মুছলমান যুৱকেৰে বিবাহপাশত আৱদ্ধ হৈ বিপদত পৰিছে অভিনেত্ৰী সোনাক্ষী সিনহা। বিহাৰত প্ৰৱেশ নিষিদ্ধ কৰিলে সোনাক্ষী সিনহাৰ। বিবাহৰ বিৰোধিতাৰে পোষ্টাৰ লগালে পাটনাত।
২৩ জুনত সম্পন্ন হৈছিল ইকবাল আৰু সোনাক্ষী সিনহাৰ বিবাহ।পিতৃ শত্ৰুঘ্ন সিনহাক সমগ্ৰ ঘটনাতো পুনৰ বিবেচনা কৰি চাবৰ বাবেও আহ্বান জনায় হিন্দু ভৱানী সেনাই।
ভক্তৰ সমাগমেৰে উখল-মাখল নীলাচলৰ বুকু।
আজি অম্বুবাচী মেলাৰৰ অন্তিম দিন।
নিশা ৯ বাজি ৭ মিনিটত অম্বুবাচীৰ নিবৃত্তি।
কাইলৈ পুৱা ভক্তৰ বাবে খোলা হ’ব মন্দিৰৰ দুৱাৰ।
ডায়েবেটিছ ৰোগীৰ বাবে এই লেখাটো।ঔষধতকৈ ডায়েবেটিছক ভালদৰে নিয়ন্ত্ৰণ কৰিব পাৰে ডায়েবেটিছ ৰোগীৰ বাবে চেনি নিয়ন্ত্ৰণ কৰাটো অতি গুৰুত্বপূৰ্ণ। কিন্তু শেহতীয়াকৈ কৰা এক অধ্যয়ন অনুসৰি ৫:২ ডায়েট প্লেন টাইপ ২ ডায়েবেটিছত আক্ৰান্ত লোকৰ বাবে ঔষধতকৈ অধিক উপকাৰী বুলি কোৱা হৈছে। যদি আপুনি ঔষধ অবিহনে ডায়েবেটিছ নিয়ন্ত্ৰণ কৰিব বিচাৰে, তেন্তে এই ডায়েট প্লেন চেষ্টা কৰকঃ
৫:২ ডায়েটো মাজে মাজে উপবাস কৰাৰ দৰেই। ইয়াৰ বাবে পাঁচ দিন কোনো ধৰণৰ বিৰতি নোলোৱাকৈ খাদ্য খোৱা আৰু একেৰাহে দুদিন কেলৰি ৫০০-৬০০ কমাব লাগে। এনে খাদ্য পৰিকল্পনা পালন কৰিলে গ্লাইচেমিক নিয়ন্ত্ৰণত সহায় কৰাই নহয় মেদবহুলতা হ্ৰাস কৰাতো সহায় কৰে।
৪০৫ জন প্ৰাপ্তবয়স্কৰ ওপৰত কৰা এই অধ্যয়নত দেখা গৈছে যে ৫:২ খাদ্য পৰিকল্পনা অনুসৰণ কৰিলে মেটফৰ্মিন আৰু এম্পাগ্লিফ্ল’জিনৰ তুলনাত গ্লাইচেমিক নিয়ন্ত্ৰণ (তেজৰ গ্লুক’জৰ মাত্ৰা) উন্নত হয়। যাৰ বাবে ইয়াক টাইপ ২ ডায়েবেটিছ ৰোগীৰ বাবে ঔষধৰ এক উৎকৃষ্ট বিকল্প কৰি তোলা হৈছে।
গৱেষকসকলে ৰিপ’ৰ্ট কৰিছে যে ৫:২ খাদ্য গ্ৰহণ কৰা ডায়েবেটিছ ৰোগীৰ তেজৰ গড় চেনিৰ পৰিমাণ তিনি মাহত যথেষ্ট হ্ৰাস পোৱা দেখা গৈছে। ইয়াৰ উপৰিও তেওঁলোকৰ কঁকালৰ চৰ্বিও হ্ৰাস পোৱা দেখা গৈছিল।
