প্ৰশ্নৰ উত্তৰ দিব নোৱাৰাৰ বাবেই বন্ধুৱে হত্যা কৰিলে বন্ধুক৷ ইতিমধ্যে আটক কৰা হৈছে হত্যাকাৰী বন্ধুক৷
ইণ্ডোনেছিয়াত সংঘটিত হৈছে এই ঘটনা৷ উল্লেখ্য যে, কাদিৰ মাৰ্কুছক ডিআৰ নামৰ ব্যক্তিজনে সুৰাপান কৰিবলৈ মাতি আনি কৰিছিল এই প্ৰশ্নটো ৷
কিন্তু উত্তৰ দিব পৰা নাছিল বন্ধু মাৰ্কুছে৷
NEET-UGৰ প্ৰশ্নকাকত ফাদিল সন্দৰ্ভত উচ্চতম ন্যায়ালয়ৰ গুৰুত্বপূৰ্ণ ৰায় ৷
ব্যাপক ৰূপত ভাইৰেল হোৱা নাছিল প্ৰশ্নকাকত ৷ NEET-UG পৰীক্ষাৰ পুনৰ অনুষ্ঠিত কৰাৰ আবেদন খাৰিজ ৷
ৰায়ত কোনো অসন্তুষ্টি হ’লে উচ্চ ন্যায়ালয়ৰ কাষ চাপিব পাৰে৷
যিকোনো বস্তু বেছিকৈ খোৱাটো শৰীৰৰ বাবে উপকাৰী নহয়। আজিকালি ডিটক্স পানী সকলোৱে খাই। “ডিটক্স পানী” সঠিকভাৱে আৰু সঠিক পৰিমাণত নাখালে শৰীৰৰ ক্ষতিও হ’ব পাৰে। আমি সকলোৱে দিনটোত কমেও দুইৰ পৰা তিনি লিটাৰ পানী খাব লাগে, যাতে শৰীৰে প্ৰয়োজনীয় পানী পায় আৰু প্ৰদূষক পদাৰ্থবোৰ বাহিৰ কৰি দিয়ে। কিন্তু ব্যস্ত জীৱনত পৰ্যাপ্ত পানী খোৱা সম্ভৱ নহয়! সুস্থ হৈ থাকিবলৈ পানীৰ লগত কোনো ধৰণৰ আপোচ কৰিব নালাগে। আৰু এই কাৰণেই বহুতে ‘ডিটক্স পানী’ৰ ওপৰত নিৰ্ভৰ কৰে।
আনহাতে “ডিটক্স পানী” সঠিক পৰিমাণত আৰু সঠিক নিয়ম পালন নকৰিলে শৰীৰৰ ক্ষতিও হ’ব পাৰে-
১)প্ৰয়োজনতকৈ অধিক ডিটক্স পানী খালে শৰীৰত ছডিয়ামৰ মাত্ৰা কমি যায়। অত্যধিক প্ৰস্ৰাৱৰ ফলত তেজত ছডিয়ামৰ মাত্ৰা কমি গ’লে ভাগৰুৱা হয় শৰীৰ।
২) শৰীৰৰ বাবে প্ৰয়োজনীয় পানীৰ পৰিমাণ প্ৰতিজন ব্যক্তিৰ ওজন আৰু কৰ্মক্ষমতাৰ ওপৰত নিৰ্ভৰ কৰে। কোনে কিমান পানী খাব সেই পানীৰ চাহিদাৰ ওপৰত নিৰ্ভৰ কৰিব। কেইবাটাও ৰোগত পানীৰ পৰিমাণ কমাব লাগে।
৩) অতিৰিক্ত ডিটক্স পানী খালে খাদ্যৰ লোভ কমি যায়। ফলত শৰীৰত ভিটামিন আৰু খনিজ পদাৰ্থৰ অভাৱ হ’ব পাৰে।
৪)ডিটক্স পানীয়ে সাময়িকভাৱে ওজন কমাবলৈ সহায় কৰে। কিন্তু এই প্ৰথা দীৰ্ঘদিন ধৰি চলি থাকিলে বিপাকীয় হাৰ কমি যায়। গেছৰ সমস্যা হ’ব পাৰে।
