১৬ জানুৱাৰী, ২০২৫ঃ Rajiv Sadia । অসমৰ এগৰাকী জনপ্ৰিয় কণ্ঠ শিল্পী ৰাজীৱ শদিয়াৰ অকাল মৃত্যুক কেন্দ্ৰ কৰি আজি সন্ধিয়া বিলাসীপাৰা চহৰৰ গান্ধীচকত শ্ৰদ্ধাঞ্জলি জনোৱা হয় ।
ধুবুৰী জিলা ছাত্ৰ-মুক্তি সংগ্ৰাম সমিতিৰ উদ্যোগত অনুষ্ঠিত শ্ৰদ্ধাঞ্জলি অনুষ্ঠানটোত বন্তি প্ৰজ্বলন কৰি একমিনিট সময় মৌনব্ৰত পালন কৰি শিল্পীজনাৰ আত্মাৰ চিৰ শান্তি কামনা কৰা হয়।
আৰু লগতে উপস্থিত থাকে ছাত্ৰ-মুক্তি সংগ্ৰাম সমিতিৰ কৰ্মকৰ্তাসকলে।
মৰিগাঁৱতত পোন প্ৰথমবাৰৰ বাবে আজি অনুষ্ঠিত হয় কেবিনেট বৈঠক। বৈঠকত উপস্থিত মুখ্যমন্ত্ৰী ড০ হিমন্ত বিশ্ব শৰ্মাৰ লগতে বহুকেইজন মন্ত্ৰী।(Assam Cabinet) কেবিনেট বৈঠকত মুখ্যমন্ত্ৰী ড০ হিমন্ত বিশ্ব শৰ্মাৰ উপস্থিতিত হোৱা লগে লগে মন্ত্ৰী হিমন্ত বিশ্ব শৰ্মাক উষ্ম আদৰণি জনাই বি জে পি দলৰ বিষয়ববীয়া সকলৰ সমান্তৰালকৈ বিভিন্ন প্ৰান্তৰ পৰা অহা বিভিন্ন সংগঠনৰ লগতে বিভিন্ন বিভিন্নজন লোকে। কেবিনেট বৈঠকৰ প্ৰাকক্ষণত মৰিগাঁও আবৰ্ত্ত ভৱনত বিভিন্ন লোকৰ সৈতে মত বিনিময় কৰে মুখ্যমন্ত্ৰীগৰাকীয়ে । মৰিগাঁৱত অনুষ্ঠিত ৰাজ্যিক কেবিনেট বৈঠকত বহু গুৰুত্বপূৰ্ণ সিদ্ধান্ত গ্ৰহণ কৰা হয়। সিদ্ধান্ত সমূহ হৈছে-
মুখ্যমন্ত্ৰীৰ আত্মনিৰ্ভৰ আঁচনিত পুনৰ অনুমোদন ৭৫ হাজাৰ কোটি টকা অনুমোদন।
চৰকাৰৰ BTC চৰকাৰৰ বার্ষিক বাজেটলৈ ৪০০ কোটি টকাৰ অনুমোদন।
২৭ লাখ মহিলাই পাব মহিলা উদ্যমীতা আঁচনিৰ সুবিধা।
মন্ত্ৰী-বিধায়কৰ আত্মীয় নাপাব আঁচনিৰ সুবিধা।
বালিমুখীৰ পৰা শিলগুটি পথলৈ ৭০লাখ টকা অনুমোদন।
মৰিগাঁও নগৰৰ নলা নিষ্কাষণৰ বাবে ৫৫কোটি টকা অনুমোদন।
জোনবিল মেলাৰ মঞ্চ নিৰ্মাণৰ বাবে ৫ কোটি টকা অনুমোদন।
ইলাৰাম দাস আতাৰ নামত নিৰ্মাণ হ’ব প্রেক্ষাগৃহ।
মৰিগাঁৱৰ আৰ্থ সামাজিক উন্নয়নৰ বাবে ২৭০ কোটি টকাৰ পেকেজ এহাজাৰ বিঘা ভূমিত নিৰ্মাণ হ’ব আৰু এটা প্ৰকল্প।
