India to set Space Station: মহাকাশ কেন্দ্ৰ স্থাপন কৰিব ভাৰতে
প্ৰধানমন্ত্ৰী নৰেন্দ্ৰ মোদীয়ে বৃহস্পতিবাৰে মুকলি কৰে ৩ টা পৰম ৰুদ্ৰ ছুপাৰ কম্পিউটাৰ। ইয়াৰ লগতে মোদীয়ে জলবায়ু গৱেষণাৰ বাবে উচ্চ পৰ্যায়ৰ কম্পিউটিং ব্যৱস্থাও মুকলি কৰে। থলুৱা প্ৰযুক্তিৰ ওপৰত নিৰ্মিত এই ছুপাৰ কম্পিউটাৰ ভাৰতৰ ৰাষ্ট্ৰীয় ছুপাৰ কম্পিউটিং অভিযান (এন এছ এম)ৰ অধীনত প্ৰস্তুত কৰা হৈছে। এই উপলক্ষে মোদীয়ে কয় যে দেশৰ দৃষ্টিশক্তি বৃহৎ হ’লেহে সাফল্য লাভ কৰিব পাৰি৷(India to set Space Station)
প্ৰযুক্তিৰ উন্নীতকৰণৰ লক্ষ্য হ’ব লাগে দৰিদ্ৰ লোকসকলক সবলীকৰণ কৰা। প্ৰধানমন্ত্ৰী নৰেন্দ্ৰ মোদীয়ে বৃহস্পতিবাৰৰ সন্ধিয়া ভিডিঅ’ কনফাৰেন্সৰ জৰিয়তে এই ৩ টা ছুপাৰ কম্পিউটাৰ দেশবাসীৰ বাবে উৎসৰ্গা কৰে। থলুৱা প্ৰযুক্তিৰে নিৰ্মিত এই কম্পিউটাৰ পুনে, দিল্লী আৰু কলকাতাত গৱেষণাৰ বাবে উপযোগী হ’ব। এই সন্দৰ্ভত মোদীয়ে কয়, প্ৰযুক্তিৰ বিকাশৰ লক্ষ্য দৰিদ্ৰ লোকৰ সবলীকৰণ হোৱা উচিত। আজি ভাৰতত সৃষ্টি হোৱা সম্ভাৱনাই দেশত নতুন সুযোগৰ সৃষ্টি কৰিছে। (narendra modi)
প্ৰধানমন্ত্ৰী মোদীয়ে কয় যে তেওঁৰ চৰকাৰে প্ৰযুক্তি গৱেষণাই যাতে সাধাৰণ জনতাক উপকৃত কৰিব পাৰে তাৰ বাবে কাম কৰি আছে। নতুন প্ৰযুক্তিয়ে অনাগত দিনত ভাৰতক আন এক নতুন পৰিচয় দিব। ইয়াৰ দ্বাৰা অভূতপূৰ্ব পৰিৱৰ্তন আহিব আৰু আই টি খণ্ড, উদ্যোগ, এম এছ এম ই আৰু ষ্টাৰ্টআপত নতুন সুযোগৰ সৃষ্টি হ’ব। মোদীয়ে লগতে কয় যে ভাৰতে ২০৩৫ চনৰ ভিতৰত মহাকাশত নিজাকৈ মহাকাশ কেন্দ্ৰ স্থাপন কৰিব।
প্ৰধানমন্ত্ৰীয়ে লগতে কয়, বৰ্তমান এনে কোনো খণ্ড নাই, যিটো প্ৰযুক্তি আৰু কম্পিউটিং শক্তিৰ ওপৰত নিৰ্ভৰশীল নহয়। ইয়াৰ বাবে আমাৰ অৱদান কেৱল কোৱাতেই আৱদ্ধ নাথাকি, টেৰাবাইট আৰু পিটাবাইট হ’ব লাগে। ৮৫০ কোটি মূল্যৰ হাই-এণ্ড কম্পিউটিং চিষ্টেম বিকশিত কৰা হৈছে। বাৰিষা আৰু জলবায়ু গৱেষণাৰ দিশত আজি বিজ্ঞান আৰু প্ৰযুক্তিৰ ক্ষেত্ৰখনে যথেষ্ট সফলতা লাভ কৰিছে।(India to set up space station by 2035)
