টী-২০ বিশ্বকাপত কাইলৈ ভাৰত-নামিবিয়াৰ মেচ৷ (Abhishek Sharma)
কাইলৈ নামিবিয়াৰ বিৰুদ্ধে T-20 বিশ্বকাপত ভাৰতৰ দ্বিতীয়খন মেচ।
T20 বিশ্বকাপৰ পূৰ্বে অসুস্থ ক্ৰিকেটাৰ অভিষেক শৰ্মা।
পেটৰ বিষত আক্ৰান্ত ভাৰতীয় দলৰ বেটাৰ অভিষেক শর্মা।
দিল্লীৰ ফৰ্টিছ হস্পিতালত ভর্তি ক্রিকেটাৰজনক।
অভিষেক শর্মা সুস্থ হৈ নুঠিলে সঞ্জু চেমচনে অপেনিং কৰাৰ সম্ভাৱনা৷
সোমবাৰে নিশালৈকে হাস্পতালতে আছিল যদিও বর্তমান খেলুৱৈগৰাকীৰ স্বাস্থ্যক লৈ কোনো আনুষ্ঠানিক খবৰ প্রকাশ কৰা নাই।
আজিৰে পৰা ৰাজ্যত উচ্চতৰ মাধ্যমিকৰ চূড়ান্ত পৰীক্ষা। (HS Exam)
দুপৰীয়া ১:৩০ বজাৰ পৰা আৰম্ভ হ’ব পৰীক্ষা।
৮২১টা কেন্দ্রত অনুষ্ঠিত হ’ব পৰীক্ষা অৱতীৰ্ণ হ’ব ৩ লাখ ৩০ হাজাৰ ৩৪৪ গৰাকী পৰীক্ষাৰ্থী।
৪ টা শাখাত পৰীক্ষাত অৱতীৰ্ণ হ’ব মুঠ ৩,৩০,৭৪৪ গৰাকী পৰীক্ষাৰ্থী।
১৬ মাৰ্চলৈ চলিব পৰীক্ষা উচ্চতৰ মাধ্যমিকৰ চূড়ান্ত পৰীক্ষা।
উজনি অসমত বৰ্তমানেও অব্যাহত আছে মিঞা খেদা অভিযান। উজনি অসম তথা যোৰহাট, শিৱসাগৰকে ধৰি বিভিন্ন অঞ্চলত বাংলাদেশী মিঞাৰ বিৰুদ্ধে ব্যাপক পোষ্টা ৰিং, হৰ্ডিং লগোৱা কাৰ্য আজিও অব্যাহত আছে অসমীয়া যুৱমঞ্চ, জাতীয় সংগ্ৰামী সেনা, বীৰ লাচিত সেনা, খিলঞ্জিয়া ঐক্য মঞ্চকে ধৰি বিভিন্ন দল-সংগঠনে। ৰাষ্ট্ৰীয় ঘাইপথৰ কাষত মিঞাক আক্ৰমণ কৰি বিভিন্ন শ্লগানেৰে হৰ্ডিং, পোষ্টাৰ লগাই ব্যাপক প্ৰচাৰ অভিযান অব্যাহ দল-সংগঠনৰ। খিলঞ্জীয়া সকলক সজাগ কৰাৰ চেষ্টাৰে অব্যাহত আছে এই আন্দোলন কাৰ্য।
“আমাক নতুন বৰ অসম নালাগে, আমাক মিঞা মুক্ত বৰ অসম লাগে”, “মিঞা খে দাওঁক অসম বচাওঁক” , “মিঞা খেদি অসম বাংলাদেশ হোৱাৰ পৰা ৰক্ষা কৰক”, “থলুৱাক নিযুক্তি দি মিঞা খেদক”, “জাগিলে অসম ৰখিব দেশ ,নহ’লে হ’ব বাংলাদেশ “, “লাচিত, শংকৰদেৱৰ জেশত মিঞাৰ স্থান নাই”,”ছ্যু-কা-ফা, শংকৰদেৱৰ বৰ অসম লাগে, মিঞালেণ্ড নালাগে” আদি বিভিন্ন শ্ল’গনেৰে ৰাষ্ট্ৰীয় ঘাইপথৰ কাষত হৰ্ডিং লগাই সাধাৰণ জনতাক সজাগ কৰি এক প্ৰতিবাদী কাৰ্যসূচী ৰূপায়ণ কৰে। আনহাতে, শিৱসাগৰৰ আমগুৰিত অসমীয়া যুৱ মঞ্চই প্ৰথমে মিঞা বিৰোধী