এদিনীয়া বিশ্বকাপৰ ফাইনেলত অষ্ট্ৰেলিয়াক পৰাস্ত কৰি ছেমি-ফাইনেলত ভাৰত। ভাৰতৰ ২০৫ ৰানৰ ব্যৱধানত অষ্ট্ৰেলিয়াই ১৮১ ৰানহে সংগ্ৰহ কৰিবলৈ সক্ষম হ’ল।
ছেইন্ট লুচিয়াত পৰাজয়ৰ পিছতে প্ৰতিশোধ ল’লে ভাৰতে।ছুপাৰ এইটতো টীম ইণ্ডিয়াই দুৰ্দান্ত আৰম্ভণি কৰিছিল। ভাৰতৰ অধিনায়ক ৰোহিত শৰ্মাৰ তত্বাৱধানত দুৰ্দান্ত প্ৰদৰ্শণ কৰি অৱশেষত ছেমি-ফাইনেলত নামিল ভাৰত।
দিল্লী জলমন্ত্ৰী আতিশী মালেৰ্না অসুস্থ।
স্বাস্থ্যৰ অধিক অৱনতি ঘটাত লোক নায়ক জয়প্ৰকাশ নাৰায়ণ হাস্পতালৰ আই চি ইউত ভৰ্তি কৰোৱা হয়।
হাৰিয়ানাই দিল্লীৰ পানীৰ অংশ মোকলাই নিদিয়াৰ বাবে বিগত ৪ দিন ধৰি অনিৰ্দিষ্টকালীন অনশনত আছিল আতিশী।
অনিৰ্দিষ্টকালীন অনশন কৰি থকা অৱস্থাতে জলমন্ত্ৰী আতিশী হঠাতে পুৱা প্ৰায় ৩ বজাত অসুস্থ হৈ পৰে।
ৰাছিয়াৰ দক্ষিণৰ গণৰাজ্য দাগেস্তানত উগ্ৰপন্থীৰ ভয়ংকৰ আক্ৰমণ। সশস্ত্ৰ উগ্ৰপন্থীৰ আক্ৰমণত এগৰাকী ধৰ্মীয় গুৰু, আৰক্ষীসহ ১৫ জনতকৈও অধিক লোকৰ মৃত্যু হয়। এই আক্ৰমণত প্ৰায় ২৫ গৰাকী লোক আহত হয়। দাগেস্তানৰ গভৰ্ণৰ ছেৰ্গেই মেলিকভে সোমবাৰে পুৱতি নিশা এক বিবৃতিত এই কথা উল্লেখ কৰে।কৰ্তৃপক্ষই জনোৱা মতে উগ্ৰপন্থীয়ে দুখন চহৰত দেওবাৰে দুটাকৈ পুৰণি গীৰ্জা, এটা ছিনেগগ (ইহুদীসকলৰ উপাসনা গৃহ) আৰু এখন আৰক্ষী চকীত আক্ৰমণ কৰে। ৰাছিয়াৰ ৰাষ্ট্ৰীয় সন্ত্ৰাসবাদ বিৰোধী সমিতিয়ে সশস্ত্ৰ উগ্ৰবাদৰ ইতিহাস থকা মুছলমান প্ৰধান অঞ্চলটোত হোৱা এই আক্ৰমণক সন্ত্ৰাসবাদী কাৰ্যকলাপ বুলি বৰ্ণনা কৰিছে ।গভৰ্ণৰে জনোৱা মতে প্ৰায় ৬ উগ্ৰপন্থীও নিহত হৈছে। সোমবাৰৰ পৰা বুধবাৰলৈ অঞ্চলটোত শোক দিৱস পালন কৰা হৈছে। আৰক্ষীয়ে জনোৱা মতে উগ্ৰপন্থীৰ আক্ৰমণত এগৰাকী ধৰ্মীয় গুৰু আৰু প্ৰায় ৬ গৰাকী আৰক্ষী বিষয়া নিহত হয়।
