্থাপন কৰিছে মিছিং ছাত্ৰ সংগঠন টি এম পি কেই৷অভিযোগ অনুসৰি জনৈক দাওঁ উপাধিৰ এগৰাকী ঠিকাদাৰে অতি নিম্নমানৰ সামগ্ৰীৰে শৌচালয় সমুহ নিৰ্মাণ কৰিছে৷বাৰিষা অধ্যুষিত অঞ্চলতোত এনেদৰে অতি নিম্ন মানৰ সামগ্ৰীৰে নিৰ্মাণ কৰা শৌচালয় সমুহ অতি সহজে ভাগি পৰাৰ সম্ভাৱনা ব্যক্ত কৰে টি এম পি কেৰ উত্তৰ মহুৰা আঞ্চলিক সমিতিৰ সভাপতি নয়নমনি মৰাং,সম্পাদক নয়নমনি বৰি,গোলাঘাট জিলা সমিতিৰ উপ-সভাপতি জিতু কুমাৰ বৰিয়ে৷লগতে বিভাগীয় কতৃপক্ষক উক্ত বিষটো উচিত তদন্ত কৰিবলৈ দাবী উত্থান কৰে৷

ড্ৰাগ-গাঞ্জাৰ সমান্তৰালকৈ আৰক্ষীয়ে জুৱা খেলৰ বিৰুদ্ধে অভিযান অব্যাহত ৰাখিছে ।
বুধবাৰে নিশা বৰডুবিৰ দেওহাল চাহ বাগিচাত জুৱা খেলৰ বিৰুদ্ধে আৰক্ষীৰ অভিযানত ৪ জনকৈ জুৱাৰীক হাতে-লোটে  আটক কৰিবলৈ সক্ষম হয় । ৰাজ্যৰ কৰনা কালীন পৰিস্থিতিৰ লগতে সান্ধ্য আইনৰ সুযোগ লৈ দীৰ্ঘদিনৰ পৰা দেওহাল চাহ বাগিচাৰ বৃহত্তৰ অঞ্চলটোত জুৱা খেলৰ ৰমৰমীয়া ব্যৱসায় চলাই আহিছিল । বুধবাৰে নিশা বৰডুবি আৰক্ষী থানাৰ ভাৰপ্ৰাপ্ত আৰক্ষী বিষয়া ইন্দেশ্বৰী পেগুৰ নেতৃত্বত যোৱা আৰক্ষীৰ এটা দলে এক গোপন সূত্ৰৰ পম খেদি ৪ জনকৈ জুৱাৰীক হাতে-লোটে আটক কৰিবলৈ সক্ষম হয় । ধৃত জুৱাৰী কেইজন তিনিচুকীয়া জিলাৰ নখৰাই অঞ্চলৰ অমৰজ্যোতি গোঁহাই, বজাতলি গাঁৱৰ মানস হাজৰিকা, বৰলাইপুলি গাঁৱৰ নয়নজ্যোতি গগৈ আৰু মনোজ সোনোৱাল । জুৱাস্থলীৰ পৰা কেইবাহাজাৰ টকাৰ লগতে কেতবোৰ  জুৱাখেলত ব্যৱহাৰ কৰা সামগ্ৰী উদ্ধাৰ কৰে । শেহতীয়াকৈ বৰডুবি আৰক্ষীয় ঘটনা সন্দৰ্ভত ভাৰতীয় দণ্ডবিধি আইনৰ অধীনত ১৪/১৫ আচাম গেম & বেটিং এক্টৰ ধাৰা আৰু ১০৭/২০২১ নম্বৰৰ এক গোচৰ ৰুজু কৰি ধৃত জুৱাৰী কেইজনক আজি আবেলি তিনিচুকীয়া কাৰাগাৰলৈ নিক্ষেপ কৰে । অন্যহাতেদি জুৱা খেলৰ বৃহৎ চক্ৰটোৰ বিৰুদ্ধে আৰক্ষীৰ অভিযান অব্যাহত ৰাখিছে ।

