অহা সপ্তাহত সংসদত দাখিল কৰা হ’ব নতুন আয়কৰ বিধেয়ক। কেন্দ্ৰীয় বিত্তমন্ত্ৰী নিৰ্মলা সীতাৰমণে ১ ফেব্ৰুৱাৰী শনিবাৰে বাজেট ভাষণত এই কথা ঘোষণা কৰে। তেওঁ স্পষ্ট কৰি দিয়ে যে নতুন আয়কৰ আইন প্ৰণয়ন হ’লেই কৰদাতাসকলে পৰ্যাপ্ত সকাহ পাব। বীমাত প্ৰত্যক্ষ বিদেশী বিনিয়োগ ১০০ শতাংশলৈ বৃদ্ধি কৰা হ’ব বুলিও নিৰ্মলা সীতাৰমণে ঘোষণা কৰে।
বাজেটত ‘জল জীৱন মিছন’ প্ৰকল্পৰ সময়সীমা ২০২৮ চনলৈ বৃদ্ধি কৰাৰ কথা ঘোষণা কৰা হয়। বিত্তমন্ত্ৰীগৰাকীয়ে ১ লাখ গৃহ নিৰ্মাণৰ দ্ৰুত কাম সম্পূৰ্ণ কৰাৰ বাবে ১৫ হাজাৰ কোটি টকা আবণ্টন দিয়াৰ কথাও ঘোষণা কৰে। ইয়াৰ উপৰিও ষ্টাৰ্টআপ ফাণ্ডত আৰু ১০ হাজাৰ কোটি টকা আবণ্টন দিয়াৰ কথা ঘোষণা কৰে।
দেশত ১২০টা নতুন বিমানবন্দৰ নিৰ্মাণৰ কথা ঘোষণা কৰে। ইয়াৰ ভিতৰত বিহাৰত তিনিটা নতুন বিমানবন্দৰ নিৰ্মাণৰ ঘোষণা। অহা ১০ বছৰত আঞ্চলিক বিমানবন্দৰ আয়োজন কৰিবলৈ ১০০ টাতকৈও অধিক নতুন স্থান।
বিত্তমন্ত্ৰী নিৰ্মলা সীতাৰমণে কয় যে হকাৰসকলৰ বাবে ইউপিআই লিংকড ক্ৰেডিট কাৰ্ড উপলব্ধ কৰা হ’ব। নগৰখনৰ পুনৰ নিৰ্মাণৰ বাবে এক লাখ কোটি টকা আবণ্টন দিয়া হ’ব। ক্ষুদ্ৰ মডিউলাৰ নিউক্লিয়াৰ ৰিয়েক্টৰৰ বাবে ২০ হাজাৰ কোটি টকা আবণ্টন।
বিত্তমন্ত্ৰীয়ে অহা পাঁচ বছৰত চিকিৎসা মহাবিদ্যালয়সমূহত ৭৫ হাজাৰ আসন বৃদ্ধিৰ কথা ঘোষণা কৰে। অহা বছৰ ১০ হাজাৰ আসন বৃদ্ধি কৰা হ’ব। তদুপৰি নিৰ্মলা সীতাৰমণে সকলো জিলা চিকিৎসালয়তে কেন্সাৰ চেণ্টাৰ সৃষ্টিৰ কথা ঘোষণা কৰে। ৩ বছৰত মুঠ ২০০০ টা কেন্সাৰ চেণ্টাৰ নিৰ্মাণ কৰা হ’ব।
আঠ কোটি মহিলা, এক কোটি নতুন মাতৃ আৰু ১৮ লাখ ছাত্ৰ-ছাত্ৰীৰ বাবে বিশেষ পুষ্টি আঁচনি ঘোষণা। চৰকাৰী মাধ্যমিক বিদ্যালয়ত ব্ৰডবেণ্ড সেৱা সংযোজন কৰাৰ লগতে আই আই টিৰ সংখ্যা বৃদ্ধিৰ সিদ্ধান্তও ঘোষণা কৰে বিত্তমন্ত্ৰীগৰাকীয়ে।
মহিলা উদ্যোগীসকলৰ বাবে নতুন ঘোষণা। প্ৰথম পাঁচ লাখ অনুসূচিত জাতি আৰু অনুসূচিত জনজাতিৰ মহিলা উদ্যোগীয়ে দুইকোটি টকা পৰ্যন্ত ঋণ লাভ কৰিব। বাজেট দাখিল কৰাৰ সময়তে এই ঘোষণা কৰে বিত্তমন্ত্ৰীগৰাকীয়ে।