দাগেস্তান প্ৰশাসনে কয় যে কাস্পিয়ান সাগৰ অঞ্চলত থকা ডাৰ্বেণ্ট চহৰৰ এটা ছিনেগগ আৰু এটা গীৰ্জাত সশস্ত্ৰ উগ্ৰপন্থীয়ে গুলীচালনা কৰে।গীৰ্জা আৰু ছিনেগগত অগ্নিসংযোগ কৰা হয়। প্ৰায় একে সময়তে দাগেস্তানৰ ৰাজধানী মাখাচকলাত এটা গীৰ্জা আৰু যান-বাহন আৰক্ষী চকীত আক্ৰমণ কৰে। দুয়োটা অঞ্চলৰ মাজৰ দূৰত্ব প্ৰায় ১২০ কিলোমিটাৰ হ’ব বুলি জানিব পৰা গৈছে। এই আক্ৰমণৰ পিচতে প্ৰশাসনে অঞ্চলটোত সন্ত্ৰাসবাদী বিৰোধী অভিযানৰ ঘোষণা কৰে।এই আক্ৰমণত কিমান উগ্ৰপন্থী জড়িত আছিল সেয়া এতিয়াও স্পষ্ট হোৱা নাই। কোনো সংগঠনেও এই আক্ৰমণৰ দায়িত্ব স্বীকাৰ কৰা নাই। জানিব পৰা মতে এই আক্ৰমণ সন্দৰ্ভত এজন দাগেস্তানী বিষয়াক আটক কৰা হৈছে। বিষয়াজনৰ পুত্ৰ এই ঘটনাত জড়িত থকাৰ সন্দেহ কৰা হৈছে।
পবিত্র হজ পালন কৰিবলৈ গৈ অকালতে মৃত্যুক সাৱটিলে সহস্ৰাধিক লোকে৷ চি এন এনৰ বাতৰি অনুসৰি, দেওবাৰে ছৌদি আৰৱ কৰ্তৃপক্ষই জনায় যে হজ তীৰ্থযাত্ৰাৰ সময়ত ১৩০১ জন লোকৰ মৃত্যু ঘটিছে৷ প্ৰখৰ গৰম আৰু অকৰ্তৃত্বশীল ভ্ৰমণৰ বাবে অসংখ্য হজ যাত্ৰী তথা ৰোগীৰ মৃত্যু ঘটিছে।এক বিবৃতিত ছৌদি চৰকাৰে কয়, স্বাস্থ্য বিভাগে চলিত বৰ্ষত উৎকট গৰমৰ ফলত অসুস্থ হৈ পৰা বহু লোকক সুস্থ কৰাৰ বাবে ব্যৱস্থা গ্ৰহণ কৰিছিল, কিছুমান ব্যক্তিৰ এতিয়াও চিকিৎসকৰ তদাৰক চলি আছে। দুখৰ বিষয় যে মৃত্যুৰ সংখ্যা ১৩০১ হৈছেগৈ। বিবৃতিটোত উল্লেখ কৰা হৈছে, মৃত্যু হোৱা লোকসকলৰ ৮৩% লোকেই হজ কৰিবলৈ অনুমতি লাভ কৰা নাই আৰু প্ৰত্যক্ষ সূৰ্যৰ পোহৰত দীঘলীয়া দূৰত্ব খোজ কাঢ়িছিল, পৰ্যাপ্ত আশ্ৰয় বা আৰাম নোহোৱাকৈ। নিহত লোকসকলৰ ভিতৰত আছে কেইবাজনো বৃদ্ধ আৰু দীৰ্ঘদিন ধৰি অসুস্থ হৈ থকা ব্যক্তি৷ সকলো মৃত লোকৰ পৰিয়ালক চিনাক্ত কৰা হৈছে। এইবাৰৰ হজ তীৰ্থযাত্ৰাৰ সময়ত শ শ লোকৰ মৃত্যু আৰু অসুস্থতাৰ আঁৰৰ মূল কাৰণ হিচাপে অভিহিত কৰা হৈছে চৰম উত্তাপ।
সোমবাৰে মক্কাত তাপমাত্ৰাই অভিলেখ সৃষ্টিকাৰী ১২৫ ডিগ্ৰী ফাৰেনহাইটলৈ বৃদ্ধি পায়। বিভিন্ন কৰ্তৃপক্ষই উল্লেখ কৰিছে যে বেচৰকাৰী তীৰ্থযাত্ৰীৰ সংখ্যাই সমস্যা বৃদ্ধি কৰিছে৷হজ যাত্ৰাৰ অনুজ্ঞাপত্ৰ লাভৰ বাবে এজন তীৰ্থযাত্ৰীয়ে কেইবাহাজাৰ মাৰ্কিন ডলাৰ খৰচ কৰিবলগীয়াত পাৰে। সাধাৰণতে অনুজ্ঞাপত্ৰবিহীন তীৰ্থযাত্ৰীসকলে এয়াৰ কণ্ডিচনাৰ বা পানী আৰু খাদ্য সামগ্ৰীৰ সহজ সুবিধা থকা যাত্ৰীবাহী বাছৰ সুবিধা লাভ নকৰে।