এৰাে ইণ্ডিয়াৰ আপাহতে অনুষ্ঠিত বায়ু সেনা বাহিনীৰ মুৰব্বীসকলৰ সমাৱৰ্তনত ভাষণ দি এয়াৰ চীফ মার্শ্বেল আৰু কে এছ ভদৌৰীয়াই কয় যে প্রযুক্তিৰ উন্নয়নৰ ফলত বায়ু সেনা বাহিনীৰ শক্তি বৃদ্ধিৰ লগে লগে বিপদৰ পৰিসৰাে সলনি হৈছে ।
বায়ু সেনাবাহিনীৰ মুৰব্বী গৰাকীয়ে অভিৱৰ্তনত অংশগ্রহণ কৰা সদস্যসকলক কয় যে ভাৰতীয় বায়ুসেনাই এটা সংহত বায়ু কামাণ্ড নিয়ন্ত্রণ প্রণালী বিকশাই তুলিছে যাৰ জৰিয়তে ৰাডাৰ বা AWACS ব্যৱস্থাক একেটা পৰিসৰতে সামৰি ল’ব পৰা যায়।
সদৌ অসম ছাত্ৰ সন্থাই জাতীয়তাবাদী সত্তাক কফিনত ভৰাই শেষ গজালটো মাৰি দুই গজ মাটিৰ তলত পুতি পেলালে ৷ আছুৰ জাতীয় সত্তা এতিয়া প্ৰেতাত্মা হ’ল ৷ প্ৰেতাত্মা আকৌ আছুৰ শৰীৰলৈ উভতি নাহে ৷ আছুৰ সাধাৰণ সম্পাদক শঙ্কৰ জ্যোতি বৰুৱাই অসম গণ পৰিষদক মঙ্গলবাৰে শেষ সকিয়ণি প্ৰদানৰ পাছত আজি বোকাখাতত অগপৰ সভাপতি তথা জ্যেষ্ঠ কেবিনেট মন্ত্ৰী, স্থানীয় বিধায়ক অতুল বৰাই আছুৰ প্ৰতি পুনৰ শেষ সকিয়ণি প্ৰদান কৰে ৷ অসম গণ পৰিষদক আছুৰ সাধাৰণ সম্পাদক শঙ্কৰ জ্যোতি বৰুৱাই অগপই আছুক সমালোচনা কৰাৰ পৰা বিৰত থকাৰ শেষ সকিয়ণি আৰু অগপৰ সভাপতি তথা কেবিনেট মন্ত্ৰী অতুল বৰাক প্ৰাক্তন আছু নেতা বুলি ক’লৈ লাজ লগাৰো উচিত প্ৰত্তুত্বৰ দিলে মন্ত্ৰী অতুল বৰাই ৷ সদৌ অসম ছাত্ৰ সন্থা এতিয়া অৰাজনৈতিক বা জাতীয় সংগঠন হৈ থকা নাই ৷ ৰাজনৈতিক পোচাক পিন্ধা আছুৰ কেন্দ্ৰীয় নেতৃবৰ্গৰ আনক সমালোচনা কৰাৰো কোনো অধিকাৰ নাই ৷ আছুৱে কৰি অহা ভুল বিলাকহে আমি সময়ে সময়ে সোঁৱৰাই আহিছো বুলি মন্তব্য কৰে অতুল বৰাই ৷ শ্ৰীকৃষ্ণই কৰিলে লীলা আৰু আনে কৰিলে ধৰি বান্ধি কিলা বুলিও আছুক তীৰ্যক মন্তব্য কৰে মন্ত্ৰীগৰাকীয়ে ৷ আনহাতে আজি দিনটো স্থানীয় বিধায়ক তথা কেবিনেট মন্ত্ৰী অতুল বৰা ব্যস্ত থাকে বোকাখাত পৌৰসভাৰ চাৰিটা ৱাৰ্ডত ৷ চাৰিটা ৱাৰ্ডৰ ১৬ পথৰ ইটোৰ পাছত সিটো পথৰ ফিটা কাটি গৈছে আৰু নাৰিকলো ভাঙি গৈছে অবিৰত ভাৱে ৷ ক’তো ৰ’বলৈ সময় নাই ৷ কোনোটো পথৰ যদি আধাৰশিলা কৰিছে, কোনোটো পথৰ সম্পূৰ্ণ হোৱাৰ বাবে উন্মোচন কৰিছে ৷ ইয়াৰ মাজতে মন্ত্ৰীগৰাকীয়ে বোকাখাত কৈলাখাট আঞ্চলিক