মৰিগাঁৱৰ আৱৰ্ত ভৱনৰ বাবে ১৫ কোটি টকা অনুমোদন।
মৰিগাঁৱত প্ৰেক্ষাগৃহৰ বাবে ২০ কোটি টকা অনুমোদন।
কেইবাখনো পুৰণি শিক্ষানুষ্ঠানৰ বাবে ৮কোটি টকাকৈ ধার্য।
বহুকেইখন কলেজলৈ ৫ কোটি টকাকৈ আৱণ্টন।
সনাতন ধৰ্মত মাঘ মাহৰ বিশেষ ধৰ্মীয় তাৎপৰ্য আছে। মাঘ মাহত পবিত্ৰ নদীৰ পাৰত জপ, পূজা কৰি আশীৰ্বাদ লাভ কৰে।(Magh Month) হিন্দু পঞ্জিকা অনুসৰি ১৪ জানুৱাৰীৰ পৰা আৰম্ভ হোৱা মাঘ মাহ ২০২৫ চনৰ ১২ ফেব্ৰুৱাৰীত শেষ হ’ব।
মাঘ মাহত বিষ্ণু ভগৱানক পূজা কৰিলে সকলো কামনা পূৰণ হয়। পদ্মপুৰাণৰ মতে তিলৰ উৎপত্তি ভগৱান বিষ্ণুৰ পৰাই হৈছে, সেয়েহে তেওঁ তিলক আশীৰ্বাদ দি মোক্ষ প্ৰদান কৰিছিল। এই মাহত ভগৱান বিষ্ণুৰ ওচৰত তিল অৰ্পণ কৰি ব্যক্তিয়ে মোক্ষ লাভ কৰে।
মাঘ মাহত বিশেষকৈ একাদশীৰ দিনা ক’লা তিল দান কৰা ভক্তসকলে মৃত্যুৰ পিছত বৈকুণ্ঠ সুখেৰে জীয়াই থকাৰ সৌভাগ্য লাভ কৰে।
মাঘৰ অমৱস্যাৰ দিনা স্নান কৰি পূৰ্বপুৰুষক পানী আগবঢ়াওক। লগতে ক’লা তিল ব্যৱহাৰ কৰাটো শুভ বুলি গণ্য কৰা হয়। ক’লা তিলক মুক্তিদায়ক বুলি ধৰা হয়। ইয়াৰ দ্বাৰা পূৰ্বপুৰুষসকল সন্তুষ্ট হয় আৰু তেওঁলোকে পৰিয়ালটোক সুখ আৰু সমৃদ্ধিৰ আশীৰ্বাদ দিয়ে।
যদি কাৰোবাৰ ৰাশিফলত শনি দোষ আছে তেন্তে শনিবাৰে ক’লা তিল দান কৰক। মাঘ মাহত সূৰ্য্য ঈশ্বৰ শনিৰ ৰাশি মকৰ ৰাশিত থাকে। শনিয়ে পিতৃ সূৰ্যক ক’লা তিল উপহাৰ দিছিল বুলি ধৰ্মীয় বিশ্বাস আছে, যাৰ বাবে তেওঁক সুখী কৰি তুলিছিল। গতিকে তিল দান কৰি ৰাশিফলত শনি আৰু সূৰ্য্যৰ অৱস্থান উন্নত হয়।
একাদশীৰ দিনা ক’লা তিল দান কৰিলে ঘৰত সুখ, সমৃদ্ধি, ধন-সম্পত্তি আৰু ভৱিষ্যৎ বৃদ্ধি পায়। তিল দান কৰিলে মানুহৰ জীৱনত আশীৰ্বাদ পোৱাই নহয় জীৱনত ইতিবাচক শক্তি আৰু সুখো কঢ়িয়াই আনে।