একাংশ তীৰ্থযাত্ৰীয়ে এইবাৰৰ হজ তীৰ্থযাত্ৰাৰ আন্তঃগাঁথনি আৰু আয়োজন ব্যৱস্থাক সমালোচনা কৰিছে। চৰকাৰীভাৱে যোৱা তীৰ্থযাত্ৰীসকলেও দিনটোৰ বেছিভাগ সময় গৰমত বাহিৰত খোজ কাঢ়ি কটাবলগীয়াত পৰিছে।আন এক প্ৰতিবেদনত কোৱা হৈছে যে কিছুমান অপাৰেটৰে সঠিক ভিছা প্ৰদান কৰা নাই, গতিকে যাত্ৰীসকলে মক্কাত প্ৰৱেশ কৰিব নোৱাৰে আৰু বৰঞ্চ “মৰুভূমিৰ পথৰ মাজেৰে খোজকাঢ়ি” প্ৰৱেশ কৰিবলৈ বাধ্য হয়। ইয়াৰ উপৰিও কিছুমান প্ৰতিষ্ঠানে থকা-খোৱাৰ বাবে উপযুক্ত ব্যৱস্থা কৰিব নোৱাৰাৰ অভিযোগ উত্থাপন কৰা হৈছে। ইজিপ্তৰ প্ৰধানমন্ত্ৰী মোস্তাফা মেডবৌলিয়ে মৃত তীৰ্থযাত্ৰীসকলৰ পৰিয়াললৈ “আন্তৰিক সমবেদনা আৰু সহানুভূতি” প্ৰকাশ কৰাৰ লগতে তেওঁলোকক প্ৰয়োজনীয় সহায় আগবঢ়োৱাৰ প্ৰতিশ্ৰুতি দিয়ে। জানিব পৰা মতে, ৪৯ ডিগ্ৰী চেলছিয়াছ পৰ্যন্ত চৰম উষ্ণতাত এই যাত্ৰা কৰিছিল তীৰ্থযাত্ৰীসকলে।
হজযাত্ৰাৰ সময়ত বিশ্বাসীসকলে মক্কা আৰু ইয়াৰ আশে-পাশে বিভিন্ন ধৰণৰ ৰীতি-নীতি পালন কৰে, য’ত প্ৰায়ে প্ৰতিদিনে জুইসদৃশ গৰমত বহু ঘণ্টা খোজ কাঢ়িবলগীয়া হয়।চলিত বৰ্ষৰ হজত মৃতকৰ সংখ্যা এতিয়াও বৃদ্ধি হোৱাৰ আশংকা প্ৰকাশ কৰিছে ছৌদি আৰৱ চৰকাৰে৷
বিহাৰৰ নৱাদাত চিবিআই আৰু স্থানীয় আৰক্ষীৰ দলক আক্ৰমণ কৰে গাঁওবাসীয়ে। ভুৱা আখ্যা দি তদন্তকাৰী দলটোক আক্ৰমণ কৰা হয়। চিবিআইৰ দলটোৰ বাহনখনৰ চালকক বেয়াকৈ প্ৰহাৰ কৰে উত্তেজিত লোকে। জিলাখনৰ ৰজাউলী থানাৰ অধীনৰ মুৰহেনা-কাছিয়াদিহত সংঘটিত হৈছে এই ঘটনা। এই সন্দৰ্ভত ৰজাউলী থানাত এফআইআৰ দাখিল কৰা হৈছে, য’ত ৮ জন লোকৰ নাম উল্লেখ কৰা হৈছে। ১৫০-২০০ লোকক প্ৰাথমিক অভিযুক্ত কৰা হৈছে।আৰক্ষীয়ে গ্ৰেপ্তাৰ কৰিছে চাৰিজন অভিযুক্তক ।শনিবাৰে প্ৰায় ৪ বজাত নৱাদা আৰক্ষী বাহিনীৰ সৈতে চিবিআইৰ দলটোৱে মুৰহেনাৰ কাছিয়াদিহ গাঁৱৰ নিবাসী ফুলচাঁদ প্ৰসাদ আৰু তেওঁৰ পত্নী ববিতা দেৱীৰ ঘৰত তালাচী চলাই উভতি আহিছিল। এই সময়ছোৱাত পৰিয়ালৰ লোকৰ লগতে প্ৰায় ২০০-৩০০ জন লোকৰ সমাগম ঘটে সেই স্থানত। অসামৰিক সাজ-পোছাক পৰিধান কৰা চিবিআইৰ দলটোক ভুৱা আখ্যা দি ঘেৰি ধৰিলে লোকসকলে।