ক্ৰীড়া সন্থাৰ উদ্যোগত অনুষ্ঠিত বেটমিন্টন ৰ্ৰতিযোগিতাতো অংশ গ্ৰহণ কৰে ৷ ইয়াৰ পূৰ্বে মধ্য গড়মূৰ বূঢ়া নামঘৰত অনুষ্ঠিত বৰ্দ্ধিত এঘাৰখেলীয়া সমিতিৰ উদ্যোগত অনুষ্ঠিত অষ্টম অষ্ট প্ৰহৰ অবিৰত ভাগৱত পাঠ অনুষ্ঠানত উপস্থিত হৈ নেদেখাজনৰ ওচৰত সেৱা লয় ৷ নামঘৰটি উন্নয়ণৰ বাবে বিধায়ক পুঁজিৰ ডেৰলাখ টকাৰ লগতে বৰ্দ্ধিত এঘাৰখেলীয়া সমিতিৰ বাবে এক লাখ টকাৰ অনুদান আগবঢ়ায় ৷
সোণালী জয়ন্তী বৰ্ষ অতিক্ৰম কৰা সোণাৰি মহাবিদ্যালয়ৰ সহকাৰী অধ্যাপক পদৰ বাবে অনুষ্ঠিত হোৱা সাক্ষাৎকাৰত অনিয়ম হোৱা বুলি পোহৰলৈ অহা এটা খবৰে এতিয়া তোলপাৰ লগাইছে শিক্ষানুষ্ঠান খনৰ ভিতৰচ’ৰাত। কিয়নো চৰাইদেউ জিলাৰ অন্যতম উচ্চ শিক্ষানুষ্ঠান সোণাৰি মহাবিদ্যালয়ৰ সহকাৰী অধ্যাপক পদত নিযুক্তিৰ নামত অনিয়ম সংঘটিত হোৱাৰ অভিযোগ উত্থাপন হৈছে সম্প্ৰতি। মহাবিদ্যালয়খনৰ উদ্ভিদ বিজ্ঞান বিভাগৰ মুৰব্বী অধ্যাপক গৰাকীৰ লগতে বিভাগটোৰ সহকাৰী অধ্যাপক পদৰ আবেদনকাৰীয়ে এই অভিযোগ উত্থাপন কৰিছে। অভিযোগ অনুসৰি মঙ্গলবাৰে সোণাৰি মহাবিদ্যালয়ত উদ্ভিদ বিজ্ঞান বিভাগৰ সহকাৰী অধ্যাপক পদৰ বাবে সাক্ষাৎকাৰ অনুষ্ঠিত হৈছিল। সাক্ষাৎকাৰৰ বাবে আবেদন কৰা ষোল্ল গৰাকী আবেদকাৰীৰ ভিতৰত তেৰজন উপস্থিত আছিল সাক্ষাৎকাৰত। কিন্তু অতি তাৎপৰ্যপূৰ্ণ কথা যে সাক্ষাৎকাৰত অৱতীৰ্ণ হোৱা আবেদনকাৰী সকলৰ মাজৰে এগৰাকীয়ে উপযুক্ত নথিপত্ৰ প্ৰদৰ্শন কৰিব নোৱাৰাৰ পাছতো নিৰ্বাচনী সমিতিয়ে তেওঁক নিৰ্বাচন কৰিলে সহকাৰী অধ্যাপক পদৰ বাবে। যাৰ ফলত এতিয়া তীব্ৰ অসন্তুষ্টি প্ৰকাশ কৰিছে মহাবিদ্যালয়খনৰ উদ্ভিদ বিজ্ঞান বিভাগৰ মুৰব্বী অধ্যাপক গৰাকীৰ লগতে সাক্ষাৎকাৰত অৱতীৰ্ণ হোৱা আবেদনকাৰীয়ে। মহাবিদ্যালয়খনৰ উদ্ভিদ বিজ্ঞান বিভাগৰ মুৰব্বী অধ্যাপক ফনীন্দ্ৰ বৰুৱাই জানিবলৈ দিয়া অনুসৰি আবেদনকাৰী সকলৰ নথিপত্ৰ পৰীক্ষণৰ সময়ত ডিব্ৰুগড়ৰ সুমন গগৈ নামৰ প্ৰাৰ্থী গৰাকীয়ে উপযুক্ত নথি-পত্ৰ প্ৰদৰ্শন কৰিব পৰা নাছিল যাৰ বাবে তেওঁৰ অৰ্হতা থকা স্বত্বেও সাক্ষাৎকাৰত অৱতীৰ্ণ হ’ব নোৱাৰিব বুলি টোকা লিখা হৈছিল। কিন্তু কেইগৰাকী প্ৰাৰ্থীকেই নিৰ্বাচনী সমিতিয়ে উপযুক্ত