সমগ্ৰ ৰাজ্যৰ লগতে শিৱসাগৰ জিলা অন্তৰ্গত বিভিন্ন প্ৰান্তৰ সমূহ বাট-পথত নিতৌ বৃদ্ধি পাব ধৰিছে পথ দুৰ্ঘটনা । নাজিৰা মহকুমা অসম-নাগালেণ্ড সীমান্তৱৰ্তী হালোৱাটিঙত আজি এক ভয়ংকৰ পথ দুৰ্ঘটনাই জোকাৰি গৈছে । প্ৰাপ্ত তথ্য অনুসৰি নাগালেণ্ডৰ পৰা হালোৱাটিং ৬১নং ৰাষ্ট্ৰীয় ঘাইপথেৰে শিল কঢ়িওৱা এখন এইছ্‌ আৰ ৩৮ ইউ ৬৫৬৯নম্বৰৰ বহিঃৰাজ্যৰ অভিজ্ঞতাহীন চালকেৰে চালিত ট্ৰাক দুৰ্ঘটনাক লৈ চাঞ্চল্য । হালোৱাটিং লাহদৈগড় মিচিং তিনি আলিত উক্ত ট্ৰাকখন বাগৰি পৰাৰ ফলত ৬১নং ৰাষ্ট্ৰীয় ঘাইপথৰ দুয়োকাষে ব্যাপক হাৰত যান যঁতৰ সৃষ্টি হয় । যদিও দুৰ্ঘটনাটোত কোনো লোক হতাহত হোৱা নাই । পৰৱৰ্তী সময়ত হালোৱাটিং আৰক্ষী থানা ঘটনাস্থলীত উপস্থিত হৈ দুৰ্ঘটনাগ্ৰস্ত ট্ৰাকখনৰ সন্দৰ্ভত বন বিভাগক খবৰ দি  চালকক জিম্মাত লৈ দুৰ্ঘটনাগ্ৰস্ত ট্ৰাকখন আৰক্ষীয়ে উদ্ধাৰ অভিযান অব্যাহত ৰাখিছে ।

মধ্য অসমৰ গুৰুত্বপূৰ্ণ চহৰ হিচাপে বিবেচিত নগাঁও চহৰৰ  মাজ মজিয়াত নিৰ্মাণ কৰা হৈছে এটি ক্লক টাৱাৰ । নগাঁও সদৰ সমষ্টিৰ বিধায়ক ৰূপক শৰ্মাৰ বিশেষ তৎপৰতাত ঐতিহ্যমণ্ডিত নগাঁও মহাবিদ্যালয়ৰ সমীপৰ পুৰণি ৩৬ নং আৰু ৩৭ নং ৰাষ্ট্ৰীয় ঘাইপথ সংযোগী চাৰিআলিত আটক ধুনীয়াকৈ নিৰ্মাণ কৰা হৈছে এই ক্লক টাৱাৰটো। নিশা ৰঙীন আলোকসজ্জাৰে চমক সৃষ্টি কৰা ক্লক টাৱাৰটোৱে নগাঁও চহৰৰ সৌন্দর্য বৰ্ধনত এক বিশেষ মাত্ৰা প্ৰদান কৰাৰ লগতে জনসাধাৰণৰ বাবে অন্যতম আকৰ্ষণৰ কেন্দ্ৰ হৈ পৰিব বুলি বিধায়ক ৰূপক শৰ্মাই আশা প্ৰকাশ কৰে ।

আনহাতে নগাঁও চহৰৰ সৌন্দর্য বৰ্ধনৰ বাবে নিৰ্মাণ কৰা ক্লক টাৱাৰটোৰ নিৰ্মাণ কাৰ্য সম্পূৰ্ণ হৈ উঠাত সন্তুষ্টি প্ৰকাশ কৰি বিধায়ক শৰ্মাই কয় যে ৰাজ্যখনৰ ভিতৰতে নগাঁও চহৰক জাকতজিলিকা চহৰ হিচাপে গঢ়ি তুলিবৰ বাবে যৎপৰোনাস্তি চেষ্টা চলাই অহা হৈছে । নগাঁও চহৰৰ বাট,পথ,নলা ,নৰ্দমা খোৱাপানী যোগান আদি প্ৰয়োজনীয় ব্যৱস্থা সমূহ ন-ৰূপত নিৰ্মাণ কৰাৰ  সমন্তৰালকৈ ঐতিহ্যমণ্ডিত চহৰখনৰ সৌন্দৰ্য বৰ্ধনৰ ক্ষেত্ৰতো মনোনিবেশ কৰি আহিছো।ইয়াৰে অংশ হিচাবে নগাঁও মহাবিদ্যালয় চাৰিআলিত এটি ক্লক টাৱাৰো নিৰ্মাণ কৰা হৈছে।