বলীউডৰ অভিনেতা ছেইফ আলী খানৰ ঘৰত চুৰি কৰিবলৈ গৈ অচিনাকি লোকে তেওঁক দাৰে আক্ৰমণ কৰিছিল, যাৰ ফলত আঘাতপ্ৰাপ্ত হয় অভিনেতাগৰাকী।(Celebrities Attacked) ইয়াৰ পিছত লগে লগে তেওঁক লীলাৱতী চিকিৎসালয়লৈ লৈ যোৱা হয়। য’ত তেওঁ চিকিৎসাধীন হৈ আছে। কিন্তু বলীউডৰ এজন চেলিব্ৰিটিক আক্ৰমণ কৰা এয়াই প্ৰথম নহয়। ইয়াৰ পূৰ্বেও ছলমান খান, প্ৰীতি জিণ্টাকে ধৰি বহু চেলিব্ৰিটি আক্ৰমণৰ বলি হৈছে।
এই তালিকাত প্ৰথম নাম গুলচন কুমাৰ, যাক সংগীত জগতৰ ভগৱান বুলিও গণ্য কৰা হয়। তেওঁ ভক্তিমূলক গীতেৰে দৰ্শকৰ হৃদয় জয় কৰিছিল। ১৯৯৭ চনত মুম্বাইৰ আন্ধেৰীৰ মন্দিৰৰ বাহিৰত টি ছিৰিজৰ প্ৰতিষ্ঠাপক গুলচন কুমাৰক গুলীয়াই হত্যা কৰাৰ ফলত সংগীত জগতখনৰ ডাঙৰ ক্ষতিৰ সন্মুখীন হয়।
ছেইফ আলী খানৰ ওপৰত আক্ৰমণৰ খবৰ এতিয়া শিৰোনামত। বৃহস্পতিবাৰে গভীৰ নিশা অচিনাকি লোকে তেওঁৰ ঘৰত সোমাই দাৰে আক্ৰমণ কৰে, তাৰ পিছত লগে লগে তেওঁক লীলাৱতী চিকিৎসালয়ত ভৰ্তি কৰা হয়। য’ত তেওঁৰ অস্ত্ৰোপচাৰ কৰা হয় আৰু বৰ্তমান তেওঁ চিকিৎসাধীন হৈ আছে। ইয়াৰ বাহিৰেও আৰক্ষীয়ে গ্ৰেপ্তাৰ কৰিছে একাংশ লোকক। ফৰেনছিক দলটোও তেওঁৰ ঘৰত উপস্থিত হৈ সকলো প্ৰমাণ সংগ্ৰহত ব্যস্ত।
প্ৰীতি জিণ্টাৰ নামো এই তালিকাত অন্তৰ্ভুক্ত কৰা হৈছে। ২০০১ চনত চৰী চৰী চুপকে চুপকে ছবিখনৰ আইনী গোচৰৰ সময়ত তেওঁ বলীউডত পাতালৰ ধনৰ লেনদেনৰ বিষয়ে সাক্ষ্য দিছিল। তেওঁ কৈছিল যে তেওঁক ৫০ লাখ টকা দিয়াৰ ভাবুকি দিয়া হৈছিল।
ইয়াৰ উপৰিও হৃতিক ৰোশনৰ পিতৃ তথা হিন্দী চিনেমাৰ প্ৰবীণ অভিনেতা তথা চলচ্চিত্ৰ নিৰ্মাতা ৰাকেশ ৰোশনৰ নামো এই তালিকাত আছে। ২০০০ চনৰ জানুৱাৰী মাহত মুম্বাইৰ ছান্টাক্ৰুজ অঞ্চলত থকা তেওঁৰ কাৰ্যালয়ৰ ওচৰত দুজন আক্ৰমণকাৰীয়ে তেওঁক আক্ৰমণ কৰে।
