আজি ৰাতিপুৱা পূৱা ৭:৫৩ মিনিটত অহা ভয়ংকৰ ভূমিকম্পৰ জোকাৰণীয়ে সমগ্ৰ ৰাজ্যত তীব্ৰ আতংক সৃষ্টি কৰে।ওদালগুৰি জিলাৰ টংলা থানাৰ অন্তৰ্গত বহু অঞ্চলত বহু লোকৰ পকী ঘৰৰ বেৰ, গ্লাছ, ভাঙি যোৱাৰ লগতে বটাবাৰী গাওঁৰ খৈৰাপাৰা চুবাৰ সমীপত আজি অহা ভূমিকম্পৰ ফলত মাটি ফাটি পানী ওলোৱা ঘটনাই জনগণৰ মাজত আতংকৰ সৃষ্টি কৰে।

বুধবাৰে হোৱা ভূঁইকম্পৰ ফলত নগাঁৱত বিস্তৰ ক্ষতি সাধন। নগাওঁ চহৰৰ কাঠমিল চাৰিআলিত দুটাকৈ বাসগৃহত সৃষ্টি হয় বৃহৎ ফাটৰ লগতে বাসগৃহ দুটা বেঁকা হৈ ঢলি পৰে।

তামুলপুৰত ভূমিকম্প জোকাৰিৰ ফলত হাহাকাটা- বালাবাৰীত প্ৰকাণ্ড ফাট। পাগলাদিয়া নদীৰ দলঙৰ দুই ফালে পথত প্ৰকাণ্ড ফাট। মাটি ফুটি ওলাইছে পানী আৰু বালি। হাহকাটা বালাবাৰীৰ তপন তালুকদাৰৰ গৃহতো প্ৰকাণ্ড ফাট। শংকিত সমগ্র অঞ্চল বাসী।

ডিব্ৰুগড়ত ভয়াবহ অগ্নিকাণ্ড। বহু দোকান জুইত জাহ।

ডিব্ৰুগড় কল ৰোডত অগ্নি কাণ্ড। MD ইডৰিছ, MDহাকিম, সংগীত, K.K ইলেকট্ৰিক আদিকে কৰি বহু কেইটা বাস গৃহ সম্পূৰ্ণ ৰূপে ভস্মিভূত।

অগ্নি নিবাপিন বাহিনী চেষ্টা জুই নুমোৱা। বৰ্তমনলৈকে কমা নাই জুই।

BCPL পৰাও বহু বাহন আহি জুই নুমুৱা চেষ্টা।

কিহৰ কাৰণে জুই লাগিল গম পোৱা হোৱা নাই।

ব্যস্ত অঞ্চল কল ৰোডত সকলো দোকান বজাৰ খালি কৰিবলৈ ডিব্ৰুগড় জিলা প্ৰশাসনৰ নিৰ্দেশ।

মঙ্গলবাৰে নিশা চাবুৱাত সংঘটিত হয় এক লোমহৰ্ষক হত্যাকাণ্ড ।

স্বামীয়ে চোকা অস্ত্ৰৰে হানি খুঁচি হত্যা কৰিলে পত্নীক।

আনকি চোকা অস্ত্ৰৰে খুচি আহত কৰিলে নিজ দুবছৰীয়া কণমানি কন্যা পৰিস্মিতা নায়কক। ঘটনাৰ স্হান চাবুৱাৰ নেপালীপট্টি।জানিব পৰামতে অজিত নায়ক নামৰ ব্যক্তিজনে এইটো বাসগৃহতে বিচনাতে চোকা অস্ত্ৰৰে খুচি নিহত কৰে পত্নী মনিষা নায়কক। তেজে তুমৰলি হৈ পৰে সমগ্ৰ বিচনা। আনহাতে কণমানিটিৰ কান্দোন শুনাৰ পাছতহে ৰাতিপুৱাহে পোহৰলৈ আহে সমগ্ৰ ঘটনা। ইয়াৰ পাছতে ঘটনাস্থলীত চাবুৱা আৰক্ষী উপস্থিত হৈ সমগ্ৰ ঘটনাৰ তদন্ত আৰম্ভ কৰাৰ লগতে গ্ৰেপ্তাৰ কৰে হত্যাকাৰী অজিত নায়কক।
ইফালে হত্যাকাৰী অজিত নায়কে চোকা অস্ত্ৰৰে খুচি গুৰুতৰভাৱে আহত কৰে নিজা দুবছৰীয়া কন্যা পৰিস্মিতা নায়কক সংকটজনক অৱস্থাত চিকিৎসাৰ বাবে লৈ যোৱা হৈছে AMCH-লৈ। আনফালে ঘৰত অসহায় হৈ পৰি ৰৈছে এতিয়া এই দুটি মৰমলগা পাঁচমহীয়া কন্যা সন্তান। অৱশ্যে বৰ্তমান সময়লৈকে হত্যাকাণ্ডৰ কাৰণ জানিব পৰা হোৱা নাই। ইতিমধ্যে এই হত্যাকাণ্ডই চাঞ্চল্যৰ সৃষ্টি কৰিছে এতিয়া সমগ্ৰ চাবুৱাতে।