অভিযান আৰম্ভ কৰিছিল। তাৰ পিছতে সজাগ হৈ পৰে বিভিন্ন দল-সংগঠন। খিলঞ্জিয়া ঐক্য মঞ্চ, অসমে ৰাস্তাৰ কাষত “বাংলাদেশী মিঞা খেদক জাতি বচাওক”, “হাতত বিড়ি মুখত পান ভাগৌ মিঞা পাকিস্তান”, “আহ ঐ আহ, ওলাই আহ, খেদ ঐ খেদ মিঞাক খেদ”, “আছে হেংদাং লোৱা নাই, ললে হেংদাং মিঞাৰ ৰক্ষা নাই” আদি বিভিন্ন শ্লগানেৰে হৰ্ডিং লগাই প্ৰতিবাদী কাৰ্য্যসূচী ৰূপায়ন কৰে। লগতে, আগন্তুক দিনত মিঞা বিৰোধী অভিযান ইয়াতকৈও ভয়াৱহ হ’ব বুলি সকীয়নি দিয়ে।
কংগ্ৰেছ নেতা গৌৰৱ গগৈৰ পত্নীৰ নাগৰিকত্বক লৈ চলি থকা বিতৰ্ক সন্দৰ্ভত মুখ্যমন্ত্ৰী হিমন্ত বিশ্ব শৰ্মাই পুনৰ গুৰুত্বপূৰ্ণ মন্তব্য আগবঢ়ায়। তেওঁ কয় যে গৌৰৱ গগৈৰ পত্নী বিদেশী বুলি তেওঁ প্ৰমাণ কৰি দিছে আৰু এই সন্দৰ্ভত গগৈয়ে নিজেই কিছুমান কথা কৈ বিষয়টোক আৰু জটিল কৰি তুলিছে।
মুখ্যমন্ত্ৰীয়ে উল্লেখ কৰে যে “মই বিদেশী বুলি কওঁতে গৌৰৱ গগৈয়ে পত্নীৰ বিহু নচাৰ ফটো দি কবিতা লিখিছিল।” তেওঁ দাবী কৰে যে ৰাজনীতিত আজিলৈ তেওঁ এটাও মিছা কথা কোৱা নাই। তেওঁ লগতে কয়, তেওঁক যদি এই বিষয়ত চেলেঞ্জ নকৰা হ’লহেঁতেন, তেন্তে বিষয়টো ইমান গভীৰতালৈ নগ’লহেঁতেন।
হিমন্ত বিশ্ব শৰ্মাই গৌৰৱ গগৈয়ে ভিছা নোহোৱাকৈ ৰাৱালপিণ্ডিলৈ যোৱা বুলি নিজে কোৱা মন্তব্যৰ কথাও উল্লেখ কৰি কয় যে এই কথাই বিষয়টোক আৰু বেছি জটিল কৰি তুলিছে। এতিয়া বিষয়টো কেন্দ্ৰীয় চৰকাৰৰ দায়িত্ব বুলি তেওঁ মন্তব্য কৰে আৰু গৌৰৱ গগৈয়ে নিজে কোৱা কথাৰ উত্তৰ নিজেই দিব লাগিব বুলিও তেওঁ কয়।
ইফালে, ২৪ তম বড়োলেণ্ড দিৱস উপলক্ষে মুখ্যমন্ত্ৰীয়ে বিটিচিৱাসীৰ বাবে পাঁচটা গুৰুত্বপূৰ্ণ উপহাৰৰ ঘোষণা কৰে। বড়োলেণ্ড এলেকাত দলং আৰু ৰাস্তা-ঘাট নিৰ্মাণৰ বাবে ১,০০০ কোটি টকাৰ পুঁজি ঘোষণা কৰা হয়। লগতে ১৫,০০০ যুৱক-যুৱতীক আত্মসংস্থাপনৰ বাবে দুই লাখ টকাকৈ সহায় আগবঢ়োৱাৰ কথাও ঘোষণা কৰা হয়।
চেন্নাইত বড়োলেণ্ড ভৱন নিৰ্মাণৰ বাবে পুঁজিৰ আৱণ্টন দিয়া হ’ব বুলি জানিবলৈ দিয়ে মুখ্যমন্ত্ৰীয়ে। তাৰোপৰি নতুন দিল্লীত বিহু, ঝুমুৰ আৰু বাগৰুম্বা প্ৰদৰ্শনৰ জৰিয়তে অসমৰ সংস্কৃতি দেশবাসীৰ মাজত প্ৰচাৰ কৰা হ’ব বুলিও তেওঁ কয়।