উল্লেখযোগ্য যে অহা ৩ ফেব্ৰুৱাৰীৰ সন্ধিয়া  বিত্তমন্ত্রী ড:  হিমন্তবিশ্ব শৰ্মাই ‘আমাৰ নগাঁও আমাৰ গৌৰৱ’ এই বাক্য শাৰী খোদিত কৰা ক্লক টাৱাৰটোৰ শুভ উদ্বোধন কৰিব। উদ্ধোধনী অনুষ্ঠানত অসম চৰকাৰৰ ৰাজ্যিক স্বাস্থ্য মন্ত্ৰী পীয়ুষ হাজৰিকাইও অংশগ্ৰহণ কৰিব।

ইপিনে সমাগত বিধানসভা নিৰ্বাচনৰ প্ৰতি লক্ষ্য ৰাখি মন্ত্ৰী ড: হিমন্ত বিশ্ব শৰ্মাই সমষ্টিয়ে সমষ্টিয়ে আৰম্ভ কৰা চাইকেল ৰেলী অহা ৩ ফেব্ৰুৱাৰীত নগাঁও সদৰ সমষ্টিত অনুষ্ঠিত কৰিব।পুৱা ১০ বজাত নগাঁও চহৰৰ নেহৰুবালিৰ পৰা যাত্ৰা আৰম্ভ হব লগা চাইকেল ৰেলীটোৱে সদৰ সমষ্টিৰ অন্তৰ্গত ডাকৰঘাট,দক্ষিণপাট হৈ পাখিমৰীয়া মৌজাৰ আটাইকেইটা পঞ্চায়তত পৰিভ্ৰমণ কৰিব।

নগাঁও জিলা বিজেপিৰ সুত্ৰৰ পৰা জানিব পৰা মতে মন্ত্ৰী ড: শৰ্মাই উক্ত দিনা সৰ্বমুঠ ২৫ কিলোমিটাৰ পথ চাইকেলৰে যাত্ৰা কৰিব। মন্ত্ৰী গৰাকীয়ে ৩ ফেব্ৰুৱাৰীৰ সন্ধিয়া চহৰখনৰ নগাঁও ছোৱালী মহাবিদ্যালয়ত নিৰ্মাণ হবলগীয়া ছাত্ৰী নিবাসৰ আধাৰশিলাও স্হাপন কৰাৰ লগতে  নগাঁও বঙ্গালী সন্মিলনীত অনুষ্ঠিত এক অনুষ্ঠানতো  অংশগ্ৰহণ কৰিব।

আনহাতে উক্ত দিনা  পুৱা ভাগত মন্ত্ৰী গৰাকীয়ে বেবেজীয়া পঞ্চায়তৰ বিৰহ বেবেজীয়া -শেনছোৱা সংযোগী গড়কাপ্তানী পথটোৰ আধাৰশিলা স্হাপন কৰিব বুলি জানিব পৰা গৈছে।

যোৰহাট জিলাৰ টীয়কৰ এগৰাকী কবি নিবন্ধকাৰ অৰূপজ্যোতি হাজৰিকাই শৈশৱ আৰু কৈশোৰৰ পৰা সাহিত্য চৰ্চা কৰি বৰ্তমান চৰকাৰী কৰ্মব্যস্ততাৰ মাজতো প্ৰকাশ কৰি উলিয়াইছে প্রায় ডেৰকুৰীৰো অধিক গ্ৰন্থ।

অসমৰ বিভিন্ন প্ৰান্তত আয়োজিত সাহিত্য প্ৰতিযোগিতাত শতাধিক পুৰস্কাৰ পাবলৈ সক্ষম হোৱা হাজৰিকাৰ বহু গ্ৰন্থ অসমৰবহুকেইটা সম্ভ্ৰান্ত প্ৰকাশনে প্ৰকাশ কৰি উলিয়াইছে।

