পৰিবেশৰ ভাৰসাম্য বজাই ৰখাৰ লগতে হস্তীৰ ক্ষেত্ৰত এক সজাগতাৰ সৃষ্টি কৰিবলৈ প্ৰতি বছৰে ১২ আগষ্টৰ দিনটো পালন কৰা হয় বিশ্ব হস্তী দিৱস।হাতীৰ সুৰক্ষা আৰু সংৰক্ষণৰ ক্ষেত্ৰত সজাগতা তথা গুৰুত্ব প্ৰদান কৰাই হ’ল মূল উদ্দ্যেশ্য।
প্ৰত্যেক বছৰৰ ১২ আগষ্ট তাৰিখে পালন কৰা হয় বিশ্ব হাস্তী দিৱস৷ৰাজ্যৰ অন্যান্য প্ৰান্তৰ সমান্তৰালভাৱে সোমবাৰে ওৰাং ৰাষ্ট্ৰীয় উদ্যানতো বিভিন্ন কাৰ্য্যসূচীৰে অনুষ্ঠিত কৰা হয় বিশ্ব হস্তী দিৱস৷হাতীক সন্মান জনাই উদ্যান খনত উদযাপন কৰা হাস্তী দিৱস৷ৰাতিপুৱা বন বিভাগৰ পোহনীয়া হাতী সমূহক গা ধোৱাই পূজা কৰে বনকৰ্মী সকলে। লগতে ওৰাং ৰাষ্ট্ৰীয় উদ্যান কতৃপক্ষই হাতীৰ মাউত সকলক জনায় সম্বৰ্ধনা।
বিশ্ব হস্তী দিৱস উপলক্ষে বিশ্বনাথ বন্যপ্ৰাণী সংমণ্ডলৰ উদ্যোগত প্ৰীতি ফুটবল।
বিশ্ব হস্তী দিৱস উপলক্ষে বিশ্বনাথ বন্যপ্ৰাণী সংমণ্ডলে দিনযোৰা কাৰ্যসূচীৰে ৰাইজৰ মাজত বিভিন্ন সজাগতামূলক কাৰ্যসূচী গ্ৰহণ কৰাৰ উপৰিও বিয়লি বিশ্বনাথৰ গলিয়া খেল পথাৰত এখন প্ৰীতি ফুটবল প্ৰতিযোগিতা অনুষ্ঠিত হয়।