পৰমগুৰু কৃষ্ণগুৰুৰ অসাধাৰণ আধ্যাত্মিক চেতনাশক্তি আৰু শান্তি তথা ভাতৃত্ববোধৰ দিশত আগবঢ়োৱা অনবদ্য অৱদানে সমাজ জীৱনক উদ্বুদ্ধ কৰি থাকিব বুলি তেখেতে উল্লেখ কৰে। আনহাতে ভাষণ প্ৰসংগত মুখ্যমন্ত্ৰী ড° হিমন্ত বিশ্ব শৰ্মাই কয়, পৰমগুৰু কৃষ্ণগুৰু ঈশ্বৰে আধ্যাত্মিকতাৰ উপৰি আত্মনিৰ্ভৰশীলতাৰ পথ প্ৰশস্ত কৰি থৈ গৈছে। এখন উদ্যমী যুৱ সমাজৰ বাট তেখেতে দেখুৱাই থৈ গৈছে।
২০৪৭ চনৰ ভিতৰত প্ৰধানমন্ত্ৰী নৰেন্দ্ৰ মোদীৰ দূৰদৰ্শী নেতৃত্বত এখন আত্মনিৰ্ভৰ ভাৰত গঢ়াৰ দিশত যুৱচামে সবল ভূমিকা পালন কৰিব। এই দিশত আধ্যাত্মিক চেতনাশক্তিও হ’ব অত্যন্ত প্ৰয়োজনীয়। আজি এই বিশেষ ক্ষণত উপস্থিত থাকি অসমবাসীক উদ্বুদ্ধ কৰাৰ বাবে উপ-ৰাষ্ট্ৰপতিক অশেষ ধন্যবাদ জনাইছোঁ।
যুৱশক্তি মহাশক্তি। যুৱ সমাজৰ আধ্যাত্মিক, সাংস্কৃতিক আৰু সামগ্ৰিক সবলীকৰণে এখন শক্তিশালী ৰাষ্ট্ৰ নিৰ্মাণত গুৰুত্বপূৰ্ণ ভূমিকা পালন কৰি যাব। আজি যুৱ সমাজৰ এই দ্বি-বাৰ্ষিক অধিৱেশনত শান্তি-সমন্বয়, ভাতৃত্ববোধ আৰু যুৱ সবলীকৰণৰ গুৰুত্বপূৰ্ণ বাৰ্তা প্ৰতিফলিত হ’ল।
মোদীৰ বলিষ্ঠ আৰু দূৰদৰ্শী নেতৃত্বত উত্তৰ-পূৰ্বাঞ্চলে এতিয়া উন্নয়ন আৰু স্থায়ী শান্তিৰ এক নতুন অধ্যায় লিপিবদ্ধ কৰি দেশৰ বিকাশৰ নতুন ইঞ্জিনৰূপে চিহ্নিত হৈছে।
এই সময়ছোৱাত লগতে উপস্থিত থাকে অসম চৰকাৰৰ মন্ত্ৰীসকল- চন্দ্ৰমোহন পাটোৱাৰী, ডাঃ ৰণোজ পেগু, যোগেন মহন, ইউ জি ব্ৰহ্ম, অতুল বৰা, কেশৱ মহন্ত, জয়ন্ত মল্ল বৰুৱা, সঞ্জয় কিষাণ, বিমল বড়া, বিধায়ক নৱ কুমাৰ দলে প্ৰমুখ্যে অন্যান্য জনপ্ৰতিনিধিসকল আৰু বিশিষ্ট ব্যক্তিসকল।
গুৱাহাটী, ২৭ অক্টোবৰ: অৱশেষত আৰক্ষীৰ জালত পৰিল প্ৰৱঞ্চনাৰ অভিযোগত অভিযুক্ত ডি বি ষ্টকৰ স্বত্বাধিকাৰী দীপাংকৰ বৰ্মন । মহানগৰ আৰক্ষীৰ এটা দলে গোৱা ক্ৰাইম ব্ৰাঞ্চৰ সহযোগত অভিযান চলাই গ্ৰেপ্তাৰ কৰিলে দীপাংকৰক(DB Stock Owner Dipankar Barman Arrested) ৷ ডি বি ষ্টক জৰিয়তে বহু লোকৰ পৰা কোটি কোটি টকা আত্মসাৎ কৰি পলাতক হৈ আছিল দীপাংকৰ(Multi-Crore Scam in Assam) ।
