আজি বঙাইগাঁও জিলাৰ গোলাপাৰা-নাম্বাৰপাৰা সীমান্তৱৰ্তী অঞ্চলত অৱস্থিত ডঃ এপিজে আব্দুল কালাম একাডেমীত এক ব্যতিক্ৰম কাৰ্যসূচী ৰূপায়ন কৰি ৰাইজৰ দৃষ্টি আকৰ্ষণ কৰিবলৈ সক্ষম হৈছে। জানিব পৰা মতে শিক্ষা অনুষ্ঠান খনৰ অধ্যক্ষ জামাল উদ্দিনৰ সভাপতিত্বত অনুষ্ঠিত সভাত লকডাউনৰ বাবে ক্ষতিগ্ৰস্ত ছাত্ৰ ছাত্ৰীক কি দৰে আগুৱাই লৈ যাব পাৰি সেই বিষয়ে ভাষণ দিয়ে ক্ৰমে জবেদ আলী মুন্সি,গুনিয়ালগুৰি উচ্চতৰ মাধ্যমিক বিদ্যালয় বিষয় শিক্ষক শ্বহিদুল ইছলাম, প্ৰাক্তন জিলা পৰিষদৰ সদস্য, সদস্যা ক্ৰমে আবুল কালাম আজাদ, জেবিনাৰা আহমেদ, স্থানীয় প্ৰধান শিক্ষক খবিৰ উদ্দিন, একাডেমী পৰিচালনা সমিতিৰ সভাপতি হাসমত আলী এম এ, সদস্য আক্কাচ আলীয়ে। দেশত চলি থকা লকডাউনৰ বাবে সুদীৰ্ঘ দিন বিদ্যালয় সমুহ বন্ধ থকাৰ বাবে ছাত্ৰ ছাত্ৰী সকলোৰ অটাইতকৈ বেছি ক্ষতি গ্ৰস্ত হৈছে বুলি অনুভৱ কৰি অনাগত দিনত ছাত্ৰ ছাত্ৰী সকলোক কি দৰে আগুৱাই লৈ যাব পাৰি, সেই উদ্দেশ্যে লক্ষ্য আগত ৰাখি ডঃ এপিজে আব্দুল কালাম একাডেমীৰ শিক্ষক, কৰ্মচাৰী, অভিভাৱক, ছাত্ৰ ছাত্ৰীৰ লগতে সচেতন ব্যাক্তি সকলোক লৈ এক আলোচনা সভা অনুষ্ঠিত কৰে। এই ক্ষেত্ৰত একাডেমী কতৃপক্ষই অভিভাৱক সকলোৰ একান্ত সহযোগিতা বিচাৰে। অতিথিৰ ভাষণত আবুল কালাম আজাদে কয় শিক্ষাৰ্থী সকলোক শৈক্ষিক ভাৱে আগুৱাই নিবলৈ হলে অভিভাৱক সকলোৰ সহযোগিতা অতিকৈ প্ৰয়োজনীয় বুলি উল্লেখ কৰে। সভাপতিৰ ভাষণত জামাল উদ্দিনে কয় শিক্ষাৰ্থী সকলোক শৈক্ষিক ভাৱে আগুৱাই নিবলৈ হলে অভিভাৱকৰ সহযোগিতা অতিকৈ প্ৰয়োজনীয় বুলি উল্লেখ কৰে।

হিমন্ত বিশ্ব শৰ্মাৰ জালুকবাৰী সমষ্টিৰ অন্তৰ্গত এখন চৰকাৰী প্ৰাথমিক বিদ্যালয়ৰ কণ কণ ছাত্ৰ-ছাত্ৰী সকলে আজি শ্ৰেণী কোঠাৰ পৰা ওলাই আহি ৰাজপথত ধৰ্ণা দিয়াত বৃহত্তৰ দুমুনিচকীত তীব্ৰ চাঞ্চল্যৰ সৃষ্টি কৰিছে।অভিভাৱক সকলৰ সহযোগত বিদ্যালয় খনৰ শতাধিক ছাত্ৰ ছাত্ৰীয়ে বিদ্যালয়ৰ সন্মুখত উদ্যোগ স্থাপনৰ বিৰোধিতা কৰি ছাত্ৰ ছাত্ৰী সকলে ধৰ্ণা কাৰ্যসূচী ৰূপায়ণ কৰি প্ৰশাসনৰ বিৰুদ্ধে তীব্ৰ প্ৰতিবাদ জনাই ৰাজপথত ।উল্লেখ্য যে কভিদ পৰিস্থিতিৰ কাৰণে প্ৰায় দহ মাহ বিদ্যালয়ৰ পাঠদান বন্ধ থকাৰ পিছত আজি আকস্মিক ভাৱে বিদ্যালয়ৰ সন্মুখৰ গড়কাপ্তানি পথত ৰাতিপুৱা ১০বজাৰ পৰা ধৰ্ণা দিয়ে ছাত্ৰ ছাত্ৰী সকলে ।