বিবেচনা কৰি সহকাৰী অধ্যাপক পদৰ বাবে নিৰ্বাচিত কৰে। মহাবিদ্যালয়খনৰ উদ্ভিদ বিজ্ঞান বিভাগৰ মুৰব্বী অধ্যাপক গৰাকী নিজেই সেই সমিতিখনত থকাত এই কথাৰ দুৰ্ঘোৰ বিৰোধিতা কৰিছিল যদিও সমিতিখনৰ আনসকল সদস্যই কোনো ধৰণৰ গুৰুত্ব নিদিলে। যাৰ ফলত এতিয়া তীব্ৰ অসন্তুষ্টি প্ৰকাশ কৰিছে মুৰব্বী অধ্যাপক গৰাকীয়ে। মন কৰিবলগীয়া যে মহাবিদ্যালয় খনৰ সহকাৰী অধ্যাপক পদৰ সাক্ষাৎকাৰ গ্ৰহণৰ বাবে ডিব্ৰুগড় বিশ্ববিদ্যালয়ৰ ফালৰপৰা দুগৰাকী জ্যেষ্ঠ অধ্যাপকক মনোনীত কৰা লগতে বিভাগটোৰ মুৰব্বী অধ্যাপক তথা মহাবিদ্যালয়খনৰ অধ্যক্ষগৰাকী সহ এখন সমিতি গঠন কৰা হৈছিল। কিন্তু সেই সমিতিখনলৈ মনোনীত সদস্য কেইগৰাকীয়ে উপযুক্ত নথি-পত্ৰ প্ৰদৰ্শন কৰিব নোৱাৰা প্ৰাৰ্থীক নিৰ্বাচিত কৰাৰ অভিযোগ উত্থাপন কৰিছে মহাবিদ্যালয়খনৰ উদ্ভিদ বিজ্ঞান বিভাগৰ মুৰব্বী অধ্যাপক গৰাকীয়ে। ইফালে সমগ্ৰ বিষয়টো সন্দৰ্ভত সবিশেষ জানিবলৈ বিচৰাত সোণাৰি মহাবিদ্যালয়ৰ অধ্যক্ষগৰাকীয়ে সাক্ষাৎকাৰত অনিয়ম হোৱাৰ কথা অস্বীকাৰ কৰে। সোণালী জয়ন্তী বৰ্ষ অতিক্ৰম কৰা মহাবিদ্যালয়খনৰ শৈক্ষিক পৰিৱেশ বিনষ্ট নকৰিবলৈহে আহ্বান জনায় অধ্যক্ষ গৰাকীয়ে।
ভাৰতীয় জনতা পাৰ্টীৰ নীতি নিৰ্দেশনা আৰু আদৰ্শক দলীয় কৰ্মীৰ মাজত প্ৰচাৰ আৰু প্ৰসাৰৰ বাবে ৰাজ্য চৰকাৰে ৰূপায়ণ কৰা জনকল্যাণ মুলক আঁচনিৰ বিষয়ে ভোটাৰক অৱগত কৰিবলৈ আজি কামৰূপ জিলাৰ বকোত আয়োজন কৰা হৈছে দলৰ পৃষ্ঠা প্ৰমুখ সন্মিলন সভা। দিনৰ ২ বজাত কামৰূপ জিলাৰ বকোত বকো গান্ধী মৈদানৰ ৰঙ্গমঞ্চত জিলা বি জে পিৰ উদ্যোগত আয়োজন কৰা হৈছে পৃষ্ঠা প্ৰমুখ সন্মিলন সভা।বকো ; ছমৰীয়া আৰু নগৰবেৰা মণ্ডল সমিতি বি জে পিৰ কাৰ্য্যকৰ্তাৰ সহযোগত অনুষ্ঠিত হোৱা সন্মিলনত পৌৰহিত্য কৰে জিলা সভাপতি ধনেশ্বৰ তালুকদাৰে। দক্ষিণ কামৰূপ জিলা ভিত্তিত আয়োজন কৰা পৃষ্ঠা প্ৰমুখ সন্মিলনত মুখ্য অতিথি হিচাপে উপস্থিত দলৰ ৰাজ্যিক সভাপতি ৰঞ্জিত কুমাৰ দাস ; ৰাজ্যিক সাংগঠনিক সাধাৰণ সম্পাদক ফনিন্দ্ৰ নাথ শৰ্মা ; ৰাজ্যিক উপ সভানেত্ৰী তথা মহিলা মৰ্চাৰ প্ৰভাৰী বিজুলী কলিতা মেধি ; ৰাজ্যিক কাৰ্যনিৰ্বাহক লাংকী ফাংচু ; অনুসুচীত জাতি