ক’ভিড্ মহামাৰীৰ এই বিভীষিকাময় সময়ছোৱাত ভূতৰ ওপৰত দানহ পৰাদি অত্যাৱশ্যকীয় খাদ্য-সামগ্ৰীৰ অতিপাত মূল্যবৃদ্ধিয়ে জনসাধাৰণক চাৰিওফালৰ পৰা টেঁটুত চেপা দি ধৰিছে ৷ এফালে ক’ভিদ আতংক আনফালে বজাৰত বস্তুৰ জুইছাই দাম, ফলত জনসাধাৰণৰ নাজল-নাথল অৱস্থা।ক’ভিদ-হৈ নমৰিলেও নাখায় মৰাটো খাটাং বুলি আজি বহুতেই ভাবিবলৈ বাধ্য হৈছে।কিন্তু এনে পৰিস্থিতিটো চৰকাৰ- প্ৰশাসন নিৰ্বিকাৰ। মূল্য বৃদ্ধি ৰোধ কৰাৰ কোনো ব্যৱস্থাই নাই। আজি অস্তিত্বহীন যোগান বিভাগ। চৰকাৰে এই বিভাগটো বিলুপ্ত কৰা হ’ল বুলি ঘোষণা কৰাৰ পূৰ্বেই যেন ইয়াৰ অপমৃত্যু হ’ল। এক কথাত অকাল মৃত্যু। সেয়েহে অসম জাতীয় পৰিষদৰ কামৰূপ মহানগৰ জিলা আৰু জিলা খনৰ জাতীয় যুৱ শক্তিৰ সদস্য সকলে আজি অকাল মৃত্যু হোৱা যোগান বিভাগৰ শৱযাত্ৰা কৰি বিভাগটোক ব্ৰহ্মপুত্ৰত উটুৱাই দিয়ে। এই প্ৰতিবাদী কাৰ্যসূচীৰ জৰিয়তে ৰাইজৰ বিপদ কালত অসম জাতীয় পৰিষদ দল কোনো কাৰণতে হাত সাৱটি বহি নাথাকে বুলি চৰকাৰ-প্ৰশাসনলৈ এক স্পষ্ট বাৰ্তা প্ৰেৰণ কৰে।জনসাধাৰণক আওমৰণে মৰিবলৈ এৰি দি অসাধু ব্যৱসায়ী চক্ৰক পৰিস্থিতিৰ সুযোগলৈ অসৎ উপায়েৰে ধন ঘটাৰ সুবিধা কৰি দিয়াটো যদি তাৎক্ষণিক ভাৱে বন্ধ কৰি মূল্যবৃদ্ধি ৰোধ কৰা নহয় তেন্তে তেতিয়া দলে ৰাইজে যি নিৰ্দেশ দিব তাকে পালন কৰিব।ৰাইজে বিচাৰিলে দলে নিজে হাতে-কামে ব্যৱস্থা লবলৈ বাধ্য থাকিব। আজিৰ কাৰ্যসূচীৰ অন্তত অসম জাতীয় পৰিষদৰ কামৰূপ মহানগৰ জিলাৰ সভাপতি সঞ্জীৱ বৰা, সম্পাদকদ্বয় প্ৰণৱ ডেকা, আছিফ আলী আৰু মহানগৰ যুৱশক্তিৰ সভাপতি শৈলেন কলিতা, সম্পাদকদ্বয় জিন্টু কলিতা আৰু মনোজ কলিতাই তীব্র ক্ষোভৰে এই কথা প্ৰকাশ কৰে।

হোজাই সংঘটিত ভয়ংকৰ অঘটন৷

হোজাই চহৰৰ কালীবাৰীত এজন শ্রমিকৰ মৃত্যু।

কাম কৰি থকাৰ সময়তে ঘৰৰ চাঁদ ভাগি আবদ্ধ হৈ থিতাতে মৃত্যু হয় মিথুন মণ্ডল নামৰ যুৱক।

কালিবাৰীৰ বিজয় দেৱনাথৰ গৃহত সংঘটিত হৈছে এই ঘটনা৷

বিজয় দেৱনাথে এমাহ পূৰ্বে দিয়া চাঁদ খোলাৰ কামত আজি নিয়োজিত কৰা হৈছিল শ্ৰমিককেইজনক৷

কাম কৰি থকাৰ সময়তে ঘৰৰ চাঁদ ভাগি যোৱাত চাদৰ তলত আৱদ্ধ হৈ পৰে শ্ৰমিক পিতা-পুত্ৰ সহ আন এজন৷

চাঁদৰ তলত আৱদ্ধ হৈ থিতাতে মৃত্যুক আঁকোৱালি লয় মিথুন মণ্ডল নামৰ যুৱকজনে৷ আনহাতে পিতৃ ধিৰান মণ্ডল আৰু আনজন শ্ৰমিক নাৰায়ন দাসো গুৰুতৰভাৱে আহত হয়৷

ঘটনাস্থলীত হোজাই আৰক্ষী আৰু SDRF বাহিনী উপস্থিত হৈ জেচিবিৰ সহায়ত শ্ৰমিকজনৰ মৃতদেহটো উদ্ধাৰ কৰে আৰু মৰনোত্তৰ পৰীক্ষাৰ বাবে প্ৰেৰণ কৰিছে৷

আহত দুয়োজন শ্ৰমিকেক হোজাই FRU ত ভৰ্তি কৰা হয়৷

উক্ত ঘটনাই অঞ্চলটোত সৃষ্টি কৰিছে তীব্ৰ চাঞ্চল্যৰ৷