এই সদস্য ভৰ্ত্তি অভিযানতে দেখা গৈছে দলটোৰ ক্ৰমবৰ্ধমান জনপ্ৰিয়তা৷ দেশৰ সকলো প্ৰান্ততে আমাৰ দলটোৰ প্ৰতি সাধাৰণ জনতাৰ আগ্ৰহ পূৰ্বতকৈও বাঢ়ি যোৱাত সদস্য সংখ্যাই পূৰ্বৰ অভিলেখকো চেৰ পেলাবলৈ আগবাঢ়িছে৷ অসমতো সদস্য ভৰ্তিৰ প্ৰতি ৰাইজৰ আগ্ৰহত আমি অভিভূত হৈছোঁ৷ (bjp)
ইতিমধ্যে ২৬ চেপ্তেম্বৰৰ নিশালৈ অসমত অনলাইন সদস্য ভৰ্ত্তিৰ সংখ্যা ৪৯,৯৪,৯৬৭ চুইচেগৈ৷ আজি আমি ৫০ লাখ অতিক্ৰম কৰি এক অভিলেখ ৰচনা কৰিম৷ লগতে আমাৰ ৰাজ্যখনৰ বাবে গৌৰৱৰ কথা যে আমাৰ অসমৰ তিনিটা সমষ্টিৰ ভিতৰত নলবাৰী সমষ্টিও সদস্য ভৰ্ত্তিৰ সংখ্যাৰে দেশৰ প্ৰথম ২০ টা বিধানসভা সমষ্টিৰ তালিকাত নাম লিখিবলৈ সক্ষম হৈছে৷ অসমৰ জালুকবাৰী সমষ্টিয়ে ১,০২,৭৯৬ সদস্য সংখ্যাৰে নৱম স্থান, জাগীৰোড সমষ্টিয়ে ৯২,৯১৭ সদস্য সংখ্যাৰে ১৪ তম স্থান আৰু নলবাৰী সমষ্টিয়ে ৮৭,৫৩৭ সদস্য সংখ্যাৰে ১৬ তম স্থান লাভ কৰিবলৈ সক্ষম হৈছে৷ (assam)
অসমৰ চহকী ঐতিহাসিক আৰু সাংস্কৃতিক ঐতিহ্যৰ সন্ধানত গুজৰাটৰ সাংবাদিক
দৈনন্দিন বাৰ্তাৰ সেৱা, ২৮ ছেপ্টেম্বৰঃ পৰ্যটন হৈছে এনে এক অন্যতম গুৰুত্বপূৰ্ণ বিষয় যিয়ে মানুহক শিকিবলৈ, তথ্য বিনিময় কৰিবলৈ, সংস্কৃতি আৰু পৰম্পৰাৰ মাজেৰে ব্যৱধান দূৰ কৰিবলৈ সক্ষম কৰি তোলে। গুজৰাটী ভাষাত “আদৰণি”ৰ অর্থ “আৱো পধাৰো”ৰ শুক্ৰবাৰে অসমত প্রকৃত অৰ্থ বিচাৰি পালে গুজৰাটৰ সাংবাদিকৰ এটা দলে। শুক্ৰবাৰে বিশ্ব পৰ্যটন দিৱস উপলক্ষে অসমৰ যোৰহাট, শিৱসাগৰ, চৰাইদেউ জিলাৰ বিভিন্ন ঐতিহাসিক, স্থাপত্য, আৰু প্ৰত্নতাত্ত্বিক স্থান পৰিদৰ্শন কৰে গুজৰাটৰ সাংবাদিকৰ দলটোৱে। উল্লেখ্য প্ৰতি বছৰে ২৭ ছেপ্টেম্বৰত বিশ্বজুৰি পালন কৰা হয় বিশ্ব পৰ্যটন দিৱস।(Assam historical and cultural heritage)
২০২৪ চনৰ ২৩ ছেপ্টেম্বৰৰ পৰা সাতদিনীয়াকৈ অসম ভ্ৰমণ কৰা গুজৰাটৰ সাংবাদিকৰ প্ৰতিনিধি দলটোৱে ২৯ ছেপ্টেম্বৰত তেওঁলোকৰ ভ্ৰমণৰ সামৰণি মাৰিব। তথ্য আৰু সম্প্ৰচাৰ মন্ত্ৰালয়ৰ অধীনস্থ গুৱাহাটীৰ প্ৰেছ ইনফৰ্মেশ্যন ব্যুৰোৱে গুজৰাটৰ সাংবাদিকৰ এই ভ্ৰমণৰ আয়োজন কৰিছে। এই ভ্ৰমণৰ উদ্দেশ্য হৈছে যাতে গুজৰাটৰ সাংবাদিকসকলে অসমৰ সাংস্কৃতিক, প্ৰাকৃতিক, ঔদ্যোগিক আৰু আন্তঃগাঁথনিগত উন্নয়নৰ বিষয়ে বুজিব পাৰে।