আকৌ এবাৰ দিল্লীৰ এখন বিদ্যালয় বিস্ফোৰণৰ বোমা বিস্ফোৰণৰ ভাবুকি। এতিয়া এটা ইমেইল আহিছে বৃহত্তৰ কৈলাশ অঞ্চলৰ ছামাৰ ফিল্ডছ স্কুল উৰুৱাই দিয়াৰ ভাবুকি। দিল্লী আৰক্ষীয়ে জনোৱা মতে, ইমেইলত লিখা আছে যে কালি বিদ্যালয়খনত বোমা স্থাপন কৰা হৈছে। তদন্তত এতিয়ালৈকে একো পোৱা নাই, আইনী ব্যৱস্থা আৰম্ভ কৰা হৈছে।
ছামাৰ ফিল্ডছ স্কুলৰ অধ্যক্ষ শালিনী আগৰৱালে কয়, “আমালৈ গভীৰ নিশা এটা ইমেইল আহিছিল, যিটো আজি পুৱাই পৰীক্ষা কৰা হৈছিল। এছ অ’ পি অনুসৰি ইমেইল পোৱাৰ ১০ মিনিটৰ ভিতৰতে আমি ছাত্ৰ-ছাত্ৰীক খালী কৰি লৈছিলো। আমি আৰক্ষী আৰু আৰক্ষীৰ সৈতে যোগাযোগ কৰিছিলো district.” আৰু আমি আৰক্ষীৰ ওচৰত কৃতজ্ঞ, তেওঁলোকে লগে লগে আহি আমাক বহুত সহায় কৰিলে।”
শালীনী আগৰৱালাই কয় যে ইয়াত ছাত্ৰ-ছাত্ৰী প্ৰায়েই নাই, আমি মাত্ৰ অপেক্ষা কৰি আছো কিছুমান অভিভাৱকে আহি সন্তানক সংগ্ৰহ কৰিবলৈ। আৰক্ষী আৰু বোমা নিষ্কাশন দল ইয়াত আছে আৰু তেওঁলোকে চৌহদটোৰ তদন্ত কৰি আছে। পিতৃ-মাতৃৰ মাজত একেবাৰে আতংকৰ সৃষ্টি হোৱা নাছিল।
ইয়াৰ আগতেও ভাবুকি দিয়া হৈছিল
ইয়াৰ পূৰ্বে ৩০ এপ্ৰিলতো দিল্লী আৰু নয়ডাৰ বহু বিদ্যালয়ত ইমেইলৰ জৰিয়তে বোমাৰ ভাবুকি দিয়া হৈছিল। অৱশ্যে তদন্তৰ অন্তত আৰক্ষীয়ে একো বিচাৰি নাপালে। আৰক্ষীয়ে জনাইছিল যে বোমাৰ ভাবুকি সন্দৰ্ভত হকছৰ ফোন কৰা হৈছে।
ধেমাজি জিলাৰ গোগামুখ মহৰিকেম্পস্থিত ৰাজীৱ গান্ধী গ্ৰাম্য ক্ৰীড়া প্ৰকল্পত মহৰিকেম্প ক্ৰীড়া সন্হাৰ সহযোগত আৰু ৭৮ সংখ্যক স্বাধীনতা দিৱস উদ্যাপন সমিতিৰ উদ্যোগত স্বাধীনত দিৱস কাপ প্ৰাইজমাণি আৰু ট্ৰফী ফুটবল প্ৰতিযোগিতা আৰম্ভ হৈছে ৷ বৃহস্পতিবাৰে অনুষ্ঠিত হোৱা প্ৰথমখন খেলত গোগামুখ স্পৰ্ট একাডেমীয়ে মহৰিকেম্প নিউ ফ্ৰেইণ্ডছ্ দলক ২-১ গ’লৰ ব্যৱধানত পৰাস্ত কৰি পৰবৰ্ত্তী ৰাওণ্ডত প্ৰৱেশ কৰিছে ৷ গোগামুখ স্পৰ্ট একাডেমীয়ে উভয় অৰ্ধতে সুন্দৰ খেল প্ৰদৰ্শন কৰি দৰ্শক ৰাইজক আপ্লুত কৰে ৷