ধৰ্ণা কাৰ্যসূচী পালন কৰি ছাত্ৰ ছাত্ৰী আৰু অভিভাৱক সকলে বিদ্যালয়ৰ সন্মুখত  উদ্যোগ স্থাপনৰ বিৰোধিতা কৰি প্ৰশাসনক বিহিত ব্যৱস্থা লবলৈ দাবী জনাই। কামৰূপ জিলাৰ কৰৰা শিক্ষা খণ্ডৰ অধীনস্থ দুমুনিচকীৰ নিকটৱৰ্ত্তী শৰাইঘাট নৱজ্যোতি প্ৰাথমিক বিদ্যালয়ৰ সন্মুখত এজন অনা অসমীয়া ব্যৱসায়ীয়ে উদ্যোগ স্থাপনৰ পৰিকল্পনা কৰি মাটি পেলোৱা কাম আৰম্ভ কৰাত প্ৰথমে জাঙুৰ খাই উঠে স্থানীয় ৰাইজ।তথ্য অনুসৰি বৰবংশৰ মৌজাৰ মৌজাদাৰ প্ৰয়াত ভৃগু চমুৱাৰ পুত্ৰ হেৰম্ব চমুৱা আৰু তেওঁৰ পৰিয়ালৰ একেলগে থকা কুৰি বিঘা কৃষি ভূমি আঠ বছৰ মান পূৰ্বে গুপ্তা উপাধিৰ এজন অনা অসমীয়া ব্যৱসায়ীয়ে ক্ৰয় কৰে।দুমুনিচকী অঞ্চলৰ শৰাইঘাট আৰু বাথান গাঁৱৰ জনবসতি পূৰ্ণ এলেকাত থকা উক্ত কৃষি ভূমিৰ সন্মুখত আছে শৰাইঘাট নৱজ্যোতি প্ৰাথমিক বিদ্যালয়।এতিয়া উক্ত কুৰি বিঘা কৃষি ভূমিত যোৱা সাত দিন ধৰি মাটি পেলোৱাৰ ফলত স্থানীয় ৰাইজৰ লগতে বিদ্যালয়ৰ ছাত্ৰ-ছাত্ৰী সকলৰ  পাঠদানত যথেষ্ট ব্যাঘাত আহি পৰে।মন কৰিবলগীয়া কথা যে ৰাইজৰ ক্ষোভৰ উমান পাই অনা অসমীয়া ব্যৱসায়ী জনে স্থানীয় কেইজন মান যুৱকক মাটি পেলোৱাৰ দায়িত্ব দিয়ে।ফলস্বৰূপে দৈনিক প্ৰায় ২০/২২ খন ট্ৰেক্টৰ বিদ্যালয়ৰ সন্মুখেদি অহা যোৱা কৰাত অঞ্চলটোৰ লগতে বিদ্যালয়ৰ পৰিবেশ ধূলিময় কৰি তুলিছে ।এনে পৰিস্থিতিত কালি বিদ্যালয় পৰিচালনা সমিতি, অভিভাৱক আৰু স্থানীয় ৰাইজৰ উপস্থিতিত অনুষ্ঠিত হোৱা সভাত লোৱা সিদ্ধান্ত অনুসৰি আজি ছাত্ৰ ছাত্ৰী সকলে উদ্যোগ স্থাপনৰ  বিৰোধিতা কৰি প্ৰতিবাদ জনাই ।কণ কণ ছাত্ৰ ছাত্ৰী সকলে পাঠদান এৰি ধৰ্ণা কাৰ্যসূচী পালন কৰি থকা সময়ত উপস্থিত হয় বাইহাটা চাৰিআলিৰ আৰক্ষী থানাৰ ভাৰপ্ৰাপ্ত আৰক্ষী বিষয়া ৰূপম হাজৰিকা আৰু কমলপুৰ ৰাজহ চক্ৰ বিষয়া ডঃ অংকিতা শৰ্মা।আমাক শান্তিৰে পাঠগ্ৰহন কৰিবলৈ দিয়ক, বিদ্যালয়ৰ সন্মুখত উদ্যোগ স্থাপন কৰিবলৈ দিয়া নহ’ব আদি ধৰ্ণা দি ছাত্ৰ ছাত্ৰী সকলে প্ৰশাসনক উপযুক্ত ব্যৱস্থা হাতত লবলৈ দাবী জনাই।ছাত্ৰ ছাত্ৰী, অভিভাৱক, স্থানীয় ৰাইজৰ দাবীৰ প্ৰতি সহমত প্ৰকাশ কৰি চক্ৰ বিষয়া ডঃ অংকিতা শৰ্মাই আজিৰ পৰা মাটি পেলোৱা বন্ধ বুলি জানিবলৈ দিয়ে।তদুপৰি জিলা প্ৰশাসনৰ লগতে বন বিভাগৰ অনুমতি অবিহনে খেতি পথাৰত জে চি বিৰে মাটি খন্দা বুলি উল্লেখ কৰি চক্ৰ বিষয়া গৰাকীয়ে আইগত ব্যৱস্থা লোৱা হব বুলি কয় সংবাদ মাধ্যমৰ আগত।আনহাতে বিদ্যালয় খনৰ অভিভাৱক আৰু স্থানীয় ৰাইজে স্থানীয় বিধায়ক তথা অসম চৰকাৰৰ শিক্ষা মন্ত্ৰী ডঃহিমন্ত বিশ্ব শৰ্মাক জনবসতি এলেকাৰ মাজত থকা  বিদ্যালয়ৰ সন্মুখৰ কৃষি ভূমিত উদ্যোগ স্থাপন বন্ধ ৰাখিবলৈ দাবী জনাই ।