অৱশেষত গুৱাহাটী মহানগৰ আৰক্ষীৰ অতিৰিক্ত আৰক্ষী আয়ুক্ত অমিত মাহাতোৰ নেতৃত্বত যোৱা এটা দলে দেওবাৰে সন্ধিয়া গোৱাৰ পৰা গ্ৰেপ্তাৰ কৰিলে দীপাংকৰ বৰ্মনক ৷ গুৱাহাটী মহানগৰ আৰক্ষীৰ আয়ুক্ত দিগন্ত বৰাই সামাজিক মাধ্যমৰ জৰিয়তে জনালে এই তথ্য ৷
Absconding accused Dipankar Barman of DB Stock scam has been arrested in Goa by a Team from CGPD under leadership of Amit Mahato, IPS, ACP Pan Bazar with the support of Crime Branch of @Goa_Police in connection with an ongoing investigation. pic.twitter.com/KHI2UTvYRH
PM Modi Big Warning: ‘ডিজিটেল এৰেষ্ট’ সন্দৰ্ভত সকীয়ালে প্ৰধানমন্ত্ৰী মোদীয়ে, দিলে ইয়াৰ পৰা হাত সৰাৰ উপায়
গুৱাহাটী, ২৭ অক্টোবৰ: প্ৰধানমন্ত্ৰী নৰেন্দ্ৰ মোদীয়ে দেওবাৰে ‘মন কি বাত’(Mann Ki Baat) কাৰ্যসূচীত ‘ডিজিটেল এৰেষ্ট’ৰ বিষয়ে আলোচনা কৰি ইয়াক প্ৰৱঞ্চনামূলক কাৰ্যকলাপ বুলি অভিহিত কৰে(Prime Minister Narendra Modi expressed concern over digital arrest fraud)। তেওঁ জনসাধাৰণক সজাগ আৰু সুৰক্ষিত হৈ থাকিবলৈ আহ্বান জনায়(PM Modi Big Warning)। এই অপৰাধৰ লগত জড়িত লোকসকলক সমাজৰ শত্ৰু বুলি প্ৰধানমন্ত্ৰীয়ে গুৰুত্ব আৰোপ কৰে। তেওঁ কয় যে আইনত ‘ডিজিটেল এৰেষ্ট’ৰ দৰে কোনো ব্যৱস্থা নাই। এয়া কেৱল প্ৰৱঞ্চনা, প্ৰতাৰণা, মিছা, অপৰাধীৰ দল। এইবোৰ মানুহ সমাজৰ শত্ৰু।
প্ৰধানমন্ত্ৰীগৰাকীয়ে প্ৰযুক্তিগত অপৰাধক লৈ ক্ৰমাৎ বৃদ্ধি পোৱা গোচৰৰ কথা উল্লেখ কৰি উদ্বেগ প্ৰকাশেৰে জনসাধাৰণক সতৰ্ক কৰি দিয়ে । প্ৰধানমন্ত্ৰী মোদীয়ে শ্ৰোতা ৰাইজৰ আগত কয় যে এই জালিয়াতিৰ মোকাবিলা কৰিবলৈ বিভিন্ন তদন্তকাৰী সংস্থাই ৰাজ্য চৰকাৰসমূহৰ সৈতে সহযোগিতা আগবঢ়াই আহিছে । তেওঁ কয় যে এই সংস্থাসমূহৰ মাজত সমন্বয় বৃদ্ধিৰ লক্ষ্যৰে ৰাষ্ট্ৰীয় চাইবাৰ সমন্বয় কেন্দ্ৰ(National Cyber Coordination Centre) স্থাপন কৰা হৈছে।