আগন্তুক বিধানসভা নিৰ্বাচন সন্দৰ্ভত মুখ্যমন্ত্ৰীয়ে কয় যে বিটিচি এলেকাত বিপিএফৰ সৈতে মিত্ৰতাৰ বিষয়ে আলোচনা চলি আছে আৰু সকলো দল মিলাপ্ৰীতিৰে নিৰ্বাচনত অৱতীৰ্ণ হোৱাৰ সম্ভাৱনাও খতিয়ান কৰা হৈছে। তেওঁ কয়, এফালে কংগ্ৰেছ আৰু আনফালে বাকী দলসমূহ থাকিব।
মুখ্যমন্ত্ৰীয়ে মহিলা উদ্যমিতা আঁচনিখনক চৰকাৰৰ শ্ৰেষ্ঠ আঁচনি বুলি উল্লেখ কৰি কয় যে এই আঁচনিখনে গ্ৰাম্য অৰ্থনীতি সম্পূৰ্ণৰূপে সলনি কৰিব। লগতে এচআৰত মৰা ব্যক্তিৰ নাম কটা, বিয়া হৈ ঠাই সলনি কৰা লোকৰ নাম সংশোধন আৰু যোগ্য ব্যক্তিৰ নতুনকৈ নাম অন্তৰ্ভুক্তিৰ কাম চলি থকা বুলি তেওঁ জানিবলৈ দিয়ে।
শেষত মুখ্যমন্ত্ৰীয়ে কয় যে লোকসভা নিৰ্বাচনত এনডিএই ৯৬ টা বিধানসভা ক্ষেত্ৰত অগ্ৰগতি লাভ কৰিছিল আৰু আগন্তুক বিধানসভা নিৰ্বাচনত ইয়াতকৈও অধিক ভাল ফলাফল লাভ কৰাৰ আশা ব্যক্ত কৰে।
মুখ্যমন্ত্ৰী ড০ হিমন্ত বিশ্ব শৰ্মাৰ পত্নী ৰিণিকি ভূঞাৰ বিৰুদ্ধে বৰপেটাত প্ৰদেশ কংগ্ৰেছৰ উদ্যোগত উত্তাল প্ৰতিবাদ সাব্যস্ত কৰা হয়। ৰাজ্যৰ বিভিন্ন প্ৰান্তৰ লগতে বৰপেটাৰ ৰাজীৱ ভৱনৰ সন্মুখত অনুষ্ঠিত এই প্ৰতিবাদী কাৰ্যসূচীৰ শীৰ্ষক আছিল — “দেশতকৈ মামী ডাঙৰ নহয়”।
প্ৰতিবাদকাৰী কংগ্ৰেছ কৰ্মীসকলে অভিযোগ তোলে যে মুখ্যমন্ত্ৰীৰ সুবাদত তেওঁৰ পত্নীয়ে পৰ্বতসম সম্পত্তি আহৰণ কৰিছে। এই অভিযোগ উত্থাপন কৰি পত্নীৰ নামত থকা বুলি দাবী কৰা বিভিন্ন সম্পত্তিৰ ছবি প্ৰদৰ্শন কৰি প্ৰতিবাদ সাব্যস্ত কৰে দলীয় কৰ্মীসকলে। প্ৰতিবাদস্থলীত চৰকাৰ বিৰোধী বিভিন্ন শ্ল’গান দি পৰিৱেশ উত্তাল কৰি তোলে প্ৰতিবাদকাৰীসকলে।
প্ৰদেশ কংগ্ৰেছৰ কৰ্মীসকলে আহ্বান জনাই কয় যে দেশৰ স্বাৰ্থ সকলোতকৈ ডাঙৰ আৰু দেশ ৰক্ষাৰ ক্ষেত্ৰত ব্যক্তিগত স্বাৰ্থ আগবঢ়াব নালাগে। লাচিত বৰফুকনৰ বীৰত্বৰ উল্লেখ কৰি প্ৰতিবাদকাৰীসকলে কয় যে অতীতত লাচিত বৰফুকনে দেশ ৰক্ষাৰ বাবে মোগলৰ বিৰুদ্ধে যুঁজ কৰিছিল আৰু এতিয়াও দেশৰ স্বাৰ্থক অগ্ৰাধিকাৰ দিব লাগিব।
