“ভাৰতৰ স্বাধীনতা আন্দোলন, ঢেকিয়াজুলি, চন্দ্ৰনাথ শৰ্মা আৰু সমসাময়িক সমাজ জীৱন” – শীৰ্ষক বক্তৃতানুষ্ঠান ।
আজি ৩০ নৱেম্বৰত শোণিতপুৰ জিলাৰ শ্বহীদ নগৰী ঢেকিয়াজুলিৰ লোকনায়ক অমিয় কুমাৰ দাস মহাবিদ্যালয়ৰ বেজবৰুৱা সন্মিলন কক্ষত এখনি ৰাষ্ট্ৰীয় আলোচনা চক্ৰ অনুষ্ঠিত হৈ যায়।
অসম সাহিত্য সভা আৰু লোকনায়ক অমিয় কুমাৰ দাস মহাবিদ্যালয়ৰ দ্বাৰা অনুষ্ঠিত উক্ত আলোচনা চক্ৰ খনিত সহযোগিতা আগবঢ়াইছিল শোণিতপুৰ জিলা সাহিত্য সভাই।
“ভাৰতৰ স্বাধীনতা আন্দোলন, ঢেকিয়াজুলি, চন্দ্ৰনাথ শৰ্মা আৰু সমসাময়িক সমাজ জীৱন” শীৰ্ষক আলোচনা চক্ৰৰ আৰম্ভণিতে কৰ্মবীৰ চন্দ্ৰনাথ শৰ্মাৰ প্ৰতিচ্ছবিৰ সন্মুখত বন্তি প্ৰজ্বলন কৰে মহাবিদ্যালয়ৰ পৰিচালনা সমিতিৰ সভাপতি যোগেন্দ্ৰ শইকীয়াই।
মহাবিদ্যালয়ৰ শিক্ষক-শিক্ষয়িত্ৰীৰ দ্বাৰা “চিৰ চেনেহী মোৰ ভাষা জননী” শীৰ্ষক গীতটী পৰিৱেশনৰ পিছতেই আৰম্ভ হয় প্ৰথম সত্ৰৰ মূল সভা।
ড° অৰিন্দম কুমাৰ ডেকাই আঁত ধৰা সভাখনত প্ৰথম সত্ৰৰ মূল সভাত বিশিষ্ট অতিথি সকলৰ আসন গ্ৰহণ আৰু সম্বৰ্দ্ধনাৰ জ্ঞাপনৰ পিছতেই উদ্বোধনী ভাষণ প্ৰদান কৰে মহাবিদ্যালয়ৰ অধ্যক্ষ ড°শুকদেৱ অধিকাৰীয়ে।
আদৰণি ভাষণ প্ৰদান কৰে মহাবিদ্যালয়ৰ অসমীয়া বিভাগৰ মুৰব্বী অধ্যাপক ড° হৰিপ্ৰসাদ বৰুৱাই।
আলোচনা চক্ৰ সন্দৰ্ভত অসম সাহিত্য সভাৰ বক্তব্য ৰাখে অসম সাহিত্য সভাৰ প্ৰধান সম্পাদক ড° উপেন্দ্ৰজিৎ শৰ্মাই।
ভাষণ প্ৰসঙ্গত উপেন্দ্ৰজিৎ শৰ্মাই কয় যে – কেতিয়াবা অসাহিত্যিকৰ হাততো মোৰ জাতিটো, মোৰ ভাষাটো সুৰক্ষিত হ’ব পাৰে আৰু কেতিয়াবা সাহিত্যকৰ হাতটো মোৰ জাতিটোৰ বিনাশ সাধন হ’ব পাৰে।
আনহাতে বীজ ভাষণ প্ৰদান কৰে কামৰূপ মহাবিদ্যালয়ৰ অধ্যাপক ড° কবিতা চৌধুৰীয়ে।
ইয়াৰ পিছতেই ড° তোলন মোছাহাৰী ৰচিত উপন্যাস ‘মনালিচা’ উন্মোচন কৰা হয়।
উন্মোচন কাৰ্যক্ৰমৰ সমাপনৰ পিছতেই ড° ডালিমা কাকতিয়ে শলাগৰ শৰাই জ্ঞাপনৰ লগে লগেই আৰম্ভ হয় দ্বিতীয় সত্ৰ (প্ৰথম বিদ্যায়তনিক সত্ৰ)।
উক্ত বিদ্যায়তনিক সত্ৰৰ সঞ্চালনা কৰে তেজপুৰ কলেজৰ অৱসৰপ্ৰাপ্ত অধ্যক্ষ ড° জ্যোতি কমল হাজৰিকাই।
ইয়াৰ আগেয়ে আজি পুৱা ৯ বজাত অসম সাহিত্য সভাৰ পতাকা উত্তোলন কৰে শোণিতপুৰ জিলা সাহিত্য সভাৰ সভাপতি ড° ভূপেন শইকীয়াই।
মহাবিদ্যালয়ৰ পতাকা উত্তোলন কৰে অধ্যক্ষ ড° শুকদেৱ অধিকাৰীয়ে।
স্মৃতি তৰ্পণ কৰে শিক্ষাবিদ তথা ‘দৈনিক অসম’ৰ প্ৰাক্তন সাংবাদিক ৰমেশ চন্দ্ৰ বৰাই।