আজি সাংবাদিকৰ দলটোৱে অসমৰ যোৰহাট জিলাৰ হোলোঙাপাৰত নিৰ্মাণৰত লাচিত বৰফুকনৰ ব্ৰঞ্জৰ প্ৰতিমূৰ্তি পৰিদৰ্শন কৰে। শেহতীয়াকৈ প্ৰধানমন্ত্ৰী শ্ৰী নৰেন্দ্ৰ মোদীয়ে উন্মোচন কৰিছিল “Statue of Valour” নামেৰে পৰিচিত এই প্ৰতিমূৰ্তি। এই প্ৰতিমূৰ্তিটো লাচিত মৈদাম স্মৃতিসৌধ আৰু সাংস্কৃতিক প্ৰকল্পৰ অন্তৰ্গত, যি প্ৰকল্প ০২৫ চনৰ জুলাই মাহৰ ভিতৰত সম্পূৰ্ণ হোৱাৰ কথা।এই কমপ্লেক্সত অন্তৰ্ভুক্ত থাকিব লাচিতৰ মূৰ্তি, টাই আহোম সংগ্ৰহালয়, লাচিত সংগ্ৰহালয়, এটা প্ৰেক্ষাগৃহ আৰু অন্যান্য। এই ২০২৩ চনৰ জানুৱাৰীাহত এই প্ৰকল্পৰ কাম আৰম্ভ হৈছিল।(Gujarat journalists)
সম্পূৰ্ণ হৈ উঠাৰ পিছত এই প্ৰতিমূৰ্তিটো এক ঐতিহ্যমণ্ডিত সম্পদত পৰিণত হ’ব, যাৰ ফলত অসমৰ, বিশেষকৈ যোৰহাট জিলাৰ পৰ্যটনৰ সম্ভাৱনা আৰু অধিক বৃদ্ধি পাব। শৰাইঘাটৰ যুদ্ধত মোগলৰ আক্ৰমণ প্ৰতিহত কৰা আহোমৰ সেনাপতি লাচিত বৰফুকনৰ সাহস আৰু বীৰত্বৰ স্মৃতিত এই প্ৰতিমূৰ্তি নিৰ্মাণ কৰা হৈছে। প্ৰতিমূৰ্তি নিৰ্মাণৰ কাম দ্ৰুতগতিত চলি থকাৰ লগতে অতি সোনকালে সম্পূৰ্ণ হোৱাৰ সম্ভাৱনা আছে।(journalists from Gujarat in search of Assam’s rich historical and cultural heritage)
আহোম ৰাজ্যৰ অসংখ্য স্থাপত্য, প্ৰত্নতাত্ত্বিক, অভিযান্ত্ৰিক আশ্চৰ্য্যৰ বাবে পৰিচিত শিৱসাগৰো সাংবাদিকৰ দলটোৱে পৰিদৰ্শন কৰে। সাংবাদিকৰ প্ৰতিনিধিৰ দলটোৱে ১৭৪৪ খ্ৰীষ্টাব্দত স্বৰ্গদেউ প্ৰমত্ত সিংহৰ ৰাজত্বকালত নিৰ্মিত এছিয়াৰ প্ৰথম এম্ফিথিয়েটাৰ বা পেভিলিয়ন ৰংঘৰো পৰিদৰ্শন কৰে। এই দুমহলীয়া ভৱন শিৱসাগৰৰ এক উল্লেখযোগ্য স্মৃতিসৌধ আৰু ই সমগ্ৰ অসম তথা ভাৰতৰ পৰ্যটকক আকৰ্ষণ কৰি আহিছে। ভাৰতীয় প্ৰত্নতাত্ত্বিক জৰীপ চমুকৈ এ এছ আই আৰু ৰাজ্যিক পুৰাতত্ত্ব বিভাগে বৰ্তমান এই কীৰ্তিচিহ্নটোৰ ৰক্ষণাবেক্ষণৰ দায়িত্ব বহন কৰি আহিছে। ৰাজ্যৰ পৰ্যটন বিভাগৰ বিষয়াসকলে গুজৰাটৰ সংবাদ মাধ্যমৰ প্ৰতিনিধিসকলক ৰংঘৰৰ ঐতিহাসিক গুৰুত্বৰ বিষয়ে অৱগত কৰে।