চিবিআইৰ বিষয়াসকলে পৰিচয় পত্ৰ দেখুৱাইছিল যদিও উত্তেজিত দলটো পতিয়ন যোৱা নাছিল। নৱাদা নগৰ থানাৰ এগৰাকী মহিলা কনিষ্টবল কাজল কুমাৰীয়েও দলটোক পতিয়ন নিয়াবলৈ চেষ্টা কৰে। কিন্তু ভিৰৰ মাজত মানুহবোৰে তেওঁলোকৰ কথা নুশুনি অভব্য আচৰণ কৰিবলৈ ধৰিলে।এই সন্দৰ্ভত চিবিআইৰ দলে ৰজাউলী থানাৰ আৰক্ষীক খবৰ দিয়ে। ৰজাউলী থানাৰ পৰা আৰক্ষী বাহিনী অহাৰ পাচতহে পৰিস্থিতি স্বাভাৱিক হৈ পৰে। এই আক্ৰমণত চিবিআইৰ দলৰ গাড়ী চালক সঞ্জয় ছোনী আহত হোৱাৰ বিপৰীতে এজন বিষয়াৰ চাৰ্ট ফাটি যায়।মহিলা কনিষ্টবলগৰাকীৰ প্ৰতি অপমানজনক ভাষা ব্যৱহাৰ কৰে মুৰহেনা পঞ্চায়তৰ ১৬ নং ৱাৰ্ডৰ ৱাৰ্ড মেম্বাৰ মিথিলেশ প্ৰসাদে।চিবিআইৰ বিষয়াসকলকো গালি-গালাজ কৰে লোকসকলে।কোৱা হৈছে যে UGC NET ৰ প্ৰশ্নকাকত ফাদিলৰ গোচৰত গ্ৰেপ্তাৰ হোৱা এজন যুৱকৰ তথ্য মতে কাছিয়াদিহৰ এগৰাকী যুৱতীৰ সন্ধানত চিবিআইৰ দলে অভিযান চলাইছিল৷ অভিযান কালত চিবিআইৰ দলটোৱে দুটাকৈ মোবাইল ফোনৰ লগতে কিছুমান বেংকৰ পাছবুক আৰু UGC NET ৰ সৈতে জড়িত কিছু নথি-পত্ৰ উদ্ধাৰ কৰে।অৱশ্যে নৱাদা আৰক্ষীয়ে জনোৱা মতে, চিবিআইৰ দলটোৱে দুটা মোবাইল ফোন জব্দ কৰি লগত লৈ গৈছে।
চিবিআই আৰু আৰক্ষী দলৰ ওপৰত সংঘটিত আক্ৰমণ সন্দৰ্ভত এফআইআৰ ৰুজু কৰা হৈছে। এগৰাকী যুৱতীসহ মুঠ চাৰিজন লোকক গ্ৰেপ্তাৰ কৰা হৈছে। আটক কৰা লোকসকলৰ ভিতৰত আছে এগৰাকী মহিলা, ৰাজকুমাৰ কুমাৰ, লালন কুমাৰ আৰু কাছিয়াদিহ
গাঁৱৰ বাসিন্দা অমৰজীত কুমাৰ। সকলোকে ন্যায়িক জিম্মালৈ প্ৰেৰণ কৰা হৈছে।