ডিব্ৰুগড় জিলাৰ জকাই পুৰণি বলাই গাঁৱৰ এগৰাকী ২৫ বছৰীয়া বিবাহিত মহিলাক অপহৰণ কৰিব আহি আৰক্ষী হাতত ধৰা পৰে দিল্লী এজন যুৱক। যুৱক জনৰ নাম অজিত ৰাজপাল। জানিব পৰামতে কিছুদিন পূৰ্বে নাৰীসৰবৰাহকাৰী ৪১বছৰীয়া অজিত ৰাজপালে ম’বাইলৰ যোগেদি ভিডিঅ’ কল কৰি বোৱাৰী গৰাকীৰ সৈতে চিনাকী হোৱা পিছতে আজি হঠাৎ ডিব্ৰুগড়ৰ মোহনবাৰী বিমান বন্দৰত উপস্থিত হৈ বোৱাৰী গৰাকীক লগত লৈ দিল্লীলৈ নিয়াৰ সময়তে CISFৰ সন্দেহ হোৱাত তাৎক্ষণিক মোহনবাৰী আৰক্ষী চকীৰ ভাৰপ্ৰাপ্ত আৰক্ষী বিষয়া অজিত সোণোৱালক খবৰ দিয়াত বিমান বন্দৰৰ পৰা আটক কৰি লৈ আহে। ম’বাইলত বহু যুৱতীৰ সৈতে ভিডিঅ’ কল কৰাও তথ্য আৰক্ষীয়ে লাভ কৰিছে। ইতিমধ্যে দিল্লী নাৰীসৰবৰাহকাৰী অজিত ৰাজপালৰ বিৰুদ্ধে বৰবৰুৱা আৰক্ষী থানাত স্বামীয়ে গোচৰ ৰুজু কৰিছে।

চৰকাৰী এছ অ পি মানি চলিবলৈ ৰাইজক আহ্বান।

সম্প্ৰতি ক’ৰোণা মহামাৰীৰ আতংকৰ বাবে চৌদিশে সৃষ্টি হৈছে সন্ত্ৰাসৰ। এই ক্ষেত্ৰত ভীতিগ্ৰস্ত নহৈ সকলোকে সজাগ আৰু সচেতন হ’বলৈ আহ্বান জনাইছে চৰকাৰ তথা সচেতন নাগৰিকে। ইফালে ক’ৰোণা মহামাৰী অধিক সংক্ৰমণ নহ’বলৈ আৰু নিজৰ সুৰক্ষা নিজেই লৱলৈ আজি কামৰূপ জিলাৰ বকোত ১০ নং দক্ষিণ বকো গাওঁ পঞ্চায়তৰ উদ্যোগত পঞ্চায়ত এলেকাত প্ৰচাৰ গাড়ীৰে ঘোষণা কৰে কোভিড প্ৰ’টকলৰ নীতি নিৰ্দেশনা তথা পালন কৰিবলগীয়া বাণী। বকো বজাৰৰ নিচেই কাষতে অৱস্থিত ১০ নং দক্ষিণ বকো গাওঁ পঞ্চায়তৰ সচিব ফনীন্দ্ৰ নাৰায়ণ দাসে জনোৱা মতে ; কোভিড মহামাৰীৰ প্ৰ’টকল মানি চৌদিশে ভিবীশিকা সৃষ্টি কৰা ক’ৰোণা ৰোগ অধিক সংক্ৰমণ নহ’বলৈ ৰাইজক সজাগ আৰু সচেতন হ’বলৈ আহ্বান জনায় প্ৰচাৰ গাড়ীৰে কোভিড প্ৰ’টকলৰ নীতি নিৰ্দেশনা তথা বাণী প্ৰচাৰ কৰা হয়। লগতে চৰকাৰী এছ অ পি মানি চলিবলৈ ৰাইজক আহ্বান জনায়। পঞ্চায়ত খনৰ কাৰ্য্যালয় সহায়ক আশ্ৰম বড়োৰ সহযোগত পঞ্চায়ত এলেকাত গাড়ীত মাইক বান্ধি ক’ৰোণা ৰোগৰ পৰা ৰক্ষা পাবলৈ পালন কৰিব লগা বাণী যেনে মাস্ক পৰিধান কৰা ; সময়ে সময়ে হাত চাবোন পানীৰে ধুই থকা ; চেনিটাইজাৰ লগোৱা ; জ্বৰ কাহ হ’লে চিকিৎস্যকৰ লগত যোগাযোগ ৰক্ষা কৰা ; পুষ্টিকৰ আহাৰ গ্ৰহণ কৰা ; আনৰ লগত কথা বতৰা পাতোতে দুৰত্ব বজাই ৰাখি চলা আদি নীতি নিৰ্দেশনা পালন কৰিবলৈ আহ্বান জনোৱা হয়। পঞ্চায়তৰ কাৰ্য্যালয়ৰ উদ্যোগত কৰা এই প্ৰচাৰৰ বাবে বকোৰ সচেতন ৰাইজে শলাগ লৈছে পঞ্চায়তৰ সচিব গৰাকীক।