কিষাণ ক্ৰেডিট কাৰ্ডত উপলব্ধ ঋণৰ পৰিমাণ বৃদ্ধি কৰা হ’ব। তিনি লাখৰ পৰা পাঁচ লাখলৈ বৃদ্ধি কৰা হ’ব। বাজেট দাখিলৰ সময় ঘোষণা কৰিলে বিত্তমন্ত্ৰী নিৰ্মলা সীতাৰমণে। লগতে মাছমৰীয়াসকলৰ বাবে এক বিশেষ অৰ্থনৈতিক মণ্ডল সৃষ্টি কৰা হ’ব বুলিও তেওঁ কয়।
খাব পৰা তেল আৰু দালিত স্বাৱলম্বী হোৱাৰ প্ৰয়াস কৰা হ’ব। বাজেট দাখিল কৰি এই কথা কয় বিত্তমন্ত্ৰীগৰাকীয়ে। নিৰ্মলা সীতাৰমণে বিহাৰত বাটাৰ ব’ৰ্ড গঠন কৰা হ’ব বুলিও কয়। লগতে ধন যোজনাৰ অধীনত ১.৭ কোটি কৃষকক সহায় কৰা হ’ব বুলিও তেওঁ কয়।
বাজেটত মধ্যবিত্ত শ্ৰেণীক অগ্ৰাধিকাৰ দিয়া হ’ব। কৃষক, মহিলা, আৰু ক্ষুদ্ৰ উদ্যোগৰ ওপৰত গুৰুত্ব দিয়া হ’ব। ৭০ শতাংশ মহিলা যাতে আৰ্থিক কাম-কাজত জড়িত হয় তাৰ প্ৰতি গুৰুত্ব দিয়া হ’ব। বিত্তমন্ত্ৰীগৰাকীয়ে কয় যে আগন্তুক পাঁচ বছৰত আমাৰ উন্নয়নৰ সুযোগ আছে। বিদ্যুৎ, কৃষি, আৰু ক্ষুদ্ৰ উদ্যোগকে ধৰি ছটা খণ্ডত সংস্কাৰ কৰা হ’ব। লগতে ৰাজ্যৰ সৈতে হাতে হাত ধৰি উন্নয়নৰ কাম কৰা হ’ব বুলিও তেওঁ কয়।
মধ্যবিত্ত শ্ৰেণীৰ ওপৰত গুৰুত্ব দিয়ক। বাজেট দাখিলৰ আৰম্ভণিতে এই কথা কয় বিত্তমন্ত্ৰী নিৰ্মলা সীতাৰমণে। সংসদত বিৰোধীৰ ব্যাপক হুলস্থুল। তেওঁৰ ভাষাত “আমাৰ লক্ষ্য সকলোৰে বিকাশ।” “ভাৰতীয় অৰ্থনীতি বিশ্বৰ ভিতৰতে আটাইতকৈ দ্ৰুতগতিত বৃদ্ধি পাইছে।”
সংসদত বিত্তমন্ত্ৰী নিৰ্মলা সীতাৰমণৰ ঘোষণা AI ছেক্টৰক উদগনি দিয়াৰ বাবে ৫০০ কোটি টকা ধাৰ্য।
বুধবাৰে স্থানীয় সময় অনুসৰি নিশা ৯ বজাত সামৰিক হেলিকপ্টাৰৰ সৈতে খুন্দা মৰাৰ ফলত আমেৰিকান এয়াৰলাইন্সৰ এখন বিমান দুৰ্ঘটনাগ্ৰস্ত হয়। তাত আছিল ৬৪ জন যাত্ৰী। প’ট’মেক নদীত বিমানখন দুৰ্ঘটনাগ্ৰস্ত হয়। ইতিমধ্যে উদ্ধাৰ হৈছে ৪০ জন লোকৰ মৃতদেহ। ইয়াৰ ভিতৰত আছে এলিজাবেথ কিছ। এই দুৰ্ঘটনাটো কেনেকৈ সংঘটিত হ’ল আৰু কাৰ দোষ আছিল সেই লৈ এতিয়া বিতৰ্ক চলিছে। কিন্তু কিজ পৰিয়ালে এতিয়া বিমান দুৰ্ঘটনাত নিজৰ সন্তানক হেৰুৱাই শোক প্ৰকাশ কৰিছে।