ছপা আৰু ইলেক্ট্ৰনিক উভয় মাধ্যমেৰে সংবাদ মাধ্যমৰ সাংবাদিকসকল গুজৰাটৰ এই প্ৰতিনিধি দলটোত অন্তৰ্ভূক্ত হৈ আছে। দলটোৱে আহোম ৰাজত্বকালত নিৰ্মিত আন এক উল্লেখযোগ্য কীৰ্তিচিহ্ন তলাতল ঘৰো পৰিদৰ্শন কৰে।
পিছত সাংবাদিকৰ দলটোৱে ২০২৪ চনৰ জুলাই মাহত ইউনেস্কোৰ বিশ্ব ঐতিহ্য তালিকাত অন্তৰ্ভুক্ত হোৱা চৰাইদেউ মৈদামো পৰিদৰ্শন কৰে।মৈদাম হ’ল আহোম ৰজা, ৰাণী, সম্ভ্ৰান্ত লোকসকলৰ সমাধিস্থল। “মৈদাম” শব্দটো টাই শব্দ “ফ্ৰাং-মাই-ডাম” বা “মাই-তাম”ৰ পৰা উদ্ভৱ হৈছে। “ফ্ৰাং-মাই”ৰ অৰ্থ হৈছে “কবৰত ৰখা” বা “কবৰ দিয়া” আৰু “ডাম”ৰ অৰ্থ হৈছে “মৃতকৰ আত্মা।”
এই ঐতিহাসিক স্থানক বিশ্ব ঐতিহ্য তালিকাত অন্তৰ্ভুক্ত কৰাৰ প্ৰচেষ্টা ২০২১ চনৰ পৰা আৰম্ভ হৈছিল, য’ত আন্তঃগাঁথনি সম্পৰ্কীয় উন্নয়ন, মৈদামসমূহৰ সংৰক্ষণ, ইউনেস্ক’ৰ বাবে ড’ছিয়াৰ প্ৰস্তুত কৰা আদি কাম নিহিত হৈ আছিল। ২০২৩ চনৰ অক্টোবৰ মাহত এই ড’ছিয়াৰ দাখিল কৰা হৈছিল আৰু ২০২৪ চনৰ জুলাই মাহত এই স্থানক আনুষ্ঠানিকভাৱে বিশ্ব ঐতিহ্য তালিকাত অন্তৰ্ভুক্ত কৰা হৈছিল।(World Tourism Day 2024)
পৰ্যটন বিভাগৰ বিষয়াসকলে সাংবাদিকৰ প্ৰতিনিধি দলটোক জনোৱা মতে সংৰক্ষণৰ প্ৰচেষ্টা আৰম্ভ হোৱাৰ সময়ত বহু মৈদাম জৰাজীৰ্ণ অৱস্থাত পোৱা আছিল। আহোম ৰাজ্যৰ শাসন দুৰ্বল হোৱাৰ লগে লগে বহু মৈদাম ভাঙি পেলোৱা হৈছিল। বৰ্তমান এই স্থান ভাৰতীয় প্ৰত্নতাত্ত্বিক জৰীপ (এএছআই ) আৰু অসমৰ ৰাজ্যিক প্ৰত্নতাত্ত্বিক বিভাগৰ দ্বাৰা ৰক্ষণাবেক্ষণ দি থকা হৈছে। এটা সংগ্ৰহালয়ো নিৰ্মাণৰ কাম চলি আছে আৰু অতি সোনকালে জনসাধাৰণৰ বাবে সেয়া মুকলি কৰা হ’ব। ৰাজ্যিক পুৰাতত্ত্ব বিভাগৰ দ্বাৰা পৰিচালিত এই সংগ্ৰহালয়ত আহোম ৰজা চ্যু-কা-ফাৰ জীৱন আৰু মৈদাম খননৰ সময়ত আৱিষ্কাৰ হোৱা শিল্পকৰ্মসমূহ প্ৰদৰ্শন কৰা হ’ব।
এই স্থান বিশ্ব ঐতিহ্য তালিকাত অন্তৰ্ভুক্ত হোৱাৰ পিছত পৰ্যটকৰ আগমনৰ সন্দৰ্ভত বিষয়াসকলে উল্লেখ কৰে যে দৰ্শনাৰ্থীৰ সংখ্যা যথেষ্ট বৃদ্ধি পাইছে আৰু পিছলৈ অধিক বৃদ্ধি পোৱাৰ সম্ভাৱনা আছে।