মৰ্চাৰ উপ সভাপতি কুশল জ্যোতি মালাকৰ ; সম্পাদক সুকুমাৰ বিশ্বাস ; ৰাজ্যিক কাৰ্যনিৰ্বাহক নিলোপম দাস আৰু সীমান্ত দাস ; সম্পাদক অনুপ কুমাৰ মেধি ; মহিলা প্ৰভাৰী কল্পনা দাস ; জিলা সমিতিৰ সাধাৰণ সম্পাদক প্ৰহ্লাদ বিশ্বাস আদিৰ উপৰিও বহু কেইজন নেতা উপস্থিত থাকে। সভাত ভাৰতীয় জনতা পাৰ্টীৰ অসম চৰকাৰৰ জনকল্যাণ মুলক আঁচনিৰ দ্বাৰা ৰাইজ উপকৃত হোৱা আৰু অনাগত দিনত ৰাইজৰ বাবে লোৱা আঁচনিৰ ওপৰত আলোকপাত কৰে। উল্লেখ্য যে ; জিলা পৰ্য্যায়ৰ পৃষ্ঠা প্ৰমুখ সন্মিলন সভা খনত দক্ষিণ কামৰূপ জিলা প্ৰভাৰী সকল ; যুৱ মৰ্চা ; মহিলা মৰ্চা ; কিষাণ মৰ্চা ; কৃষক মৰ্চা ; জনজাতি মৰ্চা সভানেত্ৰী আদিকে ধৰি মণ্ডল সমিতিৰ সভাপতি/ সম্পাদক সকল আৰু প্ৰতিটো মৰ্চাৰ সভাপতি / সম্পাদক আৰু বুথ পৰ্য্যায়ৰ সমিতিৰ সভাপতি / সম্পাদক সকল উপস্থিত থাকে। বকোৰ পৃষ্ঠা প্ৰমুখ সন্মিলনত বিশাল জনসমাগমত ৰাজ্যিক সভাপতি ৰঞ্জিত কুমাৰ দাসে ভাৰতীয় জনতা পাৰ্টীৰ চৰকাৰৰ দিনত সৰ্বসাধাৰণৰ মাজত ৰূপায়ণ কৰা আঁচনি সমুহৰ যোগেদি ৰাইজৰ উপকাৰৰ ওপৰত বহল বাখ্যা আগবঢ়াই।
বৰ্তমানৰ শাসনাধীস্থ চৰকাৰে ” সকলোৱে লগত সম বিকাশ ” ৰ কথা আওৰাই আহিছে যদিও প্ৰকৃততে বিৰোধী বিধায়ক থকা সমষ্টি সমূহ উন্নয়নৰ ক্ষেত্ৰত বৈষম্যতাৰ ভাৱে দৃষ্টি নিক্ষেপ কৰি অহাৰ বাবেই সেই সমষ্টি সমূহৰ উন্নয়নত হেঙাৰ সৃষ্টি হৈছে ।
যাৰ বাবে বিগত ২০১৯ বৰ্ষৰ ফেব্ৰুৱাৰী মাহত শাসনাধীস্থ দলৰ বিধায়ক – মন্ত্ৰী থকা সমষ্টি সমূহৰ দৰে উন্নয়নৰ আচনি ৰূপায়ণৰ ক্ষেত্ৰত পৰ্যাপ্ত পুজি আৱণ্টন কৰাৰ ব্যৱস্থা কৰিবলৈ গুৱাহাটী উচ্চ ন্যায়ালয়ত ৰাজহুৱা স্বাৰ্থ জড়িত আবেদনৰ জৰিয়তে গোচৰ তৰা হয় ।
এইদৰে কথা আক্ষেপেৰে ব্যক্ত কৰি আজি নাজিৰা বিধান সভা সমষ্টিৰ অন্তৰ্গত ৭ টাকৈ পথৰ উন্নয়নৰ কামৰ শুভাৰম্ভণি কৰি অসম বিধান সভাৰ বিৰোধী দলপতি দেৱব্ৰত শইকীয়াই কয় যে , বিগত সময়ত অসমৰ আন আন সমষ্টিৰ লগতে নাজিৰা সমষ্টিৰ বাট – পথ , শিক্ষা , স্বাস্থ্য , খোৱা পানী , নদীৰ গৰাখহনীয়া প্ৰতিৰোধ , ঐতিহাসিক সম্পদৰ সংৰক্ষণ আৰু সৌন্দৰ্য বৰ্ধন তথা বিভিন্ন উন্নয়ন মূলক কামৰ বাবে সংশ্লিষ্ট বিভাগৰ মন্ত্ৰী , মুখ্যমন্ত্ৰী লৈ বহু বাৰ নিবেদন জনাই পত্ৰ প্ৰদান কৰাৰ লগতে বিধান সভাৰ মজিয়াতো বাৰম্বাৰ উত্থাপন কৰি অহাৰ পিছতো চৰকাৰে বৈষম্যতা মূলক ভাৱে পুজি আৱণ্টন দিয়া নাছিল ।