Union budget 2025: মোদী চৰকাৰৰ তৃতীয়টো কাৰ্যকালৰ প্ৰথমখন বাজেট
মোডী চৰকাৰৰ তৃতীয় কাৰ্যকালৰ প্ৰথম খন সম্পূৰ্ণ বাজেট। আজি নিৰ্মলা সীতাৰমণে দাখিল কৰিব কেন্দ্ৰীয় বাজেট। ইতিমধ্যে সংসদত উপস্থিত বিত্তমন্ত্ৰী। ৰাষ্ট্ৰপতি দ্ৰৌপদী মুৰ্মুক সাক্ষাৎ কৰি সংসদত উপস্থিত হয় বিত্তমন্ত্ৰী নিৰ্মলা সীতাৰমণ। কিছু মুহূৰ্তৰ পিছত তেওঁ লোকসভাত দাখিল কৰিব কেন্দ্ৰীয় বাজেট।(Union budget 2025)
বাজেট উপস্থাপনৰ তুলনাত কিছু পূৰ্বে বৃদ্ধি পাইছে প্ৰতিৰক্ষা ষ্টকৰ মূল্য- বিত্তমন্ত্ৰী নিৰ্মলা সীতাৰমণে বাজেট দাখিল কৰাৰ পূৰ্বে প্ৰতিৰক্ষা ষ্টকৰ মূল্য যথেষ্ট বৃদ্ধি পায়। চেন্সেক্স, নিফটি ১ শতাংশতকৈ অধিক বৃদ্ধি পাইছে।
৩১ জানুৱাৰী, ২০২৫ঃ assam cabinet । অসম কেবিনেটৰ বৈঠক অসম চৰকাৰৰ লোকসেৱা ভবনত অনুষ্ঠিত হয় । বৈঠকৰ অন্তত মুখ্যমন্ত্ৰী ড০ হিমন্ত বিশ্ব শৰ্মাই সংবাদমেল সম্বোধন কৰে । মুখ্যমন্ত্ৰীয়ে ঘোষণা কৰে যে, এতিয়াৰে পৰা ৰাজ্য চৰকাৰৰ অধীনস্থ চৰকাৰী কৰ্মচাৰীয়ে “আপোন ঘৰ আঁচনি”ৰ জৰিয়তে ৩০ লাখ টকাৰ ঋণ ল’ব পাৰিব।
পূৰ্বৰ নিয়ম অনুসৰি, চৰকাৰী কৰ্মচাৰীয়ে Home Loanৰ বাবদ মাত্ৰ ১৫ লাখ টকাৰ ঋণৰ সুবিধা লাভ কৰিছিল। কিন্তু, আজি অনুষ্ঠিত কেবিনেট বৈঠকৰ ফলত এই ঋণৰ পৰিমাণ ৩০ লাখ টকাৰ পৰ্যন্ত বৃদ্ধি কৰা হৈছে। এই পদক্ষেপৰ জৰিয়তে ৰাজ্যৰ ৩৭,২২৭ গৰাকী চৰকাৰী কৰ্মচাৰীৰ বাবে বৃহৎ সুবিধা ৰাইজৰ বাবে উপলব্ধ কৰা হৈছে।
মুখ্যমন্ত্ৰীয়ে এই সিদ্ধান্তটোক কৰ্মচাৰীৰ আৰ্থিক সুৰক্ষা আৰু বসবাসৰ সুবিধাৰ বাবে এক মহৎ পদক্ষেপ হিচাপে বৰ্ণনা কৰে। তেওঁ লগতে উল্লেখ কৰে যে এই নতুন ব্যৱস্থা চৰকাৰী কৰ্মচাৰীক নিজস্ব ঘৰ নিৰ্মাণৰ বাবে অধিক আৰ্থিক সহায় আগবঢ়াই তুলিব।
এই সিদ্ধান্তৰ ফলে অসমৰ চৰকাৰী কৰ্মচাৰীৰ জীৱনযাত্রাৰ মান উন্নতি পাব, আৰু তেওঁলোকে অধিক সুৰক্ষিত পৰিৱেশত নিজৰ ঘৰ নিৰ্মাণৰ সুযোগ লাভ কৰিব।