এই সন্দৰ্ভত বৰপেটা জিলা কংগ্ৰেছৰ সভাপতি ৰাজীৱ হকে কয় যে ৰাজ্যত সংঘটিত বুলি অভিযোগ উঠা এই বিষয়সমূহৰ নিৰপেক্ষ তদন্ত হ’ব লাগিব আৰু ৰাইজে ইয়াৰ সত্যতা জানিবলৈ অধিকাৰ আছে।
প্ৰতিবাদ কাৰ্যসূচীৰ ফলত কিছু সময়ৰ বাবে অঞ্চলটোত উত্তেজনাপূৰ্ণ পৰিস্থিতিৰ সৃষ্টি হয় যদিও পিছত পৰিস্থিতি নিয়ন্ত্ৰণলৈ আহে।
গুৱাহাটী, ০৭ ফেব্ৰুৱাৰী ২০২৬: কোটাক মহিন্দ্ৰা এছেট মেনেজমেণ্ট কোম্পানী লিমিটেডে তেওঁলোকৰ ফ্লেক্সিকেপ ফাণ্ডৰ দীৰ্ঘম্যাদী সম্পদ সৃষ্টিৰ যাত্ৰাৰ ১৫ বছৰ সম্পূৰ্ণ হোৱাৰ কথা ঘোষণা কৰিছে৷ এই আঁচনিখনে আৰম্ভণিৰে পৰা ১৬.৫৯ শতাংশ চিএজিআৰ প্ৰদান কৰিছে আৰু একাধিক বজাৰ পৰিৱেশৰ জৰিয়তে এক শক্তিশালী দীৰ্ঘম্যাদী প্ৰদৰ্শনৰ অভিলেখ গঢ়ি তুলিছে ৷
এই সন্দৰ্ভত কোটাক মহিন্দ্ৰা এছেট মেনেজমেণ্ট কোম্পানী লিমিটেডৰ পৰিচালন সঞ্চালক নীলেশ শ্বাহে কয় যে, কোটাক ফ্লেক্সিকেপ ফাণ্ডে ১৫ বছৰ সম্পূৰ্ণ কৰাটো আমাৰ বাবে আৰু পুঁজিৰ প্ৰতি দায়বদ্ধ হৈ থকা বিনিয়োগকাৰীসকলৰ বাবে এক গৌৰৱৰ মুহূৰ্ত৷ এটা শ্ৰেণী হিচাপে ফ্লেক্সিকেপ এতিয়াও গুৰুত্বপূৰ্ণ হৈ আছে, কিয়নো ই বিনিয়োগকাৰীসকলক খণ্ডসমূহত ভাৰতৰ বিকাশত অংশগ্ৰহণ কৰিবলৈ অনুমতি দিয়ে আৰু লগতে বজাৰ মূলধন আবণ্টনৰ সিদ্ধান্তবোৰ অভি: বিনিয়োগ দলৰ ওপৰত এৰি দিয়ে৷
২০২৫ চনৰ ৩১ ডিচেম্বৰলৈকে, কোটাক ফ্লেক্সিকেপ পুঁজি প্ৰত্যক্ষ পৰিকল্পনা-বিকাশ বিকল্পই ১০ বছৰত ১৫.৭০ শতাংশ আৰু ৫ বছৰত ১৬.৮৭ শতাংশ চি এ জি আৰ সৃষ্টি কৰিছে৷ বহনক্ষম উপাৰ্জন, শক্তিশালী প্ৰশাসন আৰু মূলধনৰ দক্ষতাৰ ওপৰত আধাৰিত শক্তিশালী দৰ্শনৰ গৰাকী কোটাক মহিন্দ্ৰা এছেট মেনেজমেণ্ট কোম্পানীৰ চি আই অ’ হৰ্ষ উপাধ্যায়ে এই পুঁজিৰ পৰিচালনা কৰে৷
হাৰ্ষা উপাধ্যায়ে কয়, “কোটক ফ্লেক্সি কেপ ফাণ্ডে বিগত ১৫ বছৰত বজাৰৰ বিভিন্ন পৰ্যায়ত সফলতাৰে নেভিগেট কৰি আহিছে কাৰণ ই সদায় মূলধন বুদ্ধিমানৰূপে ব্যৱহাৰ কৰা শক্তিশালী, দীৰ্ঘম্যাদী উপাৰ্জনকাৰী কোম্পানীত বিনিয়োগ কৰাত মনোনিৱেশ কৰি আহিছে। আমাৰ মনোযোগ সদায় হ্ৰস্বম্যাদী ধাৰাক খেদি ফুৰাতকৈ, গভীৰ গৱেষণাৰ ভিত্তিত সঠিক ষ্টক বাছনি কৰাতহে গুৰুত্ব দিয়া হৈছে। এই পদ্ধতিয়ে ফাণ্ডটোৱে ভাৰতৰ বৃদ্ধিৰ কাহিনী আৰু।” দীৰ্ঘম্যাদীভাৱে বিনিয়োগকাৰীসকলক ধাৰাবাহিকভাৱে ভাল ফলাফল প্ৰদান কৰে।”
