কেন্দ্ৰীয় বিত্তমন্ত্ৰী নিৰ্মলা সীতাৰমনে কালি সংসদত দাখিল কৰে কেন্দ্ৰীয় বাজেট । বাজেটত অসমৰ উন্নয়নৰ বাবে কেইবাটাও বিশেষ প্ৰস্তাৱ সন্নিবিষ্ট কৰা হৈছে । বাজেটত অহা তিনিবছৰত অসমত ৰাষ্ট্ৰীয় ঘাইপথ সম্প্ৰসাৰণ আৰু উন্নয়নৰ বাবে বৃহৎ পৰিমাণৰ পুজিৰ আৱণ্টন দিয়া হৈছে ।
মুখ্যমন্ত্ৰী সৰ্বানন্দ সোণোৱালে কেন্দ্ৰীয় বাজেট সন্দৰ্ভত কয় যে, এই বাজেটখন অৰ্থনীতি, কৃষিক্ষেত্ৰৰ পৰা আৰম্ভ কৰি শিক্ষা আৰু আন্তঃগাথঁনি উন্নয়নত সহায়ক হ’ব । মুখ্যমন্ত্ৰীয়ে সংস্কাৰমুখী বাজেট দাখিল কৰাৰ বাবে প্ৰধানমন্ত্ৰী আৰু কেন্দ্ৰীয় বিত্তমন্ত্ৰীক ধন্যবাদ জ্ঞাপন কৰে ।