উভয় অৰ্ধতে একাডমীয়ে ৭০ শতাংশ বল নিজৰ ভৰিত ৰাখিবলৈ সক্ষম হয় ৷ বৃহস্পতিবাৰৰ খেলখন পৰিচালন কৰে বিদ্যুৎ বিকাশ মিলি, জিন্টু ফুকন আৰু বিপুল চাংমায়ে৷ চতুৰ্থ পৰিচালক হিচাপে থাকে ব্ৰজেন বুঢ়াগোঁহায়ে ৷ খেলখন উদ্বোধন কৰে ধেমাজি ক্ৰীড়া সন্হাা সম্পাদক যতীন বুঢ়াগোঁহায়ে ৷ তেওঁক সহযোগ কৰে প্ৰাক্তন ৰাজ্যিক ফুটবল খেলুৱৈ দিলীপ পেগুৱে ৷ সভাত উপস্থিত থাকে মহৰিকেম্প ক্ৰীড়া সন্হাৰ সভাপতি ৰমেশ পেগু, সম্পাদক কমল পেগু, ৭৮ সংখ্যক স্বাধীনতা দিৱস উদ্যাপন সমিতিৰ সভাপতি মণিকান্ত (দুনীয়া) মিলি, সম্পাদক তনু মিলি আৰু স্থানীয়, শিক্ষক, ক্ৰীড়া সংগঠকসকলে ৷
ভাৰত চৰকাৰৰ প্ৰতিৰক্ষা মন্ত্ৰণালয়ৰ অধীনৰ সীমান্ত পথ সংগঠনৰ (বি আৰ অ ) পূৱ মণ্ডলৰ ভাৰপ্ৰাপ্ত অতিৰিক্ত সঞ্চালক প্ৰধান (এ ডি জি) হিচাপে বৃহস্পতিবাৰে পূব মণ্ডলৰ গুৱাহাটীৰ লংকেশ্বৰস্থিত মূখ্য কাৰ্যালয়ত কাৰ্যভাৰ গ্ৰহণ কৰে ব্ৰহ্মাংক প্ৰকল্পৰ মুখ্য অভিযন্তা অজয় কুমাৰ মিশ্ৰই। উল্লেখ্য যে পূৱ মণ্ডলৰ এ ডি জি প্ৰবীণ কুমাৰ হনুমন্ত সিঙে ৩১ জুলাইত অৱসৰ গ্ৰহণ কৰাত প্ৰতিৰক্ষা মন্ত্ৰণালয়ে অৰুণাচল প্ৰদেশৰ পাছিঘাটস্থিত ব্ৰহ্মাংক প্ৰকল্পৰ মুখ্য অভিযন্তা হিচাপে কাৰ্যনিৰ্বাহ কৰি থকা অজয় কুমাৰ মিশ্ৰক জ্যেষ্ঠতা, দক্ষতা আৰু অভিজ্ঞতাৰ ভিত্তিত অজয় কুমাৰ মিশ্ৰক বি আৰ অৰ পূৱ মণ্ডলৰ ভাৰপ্ৰাপ্ত এ ডি জি হিচাপে নিযুক্তি দিয়া হয়। উল্লেখ্য যে ১৯৯২ বেটছৰ সীমান্ত পথ অভিযান্ত্ৰিক সেৱাৰ বিষয়া অজয় কুমাৰ মিশ্ৰই বিগত প্ৰায় ৩২ বছৰত জম্মু – কাশ্মীৰ , অৰুণাচল প্ৰদেশকে ধৰি ভাৰত – তিব্বত সীমান্তৰ অতি দুৰ্গম অঞ্চলত পথ, দলং, সুৰংগ আদিৰ নিৰ্মাণ কাৰ্যত জড়িত হৈ যাতায়াত ব্যৱস্থাৰ উন্নয়ন সাধন কৰাৰ দীৰ্ঘদিনীয়া অভিজ্ঞতা সঞ্চয় কৰিছে।
আনকি ভাৰত – তিব্বত সীমান্তৰ দাঁতিয়েদি বৰ্ত্তমান নিৰ্মাণ কাৰ্য আৰম্ভ হোৱা অৰুণাচল প্ৰদেশৰ ফ্ৰন্টিয়াৰ হাইৱে নামৰ দুইলেনযুক্ত ঘাইপথ প্রকল্পৰ লগতো জড়িত হৈ আছে বি আৰ অত দক্ষ অভিযন্তা হিচাপে সুনাম অৰ্জন কৰা অজয় কুমাৰ মিশ্ৰ। আনহাতে কাৰ্যভাৰ গ্ৰহণ কৰাৰ পাছতেই পূৱ মণ্ডল মূখ্য কাৰ্যালয়ৰ সভাগৃহত অভিযন্তা আৰু বিষয়া সকলৰ সৈতে এখন বৈঠকত মিলিত হৈ অজয় কুমাৰ মিশ্ৰই পূৱ মণ্ডলৰ অধীনত চলি থকা বিভিন্ন প্ৰকল্পৰ কাম – কাজ সমূহৰ পৰ্যালোচনা কৰাৰ লগতে সকলো নিৰ্মাণ কাৰ্য যাতে নিৰ্ধাৰিত সময়ৰ ভিতৰত সম্পন্ন হয় তাৰ ওপৰত গুৰুত্ব আৰোপ কৰে।
