মাৰ্ঘেৰিটা পাব্লিক উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ,দক্ষ প্ৰশাসক, শিক্ষাবিদ কৃষ্ণ প্ৰসাদ সিংহই আজি পুৱা ইহলীলা সম্বৰণ কৰে। তেখেতৰ মৃত্যু খৱৰ লাভ কৰা পিছতেই মাৰ্ঘেৰিটাৰ অঞ্চলৰ গুণমুগ্ধই তেখেতৰ বাসগৃহত ভীৰ কৰে।

তেখেতৰ বিদেহ আত্মাৰ চিৰশান্তি কামনা কৰি মাৰ্ঘেৰিটা পাব্লিক উচ্চতৰ মাধ্যমিক বিদ্যালয়ত এক ৰাজহুৱা শ্ৰদ্ধাঞ্জলি জ্ঞাপন কৰাৰ লগতে তেখেতৰ নশ্বৰ দেহ লৈ এক শোভাযাত্ৰা উলিওৱা হয়। উক্ত অনুষ্ঠানত উপস্থিত থাকি মাৰ্ঘেৰিটাৰ অঞ্চলৰ বিভিন্ন দল সংগঠন, প্ৰাক্তন ছাত্ৰ, উপৰিও ব্যক্তি বিশেষে শ্ৰদ্ধাঞ্জলি জ্ঞাপন কৰে। ইয়াৰ পিছতে তেখেতৰ নশ্বৰদেহ উত্তৰ মাৰ্ঘেৰিটা ৰাজহুৱা শ্মশানত দাহ কৰা হয়। তেখেতৰ মৃত্যুত বৃহত্তৰ মাৰ্ঘেৰিটা অঞ্চলত শোকৰ ছাঁ পৰা পৰিলক্ষিত হৈছে।

সৰ্বভাৰতীয় শ্ৰমিক সংগঠন অল ইণ্ডিয়া ৰেলৱে মেনচ ফেডাৰেচন আৰ এন. এফ. ৰেলৱে মজদুৰ ইউনিয়নৰ প্ৰাক্তন সাধাৰণ সম্পাদক, প্ৰাক্তন সাংসদ তথা শ্ৰমিক বন্ধু খ্যাত কমৰেড প্ৰিয় গুপ্তৰ ৪৫ সংখ্যক মৃত্যু বাৰ্ষিকী এন এফ ৰেলৱে মজদুৰ ইউনিয়নৰ মালিগাওঁ শাখা, নিৰ্মান শাখা আৰু মালিগাঁও মহিলা শাখাৰ উদ্যোগত সফলতাৰে পালন কৰা হয়। আজীৱন মেহনতি শ্ৰমিকৰ সৰ্বাংগীন উন্নতিৰ হকে কাম কৰি যোৱা প্ৰয়াত শ্ৰমিক নেতা গৰাকীৰ প্ৰতি শ্ৰদ্ধাঞ্জলি নিবেদন‌ কৰিবলৈ শাখা কেইটাই কেইবাটাও শ্ৰমিকৰ কল্যান জৰিত কাৰ্যসূচী হাতত লয়। এই অনুসৰি ৰাতিপুৱা এন এফ ৰেলৱেৰ মালিগাওস্থিত কেন্দ্ৰীয় চিকিৎসালয়ত চিকিৎসাধীন‌ তিনি শতাধিক শ্ৰমিক -কৰ্মচাৰী আৰু কৰ্তবৰত কৰ্মচাৰীসকলৰ মাজত ফল-মূল বিতৰণ কৰে।