৩১ জানুৱাৰী, ২০২৫ঃ Dibrugarh । পবিত্ৰ মে-ডাম-মে-ফী উপলক্ষে সমগ্ৰ ৰাজ্যৰ লগতে ডিব্ৰুগড়তো দিনযোৰা কাৰ্যসূচীৰে উপৰিপুৰুষ সকলক সোঁৱৰণ কৰি ঐতিহ্যবাহী কাৰ্যসূচী উদযাপন কৰা হয়। ডিব্ৰুগড়ৰ টাই ভাষা আৰু কৃষ্টি-সংস্কৃতিৰ অন্যতম কেন্দ্ৰ টাই শিক্ষা আৰু সাংস্কৃতিক কেন্দ্ৰৰ উদ্যোগত প্ৰতিবছৰৰ দৰে এইবাৰো মে-ডাম-মে-ফী উৎসৱৰ আয়োজন কৰা হয়।
অনুষ্ঠানৰ আৰম্ভণিতে ড্ৰেগন অংকনে সোণালী পতাকা উত্তোলন কৰে। তাৰ পাছতে মুলুং নৱ ফুকনৰ পৰিচালনাত মাঙ্গলিক অনুষ্ঠান সম্পন্ন হয়। দিনটোৰ মূল কাৰ্যসূচীৰ অংশস্বৰূপে আহোম সভাৰ সম্পাদক দিগন্ত ফুকনে আঁত ধৰা মুকলি সভাত বিশিষ্ট চিকিৎসক গৌৰশংকৰ বৰগোহাঁইয়ে “লিট মাইহাং” নামৰ এক স্মৃতিগ্ৰন্থ উন্মোচন কৰে, যি ইন্দ্ৰ গগৈৰ সম্পাদনাত প্ৰকাশিত।
উক্ত সভাত উপস্থিত থাকে মুখ্যমন্ত্ৰী সচিবালয়ৰ অতিৰিক্ত মুখ্য সচিব বিশ্বজিৎ ফুকন, অসম পৰ্যটন উন্নয়ন নিগমৰ অধ্যক্ষ ঋতুপৰ্ণ বৰুৱা, ডিব্ৰুগড় সাহিত্য সভাৰ সভাপতি, মুম্বাইৰ অসম ভৱনৰ ত্ৰিনয়ন সন্দিকৈ, টাই শিক্ষা আৰু সাংস্কৃতিক কেন্দ্ৰৰ সভাপতি হেমকান্ত দিহিঙ্গীয়া, সম্পাদক দুৰ্লভ গগৈ, আহোম সভাৰ ডিব্ৰুগড় জিলা সভাপতি ৰঞ্জিত বৰুৱা আৰু অন্য বহু বিশিষ্ট ব্যক্তি।
৩১, জানুৱাৰী, ২০২৫ঃ Ashok Singhal । ৰাজ্যৰ চৰকাৰী চিকিৎসালয়সমূহত ৰোগীৰ সুবিধাৰ্থে নতুন নিৰ্দেশনা জাৰি কৰিছে ৰাজ্যৰ স্বাস্থ্য মন্ত্ৰী। এই নির্দেশনা অনুসৰি, চিকিৎসালয়ত উপলব্ধ নথকা ঔষধ চিকিৎসকৰ প্ৰেছক্ৰিপচনত লিখিবলৈ নিষেধ কৰা হৈছে। যদি কোনো চিকিৎসকে এই নিয়ম উলংঘা কৰে, তেওঁলোকৰ বিৰুদ্ধে কঠোৰ ব্যৱস্থা গ্ৰহণ কৰা হ’ব।
স্বাস্থ্য মন্ত্ৰীয়ে উল্লেখ কৰিছে যে চৰকাৰী চিকিৎসালয়ত দৰৱৰ যোগান নিশ্চিত কৰাৰ বাবে চৰকাৰে বিশেষ পদক্ষেপ গ্ৰহণ কৰিছে। তথাপি, যদি কোনো ৰোগীক দৰৱ লাভ কৰাত অসুবিধা হয় বা কোনো চিকিৎসকে নিয়মভংগ কৰে, তেন্তে ভুক্তভোগীয়ে অভিযোগ দাখিল কৰিব পাৰে। অভিযোগৰ বাবে বিশেষ নম্বৰ 98645-41430 সক্ৰিয় কৰা হৈছে।
এই ব্যৱস্থা ৰোগীৰ সুৰক্ষা আৰু চিকিৎসা সেবাৰ গুণগত মান বৃদ্ধি কৰিবলৈ গ্ৰহণ কৰা হৈছে। চিকিৎসালয়সমূহত এই নতুন নিয়ম কঠোৰভাৱে মানি চলাৰ নিৰ্দেশ দিয়া হৈছে।