মুকেশ আম্বানীৰ কনিষ্ঠ পুত্ৰ অনন্ত আম্বানী আৰু বোৱাৰীয়েক ৰাধিকা মাৰ্চেণ্ট আছে বৰ্তমান প্ৰেমৰ চহৰত। পেৰিছৰ ‘দ্য চিটি অৱ লাভ’ত পত্নী ৰাধিকা মাৰ্চেণ্টৰ হাতত ধৰি ঘূৰি ফুৰা দেখা গৈছিল। ছ’চিয়েল মিডিয়াত বিয়পি পৰিছে নৱবিবাহীতাৰ হাতে হাত ধৰি খোজ কঢ়াৰ এটা ভিডিঅ’।
কেৱল সেয়াই নহয়, অনন্ত আৰু ৰাধিকাৰ সৈতে আম্বানী পৰিয়ালৰ আন সদস্যসকলো পেৰিছলৈ গৈছে। পেৰিছত চলি আছে অলিম্পিক। সকলোৱে অলিম্পিক চাবলৈ পেৰিছলৈ গৈছিল।
১২ জুলাইত অনন্ত ৰাধিকাৰ সৈতে বিবাহপাশত আবদ্ধ হয়। মুম্বাইত তিনিদিন ধৰি চলিছিল এই বিবাহ অনুষ্ঠান। পুত্ৰৰ বিয়া উপলক্ষে মুকেশে ৫০০০ কোটি টকা খৰচ কৰিছে। আম্বানী পুত্ৰৰ বিবাহ অনুষ্ঠানত দেশ-বিদেশৰ ৰাজনীতিবিদকে ধৰি ১৪ হাজাৰৰো অধিক অতিথিক আমন্ত্ৰণ জনোৱা হয়। লণ্ডনত অনন্ত আৰু ৰাধিকাৰ বিয়াৰ পিছৰ অনুষ্ঠান আম্বানীহঁতে আয়োজন কৰিবলৈ ওলাইছে বুলি উৰাবাতৰি চৰ্চা হৈছে।
ধুবুৰীত আৰক্ষীয়ে আটক কৰিলে আৰক্ষীক৷ অৰুণোদয়ৰ ধন সংগ্ৰহৰ অভিযোগত আটক আৰক্ষী জোৱান৷
ৰাকিবুল ইছলাম আহমেদ নামৰ জোৱানজনক আটক৷
জোৱানজনে বিজেপিৰ নেতা বুলি পৰিচয় দি সংগ্ৰহ কৰিছিল ধন৷
সমগ্ৰ দেশতে বৰষুণৰ ফলত বিধ্বংসী সৃষ্টি হৈছে, কেৰালাৰ ৱায়ানাদৰ পৰা ইউ পিলৈকে বৰষুণৰ ফলত শ শ লোকে প্ৰাণ হেৰুৱাইছে। উত্তৰ ভাৰতৰ বহু ঠাইত হোৱা প্ৰচণ্ড বৰষুণৰ ফলত ২০ জনতকৈ অধিক লোকৰ মৃত্যু। বৰষুণ আৰু ভূমিস্খলনৰ বাবে বহু লোক নিৰুদ্দেশ হৈছে। কেৰালাৰ ৱায়ানাদত ভূমিস্খলনৰ ফলত মৃত্যু হৈছে ২০০ৰো অধিক লোকৰ। উত্তৰাখণ্ডত নিশা হোৱা ধাৰাসাৰ বৰষুণৰ ফলত ১২ জন লোকৰ মৃত্যু। বতৰ বিজ্ঞান বিভাগে জনাইছে যে আজি বহু অঞ্চলত প্ৰবল বৰষুণৰ সম্ভাৱনা আছে। দিল্লী-ইউ পিৰ পৰা হিমাচল প্ৰদেশ আৰু উত্তৰাখণ্ডলৈ ধাৰাসাৰ বৰষুণৰ ভৱিষ্যদ্বাণী কৰিছে আই এম ডিয়ে।