প্ৰধানমন্ত্ৰীগৰাকীয়ে কয় যে এই পদক্ষেপৰ লক্ষ্য হৈছে চাইবাৰ অপৰাধৰ বিৰুদ্ধে প্ৰচেষ্টা শক্তিশালী কৰা আৰু নাগৰিকক এনে প্ৰৱঞ্চনাৰ পৰা ৰক্ষা কৰা। ইয়াৰ দ্বাৰা ডিজিটেল ক্ষেত্ৰখনত জনসাধাৰণৰ সুৰক্ষা সুনিশ্চিত কৰাৰ বাবে চৰকাৰৰ দায়বদ্ধতাক পুনৰ নিশ্চিত কৰা হৈছে। ‘ডিজিটেল এৰেষ্ট’ প্ৰৱঞ্চনাৰ পৰা সাৱধান হ’ব। কোনো তদন্তকাৰী সংস্থাই কেতিয়াও আপোনাৰ সৈতে ফোন অথবা ভিডিঅ’ কলৰ জৰিয়তে সোধা-পোছাৰ বাবে যোগাযোগ নকৰে।
‘ডিজিটেল এৰেষ্ট’ কৰা প্ৰৱঞ্চকসকলে কেতিয়াবা আৰক্ষী, কেতিয়াবা চিবিআই, নাৰ্কটিকছ আৰু কেতিয়াবা আৰবিআইৰ দৰে বিভিন্ন লেবেল ব্যৱহাৰেৰে ভুৱা বিষয়া হৈ অতি আত্মবিশ্বাসেৰে কথা পাতে। প্ৰধানমন্ত্ৰী মোদীয়ে এটা অডিঅ’ বজাই জনসাধাৰণক সকীয়াই দিলে যে প্ৰৱঞ্চকৰ গেঙে কেনেদৰে কাম কৰে।
তেওঁ কয় যে এই প্ৰৱঞ্চনা বুজি পোৱাটো অতি প্ৰয়োজনীয়। শ্ৰোতা ৰাইজক প্ৰৱঞ্চকৰ কাৰ্যপ্ৰণালী ব্যাখ্যা কৰি প্ৰধানমন্ত্ৰী মোদীয়ে কয় যে প্ৰৱঞ্চকৰ প্ৰথম পদক্ষেপ হ’ল আপোনাৰ ব্যক্তিগত তথ্য সংগ্ৰহ কৰা। ইয়াত এনে প্ৰশ্ন সোধা হয় যে যোৱা মাহত আপুনি গোৱালৈ গৈছিল নহয়? তোমাৰ ছোৱালীজনীয়ে দিল্লীত পঢ়ে নহয়? তেওঁলোকে আপোনাৰ বিষয়ে ইমান তথ্য সংগ্ৰহ কৰে যে আপুনি আচৰিত হ’ব।
এনে প্ৰৱঞ্চকৰ দ্বিতীয় পদক্ষেপটো হ’ল, আপোনাৰ মাজত ভয়ৰ পৰিৱেশ সৃষ্টি কৰা। ইউনিফৰ্ম, চৰকাৰী কাৰ্যালয় ব্যৱস্থা, আইনী বিভাগৰ নাম উল্লেখ কৰি ফোনত ইমানেই ভয় খুৱাব যে আপুনি ভুল কৰি পেলাব। কথাৰ মাজতে আপুনি একো ভাবিব নোৱাৰিব আৰু তাৰ পিছত তেওঁলোকৰ তৃতীয় পদক্ষেপ আৰম্ভ হয়। ইয়াৰ অধীনত তেওঁলোকে আপোনাক সময়ৰ হেঁচাত পেলাব। আপোনাক কোৱা হ’ব যে এতিয়াই সিদ্ধান্ত ল’ব লাগিব নহ’লে গ্ৰেপ্তাৰ হ’ব। এই লোকসকলে ভুক্তভোগীৰ ওপৰত ইমানেই মানসিক চাপ দিয়ে যে, ব্যক্তিজনে ভয় খাই যায়।