 জিলা পৰিবহণ বিষয়াৰ অদ্ভুত কাণ্ড৷ ৰাজপথত সুৰামত্ত জিলা পৰিবহণ বিষয়াৰ অদ্ভুত নৃত্য৷ দৰং জিলাৰ মঙলদৈ সদৰৰ পৰিবহণ বিষয়া সঞ্জীৱ কৃষ্ণৰ কাণ্ডক লৈ এতিয়া সৰ্বত্ৰে চৰ্চা অব্যাহত আছে৷ ঘটনাৰ বিৱৰণি অনুসৰি, ৰাজপথত ডিঙিলৈকে সুৰাপান কৰি উদ্ভণ্ডালি কৰিছিল সঞ্জয় কৃষ্ণই৷

মুখত অশ্লীল-মাত কথা লগতে এক অদ্ভুত নৃত্যও প্ৰদৰ্শন কৰিছিল সঞ্জীৱে৷ এগৰাকী দায়িত্বশীল বিষয়াৰ ৰাজহুৱা স্থানত এনে কৰ্মকাণ্ড কিমান গ্ৰহণযোগ্য? পূৰ্বতেও সহকৰ্মীক ফোনত ভাবুকি দিয়া অশ্লীল কথা-বার্তা ছ’চিয়েল মিডিয়াত ভাইৰেল হৈছিল এইগৰাকী বিষয়াৰ৷ সঞ্জীৱ কৃষ্ণ পূৰ্বৰ মুখ্য সচিব সঞ্জয় কৃষ্ণৰ ভাতৃ৷ তেওঁৰ এনে কৰ্মকাণ্ডক লৈ একেমুখে গৰিহণা আৰু ধিক্কাৰ দিছে জিলাখনৰ সচেতন মহলে৷ কাৰ আশীৰ্বাদত আজিও ইমান দুৰ্নীতি আৰু বিতৰ্কৰ পাছতো পদত অধিষ্ঠিত হৈ আছে, সেয়া এক চিন্তনীয় বিষয় হৈ পৰিছে৷ অতিশীঘ্ৰেই বিতৰ্কিত বিষয়াগৰাকীক বদলি কৰিবলৈ দাবী উত্থাপন কৰিছে দল-সংগঠনে৷

কৃত্রিম বান সমস্যাই মহানগৰবাসীক বছৰৰ পাছত বছৰ ধৰি জলা–কলা খুৱাই আহিছে৷ গুৱাহাটীৰ নলা–নর্দমাসমূহ পৰিষ্কাৰ নকৰাৰ ফলতে এজাক বৰষুণতে কৃত্রিম বানত বুৰ যায় মহানগৰীৰ বিভিন্ন অঞ্চল৷ গুৱাহাটীৰ নলা–নর্দমাসমূহ পৰিষ্কাৰৰ বাবে শ শ কোটি টকা আবণ্টন দিয়াৰ পাছতো আজিপর্যন্ত সমাধান নহ’ল কৃত্রিম বানৰ সমস্যা৷ শেহতীয়াকৈ গুৱাহাটী পৌৰ নিগমে মহানগৰীৰ নলা–নর্দমাসমূহ পৰিষ্কাৰৰ বাবে অত্যাধুনিক মেচিন ব্যৱহাৰ কৰাৰ পৰিকল্পনা কৰিছে৷

ইতিমধ্যে ইয়াৰ বাবে পৌৰ নিগমে দিয়া প্রস্তাৱত অনুমোদন দিছে গুৱাহাটী উন্নয়ন দপ্তৰৰ মন্ত্রী অশোক সিংহলে৷ গুৱাহাটীৰ ৫৫১টা নলা–নর্দমা পৰিষ্কাৰৰ বাবে ১৩৮ কোটি টকা আবণ্টন দিয়াৰ পাছতো নৱনিযুক্ত পৌৰ আয়ুক্ত দেৱাশিস শর্মাই ঠিকা বাতিল কৰিছিল৷ ইয়াৰ পাছতে পৌৰ নিগমে গুৱাহাটীৰ নলা পৰিষ্কাৰৰ বাবে ছুপাৰ চাকাৰ ক্রয়ৰ পৰিকল্পনা কৰে৷ পৌৰ নিগমৰ এক শীর্ষ সূত্রই সদৰী কৰা তথ্য অনুসৰি কৃত্রিম বান ৰোধ কৰাৰ বাবে ২০খনকৈ ছুপাৰ চাকাৰ ক্রয় কৰিব পৌৰ নিগমে৷ কোটিটকীয়া ছুপাৰ চাকাৰেৰে গুৱাহাটী মহানগৰীৰ ৫৫১টা নলা–নর্দমা পৰিষ্কাৰ কৰি কৃত্রিম বান ৰোধৰ বাবে লোৱা পদক্ষেপ কিমান ফলপ্রসূ হয় সেয়া সময়েহে ক’ব৷