উল্লেখযোগ্য যে হাজৰিকাৰ সাহিত্যৰ ধাৰা বহুমুখী। গল্প, কবিতা, প্ৰবন্ধৰ লগতে তেওঁ লিখি উলিয়াইছে বহু শিশু সাহিত্য। শেহতীয়াকৈ লক ডাউনৰ সময়ত তেওঁ লিখি উলিওৱা ‘ময়ো সুনাগৰিক হব বিচাৰো’ গ্ৰন্থখনে বিশেষ জনপ্ৰিয়তা অৰ্জন কৰিছে।

বৰ্তমান সমাজ ব্যৱস্থাত শৃংখলিট ৰূপত এজন সু নাগৰিক সম্পৰ্কীয় বহু লিখা সন্নিৱিষ্ট গ্ৰন্থখন এটা পষেকতে প্ৰথম সংস্কৰণ শেষ হৈছে বুলি জানিব পৰা গৈছে। হাজৰিকাই সংবাদ মাধ্যমক জনোৱা মতে ফেব্ৰুৱাৰী মাহৰ প্ৰথম সপ্তাহত তেওঁৰ দ্বিতীয় সংস্কৰণ শীঘ্ৰে প্ৰকাশ হব। 

কেয়াৰ চাৰ্ভিচেচ নামৰ এটি সংস্থাই তেঁওলোকৰ ব্যাৱসায়ৰ শুভ উদ্বোধন কৰে । স্থানীয় যুৱক তথা প্ৰতিষ্ঠানটোৰ স্বত্তাধীকাৰি আলম হুচেইনে জানিবলৈ দিয়ামতে এই সংস্থাটোৰ দ্বাৰা সমগ্ৰ ৰঙিয়া অঞ্চলৰ লোকসকলক গাড়ীৰ ড্ৰাইভাৰ,হেণ্ডিমেনৰ পৰা আদি কৰি বাদ্যযন্ত্ৰী,ফটোগ্ৰাফাৰ, ৰাজমিস্ত্ৰী, ৰংমিস্ত্ৰী, ইলেক্ট্ৰীচিয়ান,প্লাম্বাৰ,নাপিত,বিউটিচিয়ান,দিন হাজিৰা কৰা মানুহ ইত্যাদি আৰু বহুতো সুবিধা উপলব্ধ কৰাব ।

পৰৱৰ্তী পৰ্যায়ত মোবাইল এপযোগে এই সকলো সুবিধা লাভ কৰিব পাৰিব বুলি জনোৱাৰ উপৰিও উক্ত প্ৰতিষ্ঠানটোত থলুৱা যুৱক যুৱতীক নিযুক্ত কৰা হব বুলিও জানিবলৈ দিয়ে ।

বিশ্বনাথ জিলাৰ ইটাখোলা আৰক্ষী চকীৰ অন্তৰ্গত টেঙাবস্তিত এগৰাকী বিবাহিতা মহিলাক যৌন নিৰ্যাতনৰ চেষ্টা চলোৱা ঘটনাই সমগ্ৰ ইটাখোলাত চাঞ্চল্যকৰ সৃষ্টি কৰিছে। জানিব পৰা মতে ৩০ জানুৱাৰীৰ নিশা বিবাহিত মহিলা গৰাকীক আব্দুল ৰহমানে  ঘৰত মহিলাগৰাকীৰ স্বামী মহম্মদ ৰেজাউদ্দিন নথকাৰ সুযোগ গ্ৰহণ কৰি ঘৰৰ দেৱাল বগাই অনাধিকাৰভাৱে প্ৰৱেশ কৰি মহিলা গৰাকীক যৌন নিৰ্যাতন চলাই। অসহায় মহিলা গৰাকী চিৎকাৰ শুনি নিশাই স্থানীয় লোকে ওলাই অহাত আব্দুল ৰহমান নামৰ লোকজন হাতে-লোটে ধৰা পৰাত ৰাইজে উত্ত্ম-মাধম সোধাই। এই সন্দৰ্ভত নিৰ্যাতিত মহিলা গৰাকীয়ে ইটাখোলা আৰক্ষী চকীত এখন এজাহাৰ দাখিল কৰে। পিছত এজাহাৰৰ ভিত্তিত ইটাখোলা আৰক্ষী চকীয়ে গোচৰ ৰুজু কৰি আব্দুল ৰহমানক কৰায়ত্ব কৰি জেল হাজুতলৈ প্ৰেৰণ কৰে।