ভৱিষ্যতে যদি কেতিয়াবা ভাৰত বৰ্ষত শিক্ষাৰ নামত বটাঁ দিৱ বিচাৰে তেনেহলে একলব্যৰ নামত দিয়ক ৷ গুৰু দ্ৰোণাচাৰ্যৰ নামত নহয় ৷ যি গুৰুৱে ছাত্ৰছাত্ৰীক পংগু কৰাৰ কাম কৰে সেই শিক্ষক তথা গুৰু কেতিয়াও প্ৰকৃত শিক্ষক হব নোৱাৰে ৷ আজি মৰিগাঁও জিলাৰ বৃহত্তৰ চৰাইবাহী অঞ্চলৰ অগ্ৰনী বেচৰকাৰী শিক্ষানুষ্ঠান চৰাইবাহী শংকৰদেৱ বিদ্যা নিকেতনৰ ২২ সংখ্যক প্ৰতিষ্ঠা দিবসৰ মুকলি সভাত নিদিষ্ট বক্তা হিচাপে উপস্থিত থাকি শিক্ষকক উদ্দেশ্য কৰি এই মন্তব্য কৰে অসমৰ বিশিষ্ট কবি , সাহিত্যিক তথা মৰিগাঁও জিলাৰ আৰক্ষী অধীক্ষক ড° নন্দসিং বৰকলাই ৷ আনহাতে বৰকলাই ভাষন প্ৰসংগত কয় যে শ্ৰী মন্ত শংকৰদেৱ আৰু মাধৱ দেৱ গুৰু দুজনাৰ আধ্যাত্মিক , সাহিত্য , সংস্কৃতি , আদি জীয়াই ৰাখিব লাগিব এই নিকেতন সমূহেই বুলিও মন্তব্য কৰে ৷ নিকেতন খনৰ প্ৰধান আচাৰ্য ভাগ্যৰাম নাথে উদ্দেশ্য ব্যাখ্যা কৰা আৰু আচাৰ্য পংকজ বৰাই আতধৰা মুকলি সভাখনত  নৃত্য গীতেৰে অনুষ্ঠান অনুষ্ঠিত হোৱা এই সভাত উপস্থিত থাকে শিশু শিক্ষা সমিতিৰ নগাঁও সংকুলৰ সংকুল প্ৰমূখ পৰান বৰা , কৃতী শিক্ষক বটাঁপ্ৰাপ্ত শিক্ষক অংগৰাগ ভূঞা , কবিতা ৰানী সিংহ আৰু নিকেতনৰ পৰিচালনা সমিতিৰ প্ৰাক্তন সম্পাদক দিলীপ নাথ ৷ এই মুকলি সভাতে নিকেতনৰ বাৰ্ষিক মুখপত্ৰ “ভাৰতী ” উন্মোচন কৰে কবি সাহিত্যক নন্দসিং বৰকলাই ৷ উল্লেখ যে ১৯৯৮ চনতে চৰাইবাহীত প্ৰতিষ্ঠা লাভ কৰা নিকেতন খনে আজি গৌৰবেৰে ২২ বৰ্ষত ভৰি দিলে ৷ এই নিকেতন খনৰ আজি ২২ সংখ্যক প্ৰতিষ্ঠা দিৱসৰ লগত সংগতি ৰাখি পুৱা পতাকা উত্তোলন কৰে নিকেতনৰ প্ৰাক্তন সভাপতি পুনিৰাম নাথে ৷ ইয়াৰ পিছতে নিকেতন ছাত্ৰছাত্ৰী সকলৰ দ্বাৰা এটি বৰ্ণাঢ়্য সাংস্কৃতিক শুভাযাত্ৰা উলিওৱা হয় ৷ মৰিগাঁও সমষ্টিৰ বিধায়ক তথা অসম চৰকাৰৰ মীন উন্নয়ন নিগমৰ অধক্ষ্য ৰমাকান্ত দেউৰীয়ে শুভ উদ্বোধন কৰা শুভাযাত্ৰাত ছাত্ৰছাত্ৰী সকলে গায়ন বায়ন , সত্ৰীয়া নৃত্য , কৃষ্ণ নৃত্য , ভাৱৰীয়া , ঝুমুৰ নৃত্য দল , দৰা কইনা দল , নামতি দল , বিহু নৃত্য দল , কভি’ড-১৯ৰ সজাগতা দল আদি কৰি বিভিন্ন দলে অংশগ্ৰহণ কৰে এই সাংস্কৃতিক শুভাযাত্ৰাত ৷