এই তালিকাত ছলমান খানৰ নামো আছে। বলীউডৰ দাবাং খানে বহুবাৰ মৃত্যুৰ ভাবুকি লাভ কৰিছে। বিশেষকৈ ১৯৯৮ চনৰ ক’লা হৰিণ চোৰাং চিকাৰৰ গোচৰত ছলমানৰ জড়িত থকাৰ প্ৰতিশোধ লোৱাৰ ভাবুকি পাইছ্ল গেংষ্টাৰ লৰেন্স বিষ্ণোইৰ পৰা। ২০২৪ চনত ছলমানৰ ঘৰৰ বাহিৰত গুলীচালনা হোৱাৰ পিছত বিষয়টো আৰু অধিক তীব্ৰতৰ হৈ পৰে, তাৰ পিছত তেওঁৰ নিৰাপত্তা Y+ স্তৰলৈ বৃদ্ধি কৰা হয়।
বলীউডৰ কিং বুলি অভিহিত ছুপাৰষ্টাৰ শ্বাহৰুখ খানৰ নামো এই তালিকাত অন্তৰ্ভুক্ত কৰা হৈছে। যোৱা বছৰ তেওঁক মৃত্যুৰ ভাবুকি দিয়া হৈছিল। ইয়াৰ বাহিৰেও তেওঁ বহুবাৰ মুম্বাইৰ আণ্ডাৰৱৰ্ল্ডৰ পৰা ভাবুকি লাভ কৰিছে। নব্বৈৰ দশকত গেংষ্টাৰ আবু চেলেমৰ পৰা বাৰে বাৰে ভাবুকি লাভ কৰিছিল।২০২৩ চনত মহাৰাষ্ট্ৰ চৰকাৰে শ্বাহৰুখ খানক Y+ নিৰাপত্তা দিছিল যাতে তেওঁ এই ভাবুকিৰ পৰা বচাব পাৰে।
মুম্বাই আৰক্ষীয়ে ছেইফৰ ঘৰত কৰ্মৰত তিনিজন লোকক আটক কৰে। তিনিওজনকে থানালৈ লৈ গৈছে, বৰ্তমান তেওঁলোকক জেৰা অব্যাহত ৰখা হৈছে।(Saif Ali Khan)
বিখ্যাত পাটৌদি পৰিয়ালৰ মালিক তথা বলীউডৰ অভিনেতা ছেইফ আলী খানক কৰা আক্ৰমণত সকলো আচৰিত হৈছে। বৃহস্পতিবাৰে পুৱাৰ ভাগত মুম্বাইৰ বান্দ্ৰাত ছেইফ আলী খানৰ ঘৰত আক্ৰমণ সংঘটিত হয়। জানিব পৰা মতে, অভিযুক্তই চুৰিৰ উদ্দেশ্যেৰে তেওঁৰ ঘৰলৈ আহি ছেইফক দাৰে আক্ৰমণ কৰে। এই গোচৰত আৰক্ষীয়ে এফআইআৰ ৰুজু কৰি তদন্ত আৰম্ভ কৰিছে। চাৰিওফালৰ চিচিটিভি কেমেৰা স্কেন কৰা হৈছে। অভিযুক্তক ধৰিবলৈ ৭টা আৰক্ষীৰ দল গঠন কৰা হৈছে। এই সকলোবোৰৰ মাজতে আৰক্ষীয়ে ৩ জন লোকক গ্ৰেপ্তাৰ কৰিছে।
মুম্বাই আৰক্ষীয়ে ছেইফৰ ঘৰত কৰ্মৰত তিনিজন লোকক আটক কৰিছে। তিনিওজনকে থানালৈ লৈ গৈছে, তেওঁলোকক জেৰা অব্যাহত ৰখা হৈছে। এই ৩ জন লোকে ছেইফৰ ঘৰত কাম কৰে। ইয়াৰ লগতে ছেইফ আলী খানৰ ঘৰ আৰু ইয়াৰ আশে-পাশে থকা অঞ্চলৰ চিচিটিভি ফুটেজ স্কেন কৰা হৈছে।