আন আন সমষ্টিৰ লগতে নাজিৰা সমষ্টিৰ ৰাইজ , দল – সংগঠন আদিয়ে বাৰম্বাৰ পথ অৱৰোধ , প্ৰতিবাদী কাৰ্যসূচী গ্ৰহণ কৰি চৰকাৰৰ দৃষ্টি আকৰ্ষণ কৰিবলৈ সক্ষম হোৱাৰ অন্তত সমাগত বিধান সভা নিৰ্বাচনৰ প্ৰাকমূহুত্বত ঐতিহাসিক ধোদৰ আলিকে ধৰি মুষ্ঠিমেয় কেইটামান পথ নিৰ্মাণৰ বাবে পুজি মোকলাই দিয়ে । চৰকাৰে বৈষম্যতা সৃষ্টি নকৰি সম বিকাশৰ গতিধাৰাৰে আগবাঢ়ি গলে প্ৰকৃতাৰ্থত ৰাইজৰ বাবে শাসন চলোৱা হ’লহেতেন বুলি বিৰোধী দলপতি গৰাকীয়ে মতপোষণ কৰে ।
আজি নাজিৰাত বিৰোধী দলপতি দেৱব্ৰত শইকীয়াই সমষ্টিটোৰ অন্তৰ্গত ৬৭.৯৯ লাখ টকাৰে ২.৩০ কিলোমিটাৰ লখিমী আলি , ৮৪.৮১ লাখ টকাৰে ৩.৫০ কিলোমিটাৰ জয়খামদাং মলা গাওঁ পথ , ৯৮.৭১ লাখ টকাৰে ১.৬৫ কিলোমিটাৰ ডিমৌ কিনাৰ আলি , ৮৮.৮৬ লাখ টকাৰে ৩.৩০ কিলোমিটাৰ বৰফুকন আলি , ৫৫.৬৩ লাখ টকাৰে ১.২০ কিলোমিটাৰ মহন হাজৰিকা আলি , ১,৩৮.৫৪ লাখ টকাৰে ২.২০ কিলোমিটাৰ ১ নং বৰদুৱৰা আলি , ২,৭২.৭০ লাখ টকাৰে ৩.১০ কিলোমিটাৰ চণ্টক আলিকে ধৰি মুঠ ৭ টা পথৰ নিৰ্মাণৰ কাম শুভাৰম্ভ কৰে ।
২০২০ – ২১বৰ্ষৰ ৰাজ্যিক স্ব-অধিকাৰ উন্নয়ন ( সাধাৰণ ) আচনিৰ অধীনত পথকেইটাৰ নিৰ্মাণৰ শুভাৰম্ভণি অনুষ্ঠানত প্ৰৱীণ শিক্ষাবিদ ঊমা কোৱৰ , প্ৰশান্ত কলিতা , নকুল গগৈ , নাগেশ্বৰ চাংমাই , চন্দ্ৰ গগৈ ড০ ৰাজেন্দ্ৰ মোহন দেৱশৰ্মা , প্ৰশান্ত বৰকটকী , লক্ষীনাথ সন্দিকৈ , মুনমী গগৈ , যোগ গগৈ , চুৰেণ ফুকন , বুদ্ধেশ্বৰ বৰা , মৃদুল বৰগোঁহাই আদিকে ধৰি ভালেকেইজন বিশিষ্ট ব্যক্তিয়ে সংশ্লিষ্ট এলেকাত অনুষ্ঠিত অনুষ্ঠানত বক্তব্য দাঙি ধৰি বিধায়ক তথা বিৰোধী দলপতিগৰাকীৰ প্ৰচেষ্টাক শলাগ জনায় ।
বিশ্বৰ বৃহত্তম নদীদ্বীপ মাজুলীৰ মথাউৰি আৰু পথ নিৰ্মাণ তথা শক্তিশালী কামাখ্যা মন্দিৰৰ উন্নয়নৰ বাবে পঞ্চদশ বিত্ত আয়োগে মুঠ ১,৩৭৫ কোটি টকাৰ আবণ্টনত অনুমোদন দিছে। পঞ্চদশ বিত্ত আয়োগৰ অধ্যক্ষ এন কে সিঙে কালি সদনত এই সম্পৰ্কীয় প্ৰতিবেদন দাখিল কৰে।