হিমাচল প্ৰদেশতো ডাৱৰ বিস্ফোৰণৰ ঘটনাত ৫ জন লোকৰ মৃত্যু হোৱাৰ লগতে প্ৰায় ৫০ জন লোক নিৰুদ্দেশ। কৰ্ণাটকৰ উডুপি জিলাৰ নেল্লিকাৰু গাঁৱত প্ৰচণ্ডৰ পৰা অতি প্ৰবল বৰষুণৰ ফলত এটা ঘৰ আংশিকভাৱে ভাঙি মৃত্যু হয় এগৰাকী ৫৬ বছৰীয়া মহিলাৰ। ভাৰতৰ বতৰ বিজ্ঞান বিভাগে শুকুৰবাৰে ৰাজধানীত আকাশ ডাৱৰীয়া হোৱাৰ লগতে কিছু অঞ্চলত ধাৰাসাৰ বৰষুণৰ ভৱিষ্যদ্বাণী কৰিছে। দিল্লী আৰু ইয়াৰ দাঁতিকাষৰীয়া ৰাজ্যসমূহৰ একাংশ স্থানত ধাৰাসাৰ বৰষুণৰ সম্ভাৱনা থকা বুলিও বিভাগটোৱে জানিবলৈ দিয়ে।
হাওঁফাওঁৰ কৰ্কট ৰোগ এক মাৰাত্মক ৰোগ। এই ৰোগৰ বাবে সমগ্ৰ বিশ্বৰ লাখ লাখ লোকে প্ৰাণ হেৰুৱাইছে। আপোনাৰ আৰু আপোনাৰ আপোনজনক সজাগ কৰিবলৈ প্ৰতি বছৰে ১ আগষ্টত বিশ্ব হাওঁফাওঁ কৰ্কট দিৱস পালন কৰা হয়। ইয়াৰ উদ্দেশ্য হৈছে হাওঁফাওঁৰ কৰ্কট ৰোগৰ বিষয়ে সজাগতা বিয়পাই দিয়া আৰু এই ৰোগৰ বিষয়ে মানুহক জ্ঞান দিয়া। হাওঁফাওঁৰ কৰ্কট ৰোগ বিশ্বজুৰি কৰ্কট ৰোগৰ ফলত হোৱা মৃত্যুৰ অন্যতম প্ৰধান কাৰণ।
ধঁপাত খোৱাটো (চিগাৰেট) হাওঁফাওঁৰ কৰ্কট ৰোগৰ প্ৰধান বিপদজনক কাৰক। ধূমপান নকৰা লোকৰো ইয়াৰ প্ৰভাৱ পৰিব পাৰে। আন আন বিপদজনক কাৰকসমূহৰ ভিতৰত বায়ু প্ৰদূষণ, বংশগত কেন্সাৰ চিনড্ৰম আৰু দীৰ্ঘদিনীয়া হাওঁফাওঁৰ ৰোগ।
হাওঁফাওঁৰ কৰ্কট ৰোগৰ লক্ষণ হৈছেঃ
উশাহ লোৱাত কষ্ট পোৱা – যদি কেন্সাৰ কোষ বাঢ়ি বায়ুৰ পথ বন্ধ কৰি দিয়ে তেন্তে হাওঁফাওঁৰ কৰ্কট ৰোগৰ ফলত উশাহ-নিশাহৰ কষ্ট হ’ব পাৰে।
তেজ কাহ- হাওঁফাওঁৰ কৰ্কট ৰোগত বায়ুপথতো ৰক্তক্ষৰণ হয় আৰু ইয়াৰ ফলত তেজ কাহ ওলায়। কেতিয়াবা ৰক্তক্ষৰণ তীব্ৰ হ’ব পাৰে।
বিষ – হাওঁফাওঁৰ কৰ্কট ৰোগ বিয়পিলে তীব্ৰ বিষ হয়।
শৰীৰৰ আন অংশলৈ বিয়পে- হাওঁফাওঁৰ কৰ্কট ৰোগ সাধাৰণতে শৰীৰৰ আন অংশ যেনে মগজু আৰু হাড়লৈ বিয়পে। কেন্সাৰ বিয়পিলে বিষ, বমি, মূৰৰ বিষ আৰু বহুতো লক্ষণ দেখা দিব পাৰে।
হাওঁফাওঁৰ কৰ্কট ৰোগ প্ৰতিৰোধৰ উপায়ঃ