ইফালে, ছেইফ আলী খানৰ ঘৰৰ চিচিটিভি কেমেৰাত আক্ৰমণৰ দুঘণ্টা পূৰ্বে চৌহদত প্ৰৱেশ কৰা কোনো লোকক ধৰা নপৰা বুলিও জনোৱা হৈছে। ইয়াৰ অৰ্থ এইটোও হ’ব পাৰে যে যিয়েই ছেইফক আক্ৰমণ কৰিছিল তেওঁ হয়টো কেমেৰাৰ পৰা লুকাই থকা অট্টালিকাটোত প্ৰৱেশ কৰিছিল নহয় আগতে প্ৰৱেশ কৰিছিল আৰু আক্ৰমণ কৰিবলৈ অপেক্ষা কৰি আছিল। বৰ্তমান আৰক্ষীয়ে চিচিটিভিৰ ফুটেজ স্কেন কৰি আক্ৰমণকাৰীক চিনাক্ত কৰিবলৈ চেষ্টা কৰিছে।
আনহাতে, বৰ্তমান ছেইফ মুম্বাইৰ লীলাৱতী হাস্পতালত চিকিৎসাধীন হৈ আছে। লীলাৱতী হাস্পতালৰ চিকিৎসকগৰাকীয়ে কয় যে অভিনেতাজনক ছয়বাৰকৈ ছুৰীৰে আঘাত কৰা হৈছে, ইয়াৰে দুটা ঘাঁ গভীৰ। লীলাৱতী হাস্পতালৰ মুখ্য কাৰ্যবাহী বিষয়া ডাঃ নীৰজ উৎমানীয়ে কয় যে ছৈফৰ ছটা ঘাঁ হৈছে, ইয়াৰে দুটা দ’।
মৰিগাঁৱত পোন প্ৰথমবাৰৰ বাবে অনুষ্ঠিত কেবিনেট বৈঠকত বৈঠক উপস্থিত মুখ্যমন্ত্ৰী ড০ হিমন্তবিশ্ব শৰ্মাৰ লগতে বহুকেইজনো মন্ত্ৰী।(Cabinet) মৰিগাঁৱত পোন প্ৰথমবাৰৰ বাবে অনুষ্ঠিত হোৱা কেবিনেট বৈঠকত মুখ্যমন্ত্ৰী ড০ হিমন্ত বিশ্ব শৰ্মাৰ উপস্থিতিত হোৱা লগে লগে মন্ত্ৰীক হিমন্ত বিশ্ব শৰ্মাক উষ্ম আদৰণি জনাই বি জে পি দলৰ বিষয়ববীয়া সকলৰ সমান্তৰালকৈ বিভিন্ন প্ৰান্তৰ পৰা অহা বিভিন্ন সংগঠনৰ লগতে বিভিন্ন বিভিন্নজন লোকে।
ক্ষন্তেক পিছতে অনুষ্ঠিত হ’ব কেবিনেট বৈঠকত আৰু কেবিনেট বৈঠকৰ প্ৰাকক্ষণত মৰিগাঁও আৱৰ্ত্ত ভৱনত বিভিন্ন জন লোকৰ সৈতে মত বিনিময় কৰে।
মুখ্যমন্ত্ৰীৰ অধ্যক্ষতাত জিলা আয়ুক্তৰ কাৰ্যালয়ত হ’ব কেবিনেট। কেবিনেটত লোৱা হ’ব মৰিগাঁও জিলা উন্নয়নৰ বাবে কেইবাটাও সিদ্ধান্ত। বৈঠকৰ পাছতে জোনবিল মেলাত উপস্থিত হ’ব মুখ্যমন্ত্ৰী হিমন্ত বিশ্ব শৰ্মা।
চিংফৌ ৰজা বিচা নং চিংফৌৰ দেহাৱসান। উত্তৰ -পূবৰ এটি চিনাকী নাম চিংফৌ ৰজা বিচা নং চিংফৌৰ দেহাৱসান বাৰ্ধক্যজনিত ৰোগত(Chingfou King) আক্ৰান্ত হৈ তিনিচুকীয়া জিলাৰ লিডুৰ ঐতিহ্যমণ্ডিত নিজা বাসগৃহ বিচাগাৱঁত চিকিৎসাধীন আছিল তেওঁ।