আজি জনতা ভৱনত এক সংবাদমেল সম্বোধন কৰি ৰাজ্যৰ শিক্ষাবিভাগৰ কেইবাটাও গুৰুত্বপূৰ্ণ ঘোষণা কৰে শিক্ষা মন্ত্ৰী হিমন্ত বিশ্ব শৰ্মাই । সংবাদমেলত শিক্ষানুষ্ঠানসমূহৰ প্ৰাদেশীকৰণৰ লগতে বিভিন্ন পৰ্যায়ত অভিলেখসংখ্যক শিক্ষক নিযুক্তি দিয়াৰ কথা ঘোষণা কৰে মন্ত্ৰী শৰ্মাই।
৫ ফেব্ৰুৱাৰীত সৰুসজাইত বৃহৎ নিযুক্তি সমাৱেশ অনুষ্ঠিত কৰি অভিলেখসংখ্যক ২৯,৭০০ গৰাকী শিক্ষকক নিযুক্তি দিয়াৰ কথা ঘোষণা ৰাজ্য চৰকাৰৰ। এই সকলৰ ভিতৰত নতুনকৈ নিযুক্তি দিয়া হ’ব ১৩২১৭ গৰাকী শিক্ষকক। নিযুক্তি দিয়া সকলৰ ৪,৪৯৩ গৰাকী হ’ব প্ৰাথমিক টেট শিক্ষক আৰু ২১৩৯ গৰাকী উচ্চ মাধ্যমিক টেট শিক্ষক। নতুনকৈ নিযুক্তিপ্ৰাপ্ত শিক্ষকৰ তালিকা প্ৰকাশ কৰা হ’ব ৪ ফেব্ৰুৱাৰীত ।
সংবাদমেলত ১৬৯৮ খন প্ৰাথমিক বিদ্যালয় আৰু ২১০৭ খন মাধ্যমিক বিদ্যালয় প্ৰাদেশীকৰণৰ কথাও ঘোষণা কৰে মন্ত্ৰীগৰাকীয়ে। প্ৰাদেশীকৰণৰ ফলত প্ৰাথমিক পৰ্যায়ত ৩,৩০৯ গৰাকী শিক্ষক-শিক্ষয়িত্ৰী উপকৃত হোৱাৰ লগতে মাধ্যমিক পৰ্যায়ত উপকৃত হ’ব ৬,৫৮৬ গৰাকী শিক্ষক-শিক্ষয়িত্ৰী।
কেৱল সেয়াই নহয় মহাবিদ্যালয় প্ৰাদেশীকৰণৰ ক্ষেত্ৰতো গুৰুত্বপূৰ্ণ ঘোষণা শিক্ষামন্ত্ৰী ড০ হিমন্ত বিশ্ব শৰ্মাৰ। মুঠ ৩৩ খন মহাবিদ্যালয় প্ৰাদেশীকৰণ কৰাৰ ফলত ৬৯৩ গৰাকী অধ্যাপক উপকৃত হ’ব বুলিও মন্তব্য কৰে মন্ত্ৰীগৰাকীয়ে। আনহাতে ২৬৬খন উচ্চ মাধ্যমিক বিদ্যালয় আৰু ৪খন উচ্চতৰ মাধ্যমিক বিদ্যালয়ৰ প্ৰাদেশীকৰণৰ কথা ঘোষণা কৰা হয় সংবাদমেলত। পূৰ্বে প্ৰাদেশীকৰণ হোৱা বিদ্যালয়ৰ ৪,৯৯৬জন শিক্ষকৰ চাকৰি নিয়মীয়াকৰণ হ’ব বুলিও মন্তব্য কৰে হিমন্ত বিশ্ব শৰ্মাই।
সংবাদমেলত শিক্ষকৰ বাবে আন এক বিশেষ সুবিধাৰ কথা ঘোষণা কৰিলে মন্ত্ৰী হিমন্ত বিশ্ব শৰ্মাই। শিক্ষকসকলে ১০ দিন চাকৰি কৰি অৱসৰ ল’লেও গ্ৰেচুইটি দিয়াৰ লগতে অৱসৰপ্ৰাপ্ত কৰ্মচাৰীক ১০ লাখ টকা দিয়া হ’ব বুলিও উল্লেখ মন্ত্ৰীগৰাকীৰ। লগতে নিযুক্তিৰ ১২ বছৰলৈ শিক্ষকসকলে বিদ্যালয় বদলি কৰিব নোৱাৰিব বুলিও মন্তব্য কৰে মন্ত্ৰী হিমন্ত বিশ্ব শৰ্মাই।