দীৰ্ঘদিনীয়া আশা প্ৰত্যাশাৰ অন্ত অৱশেষত অসমবাসীয়ে লাভ কৰিলে এক সু-খবৰ । বছৰ বছৰ ধৰি সপোন পোৱা নাছিল সাকাৰৰূপ, যি আশা আছিল এদিন অসমৰ সন্তানে ভাৰতীয় দলক প্ৰতিনিধিত্ব কৰি সন্মান বুটলি আনিব । উল্লেখ্য যে অম্বুবাচী মেলা চলি থকা সময়ছোৱাতে সেই আশাক লৈ দীৰ্ঘদিন ধৰি অপেক্ষা কৰি থকাৰ সময়ত এই খবৰ ৰাজ্যবাসীয়ে লাভ কৰিবলৈ সক্ষম হয় । এক আনন্দ সুখ-সমৃদ্ধিৰ বাৰ্তা কঢ়িয়াই ভাৰতীয় ক্ৰিকেট দলত স্থান লাভ কৰে অসম সন্তান ৰিয়ান পৰাগ ।
২০০১ চনৰ ১০ নৱেম্বৰত জন্মগ্ৰহণ কৰা পিতৃ পৰাগ দাস আৰু মাতৃ মিঠু বৰুৱাৰ সু-সন্তান
ৰিয়ানৰ ঘৰ গুৱাহাটীত । ২২ বছৰীয়া ৰিয়ানে ক্ৰিকেটৰ কেৰিয়াৰ জীৱন আৰম্ভ কৰিছিল ২০১৬ চনৰ পৰা । ২০১৭ চনত অসম ক্ৰিকেট টীমত যোগদান কৰি ২০১৮ চনৰ ডিচেম্বৰ মাহত ৰাজস্থান ৰয়েলছৰ হৈ খেলিছিল ।
শেহতীয়াকৈ ঘৰুৱা ছিজন তথা আইপিএলত দেখুৱাই দিয়া অভিনৱ প্ৰদৰ্শনৰ পিছতেই জাতীয় দলত ৰিয়ান পৰাগৰ নাম অন্তৰ্ভুক্ত হয়। ভাৰতীয় ক্ৰিকেট দলে জিম্বাব’য়েত টি-২০ ক্ৰিকেট শৃংখলাত দলটো অংশগ্ৰহণ কৰাৰ কথা আছে । দলটোত শুভমন গীলক অধিনায়কৰ দায়িত্ব দিয়াৰ কথা যদিও ৱেষ্ট ইণ্ডিজ আৰু আমেৰিকাই যুটীয়াভাৱে আয়োজন কৰা টি-২০ ত বিশ্বকাপ ক্ৰিকেটত খেলি থকা সূৰ্য কুমাৰ যাদৱ আৰু হাৰ্দিক পাণ্ডিয়া উভতি অহাৰ পাছতহে জিম্বাব’য়ে ভ্ৰমণৰ অধিনায়ক নিশ্চিত হোৱাৰ কথা উল্লেখিত হয় ।
এই অনুসৰি ভাৰতীয় দলে জিম্বাব’য়েৰ বিপক্ষে ৫ খন মেচ খেলিব । ৰাজ্যৰ ক্ৰিয়া ক্ষেত্ৰত আনন্দৰ লহৰ তোলা সদ্য সমাপ্ত আইপিএলত ৰিয়ান পৰাগে ৰাজস্থান ৰয়েলছৰ হৈ যি অনবদ্য আগবঢ়ালে তাকে লৈ গভীৰ আশাৰে বাট চাই আছিল ভাৰতীয় দলত নাম অন্তৰ্ভুক্ত হ’ব বুলি । এইখিনিতে উল্লেখ কৰা প্ৰয়োজন যে আই পি এলত খেলিব সুবিধা পোৱা আন এগৰাকী অসম সন্তান আবু নেছিম ।