চিংফৌ সমাজৰ লগতে সমাজজীৱনলৈ বিশিষ্ট বৰঙণি আগবঢ়াই যোৱা বিচাৰজা খ্যাত চিংফৌৰ মৃত্যুত শোকৰ ছাঁ পৰিছে। উত্তৰ পূববাসীৰ এটা পৰিচিত নাম। নামেই তেওঁৰ পৰিচয়। বংশানুক্ৰমে তেওঁ বিছা ৰজা।
লিডুৰ ঐতিহ্নমণ্ডিত বিচাগাৱঁৰ নিবাসী বিচা নং চিংফৌৰ ৭৬ বছৰ বয়সত কালি নিশা দেহাৱসান ঘটে। বাৰ্ধক্যজনিত ৰোগত আক্ৰান্ত হৈ ঘৰতে চিকিৎসাধীন হৈ আছিল তেওঁ।
শীতকালত গৰম চাহ খাই সকলোৱে ভাল পায়? কিন্তু আপুনি জানেনে যে গাখীৰৰ চাহ স্বাস্থ্যৰ বাবে অতি ক্ষতিকাৰক। আহক আমি জানো যে সেই বস্তুটো কি যিটো চাহত যোগ কৰিলে বিষাক্ত হৈ পৰে!(Tea)
প্ৰায় সকলোৱেই ঠাণ্ডা বতৰত গৰম চাহ খাই ভাল পায়। কিন্তু জানেনে, গাখীৰৰ চাহ স্বাস্থ্যৰ বাবে বিপদজনক।
বনৌষধি চাহ স্বাস্থ্যৰ বাবে ভাল বুলি গণ্য কৰা হয় যদিও গাখীৰৰ চাহ স্বাস্থ্যৰ বাবে বিপদজনক। আচলতে গাখীৰৰ চাহত চেনি থাকে যিয়ে স্বাস্থ্যৰ ক্ষতি কৰিব পাৰে। চাহত চেনি যোগ কৰিলে স্বাস্থ্যৰ বাবে অতি ক্ষতিকাৰক হ’ব পাৰে।
চাহত গাখীৰ আৰু চেনি যোগ কৰিলে ইয়াৰ সোৱাদ বৃদ্ধি পায় যদিও ই পাচনতন্ত্ৰৰ বাবে ক্ষতিকাৰক। গাখীৰৰ চাহ অতিৰিক্ত পৰিমাণে খোৱাৰ বাবে বদহজম হ’ব পাৰে।
ভাৰতীয় মানুহৰ ৰাতিপুৱা চাহৰ পৰা আৰম্ভ হয়। বেছিভাগ মানুহেই ৰাতিপুৱা খালী পেটত গাখীৰৰ চাহ খাই। খালী পেটত গাখীৰৰ চাহ খালে ডায়েবেটিছৰ সম্ভাৱনা বৃদ্ধি পায়।
দিনত বেছিকৈ চাহ খালে শৰীৰত কেলচিয়ামৰ অভাৱ হ’ব পাৰে। ইয়াৰ উপৰিও বেছিকৈ চাহ খালে লিভাৰৰ ক্ষতিও হ’ব পাৰে।
বহুধাবিভক্ত শক্তিসমূহক একত্ৰিত কৰি ৰাইজে পৰিকল্পিতভাৱে অসম সাহিত্য সভাক আগুৱাই নিব লাগিব। সাম্প্ৰতিক সময়ত সভাৰ শক্তি একত্ৰিত কৰাৰ প্ৰয়োজন অধিক আহি পৰিছে।(Asam Sahitya Sabha) গুণীয়েহে গুণৰ মূল বুজে। য’তেই সন্মান সংপৃক্ত হয়, তাতেই গুণীসমাজ একত্ৰিত হয়। অসম সাহিত্য সভাৰ সপ্তসপ্ততিতম পাঠশালা অধিৱেশন ২০২৫ৰ প্ৰস্তুতিৰ বুজ ল’বলৈ আহি অসম সাহিত্য সভাৰ নৱনিৰ্বাচিত প্ৰধান সম্পাদক দেৱজিৎ বৰাই আজি এইদৰে কয়।