সমগ্ৰ ৰাজ্যৰ লগতে শিৱসাগৰ জিলা অন্তৰ্গত বিভিন্ন প্ৰান্তৰ সমূহ বাট-পথত নিতৌ বৃদ্ধি পাব ধৰিছে পথ দুৰ্ঘটনা । নাজিৰা মহকুমা অসম-নাগালেণ্ড সীমান্তৱৰ্তী হালোৱাটিঙত আজি এক ভয়ংকৰ পথ দুৰ্ঘটনাই জোকাৰি গৈছে । প্ৰাপ্ত তথ্য অনুসৰি নাগালেণ্ডৰ পৰা হালোৱাটিং ৬১নং ৰাষ্ট্ৰীয় ঘাইপথেৰে শিল কঢ়িওৱা এখন এইছ্ আৰ ৩৮ ইউ ৬৫৬৯নম্বৰৰ বহিঃৰাজ্যৰ অভিজ্ঞতাহীন চালকেৰে চালিত ট্ৰাক দুৰ্ঘটনাক লৈ চাঞ্চল্য । হালোৱাটিং লাহদৈগড় মিচিং তিনি আলিত উক্ত ট্ৰাকখন বাগৰি পৰাৰ ফলত ৬১নং ৰাষ্ট্ৰীয় ঘাইপথৰ দুয়োকাষে ব্যাপক হাৰত যান যঁতৰ সৃষ্টি হয় । যদিও দুৰ্ঘটনাটোত কোনো লোক হতাহত হোৱা নাই । পৰৱৰ্তী সময়ত হালোৱাটিং আৰক্ষী থানা ঘটনাস্থলীত উপস্থিত হৈ দুৰ্ঘটনাগ্ৰস্ত ট্ৰাকখনৰ সন্দৰ্ভত বন বিভাগক খবৰ দি চালকক জিম্মাত লৈ দুৰ্ঘটনাগ্ৰস্ত ট্ৰাকখন আৰক্ষীয়ে উদ্ধাৰ অভিযান অব্যাহত ৰাখিছে ।
মধ্য অসমৰ গুৰুত্বপূৰ্ণ চহৰ হিচাপে বিবেচিত নগাঁও চহৰৰ মাজ মজিয়াত নিৰ্মাণ কৰা হৈছে এটি ক্লক টাৱাৰ । নগাঁও সদৰ সমষ্টিৰ বিধায়ক ৰূপক শৰ্মাৰ বিশেষ তৎপৰতাত ঐতিহ্যমণ্ডিত নগাঁও মহাবিদ্যালয়ৰ সমীপৰ পুৰণি ৩৬ নং আৰু ৩৭ নং ৰাষ্ট্ৰীয় ঘাইপথ সংযোগী চাৰিআলিত আটক ধুনীয়াকৈ নিৰ্মাণ কৰা হৈছে এই ক্লক টাৱাৰটো। নিশা ৰঙীন আলোকসজ্জাৰে চমক সৃষ্টি কৰা ক্লক টাৱাৰটোৱে নগাঁও চহৰৰ সৌন্দর্য বৰ্ধনত এক বিশেষ মাত্ৰা প্ৰদান কৰাৰ লগতে জনসাধাৰণৰ বাবে অন্যতম আকৰ্ষণৰ কেন্দ্ৰ হৈ পৰিব বুলি বিধায়ক ৰূপক শৰ্মাই আশা প্ৰকাশ কৰে ।
আনহাতে নগাঁও চহৰৰ সৌন্দর্য বৰ্ধনৰ বাবে নিৰ্মাণ কৰা ক্লক টাৱাৰটোৰ নিৰ্মাণ কাৰ্য সম্পূৰ্ণ হৈ উঠাত সন্তুষ্টি প্ৰকাশ কৰি বিধায়ক শৰ্মাই কয় যে ৰাজ্যখনৰ ভিতৰতে নগাঁও চহৰক জাকতজিলিকা চহৰ হিচাপে গঢ়ি তুলিবৰ বাবে যৎপৰোনাস্তি চেষ্টা চলাই অহা হৈছে । নগাঁও চহৰৰ বাট,পথ,নলা ,নৰ্দমা খোৱাপানী যোগান আদি প্ৰয়োজনীয় ব্যৱস্থা সমূহ ন-ৰূপত নিৰ্মাণ কৰাৰ সমন্তৰালকৈ ঐতিহ্যমণ্ডিত চহৰখনৰ সৌন্দৰ্য বৰ্ধনৰ ক্ষেত্ৰতো মনোনিবেশ কৰি আহিছো।ইয়াৰে অংশ হিচাবে নগাঁও মহাবিদ্যালয় চাৰিআলিত এটি ক্লক টাৱাৰো নিৰ্মাণ কৰা হৈছে।