উল্লেখযোগ্য যে, ফ্লেক্সিকেপ ফাণ্ডসমূহে বৃহৎ, মধ্য আৰু ক্ষুদ্ৰ-কেপ খণ্ডসমূহত বিনিয়োগৰ জৰিয়তে বজাৰৰ পৰিৱেশত এক গতিশীলতা প্ৰদান কৰে৷ ২০২৫ চনৰ ডিচেম্বৰলৈকে, কোটাক ফ্লেক্সিকেপ ফাণ্ডৰ বৃহৎ কেপত প্ৰায় ৭৩ শতাংশ, মিডকেপত ১৯শতাংশ আৰু সৰু কেপত ৫ শতাংশ আছে৷ পোৰ্টফ’লিঅ’টোৱে মূখ্যত বিত্তীয় সেৱা, অট’ম’বাইল, মূলধন সামগ্ৰী, ৰাসায়নিক সামগ্ৰী, নিৰ্মাণ সামগ্ৰী আৰু উপভোক্তা সেৱাৰ মূল এক্সপ’জাৰৰ সৈতে ওপৰৰ-তলৰ খণ্ডৰ দৃষ্টিভংগীবোৰ মিশ্ৰণ কৰে৷ আনহাতে পুঁজিৰ গৱেষণা-চালিত দৃষ্টিভংগীয়ে সঠিক মূল্যায়ন আৰু উপাৰ্জনৰ দৃশ্যমানতাৰ দ্বাৰা সমৰ্থিত দীৰ্ঘম্যাদী সুযোগ চিনাক্ত কৰাত সহায় কৰি আহিছে৷
আসন্ন বিধানসভা নিৰ্বাচনক কেন্দ্ৰ কৰি অসমত ৰাজনৈতিক উত্তাপ দিনক দিনে তীব্ৰতৰ হৈ উঠিছে। মুখ্যমন্ত্ৰী হিমন্ত বিশ্ব শৰ্মাই প্ৰদেশ কংগ্ৰেছৰ সভাপতি তথা সাংসদ গৌৰৱ গগৈৰ বিৰুদ্ধে উত্থাপন কৰা পাকিস্তান লিংক সন্দৰ্ভত প্ৰতিক্ৰিয়া জনাবলৈ গৌৰৱ গগৈয়ে সোমবাৰে গুৱাহাটীৰ ৰাজীৱ ভৱনত এখন সংবাদমেল সম্বোধন কৰে। সংবাদমেলত কংগ্ৰেছৰ কেইবাজনো জ্যেষ্ঠ নেতা উপস্থিত থাকে। গৌৰৱ গগৈৰ সংবাদমেল সন্দৰ্ভত সংবাদ মাধ্যমৰ আগত বহু বিস্ফোৰক মন্তব্য প্ৰকাশ কৰে কেবিনেট মন্ত্ৰী পীয়ুষ হাজৰিকাই। গৌৰৱ গগৈয়ে নিজৰ সন্তানৰ ধৰ্ম কিয় সলনি কৰিলে বুলি ওভতি ধৰে মন্ত্ৰী পীযূষ হাজৰিকাই। তেওঁ কয় – তৰুণ গগৈ ডাঙৰীয়াৰ নাতি আজি এজনো হিন্দু নহয়। এটা পৰিয়ালত যদি ৪ জন সদস্য থাকে তাৰে ১ গৰাকী হিন্দু আৰু আন ৩ গৰাকী যদি বিদেশী হয়,তেন্তে তেখেত নিজৰ পৰিয়ালতে সংখ্যালঘু। আৰু সেই গৰাকী ব্যক্তিয়েই অসমৰ মুখ্যমন্ত্ৰী হোৱাৰ দিৱাস্বপ্ন দেখে। আজি তৰুণ গগৈ ডাঙৰীয়া জীয়াই থকা হ’লে মনত অত্যন্ত দুখ পালে হেতেন। এতিয়াও সময় আছে গৌৰৱ গগৈ ডাঙৰীয়া আপোনাৰ দল ছোনিয়া গান্ধীয়ে যেনেকৈ ইটালীয়ান নাগৰিকত্ব এৰি ভাৰতীয় নাগৰিকত্ব গ্ৰহণ কৰিলে, আপুনিও আপোনাৰ পত্নীক যদি সম্ভৱ ভাৰতীয় নাগৰিকত্ব দিয়ক। লগতে পাকিস্তান লিংকমেন সন্দৰ্ভতো বহু প্ৰশ্ন উত্থাপন কৰে।