সেই অনুসৰি আইপিএলত খেলিবলৈ পোৱা দ্বিতীয় গৰাকী খেলুৱৈ ৰিয়ান পৰাগে যি খেল দেখুৱাইছিল তাৰ পিছতে ক্ৰিকেট বিশেষজ্ঞ সকলে দৃষ্টি নিবন্ধ ৰাখিছিল। এক সপোন বাস্তবায়িত কৰা ক্ৰিকেটত নাম অন্তৰ্ভুক্ত হোৱা খেলুৱৈ ৰিয়ান পৰাগ অসম ৰাজ্যৰ পৰা প্ৰতিনিধিত্ব কৰিছিল পৰম্পৰাগতভাৱে ক্ৰিকেট প্ৰতিভাৰ শক্তিক্ষেত্ৰ নহয় । কিন্তু ৰিয়ানে বহু বছৰ ধৰি তেওঁৰ ৰাজ্যক প্ৰতিনিধিত্ব কৰি আহিছে আৰু বহু দশকত ৰাজ্যখনৰ পৰা ওলাই অহা ক্ৰিকেটৰ অন্যতম উজ্জ্বল সম্ভাৱনা হৈ উঠিছিল সোঁহতীয়া বেটছমেন ৰিয়ানে ।
তেওঁ ২০১৭-১৮ বৰ্ষৰ ৰঞ্জী ট্ৰফী ছিজনত অসমৰ হৈ প্ৰথম শ্ৰেণীত আত্মপ্ৰকাশ কৰিছিল; ইয়াৰ আগতে তেওঁক ২০১৬-১৭ আন্তঃৰাজ্যিক টুৱেণ্টি-২০ টুৰ্ণামেণ্টৰ বাবে বাছনি কৰা হৈছিল আৰু ২০১৭ চনৰ এচিচি অনুৰ্ধ-১৯ এছিয়া কাপত ভাৰতক প্ৰতিনিধিত্ব কৰিছিল। ইফালে নাম অন্তৰ্ভুক্ত হোৱা ক্ৰিকেটৰ দলটোত থাকিব – শুভম গীল(অধিনায়ক),যশভী জয়ছোৱাল,ৰুটুৰাজ গেকট,অভিশেক শৰ্মা, ৰিংকু সিং,সঞ্জু চেমচন(উইকেট কিপাৰ),ধ্ৰুৱ জুৰেল (উইকেট কিপাৰ),নীতিশ ৰেড্ডী,ৰিয়ান পৰাগ, ৱাছিংটন সুন্দৰ,ৰবি বিষ্ণনৈ,আভাষ খান,খলিল আহমেদ,মুকেশ কুমাৰকে ধৰি তুষাৰ দেশ পাণ্ডে ।
আনন্দৰ ভাষাৰে প্ৰকাশ কৰিব নোৱাৰা ভাৰতীয় ক্ৰিকেট দলত নাম অন্তৰ্ভুক্ত হোৱা ৰিয়ান পৰাগ আন্তৰ্জাতিক পৰ্যায়তো জিলিকি উঠক তাকে অসমবাসীয়ে কামনা কৰিছে ।
প্ৰসঙ্গ ONGC, অহা জুলাই মাহৰ ৩০ তাৰিখৰ ভিতৰত নিবিদা গ্ৰহণ কৰি লতাৰি যোগেৰে লঘূ যান বাহন কৰিব প্ৰদান | শিৱসাগৰ জিলাৰ প্ৰাচীন কৃতি চিহ্ন সমূহৰ উন্নয়নৰ বাবে প্ৰতি বছৰে দিব তিনি কোটি | ONGCৰ কোনো কাৰ্যালয় বাহিৰলৈ স্থানান্তৰ কৰা নহয় | ৰেচন কাৰ্ড থকা সকলোৱে শিৱসাগৰ চুকাফা হস্পিটেলত পাব ফ্ৰি ট্ৰিতমেন্ত |
অইল ফিল্ড অঞ্চলৰ সকলো সামাজিক অনুষ্ঠান, জাতীয় সংস্কৃতিৰ প্ৰতি হব দায়বদ্ধ | খালি হৈ থকাৰ পদ সমূহৰ পূৰণৰ ক্ষেত্ৰত অহা এক মাহৰ ভিতৰত CMD পৰ্য্যায়ত সভা অনুষ্ঠিত কৰি লব সিদ্ধান্ত | সকলো ঠিকাৰ ক্ষেত্ৰত সকলোঁ নিবনুৱাৰ স্বাৰ্থ সুৰক্ষিত হোৱাকৈ উক্ত সভাত লোৱা হব সিদ্ধান্ত | ONGC বন্ধ কাৰ্য্যসূচী এক মাহৰ বাবে সাময়িক ভাৱে স্থগিত ৰখাৰ সিদ্ধান্ত শিৱসাগৰ জিলাৰ ১৫ টা জাতীয় জনগোষ্ঠীয় সংগঠনৰ |