উল্লেখযোগ্য যে অহা ৩ ফেব্ৰুৱাৰীৰ সন্ধিয়া বিত্তমন্ত্রী ড: হিমন্তবিশ্ব শৰ্মাই ‘আমাৰ নগাঁও আমাৰ গৌৰৱ’ এই বাক্য শাৰী খোদিত কৰা ক্লক টাৱাৰটোৰ শুভ উদ্বোধন কৰিব। উদ্ধোধনী অনুষ্ঠানত অসম চৰকাৰৰ ৰাজ্যিক স্বাস্থ্য মন্ত্ৰী পীয়ুষ হাজৰিকাইও অংশগ্ৰহণ কৰিব।
ইপিনে সমাগত বিধানসভা নিৰ্বাচনৰ প্ৰতি লক্ষ্য ৰাখি মন্ত্ৰী ড: হিমন্ত বিশ্ব শৰ্মাই সমষ্টিয়ে সমষ্টিয়ে আৰম্ভ কৰা চাইকেল ৰেলী অহা ৩ ফেব্ৰুৱাৰীত নগাঁও সদৰ সমষ্টিত অনুষ্ঠিত কৰিব।পুৱা ১০ বজাত নগাঁও চহৰৰ নেহৰুবালিৰ পৰা যাত্ৰা আৰম্ভ হব লগা চাইকেল ৰেলীটোৱে সদৰ সমষ্টিৰ অন্তৰ্গত ডাকৰঘাট,দক্ষিণপাট হৈ পাখিমৰীয়া মৌজাৰ আটাইকেইটা পঞ্চায়তত পৰিভ্ৰমণ কৰিব।
নগাঁও জিলা বিজেপিৰ সুত্ৰৰ পৰা জানিব পৰা মতে মন্ত্ৰী ড: শৰ্মাই উক্ত দিনা সৰ্বমুঠ ২৫ কিলোমিটাৰ পথ চাইকেলৰে যাত্ৰা কৰিব। মন্ত্ৰী গৰাকীয়ে ৩ ফেব্ৰুৱাৰীৰ সন্ধিয়া চহৰখনৰ নগাঁও ছোৱালী মহাবিদ্যালয়ত নিৰ্মাণ হবলগীয়া ছাত্ৰী নিবাসৰ আধাৰশিলাও স্হাপন কৰাৰ লগতে নগাঁও বঙ্গালী সন্মিলনীত অনুষ্ঠিত এক অনুষ্ঠানতো অংশগ্ৰহণ কৰিব।
আনহাতে উক্ত দিনা পুৱা ভাগত মন্ত্ৰী গৰাকীয়ে বেবেজীয়া পঞ্চায়তৰ বিৰহ বেবেজীয়া -শেনছোৱা সংযোগী গড়কাপ্তানী পথটোৰ আধাৰশিলা স্হাপন কৰিব বুলি জানিব পৰা গৈছে।
যোৰহাট জিলাৰ টীয়কৰ এগৰাকী কবি নিবন্ধকাৰ অৰূপজ্যোতি হাজৰিকাই শৈশৱ আৰু কৈশোৰৰ পৰা সাহিত্য চৰ্চা কৰি বৰ্তমান চৰকাৰী কৰ্মব্যস্ততাৰ মাজতো প্ৰকাশ কৰি উলিয়াইছে প্রায় ডেৰকুৰীৰো অধিক গ্ৰন্থ।
অসমৰ বিভিন্ন প্ৰান্তত আয়োজিত সাহিত্য প্ৰতিযোগিতাত শতাধিক পুৰস্কাৰ পাবলৈ সক্ষম হোৱা হাজৰিকাৰ বহু গ্ৰন্থ অসমৰবহুকেইটা সম্ভ্ৰান্ত প্ৰকাশনে প্ৰকাশ কৰি উলিয়াইছে।
উল্লেখযোগ্য যে হাজৰিকাৰ সাহিত্যৰ ধাৰা বহুমুখী। গল্প, কবিতা, প্ৰবন্ধৰ লগতে তেওঁ লিখি উলিয়াইছে বহু শিশু সাহিত্য। শেহতীয়াকৈ লক ডাউনৰ সময়ত তেওঁ লিখি উলিওৱা ‘ময়ো সুনাগৰিক হব বিচাৰো’ গ্ৰন্থখনে বিশেষ জনপ্ৰিয়তা অৰ্জন কৰিছে।
বৰ্তমান সমাজ ব্যৱস্থাত শৃংখলিট ৰূপত এজন সু নাগৰিক সম্পৰ্কীয় বহু লিখা সন্নিৱিষ্ট গ্ৰন্থখন এটা পষেকতে প্ৰথম সংস্কৰণ শেষ হৈছে বুলি জানিব পৰা গৈছে। হাজৰিকাই সংবাদ মাধ্যমক জনোৱা মতে ফেব্ৰুৱাৰী মাহৰ প্ৰথম সপ্তাহত তেওঁৰ দ্বিতীয় সংস্কৰণ শীঘ্ৰে প্ৰকাশ হব।
