শনিৰ ট্ৰেনজিট বৃষ ৰাশিৰ একাদশ স্থানত হ’ব, যিয়ে ধন-সম্পত্তি আৰু সফলতাৰ ইংগিত দিয়ে। এই ট্ৰেনজিটৰ বাবে আৰ্থিক লাভৰ সম্ভাৱনা থাকিব আৰু সমাজত সন্মান বৃদ্ধি পাব। সামাজিক যোগাযোগ বৃদ্ধি পাব, যিয়ে ভাল সুযোগ আনিব পাৰে। কেৰিয়াৰত পদোন্নতি বা নতুন দায়িত্ব পোৱাৰ সম্ভাৱনা থাকিব। পৰিয়াল আৰু বন্ধু-বান্ধৱীৰ সৈতে সম্পৰ্ক পূৰ্বতকৈ অধিক শক্তিশালী হ’ব। স্বাস্থ্য ভাল হ’ব, কিন্তু খাদ্য-পানীয়ৰ বিশেষ যত্ন ল’ব লাগিব।
বাজেট বিতৰ্কৰ সময়তে হিতাধিকাৰী আঁচনিৰ বিষয়ে আলোচনা চলি থাকে। মুখ্যমন্ত্ৰীয়ে উল্লেখ কৰে যে, “আগতে নিৰ্বাচনৰ সময়ত মানুহৰ পৰা লৈছিল, কিন্তু আমি লোৱাৰ পৰিৱৰ্তে দি আছোঁ। আগতে ব্য়ৱসায়ীৰ পৰা সংগ্ৰহ কৰা হৈছিল, এতিয়া আমি নাগৰিকক সুবিধা দিয়াৰ ব্যৱস্থা কৰিছোঁ।”
Dr Aparna Bujarbaruah: বিশিষ্ট সঙ্গীতকাৰ ড০ অপৰ্ণা বুজৰবৰুৱালৈ সন্মানীয় সলিল চৌধুৰী বঁটা
অসমৰ সংগীত জগতৰ বাবে ইতিবাচক খবৰ।(Dr Aparna Bujarbaruah) আন্তঃৰাষ্ট্ৰীয় চলচ্চিত্ৰ মহোৎসৱত উজলি উঠিল এটি অসমীয়া গীত! যোৱা ৯ মাৰ্চ তাৰিখে কলকাতাৰ স্বামী বিবেকানন্দ প্ৰেক্ষাগৃহত পঞ্চম আন্তঃৰাষ্ট্ৰীয় ষ্টাৰ চলচ্চিত্ৰ মহোৎসৱ (5th International Star Film Festival) অনুষ্ঠিত হয়। এই মহোৎসৱত এইবাৰ বিশিষ্ট সঙ্গীত পৰিচালক সলিল চৌধুৰীৰ শতবাৰ্ষিকী হিচাপে উদযাপন কৰি বটা প্ৰদান কৰাৰ লগতে তেখেতৰ সোণসেৰীয়া গীতৰ অনুষ্ঠান আৰু নৃত্য প্ৰদৰ্শনেৰে প্ৰেক্ষাগৃহ মুখৰিত কৰি তোলে।
এই মহোৎসৱত মুঠ ৬৫ খন দেশে যোগদান কৰে। ৪০টা শিতানত ২৯০টা বঁটা প্ৰতিযোগিতাত প্ৰদান কৰা হয়। অতি আনন্দৰ কথা যে ড০ অপৰ্ণা বুজৰবৰুৱাৰ কথা, সুৰ, সঙ্গীত পৰিচালনা আৰু সঙ্গীত ব্যৱস্থাপনাত তৈয়াৰ কৰি উলিওৱা “ৰুণ জুণ জুণ” – নামৰ গীতটোৱে শ্ৰেষ্ঠ ‘মিউজিক ভিডিঅ’ৰ খিতাপ দখল কৰিবলৈ সক্ষম হৈছে।
ড০ অপৰ্ণা বুজৰবৰুৱাক শ্ৰেষ্ঠ সঙ্গীত পৰিচালক হিচাপে সন্মানীয় ‘সলিল চৌধুৰী বঁটা’ আগবঢ়োৱা হয়। ই অসমৰ বাবে অতি গৌৰৱৰ কথা। গীতটোত কন্ঠদান কৰে ড০ সঙ্গীতা কাকতিয়ে আৰু মেঘৰঞ্জনী মেধিয়ে তেওঁৰ সুন্দৰ নৃত্যৰে অভিনয় কৰে। ভিডিঅ’ পৰিচালনা কৰে অন্তৰীপ হাজৰিকাই। এই মিউজিক ভিডিঅটোৱে বৰ্তমানলৈকে চাৰিটা পুৰষ্কাৰ লাভ কৰিবলৈ সক্ষম হৈছে।
ড০ অপৰ্ণা বুজৰবৰুৱা কটন কলেজৰ এগৰাকী উদ্ভিদ বিজ্ঞান বিভাগৰ প্ৰাক্তন মুৰব্বী অধ্যাপিকা, সাহিত্যিক, গীতিকাৰ, সুৰকাৰ, আৰু আকাশবাণী গুৱাহাটী কেন্দ্ৰৰ প্ৰথম আৰু একমাত্ৰ মহিলা সঙ্গীতকাৰ। সঙ্গীত পৰিচালক গৰাকীয়ে এই স্বীকৃতি অসমৰ সংগীত জগতৰ বাবে অত্যন্ত আশাপ্ৰদ খবৰ বুলি মত প্ৰকাশ কৰে৷