আনহাতে, এই সন্দৰ্ভত জনসংযোগ মন্ত্ৰী পীযুষ হাজৰিকাই সামাজিক মাধ্যমতো এটো দীঘল পোষ্ট প্ৰকাশ কৰে। পোষ্টত মন্ত্ৰী হাজৰিকাই গৌৰৱ গগৈৰ সংবাদমেলক কঠোৰ ভাষাৰে সমালোচনা কৰি কয়—“গৌৰৱ গগৈয়ে সংবাদমেলত কি ক’ব, সেই বিষয়টো মই পূৰ্বেই জনাইছিলোঁ। ‘The Ultimate & Real FLOP SHOW’ কেনেকুৱা হয়, সেয়া আজি দেখুৱাই দিলে। ইয়াৰ লগতে তেওঁ অভিযোগ কৰে যে সাংবাদিকসকলে প্ৰশ্ন সুধি থকাৰ সময়তে গৌৰৱ গগৈয়ে আধাতে সংবাদমেল এৰি ওলাই যায়। এই ঘটনাক সাংবাদিকসকলৰ প্ৰতি অপমান বুলি মন্তব্য কৰি পীযুষ হাজৰিকাই জনসংযোগ মন্ত্ৰী হিচাপে দুখ প্ৰকাশ কৰে। পীযুষ হাজৰিকাই গৌৰৱ গগৈৰ বক্তব্যত উত্থাপিত কিছুমান তথ্যকো মিছা বুলি অভিযোগ কৰে। বিশেষকৈ পাকিস্তান ভ্ৰমণ সন্দৰ্ভত ভিছা ব্যৱস্থা আৰু এলিজাবেথ ক’লবাৰ্নৰ দৰমহা লেনদেন বিষয়ত গৌৰৱ গগৈয়ে ভুল তথ্য দিয়া বুলি দাবী কৰে মন্ত্ৰী হাজৰিকাই। এই ঘটনাক কেন্দ্ৰ কৰি শাসক আৰু বিৰোধীৰ মাজত বাক-বিতণ্ডা তীব্ৰতৰ হৈ উঠিছে আৰু বিষয়টো আগন্তুক দিনত অসমীয়াৰ ৰাজনীতিত অধিক চৰ্চিত হোৱাৰ সম্ভাৱনা দেখা গৈছে।
অসমৰ সংবাদ ক্ষেত্ৰৰ ইতিহাসত কোনোদিনে নঘটা কাণ্ড কৰিলে গৌৰৱ গগৈয়ে। কংগ্ৰেছ নেতা তথা সাংসদ গৌৰৱ গগৈয়ে তেওঁৰ বিৰুদ্ধে উত্থাপিত পাকিস্তান লিংক আৰু এছ আই টি প্ৰতিবেদন সন্দৰ্ভত আয়োজন কৰা সংবাদ মেল আধাতে এৰি যোৱাৰ লগতে সাংবাদিকসকলৰ সৈতে অসৌজন্যমূলক আচৰণ কৰাৰ অভিযোগ।
এই ঘটনাক লৈ অসম চৰকাৰৰ জনসংযোগ মন্ত্ৰী পীযুষ হাজৰিকাই তীব্ৰ ভাষাৰে প্ৰতিক্ৰিয়া ব্যক্ত কৰিছে। সামাজিক মাধ্যমত দিয়া এক বিস্ফোৰক মন্তব্যত মন্ত্ৰী হাজৰিকাই কয় যে সংবাদ মেললৈ সাংবাদিকক আমন্ত্ৰণ কৰি শেষ মুহূৰ্তত প্ৰশ্নৰ উত্তৰ দিব নোৱাৰি সংবাদ মেল আধাতে এৰি যোৱাটো আৰু সাংবাদিকক অপদস্থ কৰাটো কোনোপধ্যেই গ্ৰহণযোগ্য নহয়। মন্ত্ৰী পীয়ুষ হাজৰিকাৰ সেই ফেচবুক পোষ্টো হৈছে