বিষয়াসকলে অঞ্চলটোৰ জলবায়ু আৰু ভৌগলিক কাৰকক আটাইতকৈ ডাঙৰ বাধা হিচাপে উল্লেখ কৰি মৈদামৰ সংৰক্ষণ আৰু ৰক্ষণাবেক্ষণৰ প্ৰত্যাহ্বানসমূহৰ বিষয়ত আলোকপাত কৰে। পাটকাই পাহাৰৰ পাদদেশত অৱস্থিত এই স্থানত গছ-গছনি দ্ৰুতগতিত বৃদ্ধি পোৱাৰ বাবে অহৰহ ঘাঁহ-বন আৰু অপতৃণ পৰিষ্কাৰ কৰাৰ প্ৰয়োজন হয় বুলিও তেওঁলোকে কয়।
এই প্ৰত্যাহ্বানসমূহৰ মাজতো এই ঐতিহাসিক স্থানে দৰ্শনাৰ্থীসকলক এক অনন্য স্থাপত্যৰ অভিজ্ঞতা প্ৰদান কৰি আহিছে। সেউজীয়া পাটকাই পাহাৰৰ মাজত ইয়াৰ অৱস্থানে পৰ্যটকৰ ইয়াৰ প্ৰতি আকৰ্ষণ আৰু অধিক বৃদ্ধি কৰিছে। গুজৰাটৰ সাংবাদিকসকলে এই স্থানৰ অনন্য স্থাপত্য দৰ্শন কৰি তথা আৰু ইতিহাসৰ বিষয়ে জানিব পাৰি মোহিত হৈ পৰে।
Israel Claims To Eliminate Hezbollah Commander: ইজৰাইলৰ বেইৰুটত হিজবুল্লাৰ অধিনায়ক মহম্মদ আলী ইছমাইলক হত্যা
ইজৰাইলৰ প্ৰতিৰক্ষা বাহিনীৰ অভিযানত মৃত্যু হিজবুল্লাৰ বহুকেইজন শীৰ্ষ নেতা
বেইৰুট: ইজৰাইলৰ প্ৰতিৰক্ষা বাহিনীয়ে বেইৰুটত থকা হিজবুল্লাৰ (Hezbollah) মুখ্য কাৰ্যালয়ত কৰা বিমান আক্ৰমণত মুঠ ৬ জন উগ্ৰপন্থী নিহত হোৱাৰ লগতে আহত হৈছে ৯১ জন ।ইজৰাইলৰ প্ৰতিৰক্ষা বাহিনীয়ে দাবী কৰা অনুসৰি, এই আক্ৰমণত হিজবুল্লাৰ বহুকেইজন নেতা, বিশেষকৈ মহম্মদ আলী ইছমাইল(Hezbollah Commander Muhammad Ali Ismail) আৰু তেওঁৰ উপ-অধিনায়ক হুছেইন আহমেদ ইছমাইলৰ মৃত্যু ঘটিছে(Israel Claims To Eliminate Hezbollah Commander)। তাৰোপৰি এই আক্ৰমণৰ ফলত সমগ্ৰ অঞ্চলটোৰ বহুকেইটা অট্টালিকাৰ ক্ষতিসাধন হোৱা দেখা গৈছে।
বেইৰুটৰ দক্ষিণ প্ৰান্তৰ পৰা আৰম্ভ হোৱা এই আক্ৰমণৰ ঘটনাৰ পাছতেই ইজৰাইল আৰু হিজবুল্লাৰ মাজত যুদ্ধৰ আশংকা অধিক বৃদ্ধি হোৱা পৰিলক্ষিত হৈছে। লেবাননৰ স্বাস্থ্য মন্ত্ৰ্যালয়ে জানিবলৈ দিয়া অনুসৰি, মৃতকৰ সংখ্যা আৰু বৃদ্ধি পোৱাৰ সম্ভাৱনা আছে । বৰ্তমানেও উদ্ধাৰকাৰী দলে ধ্বংসস্তূপৰ মাজৰ পৰা ক্ষতিগ্ৰস্তসকলক উদ্ধাৰৰ বাবে অভিযান অব্যাহত ৰাখিছে।
🔴Muhammad Ali Ismail, the Commander of Hezbollah’s Missile Unit in southern Lebanon, and his deputy, Hussein Ahmad Ismail, were eliminated in a precise IAF strike.