জেলেনস্কিয়ে ট্ৰাম্পলৈ ক্ষমা প্ৰাৰ্থনা পত্ৰ প্ৰেৰণ কৰিলে! ( Volodymyr Zeleneskyy) খনিজ চুক্তিৰ বিষয়ে আলোচনা কৰি থাকোঁতে আমেৰিকাৰ ৰাষ্ট্ৰপতি ড’নাল্ড ট্ৰাম্পৰ সৈতে তৰ্কত লিপ্ত হয় ইউক্ৰেইনৰ ৰাষ্ট্ৰপতি ভ’ল’ডিমাই জেলেনস্কি। অ’ভেল অফিচত দুয়োগৰাকী নেতাৰ মাজত ৰাজহুৱাভাৱে হোৱা তৰ্কযুদ্ধৰ পিছত ছৌদি আৰৱত পুনৰ আলোচনাত বহিবলৈ সাজু হৈছে আমেৰিকা আৰু ইউক্ৰেইন। আমেৰিকাৰ ৰাষ্ট্ৰপতি ড’নাল্ড ট্ৰাম্পলৈ ক্ষমাপ্ৰাৰ্থনা পত্ৰ প্ৰেৰণ কৰিছে! এই কথা কয় পশ্চিম এছিয়াৰ দায়িত্বত থকা ট্ৰাম্পৰ বিশেষ কূটনীতিবিদ ষ্টিভ উইটকফে। এইবাৰ তৃতীয়খন দেশ ছৌদি আৰৱত অনুষ্ঠিত হ’ব ট্ৰাম্প আৰু জেলেনস্কি প্ৰশাসনৰ বৈঠক। বৈঠকৰ ঠিক আগতে উইটকফে আমেৰিকাৰ সংবাদ মাধ্যম ফক্স নিউজক জনাইছিল যে তেওঁ জেলেনস্কিলৈ ক্ষমা বিচাৰি এখন পত্ৰ প্ৰেৰণ কৰিব।
ইতিমধ্যে জেলেনস্কিয়ে অভাল অফিচত দুয়োজন নেতাৰ মাজত হোৱা আপাত দৃষ্টিত অভূতপূৰ্ব থুঁতৰ বিষয়ে মাত মাতিছে। ছ’চিয়েল মিডিয়াতো এই সন্দৰ্ভত দুখ প্ৰকাশ কৰে। জেলেনস্কিয়ে কয় যে তেওঁ বিতৰ্কক লৈ “আক্ষেপ” কৰিছে। অৱশ্যে ছ’চিয়েল মিডিয়া পোষ্টটোত ক্ষমা বিচৰাৰ কথা উল্লেখ কৰা হোৱা নাই। পিছত আমেৰিকাৰ কংগ্ৰেছৰ যৌথ অধিৱেশনত ট্ৰাম্পে ভাষণ দিয়াৰ সময়ত এই বাকযুদ্ধৰ সৃষ্টি হয়। আমেৰিকাৰ ৰাষ্ট্ৰপতিগৰাকীয়ে কয় যে তেওঁ ইউক্ৰেইনৰ ৰাষ্ট্ৰপতি ভ’ল’ডিমাইৰ জেলেনস্কিৰ পৰা এখন “গুৰুত্বপূৰ্ণ চিঠি” লাভ কৰিছে। ট্ৰাম্পে লগতে কয় যে জেলেনস্কিয়েও ৰাছিয়া-ইউক্ৰেইন যুদ্ধ বন্ধ কৰিবলৈ আলোচনাৰ টেবুলত বহিবলৈ আগ্ৰহী। ট্ৰাম্পে দাবী কৰিছে যে ইউক্ৰেইনৰ ৰাষ্ট্ৰপতিয়ে পত্ৰখনত সেই কথা উল্লেখ কৰিছে। সেই চিঠিখনৰ এটা অংশ তেওঁ আমেৰিকাৰ কংগ্ৰেছৰ যৌথ অধিৱেশনলৈও পঢ়িছিল। কিন্তু সেই সময়ত চিঠিখনত উল্লেখ কৰা ক্ষমা প্ৰাৰ্থনা ৰাজহুৱা কৰা হোৱা নাছিল।
সোমবাৰে ট্ৰাম্পৰ কূটনীতিবিদ উইটকফে ফক্স নিউজক কয় যে, “জেলেনস্কিয়ে ৰাষ্ট্ৰপতি (ড’নাল্ড ট্ৰাম্প)লৈ এখন চিঠি প্ৰেৰণ কৰিছিল। সমগ্ৰ অভাল অফিচৰ কাণ্ডৰ বাবে তেওঁ ক্ষমা বিচাৰিলে। মই ভাবো এইটো এটা গুৰুত্বপূৰ্ণ পদক্ষেপ। আমাৰ প্ৰতিনিধি দল ইউক্ৰেইন আৰু ইউৰোপীয়সকলৰ মাজত বহু বিষয় আলোচনা কৰা হৈছিল।’ যদিও উইটকফে কোনখন চিঠিৰ কথা কৈছিল সেয়া স্পষ্ট নহয়। শেহতীয়াকৈ ট্ৰাম্পে উল্লেখ কৰা “গুৰুত্বপূৰ্ণ চিঠি”টোৱেই নেকি যৌথ অধিবেশন? হোয়াইট হাউছত কোনো নতুন চিঠি আহিছে নে নাই সেই কথা প্ৰকাশ কৰা নাই আমেৰিকান কূটনীতিবিদগৰাকীয়ে।