– “অসমৰ সংবাদ ক্ষেত্ৰৰ ইতিহাসত কোনোদিনে নঘটা কাণ্ড কৰিলে গৌৰৱ গগৈয়ে! আজি শ্ৰী গৌৰৱ গগৈ ডাঙৰীয়াই তেওঁৰ পাকিস্তান লিংকৰ লগত জড়িত এছ আই টি প্ৰতিবেদনক লৈ যি সংবাদ মেল আয়োজন কৰিছিল, সেই সংবাদ মেল আধাতে এৰি, সাংবাদিকে প্ৰশ্ন সুধি থকাৰ পাছতো শেষত সাংবাদিকসকলক অপদস্থ কৰা বুলি জ্ঞাত হৈ মই জনসংযোগ মন্ত্ৰী হিচাপে অত্যন্ত দুখ প্ৰকাশ কৰিছোঁ আৰু এই কাণ্ডক গৰিহণা দিছোঁ। সংবাদ মেললৈ সন্মানীয় সাংবাদিকসকলক আমন্ত্ৰণ কৰি শেষত নিজেই প্ৰশ্নৰ উত্তৰ দিব নোৱাৰি ঢোকে ঢোকে পানী খাই সাংবাদিকক ৰঙা চকু দেখুৱাই শেষত ঠেলি-হেঁচুকি অসন্মান কৰা কাণ্ড কোনোপধ্যেই গ্ৰহণযোগ্য নহয়। এয়া সম্পূৰ্ণ হতাশাগ্ৰস্ততা আৰু তেওঁৰ ভয়ৰ বহিৰ্প্ৰকাশ আছিল। দ্বিতীয়তে, নিৰ্দিষ্ট সাংবাদিকৰ পূৰ্বতে তালিকা সাজু কৰি ৰাখি সন্মুখত বহি থকা বহু সাংবাদিকৰ প্ৰশ্নক গুৰুত্ব নিদি সাংবাদিকক অৱহেলা কৰা বিষয়টোত আমি হতভম্ব হৈছোঁ। এই কথা তেখেতৰ ‘লাইভ’টোত স্পষ্ট ৰূপত দৃষ্টিগোচৰ হৈছিল। তেখেতৰ আজিৰ সংবাদ মেলে শ্ৰদ্ধাৰ অসমবাসীক তেখেতৰ ওপৰত থকা অভিযোগক অতি গাঢ়ভাৱে চিন্তা কৰিবলৈ বাধ্য কৰিব।”
গৌৰৱ গগৈয়ে কোনো কথা স্পষ্টকৈ উল্লেখ কৰিব নোৱাৰাৰ বাবেই ক্ষোভিত জাতীয় সংগঠন । গৌৰৱ গগৈৰ প্ৰতিমূৰ্তি দাহ কৰি প্ৰতিবাদ সাব্যস্ত কৰাৰ লগতে গ্ৰেপ্তাৰৰ দাবী । যিজনে নিজৰ সন্তানক ভাৰতীয় নাগৰিক কৰিবলৈ নিবিচাৰে, তেনে ব্যক্তিয়ে অসম আৰু অসমীয়াৰ স্বাৰ্থ ৰক্ষা কৰিব নোৱাৰে ।
কংগ্ৰেছ নেতা তথা লোকসভাৰ সাংসদ গৌৰৱ গগৈৰ শেহতীয়া সংবাদমেলৰ পিছতেই উজনি অসমৰ বিভিন্ন স্থানত তীব্ৰ প্ৰতিবাদৰ সৃষ্টি হয়। সংবাদমেলত গুৰুত্বপূৰ্ণ প্ৰশ্নসমূহৰ স্পষ্ট উত্তৰ নিদিয়াৰ অভিযোগ তুলি একাধিক জাতীয় সংগঠনে ৰাজপথত ওলাই আহি গৌৰৱ গগৈৰ বিৰুদ্ধে ক্ষোভ উজাৰি প্ৰতিবাদ সাব্যস্ত কৰে। প্ৰতিবাদকাৰী সংগঠনসমূহে গৌৰৱ গগৈৰ প্ৰতিমূৰ্তি দাহ কৰি প্ৰতিবাদ কৰাৰ লগতে তেওঁক অনতিপলমে গ্ৰেপ্তাৰ কৰাৰ দাবী জনাই। প্ৰতিবাদকাৰীসকলৰ অভিযোগ, পাকিস্তান হৈছে ভাৰতৰ জন্মগত শত্ৰু। গতিকে এনে এখন দেশৰ সৈতে গৌৰৱ গগৈ আৰু তেওঁৰ পত্নীৰ গোপন সম্পৰ্ক থকাটো দেশদ্ৰোহীৰ প্ৰকৃত উদাহৰণ। জাতীয় সংগঠনৰ নেতাই সংবাদ মাধ্যমক কয়, “পাকিস্তানে হাজাৰ হাজাৰ নিৰীহ ভাৰতীয়ক হত্যা কৰিছে। তেনে দেশৰ সৈতে সম্পৰ্ক ৰখা মানেই দেশদ্ৰোহী। গৌৰৱ গগৈৰ দৰে এজন সাংসদে এনে কাম কৰিলে তেওঁ সংসদত থাকিব নোৱাৰে।” আনহাতে, গৌৰৱ গগৈয়ে নিজৰ সন্তানক ভাৰতীয় নাগৰিকত্ব গ্ৰহণ কৰাবলৈ আগ্ৰহ নেদেখুওৱা। গতিকে, “যিজনে নিজৰ সন্তানক ভাৰতীয় নাগৰিক কৰিবলৈ নিবিচাৰে, তেনে ব্যক্তিয়ে অসম আৰু অসমীয়াৰ স্বাৰ্থ ৰক্ষা কৰিব নোৱাৰে।”এই ঘটনাৰ পিছত প্ৰতিবাদকাৰী সংগঠনসমূহে গগৈৰ সাংসদ পদ খালিচ কৰাৰ লগতে কেন্দ্ৰীয় চৰকাৰক বিষয়টো তদন্ত কৰি কঠোৰ ব্যৱস্থা গ্ৰহণ কৰাৰ দাবী জনাইছে।
মুকালমুৱাত বৰক্ষেত্ৰীৰ বিশিষ্ট শিক্ষাবিদ আৰু সমাজসেৱী প্ৰফুল্ল চন্দ্ৰ মেধিক ৰাজহুৱা সম্বৰ্দ্ধনা আৰু অভিনন্দন গ্ৰন্থ উন্মোচন সভা এখনি অনুষ্ঠিত হয়। ৰঘুনাথ চৌধাৰী উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ তথা ৰাজ্য চৰকাৰৰ কৃতী শিক্ষক বঁটা প্ৰাপক প্ৰফুল্ল চন্দ্ৰ মেধীক তেখেতৰ গুণমুগ্ধ, প্ৰাক্তন ছাত্ৰ-ছাত্ৰী আৰু বৰক্ষেত্ৰী অঞ্চলৰ ৰাইজে ৰাজহুৱাভাৱে সম্বৰ্দ্ধনা জনাই। একে অনুষ্ঠানতে সমাজ জীৱনত তেখেতৰ অৱদান সম্পৰ্কে “প্ৰফুল্লপ্ৰভা” শীৰ্ষক এখনি অভিনন্দন গ্ৰন্থ উন্মোচন কৰে।
মুকালমুৱাস্থিত ৰঘুনাথ চৌধাৰী উচ্চতৰ মাধ্যমিক বিদ্যালয়ৰ প্ৰাঙ্গণত অনুষ্ঠিত সভাখনত গ্ৰন্থ উন্মোচক হিচাপে উপস্থিত থাকে জ্যেষ্ঠ সাংবাদিক তথা বৰক্ষেত্ৰীৰ সন্তান গৌতম শৰ্মা। লগতে উপস্থিত থাকে বৰক্ষেত্ৰী অঞ্চলৰ পৰা গৈ অসমৰ বিভিন্ন ক্ষেত্ৰত প্ৰতিস্থিত হোৱা কেইবাগৰাকীও বিশিষ্ট লোক। আজিৰ এই সভাখনত বৰক্ষেত্ৰী অঞ্চলৰ বিভিন্ন ক্ষেত্ৰত প্ৰফুল্ল চন্দ্ৰ মেধিৰ অৱদান সম্পৰ্কে বিশদভাৱে আলোচনা কৰা হয়।
সভাখনত গৌতম শৰ্মাৰ লগতে উপস্থিত থাকে প্ৰাগজ্যোতিষ মহাবিদ্যালয়ৰ অধ্যক্ষ ড০ মনোজ কুমাৰ মহন্ত, মিজোৰাম বিশ্ববিদ্যালয়ৰ উপাচাৰ্য ড০ দিবাকৰ ডেকা, গুৱাহাটী বিশ্ববিদ্যালয়ৰ প্ৰাক্তন অধ্যাপক ড০ ফণী ডেকাৰ লগতে বৰক্ষেত্ৰী অঞ্চলৰ কেইবাগৰাকীও বিশিষ্ট শিক্ষাবিদ তথা প্ৰফুল্ল চন্দ্ৰ মেধিৰ প্ৰাক্তন ছাত্ৰ-ছাত্ৰী তথা তেখেতৰ গুণমুগ্ধ আৰু বৰক্ষেত্ৰী অঞ্চলৰ ৰাইজ।