এন এফ ৰেলৱে চেন্ট্ৰেল হস্পিতালৰ চিকিৎসা সঞ্চালক ডা. বি পি ডেকাই ৰোগীসকলৰ মাজত ফল-মূল বিতৰণৰ কাৰ্যসূচীৰ শুভাৰম্ভনি কৰে। এই কাৰ্যসূচীত এন এফ ৰেলৱে মজদুৰ ইউনিয়নৰ কেইবা গৰাকী কেন্দ্ৰীয় নেতা উপস্থিত থাকে। অনুষ্ঠানটোত কেন্দ্ৰীয় যুটীয়া সাধাৰণ সম্পাদক তথা মেডিকেল বিভাগৰ আহ্বায়ক(Medical Convenor ) উত্তম কুমাৰ ভট্টাচাৰ্য উপস্থিত থাকি মানৱ সেৱাই পৰম ধৰ্ম বুলি কয় আৰু শাখা কেইটাই লোৱা এই মানব দৰদী প্ৰচেষ্টাৰ ভূয়সী প্ৰসংশা কৰে। ইয়াৰ উপৰিও তিনিওটা শাখাৰ‌ নেতৃত্ব,কেইবাগৰাকীও বিষয়ববীয়া আৰু সদস্য উপস্থিত থাকি ফল-মূল বিতৰণৰ কাৰ্যসূচী তদাৰক কৰে।

উল্লেখযোগ্য যে-সন্ধিয়া মালিগাঁও শাখা কাৰ্যালয়ত প্ৰয়াত শ্ৰমিক নেতা গৰাকীৰ কৰ্মৰাজি আৰু শ্ৰমিক আন্দোলনৰ প্ৰতি তেওঁ আগবঢ়াই যোৱা অবদানক সুৱৰি এক স্মৃতিচাৰণ সভা অনুস্থিত হব বুলি মালিগাও শাখাৰ শাখা সম্পাদক তথা অনুষ্ঠানটোৰ আহ্বায়ক পংকজ কলিতাই জানিবলৈ দিয়ে। এই স্মৃতিচাৰণ সভাতেই শ্ৰমিক দৰদী নেতাজনৰ প্ৰতি প্ৰকৃত শ্ৰদ্ধাঞ্জলি জনোৱাৰ মানসেৰে আৰু ৰেলৱে কৰ্মচাৰীসকলৰ বিভিন্ন সমস্যাৰ প্ৰতি লক্ষ্য ৰাখি এটি অভিযোগ কোষ(Grievance Cell) মুকলি কৰা হয়।এই অনুসৰি হোৱাটচ নম্বৰ ৯৩৬০৪৬৭৬৭৫ যোগে ৰেলৱে কৰ্মচাৰী সমুহে দৈনন্দিন জীৱনত সন্মুখীন‌ হোৱা বিভিন্ন সমস্যা সৰ্ম্পকে অভিযোগ পঠিয়াব পাৰিব। পৰৱৰ্তী সময়ত এন এফ ৰেলৱে মজদুৰ ইউনিয়নে পৰ্যায়ক্ৰমে এই অভিযোগ সমূহ ৰেলৱে প্ৰশাসনৰ দৃষ্টিগোচৰ কৰি সমস্যা সমুহ সমাধানৰ‌ বাবে উপযুক্ত পদক্ষেপ হাতত লব বুলি শাখা সম্পাদক পংকজ কলিতাই জনায়।

চৰাইদেউ জিলাৰ ৯৪ নং মাহমৰা বিধানসভা সমষ্টি ভয়ংকৰ বলীয়া বানৰ কবলত৷ হাজাৰ হাজাৰ ঘৰৰ মানুহৰ ভিতৰত পানী তথা বহু ৰাস্তা পানীৰ তলত বুৰ গৈছে৷ মানুহখিনিক বিপদৰ সময়ত সহায় কৰিবলৈ আহ্বান ৰাইজৰ।

আশা কৰাৰ দৰে মন্ত্ৰী যোগেন মহনে কোনো ব্যৱস্থা এতিয়ালৈকে লোৱা নাই বুলি অভিযোগ৷ ৰাঙলী, সুন্দৰপুৰ, খোকামৰা ডবা পাঁচআলি কাছমাৰী, কচুমাৰি আদি অঞ্চলত পানী বিপদ সীমাৰ ওপৰেদি বাগৰিছে৷ অতি সোনকালে বানবিধস্ত ৰাইজক বানসাহাৰ্য আৰু কেইখনমান চৰকাৰী নাঁৱৰ খুবেই জৰুৰী৷ অতি সোনকালে এই বিপদৰ সময়ত ৰাইজক সঁহাৰি জনাবলৈ অনুৰোধ ৰাইজ।