বুধবাৰে পাঠশালা সাহিত্য সভা ভৱনত আদৰণী সমিতিৰ সভাপতি তথা অসম চৰকাৰৰ কেবিনেট মন্ত্ৰী ৰঞ্জিত কুমাৰ দাসৰ পৌৰোহিত্যত অনুষ্ঠিত আড়ম্বপূৰ্ণ সম্বৰ্ধনা অনুষ্ঠানত অসম সাহিত্য সভাৰ নৱনিৰ্বাচিত প্ৰধান সম্পাদক দেৱজিৎ বৰাক বৰপেটা জিলা, বাক্সা জিলা, নলবাৰী জিলা, কামৰূপ জিলা, বজালী জিলা সাহিত্য সভাৰ অন্তৰ্গত শাখা সাহিত্য সভাসমূহে বিপুল সম্বৰ্ধনা জ্ঞাপন কৰে। ইয়াৰ উপৰিও অসম জাতীয়তাবাদী যুৱ ছাত্ৰ পৰিষদৰ বজালী জিলা সমিতি, বজালী প্ৰেছ ক্লাব, আদিকে ধৰি শতাধিক সংগঠনে আদৰণী জনায়।
আদৰণী সমিতিৰ সম্পাদক অতুল কলিতাই আঁত ধৰা সম্বৰ্ধনা সভাখনত অসম সাহিত্য সভাৰ সপ্তসপ্ততিতম পাঠশালা অধিৱেশনৰ আদৰণী সমিতিৰ তৰফৰ পৰা সভাপতি তথা জ্যেষ্ঠ মন্ত্ৰী ৰঞ্জিত কুমাৰ দাসে প্ৰধান সম্পাদকগৰাকীক শৰাই আৰু গামোচাৰে সম্বৰ্ধনা জ্ঞাপন কৰি কয় যে অধিৱেশনখনি সাফল্যমণ্ডিত কৰাৰ বাবে দেৱজিৎ বৰাই আমাক ফেণ্ড ফিল’চফাৰ এণ্ড গাইডৰ ভূমিকাৰে সভাৰ সাংগঠনিক দিশ শক্তিশালী কৰিব লাগিব; প্ৰয়োজনত কন্টকময় পথেৰেও অগ্ৰসৰ হʼব লাগিব।
উক্ত সভাখনত অসম সাহিত্য সভাৰ জালাহ আঞ্চলিক কাৰ্যালয়ৰ সম্পাদক বদ্ৰী গুৰাগাড়ি, সাংগঠনিক সম্পাদক নয়নমণি চৌধুৰী, অসম সাহিত্য সভাৰ কুঁহি উপসমিতিৰ আহ্বায়ক শংকুসিদ্ধ নাথ, অসম সাহিত্য সভাৰ প্ৰাক্তন জিলা প্ৰতিনিধি কন্দৰ্প কুমাৰ শৰ্মা, অসম সাহিত্য সভাৰ ভূপেন হাজৰিকা সাংস্কৃতিক প্ৰকল্পৰ কাৰ্যকৰী সভাপতি ড° ৰবীন দাস, কামৰূপ মহানগৰ জিলা সাহিত্য সভাৰ সম্পাদক দীপাংকৰ ৰায়মেধি, প্ৰতিষ্ঠাপক সম্পাদক ডিম্বেশ্বৰ পাঠক প্ৰমুখ্যে বহু সংখ্যক বিষয়ববীয়া উপস্থিত থাকি সহযোগিতা আগবঢ়ায়।
বলীউডৰ অভিনেতা ছেইফ আলী খানক আক্ৰমণ।(Saif Ali Khan) বৃহস্পতিবাৰে গভীৰ নিশা সংঘটিত হয় এই ঘটনা। মুম্বাইৰ বান্দ্ৰাত থকা তেওঁৰ বাসগৃহত অচিনাকি ব্যক্তিয়ে দাৰে আক্ৰমণ কৰে। বৃহস্পতিবাৰে গভীৰ নিশা এজন লোকে চুৰ কৰা উদ্দেশ্যেৰে তেওঁৰ ঘৰত প্ৰৱেশ কৰি চোকা অস্ত্ৰৰে ছেইফক আক্ৰমণ কৰে। এই আক্ৰমণৰ পিছত ছেইফ আলী খানক মুম্বাইৰ লীলাৱতী হাস্পতালত ভৰ্তি কৰোৱা হয় আৰু তাতেই তেওঁ চিকিৎসাধীন হৈ আছে। চিকিৎসকে তেওঁৰ অৱস্থা বৰ্তমান সুস্থ বুলি অভিহিত কৰিছে। এই গোচৰত আৰক্ষীয়ে এফআইআৰ ৰুজু কৰি তদন্ত আৰম্ভ কৰিছে।
তথ্য অনুসৰি, নিশা প্ৰায় ২:৩০ বজাৰ পৰাই এই ঘটনা সংঘটিত হয়। ছেইফে চুৰক ধৰিবলৈ চেষ্টা কৰিছিল, তাৰ পিছত ছেইফে তেওঁক আক্ৰমণ কৰে। তেওঁ ছেইফক ২-৩ বাৰ ছুৰীৰে আঘাত কৰিছিল যদিও লগে লগে তেওঁ নিজকে ৰক্ষা কৰিছিল। ঘৰৰ ভিতৰতে গোটেই পৰিয়ালটো শুই থকাৰ সময়ত সংঘটিত হয় এই ঘটনা। ঘৰৰ সমীপত স্থাপন কৰা চিচিটিভি কেমেৰাৰ পৰা সূত্ৰ পোৱাৰ আশাবাদী আৰক্ষী।
ঘটনাৰ সময়ত ঘৰটোত উপস্থিত আছিল ছেইফ আলী খানৰ পত্নী কৰীনা কাপুৰ আৰু তেওঁলোকৰ সন্তান টাইমুৰ আৰু জেহ। সকলো শুই আছিল। পৰিয়ালৰ আন সদস্যসকল সম্পূৰ্ণ সুৰক্ষিত। বৰ্তমান এই ঘটনা সন্দৰ্ভত কোনো আনুষ্ঠানিক বিবৃতি দিয়া নাই ছেইফৰ পৰিয়ালে। কিন্তু এই আক্ৰমণৰ বাবে গোটেই পৰিয়ালটো গভীৰ শোকত ভাগি পৰিছে। আৰক্ষীয়ে অঞ্চলটোত নিৰাপত্তা কটকটীয়া কৰি অভিযুক্তৰ সন্ধান আৰম্ভ কৰিছে।
মুম্বাই আৰক্ষী জ’ন ৯ৰ ডিচিপি দীক্ষিত গেদামে নিজৰ বিবৃতিত কয় যে যোৱা নিশা এজন অচিনাকি ব্যক্তিয়ে অভিনেতা ছেইফ আলী খানৰ বাসগৃহত প্ৰৱেশ কৰি তেওঁৰ ঘৰৰ কাম কৰা মানুহৰ সৈতে কাজিয়া কৰিছিল। অভিনেতাজনে হস্তক্ষেপ কৰি মানুহজনক বুজাবলৈ চেষ্টা কৰাত অভিনেতাজন আৰু আক্ৰমণকাৰীৰ মাজত কাজিয়া আৰম্ভ হয়। তেতিয়াই ছেইফ আলী খানক আক্ৰমণ কৰে। এই সন্দৰ্ভত আৰক্ষীয়ে তদন্ত অব্যাহত ৰাখিছে।