Ali Ismail was responsible for directing numerous terrorist attacks against the State of Israel, including the… pic.twitter.com/Esoyg4pLM7
দৈনন্দিন বাৰ্তা, ২৮ ছেপ্টেম্বৰঃ এটি ৭ বছৰীয়া কিশোৰীক ধৰ্ষণৰ পিছত হত্যা কৰি বস্তাৰ ভিতৰত মৃতদেহ ভৰাই থোৱা এজন লোকক অৱশেষত আদালতে মৃত্যুদণ্ড বিহিলে। ঘটনা সংঘটিত হোৱাৰ ডেৰ বছৰৰ পাছত কলকাতাৰ এখন আদালতে ধৰ্ষণকাৰীক মৃত্যুদণ্ডৰ শাস্তি প্ৰদান কৰিলে।(Kolkata News)
আদালতে এই অপৰাধটো “বিৰলতকৈ বিৰল” শ্ৰেণীৰ অন্তৰ্গত বুলি ধৰি লয় আৰু স্কটিছ দাৰ্শনিক তথা অৰ্থনীতিবিদ এডাম স্মিথৰ উদ্ধৃতি দি বৃহস্পতিবাৰে শাস্তি ঘোষণা কৰে। স্পেছিয়েল প্ৰটেকচন অৱ চিলড্ৰেনছ এগেইনষ্ট চেক্সুৱেল অফেন্স (POCSO) আদালতে কয় যে, “দোষীসকলৰ প্ৰতি কৰা দয়া নিৰীহৰ প্ৰতি কৰা নিষ্ঠুৰতা” ২০২৩ চনৰ ২৬ মাৰ্চৰ পুৱা কলকাতাৰ তিলজালা অঞ্চলত সংঘটিত হৈছিল এই নাৰকীয় কাণ্ড।
শিশুটিৰ পৰিয়ালৰ অভিযোগৰ ভিত্তিত কলকাতা আৰক্ষীয়ে ব্যাপক তালাচী আৰম্ভ কৰিছিল আৰু পিছদিনা সন্ধিয়া, চুবুৰীয়া লোক এজনৰ ফ্লেটৰ পাকঘৰৰ ভিতৰত বস্তাত শিশুটিৰ মৃতদেহ উদ্ধাৰ কৰা হৈছিল। চুবুৰীয়াজনক আলোক কুমাৰ শ্ব’ বুলি চিনাক্ত কৰা হৈছিল।(Kolkata Court Sentences Death Penalty)
তদন্তত জানিব পৰা গৈছে যে তেওঁ কিশোৰীগৰাকীক চকলেট দিয়া লোভ দেখুৱাই অপহৰণ কৰি ধৰ্ষণ আৰু হত্যা কৰা হৈছিল। এই ঘটনাই অঞ্চলটোত ক্ষোভৰ সৃষ্টি কৰাৰ লগতে প্ৰতিবাদকাৰীয়ে কেইবাখনো গাড়ী জ্বলাই দিছিল। প্ৰতিবাদকাৰীয়ে এখন থানাও ভাঙি লণ্ডভণ্ড কৰিছিল।
কলকাতা আৰক্ষীৰ অপৰাধ তদন্তকাৰী শাখাই এই গোচৰৰ তদন্ত কৰি ১৬ জুনত অভিযোগনামা দাখিল কৰে। যোৱা ২৪ জুলাইত বিশেষ POCSO আদালতৰ সন্মুখত অভিযোগৰ গতিগোত্ৰ লগোৱা হয় আৰু বৃহস্পতিবাৰে আদালতে লোকজনৰ মৃত্যুদণ্ডৰ ৰায়দান কৰে।
আদালতে কয় যে ৭ বছৰীয়া শিশুটিক যি ধৰণে যৌন নিৰ্যাতন আৰু হত্যা কৰা হৈছে, সেই ঘটনাই অপৰাধটোক “বিৰল গোচৰৰ ভিতৰত আটাইতকৈ বিৰল” শ্ৰেণীত স্থান দিছে।(rarest of rare)
